ܚܲܕܼܒ̇ܫܲܒܵܐ ܕܲܬܼܠܵܬܼܵܐ ܕܩܲܝܛܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ. ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ؛ ܒܠܵܟܼܘܼ ܩܵܪܹܝ̇ܢܲܢ.
ܕܲܒܲܚܘ ܠܹܗ ܕܸܒܼܚܹ̈ܐ ܕܫܘܼܒ̣ܚܵܐ؛ ܠܵܟܼ ܐܹܕܲܒܲܚ ܕܸܒ̣ܚܹ̈ܐ ܕܫܘܼܒ̣ܚܵܐ.ܠܵܟܼ ܕܸܒ̣ܚܵܐ ܚܲܝܵܐ ܘܠܲܚܡܵܐ ܫܡܲܝܵܢܵܐ ܢܵܘܕܸ̇ܐ ܒܟܼܠܥܸܕܵܢ؛ ܬܢܝܼ؛ ܘܫܲܒܲܚ. ܒܵܗ̇.
ܩܸܪܝܵܢܵܐ؛ ܬܸܢܝܵܢ ܢܵܡܘܿܣܵܐ؛ ܗ؛ 1‐17 ܚܲܒ̣ܪܹܗ؛ ܐܹܫܲܥܝܵܐ؛ ܗ؛ 1‐8
ܫܘܼܪܵܝܵܐ. ܛ܀ ܗܓܲܡ̣ܬ̇ ܣܝܵܓ̣ܵܘ̈ܗܝ ܘܣܲܚܸܦ̣ܬܿ ܚܸܣܢܵܘ̈ܗܝ* ܘܕܼܵܫܘܼܗܝ ܟܠ ܥܵܒ̣ܪ̈ܲܝ ܐܘܼܪܚܵܐ* ܘܲܗܘܸܵܐ ܚܸܣܕܵܐ ܠܲܫܒ̣ܵܒܼܵܘ̈ܗܝ* ܘܐܲܪܝܼܡ̣ܬ̇ ܝܲܡܝܼܢܵܐ ܕܲܒ̣ܥܸܠܕܒ̣ܵܒ̣ܵܘ̈ܗܝ* ܘܚܲܕ̇ܝܼܬ̇ ܠܟ̣ܠܗܘܿܢ ܣܵܢܐܵܘ̈ܗܝ* ܘܐܲܗ̣ܦܸܟܼܬ̇ ܥܘܼܕܼܪܵܢܵܐ ܕܣܲܦ̮ܣܹܪܹܗ* ܘܠܵܐ ܣܲܝܲܥ̣ܬܵܝܗܝ ܒܲܩܪܵܒ̣ܵܐ* ܒܲܛܸܠ̣ܬܿ ܡܙܲܟ̇ܝܵܢܵܘ̈ܗܝ* ܘܟܼܘܼܪܣܝܹܗ ܠܐܲܪܥܵܐ ܣ̣ܚܲܦܬ̇*
ܫܠܝܼܚܵܐ؛ ܒ؛ ܩܘܿܪ̈ܲܢܬܼܵܝܹܐ؛ ܙ؛ 1‐12
ܙܘܼܡܵܪܵܐ؛ ܒܲܠܥܵܠܲܡ. ܐܲܢ݇ܬ̇ܘܼ. ܐܲܝܟܼ ܐܲܝܠܵܐ ܕܓܼܵܥܹ̇ܐ ܥܲܠ ܦܨܝܼܕܼܵܐ ܕܡܲܝ̈ܵܐ. ܗܵܟܲܢ ܐܵܦ ܢܲܦ̮ܫܝ ܓܵܥ̇ܝܵܐ ܠܘܵܬܼܵܟܼ ܡܵܪܝܵܐ. ܒ܀ ܨܲܗܝܵܐ ܗ݇ܝܼ ܠܵܟܼ ܢܲܦ̮ܫܝ ܐܲܠܵܗܵܐ ܚܲܝܵܐ. ܕܐܸܡܲܬܼܝ ܐܹܬܸܐ ܘܐܸܚܙܸܐ ܐܲܦܲܝ̈ܟ. ܒ܀
ܐܹܘܲܢܓܲܠܝܼܘܿܢ؛ ܝܘܿܚܲܢܵܢ؛ ܛ؛ 1‐39
ܕܐܹܘܲܢܓܲܠܝܼܘܿܢ؛ ܒܩܵܠܵܐ ܪܲܒܵܐ. ܡܵܪܝܵܐ ܩܕܼܵܡܲܝܟ ܗ݇ܝܼ ܟܠܵܗ̇ ܪܸܓܲܬܼܝ؛ ܢܘܼܗܪܵܐ ܕܥܲܝܢܲܝ̈ ܠܵܐ ܗ݇ܘ̣ܵܐ ܠܘܵܬܼܝ. ܕܨܘܼܪܬܵܐ. ܒܪܹܗ ܕܕܼܵܘܝܼܕܼ ܐܸܬܼܪܲܚܲܡܥܠܲܝ. ܩܕܼܵܡܲܝܟ ܩܵܥܹ̇ܐ ܗ݇ܘ̣ܵܐ ܣܲܡܝܵܐ ܦܵܪܘܿܩܲܢ. ܘܲܒܼܩܵܠܹܗ ܚܢܝܼܓܼܵܐ ܬܘܼܩܠܵܬܹ̈ܗ ܩܕܼܵܡܲܝܟ ܣܵܕܲܪ ܗ݇ܘ̣ܵܐ. ܘܡ̣ܢ ܡܲܒ̇ܘܼܥܵܐ ܕܪ̈ܲܚܡܲܝܟ ܢܘܼܗܪܵܐ ܠܥܲܝܢܵܘ̈ܗܝ ܫܵܐܹ̇ܠ ܗ݇ܘ̣ܵܐ. ܒܕܲܡܦܵܣ ܗ݇ܘ̣ܵܐ ܕܐ݇ܢܬ̇ܘܼ ܒܲܠܚܘܿܕܲܝܟܼ ܢܘܼܗܪܵܐ ܫܲܪܝܼܪܵܐ. ܘܲܬܼܟܼܝܼܠ ܗ݇ܘ̣ܵܐ ܕܲܒܼܛܝܼܠ ܗ݇ܘ̣ܵܐ ܠܵܟܼ ܥܲܠ ܡܡܲܚܲܝ̈ܵܐ. ܘܟܲܕܼ ܟܸܢܫܹ̈ܐ ܚܵܒܼܨ̇ܝܼܢ ܗ݇ܘ̣ܵܘ ܠܵܟܼ. ܕܢܸܣܒܼܘܼܢ ܡܸܢܵܟܼ ܥܘܼܕܼܪ̈ܵܢܹܐ. ܗܸܘ ܒܩܵܠܹܗ ܡܲܙܥܸܩ ܗ݇ܘ̣ܵܐ ܠܵܟܼ. ܘܲܒܼܕܸܡܥܵܘ̈ܗܝ ܡܸܬܼܟܲܫܲܦ ܗ݇ܘ̣ܵܐ ܟܲܕܼ ܐܵܡܲܪ. ܕܬܲܢܗܲܪ ܠܚܸܫܘܿܟܼܘܼܬܹܗ ܕܥܵܠܡܵܐ ܐܸܬܲܝܬ̇. ܘܡܸܛܠ ܪ̈ܲܚܡܲܝܟ ܣܲܓܿܝܼ̈ܐܸܐ. ܕܲܡܬܼܘܿܡܵܐܝܼܬܼ ܐܝܼܬܲܝܗܘܿܢ ܠܵܟܼ. ܡܸܬܼܟܲܫܲܦ ܐ݇ܢܵܐ ܠܵܟܼ. ܕܬܲܢܗܲܪ ܠܝܼ ܥܲܝܢܲܝ̈ ܕܐܸܚܙܸܐ ܬܸܕܼܡܪ̈ܵܬܼܵܐ. ܕܣܵܥܲܪ ܐܲܢ݇ܬ̇ ܒܲܒܼܢܲܝ̈ܢܵܫܵܐ. ܒܲܪ ܕܵܘܝܼܕܼ ܐܸܬܼܪܲܚܲܡ ܥܠܲܝ؛ ܬܢܝܼ؛ ܫܲܒܲܚ. ܠܵܟܼ ܡܵܪܝ ܕܐܝܼܬܲܝܟܼ ܐܘܼܪܚܵܐ ܕܚܲܝܹ̈ܐ. ܩ̣ܪܸܒܼ ܗ݇ܘ̣ܵܐ ܣܲܡܝܵܐ ܕܡ̣ܢ ܟܪܸܣ ܐܸܡܹܗ ܟܲܕܼ ܐܵܡܲܪ. ܝܑܼܫܘܿܥ ܒܪܹܗ ܕܕܼܵܘܝܼܕܼ ܐܸܬܼܪܲܚܲܡ ܥܠܲܝ. ܘܲܒܼܦܘܼܩܕܵܢܵܐ ܕܐܲܠܵܗܘܼܬܼܵܟܼ ܐܲܢܗܲܪ ܥܲܝܢܲܝ̈. ܫܪܵܓܼܵܐ ܓܹܝܪ ܐܝܼܬܼܵܘܗܝ ܢܘܼܗܪܹܗ ܕܦܲܓ̣ܪܝ. ܗܵܐ ܕܥܸܟܼ ܘܐܵܘܦ̣ܝܼ. ܐܝܼܡܵܡܵܐ ܘܠܸܠܝܵܐ ܫܘܹܝܢ ܠܝܼ ܘܠܵܐ ܚܵܙܹ̇ܐ ܐ݇ܢܵܐ. ܘܥܲܠܗܵܕܼ ܡܸܬܼܟܲܫܲܦ ܐ݇ܢܵܐ ܠܵܟܼ. ܕܬܲܢܗܲܪ ܦܲܪܨܘܿܦܝ ܦܵܪܘܿܩܝ ܘܪܲܚܸܡ ܥܠܲܝ.
ܕܐ݇ܪ̈ܵܙܹܐ. ܒܬܲܠܡܝܼܕܼܵܘ̈ܗܝ ܕܲܡܫܝܼܚܵܐ. ܕܐܲܢ݇ܬ̇ܘܼ ܟܘܼܡܪܵܐ ܠܥܵܠܲܡ؛ ܘܲܡܚܲܣܸܐ ܥܲܠ ܐܲܪܥܹܗ ܘܥܲܠ ܥܲܡܹܗ. ܕܨܘܼܪܬܵܐ. ܕܐܲܝܟܼ ܗܵܢܵܐ ܓܹܝܪ ܟܘܼܡܪܵܐ ܐܵܦ ܙܵܕܹܩ̇ ܗ݇ܘ̣ܵܐ ܠܲܢ. ܗܵܘ ܕܐܲܚ̣ܒܲܢ ܘܝܲܗ̣݇ܒ̣ ܢܲܦ̮ܫܹܗ ܚܠܵܦܲܝܢ. ܪܲܒ ܟܘܼܡܪܹ̈ܐ ܕܬܼܵܘܕ̇ܝܼܬܲܢ ܘܲܡܚܲܣܝܵܢܲܢ. ܡܫܝܼܚܵܐ ܕܲܗܘܸܵܐ ܚܠܵܦܲܝܢ ܕܸܒ̣ܚܵܐ ܡܩܲܒ̇ܠܵܐ ܕܠܵܐ ܡܘܼܡܵܐ. ܡܸܢܵܟܼ ܫܵܐ̇ܠܝܼܢܲܢ ܫܘܼܒ̣ܩܵܢ ܚܵܘ̈ܒܹ̇ܐ. ܡܵܐ ܕܬܼܵܩܸ̇ܢ ܟܘܼܪܣܲܝ ܕܝܼܢܵܐ. ܡܦܵܣܲܬ̇ ܓܹܝܪ ܒܚܲܫܵܘ̈ܗܝ ܕܲܟܼܝܵܢܲܢ. ܕܒܹܗ ܚܲܫ̣ܬ̇ ܘܐܸܬܼܢܲܣܝܼܬ̇ ܡܸܛܠ ܦܘܼܪܩܵܢܲܢ؛ ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ ܥܘܼܢܵܝܵܐ. ܡܸܢܹܗ ܘܠܹܗ. ܡܫܝܼܚܵܐ ܦܵܪܘܿܩܲܢ ܝܲܗ̣݇ܒܼ ܠܲܢ ܡܵܘܗܲܒܼܬܼܵܐ. ܣܝܼܡܬܼܵܐ ܗܵܕܹܐ ܡܲܚܝܵܢܝܼܬܼܵܐ ܕܦܲܓ̣ܪܹܗ ܘܲܕܼܡܹܗ. ܒܕܸܚܠܵܐ ܘܲܒܼܗܲܝܡܵܢܘܼܬܼܵܐ ܢܸܬܼܩܲܪܲܒܼ ܠܹܗ. ܗܸܘ ܓܹܝܪ ܐܝܼܬܼܵܘܗܝ ܟܵܗܢܵܐ ܘܟܼܘܼܡܪܵܐ. ܘܗܸܘܝܘܼ ܕܲܡܩܲܪܸܒܼ ܐܵܦ ܕܲܡܩܲܕܸ̇ܫ. ܚܲܝ̈ܠܵܘܵܬܼܵܐ ܕܡܲܠܲܐܟܹ̈ܐ ܕܲܡܗܲܠܠܝܼܢ. ܘܲܟܼܪ̈ܘܿܒܹܐ ܐܵܦ ܣܪ̈ܵܦܹܐ ܕܲܡܩܲܕ̇ܫܝܼܢ܀ ܘܲܕܼܠܵܐ ܫܲܠܘܵܐ ܒܐܵܘܝܘܼܬܼܵܐ ܒܩܵܠܲܝ̈ܗܘܿܢ ܡܗܲܠܠܝܼܢ ܟܲܕܼ ܐܵܡ̇ܪܝܼܢ. ܗܲܠܸܠܘܼܝܲܗ܀
ܒܵܬܹ̈ܐ؛ ܟܪ̈ܘܿܒܹܐ ܛܥܝܼܢܝܼܢ ܡܲܪܟܲܒܼܬܹܗ. ܣܪ̈ܵܦܹܐ ܡܩܲܕ̇ܫܝܼܢ ܠܐܝܼܩܵܪܹܗ܀ ܘܲܕܼܠܵܐ ܫܲܠܘܵܐ ܒܐܵܘܝܘܼܬܼܵܐ...܀
♱♱♱♱♱♱♱♱♱♱♱
The Assyrian Church
of the East did not yet sanction this document.
Please email any errors/corrections you may find to Fr. Lawrance Namato via Lnamato@gmail.com
1: This Document is typed using EastAssyrian Font. 3: Install the downloaded font. 4: Copy any part of this page and Paste into Microsoft Word, then change the font to EastAssyrian or to your favorite Assyrian font.
Qasha Lawrance Namato |