ܚܲܕܼܒ̇ܫܲܒܵܐ ܕܐܲܪܒܥܵܐ ܕܲܫܠܝܼܚܹ̈ܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ؛ ܒܒܲܠܡܹܐܢܹܗ. ܘܲܢܫܲܒܚܘܼܢ ܠܲܫܡܵܟܼ ܠܥܵܠܡܝܼܢ؛ ܢܫܲܒܚܘܼܢܵܟܼ ܠܥܵܠܲܡ. ܠܵܟܼ ܫܘܼܒܼܚܵܐ ܕܲܒܼܡܵܘܬܵܟܼ ܝܲܗ̣݇ܒܼܬ̇ ܠܲܢ ܦܲܓܼܪܵܟܼ ܘܲܕܼܡܵܟܼ. ܘܲܥ̣ܒܲܕܼ̇ܬܿ ܠܲܢ ܣܲܒܼܪܵܐ ܘܦܘܼܪܩܵܢܵܐ ܒܡܹܐܬܼܝܼܬܼܵܟܼ ܕܲܠܘܵܬܼ ܓܸܢܣܲܢ؛ ܬܢܝܼ؛ ܫܲܒܲܚ. ܫܒܼܝܼܚ ܡ̣ܢ ܟܠ ܘܪܵܡ ܡ̣ܢ ܟܠ ܘܲܡܥܲܠܲܝ ܡ̣ܢ ܟܠܵܐ. ܢܲܛܲܪ ܠܥܹܕ̇ܬܵܟܼ ܒܲܚܢܵܢܵܟܼ ܘܲܠܝܲܠܕܹܝ̈ܗ̇ ܦܪܘܿܩ ܒܲܨܠܝܼܒܼܵܟܼ܀
ܩܸܪܝܵܢܵܐ؛ ܬܸܢܝܵܢ ܢܵܡܘܿܣܵܐ؛ ܐ؛ 16‐34 ܚܲܒܼܪܹܗ؛ ܐܹܫܲܥܝܵܐ؛ ܐ؛ 10‐21
ܫܘܼܪܵܝܵܐ؛ ܘ܀ ܕܲܒܲܪ ܐܸܢܘܿܢ ܒܐܝܼܡܵܡܵܐ ܒܲܥܢܵܢܵܐ* ܘܟܼܠܹܗ ܠܸܠܝܵܐ ܒܙܲܗܪܵܐ ܕܢܘܼܪܵܐ* ܬܪܲܥ̣ ܛܲܪܵܢܵܐ ܒܡܲܕܼܒܿܪܵܐ* ܘܐܲܫ̣ܩܝܼ ܐܸܢܘܿܢ ܐܲܝܟܼ ܕܡ̣ܢ ܬܗܘܿܡܵܐ ܪܲܒܵܐ* ܐܲܦܸܩ̣ ܪ̈ܵܕܲܝܵܐ ܡ̣ܢ ܟܹܐܦܵܐ* ܘܲܪܕܼܵܘ ܡܲܝ̈ܵܐ ܐܲܝܟܼ ܢܲܗܪ̈ܵܘܵܬܼܵܐ*
ܫܠܝܼܚܵܐ؛ ܐ؛ܩܘܿܪ̈ܲܢܬܼܵܝܹܐ؛ ܛ؛ 13‐ܫܘܼܠܵܡܵܐ.
ܙܘܼܡܵܪܵܐ. ܒܲܨܠܝܼܒܼܵܟܼ ܐܲܡ̣ܠܸܟܼ. ܫܠܝܼܚܹ̈ܐ ܪ̈ܵܚܡܵܘܗܝ ܕܲܡܫܝܼܚܵܐ. ܟܵܪ̈ܘܿܙܵܘܗܝ ܕܝܼܫܘܿܥ ܦܵܪܘܿܩܲܢ. ܠܲܨܠܝܼܒܼܵܐ ܥܲܠ ܐܝܼܕܲܝ̈ܗܘܿܢ. ܒܲܕܼܡܘܼܬܼ ܩܸܩܢܵܐ ܛܥܝܼܢܝܼܢ ܗ݇ܘ̣ܵܘ. ܕ܀ ܘܠܲܐܪܥܵܐ ܬܘܼܒܼ ܐܲܒܝܼܕܼܵܐ ܗ݇ܘ̣ܵܬܼ. ܒܝܲܕܼ ܛܲܥܝܘܼܬܼܵܐ ܕܲܦܬܲܟܼܪܹ̈ܐ. ܥܲܕܼܘ ܘܦܲܠܚ̣ܘܼܗ̇ ܒܗܲܝܡܵܢܘܼܬܼܵܐ. ܘܲܙܪܲܥ̣ܘ ܒܵܗ̇ ܡܸܠܲܬܼ ܚܲܝܹ̈ܐ. ܟܠܲܢ ܢܝܲܩܲܪ ܐܸܢܘܿܢ. ܗ܀
ܐܹܘܲܢܓܲܠܝܼܘܿܢ؛ ܠܘܼܩܵܐ؛ ܘ؛ 12‐47
ܕܐܹܘܲܢܓܲܠܝܼܘܿܢ؛ ܒܙܲܝܢܵܐ ܕܪܘܼܚܵܐ. ܛܘܼܒܼܵܘܗܝ ܠܡܲܢ ܕܨܵܒܹ̇ܐ ܐܲܢ݇ܬ̇ ܒܹܗ. ܕܨܘܼܪܬܵܐ. ܛܘܼܒܼܵܘܗܝ ܠܒܲܪܢܵܫܵܐ ܕܒܹܗ ܡܸܬܼܒܲܣܲܡ. ܛܘܼܒܼܵܘܗܝ ܠܐܲܝܢܵܐ ܕܐܸܬܼܒܲܣܲܡ. ܒܡܲܠܟ̇ܘܼܬܼܵܐ ܫܡܲܝܵܢܝܼܬܼܵܐ. ܕܲܪܓܼܝܼܓܼܵܐ؛ ܘܲܫܒܼܝܼܚܵܐ ܘܡܲܦ̱ܪܓܼܵܐ. ܘܠܲܝܬ̇ ܒܲܒܼܪܝܼܬܼܵܐ ܕܕܼܵܡܹ̇ܐ ܠܵܗ̇܀ ܘܵܝ ܕܠܵܐ ܦܸܠܚܹ̇ܬܼ. ܕܐܸܬܼܒܲܣܲܡ ܒܹܗ ܒܗܵܘ̇ ܥܘܼܡܪܵܐ. ܐܲܝܟܵܐ ܕܟܼܠܗܘܿܢ ܩܲܕܝܼܫܲܝ̈ܟ. ܡܩܲܒ̇ܠܝܼܢ ܘܢܵܣܒ̇ܝܼܢ ܦܘܼܪܥܵܢܵܐ. ܕܐܸܬ̇ܛܲܪܲܦܘ ܘܲܠ̣ܐܝܼܘ ܗܵܪܟܵܐ܀ ܘܐܸܢܵܐ ܡܩܲܒܸ̇ܠ ܐ݇ܢܵܐ ܦܘܼܪܥܵܢܵܐ. ܕܙܵܕܹ̇ܩ ܠܵܗ̇ ܠܡܲܪܝܼܪܘܼܬܼܝ. ܘܲܦܐܹܐ ܠܲܚܛܵܗܹ̈ܐ ܕܣܸܥ̇ܪܹܬܼ܀ ܐܲܠܵܗܝ ܪ̈ܲܚܡܲܝܟ ܢܦܝܼܣܘܼܢ ܥܲܠ ܚܵܘ̈ܒܲܝ. ܘܫܵܘܙܸܒܼ ܚܲܝܲܝ̈ ܡ̣ܢ ܚܒܼܵܠܵܐ ܘܪܲܚܸܡ ܥܠܲܝ. ܬܢܝܼ؛ ܫܲܒܲܚ. ܒܲܟܼܪܝܼܗ ܐ݇ܢܵܐ ܒܲܚܛܵܗܲܝ̈. ܛܘܼܒܼܵܘܗܝ ܠܐܲܝܢܵܐ ܕܕܼܵܢ ܢܲܦ̮ܫܹܗ ܘܕܼܵܢ ܠܲܩܢܘܿܡܹܗ ܘܠܵܐ ܕܵܢ ܠܲܐ݇ܚܪ̈ܵܢܹܐ. ܘܐܲܫ̣ܝܼܓܼ ܐܝܼܕܼܵܘ̈ܗܝ ܕܲܟܼܝܵܐܝܼܬܼ ܘܠܵܐ ܥ̣ܒܲܕܼ ܥܵܘ̣ܠܵܐ. ܘܥܲܠ̣ ܘܲܣ̣ܓܸܕܼ ܠܹܗ ܠܲܡܫܝܼܚܵܐ. ܒܗܲܝܟܲܠ ܩܘܼܕܼܫܵܐ ܟܲܕܼ ܓܲܠ̈ܝܵܢ ܐܲܦܵܘ̈ܗܝ.
ܕܐ݇ܪ̈ܵܙܹܐ؛ ܒܐܲܝܠܹܝܢ ܕܐܸܬ̇ܬ̇ܚܸܕܼܘ. ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ؛ ܐܲܢ݇ܬ̇ܘܼ ܦܪܲܩ̣ܬܵܢ ܡ̣ܢ ܣܲܢܐܲܝ̈ܢ. ܕܨܘܼܪܬܵܐ. ܡܲܢ ܠܵܐ ܢܸܕܼܚܲܠ ܠܵܟܼ ܡܲܠܟܵܐ ܕܥܵܠܡܹ̈ܐ. ܡܲܠܟ̇ܘܼܬܹܗ ܡܲܠܟ̇ܘܼܬܼ ܥܵܠܲܡ ܘܫܘܼܠܛܵܢܹܗ ܠܕܼܵܪܕܼܵܪ̈ܝܼܢ. ܡܲܠܟܵܐ ܡܫܝܼܚܵܐ ܐܲܢ݇ܬ̇ܘܼ ܕܲܠܥܹܕܲܬܼ ܩܘܼܕܼܫܵܐ ܒܲܕܼܡܵܟܼ ܝܲܩܝܼܪܵܐ ܦܪܲܩ̣ܬܵܗ̇ ܡ̣ܢ ܛܘܼܥܝܲܝ. ܗܲܒܼ ܠܲܢ ܒܲܚܢܵܢܵܟܼ ܕܲܒܼܟܼܠܙܒܲܢ ܢܸܫܬ̇ܘܸܐ ܠܡܸܥܒܲܕܼ ܨܸܒܼܝܵܢܵܟܼ. ܘܲܒܼܠܸܒܵܐ ܕܲܟܼܝܵܐ ܙܲܗܝܵܐܝܼܬܼ. ܩܘܼܪܒܵܢܵܐ ܢܩܲܪܸܒܼ ܠܐܲܠܵܗܘܼܬܼܵܟܼ. ܘܥܲܡ ܟܸܢܫܹ̈ܐ ܕܡܲܠܲܐܟܹ̈ܐ. ܢܲܣܸܩ ܠܵܟܼ ܬܸܫܒ̇ܘܿܚܬܵܐ ܒܕܸܚ̱ܠܬܼܵܐ ܟܲܕܼ ܐܵܡ̇ܪܝܼܢܲܢ. ܩܲܕ̇ܝܼܫ ܩܲܕ̇ܝܼܫ ܩܲܕ̇ܝܼܫܲܬ̇ ܡܵܪܝܵܐ ܐܲܠܵܗܵܐ ܦܵܪܘܿܩܲܢ؛ ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܥܲܡ ܐܲܠܦܹ̈ܐ ܕܲܟܼܪ̈ܘܿܒܹܐ ܘܪܸ̈ܒ̇ܘܵܬܼܵܐ ܕܲܣܪ̈ܵܦܹܐ ܬܵܘ ܢܸܙܡܲܪ ܫܲܘܝܵܐܝܼܬܼ. ܟܲܕܼ ܐܵܡ̇ܪܝܼܢܲܢ ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܟܝܵܢܵܐ ܩܲܕ̇ܝܼܫܵܐ. ܥܲܠ ܐܲܦܲܝ̈ ܡܵܘܗܲܒܼܬܼܵܐ ܡܥܲܠܲܝܬܵܐ ܕܝܲܗ̣݇ܒܼܬ̇ ܠܲܢ. ܦܘܼܡܲܢ ܕܲܢܫܲܒ̇ܚܵܟܼ ܠܵܐ ܣܵܦܹ̇ܩ܀ ܗܲܒܼ ܠܲܢ ܡܵܪܝ ܥܲܡ ܥܝܼܪܹ̈ܐ ܢܝܲܒܸ̇ܒܼ ܠܵܟܼ ܘܢܹܐܡܲܪ ܗܲܠܸܠܘܼܝܵܗ ܗܲܠܸܠܘܼܝܵܗ. ܒܵܬܹ̈ܐ؛ ܒܲܠܘܝܼܬܼ ܦܵܘܠܘܿܣ ܡܵܐܢܵܐ ܓܲܒܼܝܵܐ ܪܕܼܵܘ ܩܲܕ̇ܝܼܫܹ̈ܐ. ܘܡܲܢܲܥ̣ܘ ܠܐܲܬܼܪܵܐ ܕܲܡܗܲܠܠܝܼܢ ܒܹܗ ܪܘܼܚܵܢܵܐܝܼܬܼ܀ ܗܲܒܼ ܠܲܢ ܡܵܪܝ...܀
♱♱♱♱♱♱♱♱♱
The Assyrian Church
of the East did not yet sanction this document.
|