ܚܲܕܼܒ̇ܫܲܒܵܐ ܕܲܬܼܠܵܬܼܵܐ ܕܲܩܝܵܡܬܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܕܩܲܢܟܹ̇ܐ؛ ܒܠܵܟܼܘܼ ܩܵܪܹܝ̇ܢܲܢ. ܐܹܒܲܪܸܟܼ ܠܡܵܪܝܵܐ ܒܟܼܠܙܒܲܢ. ܘܲܒܼܟܼܠܙܒܲܢ ܬܸܫ̈ܒ̇ܚܵܬܹܗ ܒܦܘܼܡܝ. ܒܪܝܼܟ̣ܘܼ ܕܒܲܩܝܵܡܬܹ̇ܗ ܐܲܩ̣ܢܝܼ ܠܘܼܒܵܒܼܵܐ ܠܓܸܢܣܵܐ ܕܡܵܝܘܿܬܹ̈ܐ؛ ܬܢܝܼ. ܫܲܒܲܚ. ܫܘܼܒ̣ܚܵܐ ܘܬܼܵܘܕܝܼܬܼܵܐ ܢܲܣܸܩ ܠܹܗ ܠܲܒ̣ܪܵܐ ܕܦܲܪܩܲܢ ܒܲܨܠܝܼܒܹܗ.
ܩܸܪܝܵܢܵܐ؛ ܐܹܫܲܥܝܵܐ؛ ܢܘ؛ 1‐8 ܚܲܒ̣ܪܹܗ؛ ܦܪܲܟ̇ܣܝܼܣ؛ ܗ؛ 34‐ܫܘܼܠܵܡܵܐ
ܫܘܼܪܵܝܵܐ؛ ܠܲܝܬ̇ ܐܲܟܼܘܵܬܼܵܟܼ ܡܵܪܝܵܐ ܐܲܠܵܗܝ ܘܠܲܝܬ̇ ܐܲܝܟܼ ܥܒ̣ܵܕܲܝ̈ܟ* ܟܠܗܘܿܢ ܥܲܡܡܹ̈ܐ ܕܲܥ̣ܒܲܕ̇ܬ̇* ܢܹܐܬ̣ܘܿܢ ܘܢܸܣܓ̇ܕܼܘܼܢ ܠܵܟܼ ܡܵܪܝܵܐ* ܘܲܢܫܲܒܚܘܼܢ ܠܲܫܡܵܟܼ ܡܸܛܠ ܕܪܲܒ̇ ܐܲܢ݇ܬ̇*
ܫܠܝܼܚܵܐ؛ ܐܵܦܸܣܵܝܹ̈ܐ؛ ܐ؛ 1‐15.
ܙܘܼܡܵܪܵܐ܀ ܒܲܨܠܝܼܒܼܵܟܼ܀ ܐܵܘܕܸ̇ܐ ܠܵܟܼ ܕܲܥ̣ܢܲܝܬܵܢܝ ܘܲܗܸܘܲܝܬ̇ ܠܝܼ ܦܵܪܘܿܩܵܐ. ܟܹܐܦܵܐ ܕܐܲܣ̣ܠܝܼܘ ܒܲܢܵܝܹ̈ܐ. ܗܝܸ ܗܘܸܵܬ̣ ܠܪܹܫܹܗ ܕܒܸܢܝܵܢܵܐ. ܓ܀ ܗܵܢܵܘ ܝܵܘܡܵܐ ܕܲܥ̣ܒܲܕܼ ܡܵܪܝܵܐ. ܬܵܘ ܢܕܼܘܼܨ ܘܢܸܚܕܸ̇ܐ ܒܹܗ. ܐܘܿ ܡܵܪܝܵܐ ܦܪܘܿܩܲܝܢܝ ܐܘܿ ܡܵܪܝܵܐ ܦܲܨܵܢܝ. ܒܪܝܼܟܼܘܼ ܕܐܵܬܹ̇ܐ ܒܼܲܫܡܹܗ ܕܡܵܪܝܵܐ. ܕ܀
ܐܹܘܲܢܓܲܠܝܼܘܿܢ؛ ܝܘܿܚܲܢܵܢ؛ ܝܕ؛ 1‐15
ܕܐ݇ܪ̈ܵܙܹܐ. ܒܩܵܠ؛ ܡܫܝܼܚܵܐ ܐܸܬܼܝܼܠܸܕܼ.
ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ؛ ܕܲܢܚܵܘܸܐ ܓܲܢ݇ܒܵܪܘܼܬܹܗ. ܕܨܘܼܪܬܵܐ. ܕܲܡܫܝܼܚܵܐ ܡ̣ܝܼܬܼ ܥܲܠ ܐܲܦܲܝ̈ ܚܛܵܗܲܝ̈ܢ ܐܲܝܟܲܢܵܐ ܕܲܟܼܬܼܝܼܒܼ. ܚܢܲܢ ܕܹܝܢ ܡܲܟܼܪܙܝܼܢܲܢ ܡܫܝܼܚܵܐ ܟܲܕܼ ܙܩܝܼܦ. ܡܫܝܼܚܵܐ ܐܸܨܛܠܸܒ̣ ܘܡ̣ܝܼܬܼ ܘܐܸܬܼܩ̄ܒܲܪ. ܘܩ̣ܵܡ ܘܐܸܬܼܢܲܚܲܡ ܡܲܠܟܵܐ ܪܲܒܵܐ ܕܬܸܫܒ̇ܘܿܚܬܵܐ. ܘܲܣ̣ܠܸܩ ܠܲܫܡܲܝܵܐ ܘܐܲܡ̣ܠܸܟܼ ܠܥܸܠ ܡ̣ܢ ܟܠ. ܘܲܥܬܼܝܼܕܼ ܕܢܹܐܬܸܐ ܕܲܢܕܘܼܢ ܠܚܲܝܹ̈ܐ ܐܵܦ ܠܡܝܼܬܹ̈ܐ؛ ܬܢܝܼ؛ ܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܡܸܢܹܗ ܘܠܹܗ. ܐܲܝܠܹܝܢ ܕܦܲܓ̣ܪܵܟܼ ܫܵܩ̇ܠܝܼܢ ܘܒܲܕܼܡܵܟܼ ܚܵܐܹ̇ܝܢ. ܥܲܡ ܡܲܠܲܐܟܹ̈ܐ ܕܒܲܫܡܲܝܵܐ ܠܵܟܼ ܣܵܓ̣ܕ̇ܝܼܢ ܟܲܕܼ ܐܵܡ̇ܪܝܼܢ. ܩܲܕ̇ܝܼܫ ܩܲܕ̇ܝܼܫ ܩܲܕ̇ܝܼܫܲܬ̇ ܡܵܪܝܵܐ. ܒܵܬܹ̈ܐ؛ ܡܲܠܟܹ̈ܐ ܕܬܲܪܫܝܼܫ ܘܲܕܼܓܼܵܙܪ̈ܵܬܼܵܐ ܠܵܟܼ ܣܵܓ̣ܕ̇ܝܼܢ. ܘܩܘܼܪ̈ܒܵܢܹܐ ܢܲܝܬ̇ܘܿܢ ܠܵܟܼ ܟܲܕܼ ܐܵܡ̇ܪܝܼܢ. ܩܲܕ̇ܝܼܫ ܩܲܕ̇ܝܼܫ ܩܲܕ̇ܝܼܫܲܬ̇ ܡܵܪܝܵܐ.
♱♱♱♱♱♱♱♱♱