ܚܲܕܼܒ̇ܫܲܒܵܐ ܕܐܲܪܒ̇ܥܵܐ ܕܲܩܝܵܡܬܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܕܩܲܢܟܹ̇ܐ؛ ܒܣܵܗܕܹ̈ܐ ܒܪ̈ܝܼܟܹܐ.
ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ. ܢܸܫܡ̱ܥܘܼܢ ܡܸܣܟܹ̇ܢܹ̈ܐ ܘܢܸܚܕ̇ܘܿܢ. ܨܠܝܼܒܹܗ ܕܲܡܫܝܼܚܵܐ ܩܲܛ̣ܠܵܗ̇ ܠܲܚܛܝܼܬܼܵܐ ܕܩܸܛܠܲܬܸ ܠܲܟܼܝܵܢܲܢ. ܘܲܬܼܗܲܪܘ ܟܸܢܫܹ̈ܐ ܕܚܲܙܵܝܹ̈ܐ. ܒܙܵܟ̣ܘܼܬܼܵܐ ܕܲܒ̣ܪܹܫ ܩܲܝܣܵܐ. ܕܲܙܟ̣ܵܐ ܠܲܬܼܪܹܝܢ ܚܲܣܝܼܢܝܼ̈ܢ. ܓܲܒ̣ܪܵܐ ܕܐܸܬ̇ܬ̇ܠܝܼ ܒܲܙܩܝܼܦܵܐ. ܠܣܵܛܵܢܵܐ ܘܡܵܘܬܵܐ ܡܚܲܒ̇ܠܵܢܵܐ؛ ܬܢܝܼ؛ ܫܲܒܲܚ. ܡܫܝܼܚܵܐ ܕܫܲܝܸܢ ܒܲܕܼܡܵܐ ܕܲܩܢܘܿܡܹܗ. ܪܵܘܡܵܐ ܥܲܡ ܥܘܼܡܩܵܐ. ܫܲܝܸܢ ܡܵܪܝ ܟܵܗܢܹ̈ܐ ܘܡܲܠܟܹ̈ܐ. ܘܥܹܕ̇ܬܵܟܼ ܩܲܝܸܡ ܒܲܚܢܵܢܵܟܼ. ܘܚܲܕܼ ܢܝܼܫܵܐ ܕܗܲܝܡܵܢܘܼܬܼܵܐ. ܢܲܡܠܸܟܼ ܒܟܼܠܵܗ̇ ܥܵܡܲܪܬܵܐ. ܒܛܲܝܒ̇ܘܼܬܼܵܐ ܡܵܪܵܐ ܡܪܲܚܡܵܢܵܐ.
ܩܸܪܝܵܢܵܐ؛ ܐܹܫܲܥܝܵܐ؛ ܡܛ؛ 13‐24 ܚܲܒ̣ܪܹܗ؛ ܦܪܲܟ̇ܣܝܼܣ؛ ܚ؛ 14‐26
ܫܘܼܪܵܝܵܐ. ܘ܀ ܫܡܲܥܘ ܗܵܕܹ ܟܠܟܼܘܿܢ ܥܲܡܡܹ̈ܐ* ܘܨܘܼܬܼܘ ܟܠ ܝܵܬ̣ܒܲܝ̈ ܐܲܪܥܵܐ* ܒܢܲܝ̈ ܐܲܪܥܵܐ ܘܲܒ̣ܢܲܝ̈ ܐ݇ܢܵܫܵܐ* ܐܲܟ̣ܚ݇ܕܼܵܐ ܥܲܬ̇ܝܼܪܹ̈ܐ ܘܡܸܣܟܹ̇ܢܹ̈ܐ* ܦܘܼܡܝ ܢܡܲܠܸܠ ܚܸܟܼܡ̱ܬܼܵܐ* ܘܪܸܢܝܹܗ ܕܠܸܒ̇ܝ ܣܘܼܟܵܠܵܐ*
ܫܠܝܼܚܵܐ؛ ܐܲܦܸܣܵܝܹ̈ܐ؛ ܐ؛ 15‐ܒ؛6
ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ܀ ܡܵܪܝܵܐ ܐܲܡ̣ܠܸܟܼ ܬܕܼܘܼܨ ܐܲܪܥܵܐ. ܘܢܸܚ̈ܕ̇ܝܵܢ ܓܵܙܪ̈ܵܬܼܵܐ ܣܲܓܝܼ̈ܐܵܬܼܵܐ. ܒ܀ ܥܢܵܢܹ̈ܐ ܘܥܲܪ̈ܦܸܠܹܐ ܚܕܼܵܪ̈ܵܘܗܝ. ܒܙܲܕ̇ܝܼܩܘܼܬܼܵܐ ܘܲܒܼܕܼܝܼܢܵܐ ܡܲܬ̣ܩܲܢ ܟܘܼܪܣܝܹܗ ܒ܀
ܐܹܘܲܢܓܲܠܝܼܘܿܢ؛ ܝܘܿܚܲܢܵܢ؛ ܝܘ؛ 16‐ܫܘܼܠܵܡܵܐ
ܕܐ݇ܪ̈ܵܙܹܐ؛ ܒܐ݇ܪܵܙܵܐ ܪܲܒܵܐ.
ܐܲܢ݇ܬ̇ܘܼ ܦܪܲܩ̣ܬܵܢ ܡ̣ܢ ܣܵܢܐܲܝ̈ܢ؛ ܘܲܦܪܲܩ̣ܬܵܢ ܡܵܪܝܵܐ ܐܲܠܵܗܵܐ ܕܩܘܼܫܬܵܐ؛ ܕܨܘܼܪܬܵܐ. ܐܲܒ̣ܗܸܬ̣ ܐܸܢܘܿܢ ܓܲܠܝܵܐܝܼܬܼ ܒܲܩܢܘܿܡܹܗ. ܗܵܘ̇ ܕܐܲܚ̣ܒܲܢ ܘܝܲܗ̣݇ܒ̣ ܢܲܦ̮ܫܹܗ ܚܠܵܦܲܝܢ. ܝܼܫܘܿܥ ܡܲܠܟܲܢ ܙܲܟܵܝܵܐ ܕܐܸܬ̣ܵܐ ܘܦܲܪܩܲܢ ܒܲܨܠܝܼܒܹܗ. ܘܒܲܛܸܠ̣ ܫܘܼܠܛܵܢܹܗ ܕܡܵܘܬܵܐ. ܕܐܲܚܝܼܕܼ ܗ݇ܘ̣ܵܐ ܠܲܢ ܒܲܚܛܵܗܲܝ̈ܢ. ܘܲܠܣܵܛܵܢܵܐ ܘܲܠܚܲܝܠܹܗ ܐܲܒ̣ܗܸܬ̣ ܐܸܢܘܿܢ ܓܲܠܝܵܐܝܼܬܼ. ܒܵܥܹܝ̇ܢܲܢ ܡܸܢܵܟܼ ܢܲܛܲܪ ܠܲܢ ܒܲܚܢܵܢܵܟܼ. ܘܐܲܫܘܵܐ ܠܟܼܠܲܢ ܠܡܵܘܗܲܒܼܬܼܵܐ ܕܚܝܼܠܬܵܐ ܕܐ݇ܪ̈ܵܙܲܝܟ ܩܲܕ̇ܝܼܫܹ̈ܐ. ܒܛܲܝܒ̇ܘܼܬܼܵܟܼ ܡܵܪܝ ܝܲܗ̣݇ܒ̣ܬ̇ ܠܲܢ ܡܵܘܗܲܒ̣ܬܼܵܐ. ܠܚܘܼܣܵܝܵܐ ܕܚܵܘܒܲܝ̈ܢ ܘܲܠܦܘܼܪܩܵܢܵܐ ܕܢܲܦ̮̈ܫܵܬܲܢ؛ ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܗܵܐ ܦܲܓ̣ܪܵܐ ܘܲܕܼܡܵܐ ܚܲܝܵܐ. ܕܲܡܫܝܼܚܵܐ ܫܵܒܹ̇ܩ ܚܵܘܒܹ̈ܐ ܩܪܘܿܒ̣ܘ ܥܲܡܡܹ̈ܐ ܣܲܒ̣ܘ ܚܘܼܣܵܝܵܐ. ܡ̣ܢ ܦܵܬ̣ܘܿܪܵܐ ܕܡܲܠܟ̇ܘܼܬܼܵܐ ܗܲܠܸܠܘܼܝܲܗ..
ܒܵܬܹ̈ܐ؛ ܝܘܿܢܵܬܲܢ ܕܲܒܼܪܹܫ ܚܘܼܛܪܹܗ. ܛ̣ܥܸܡ ܕܸܒ̣ܫܵܐ ܘܲܢܗܲܪ̈ ܥܲܝܢܵܘ̈ܗܝ. ܗܵܐ ܚܲܠܝܘܼܬܹܗ ܕܲܨܠܝܼܒ̣ܵܐ. ܐܲܢܗܲܪܘ ܒܵܗ̇ ܪܸ̈ܥܝܵܢܲܝܟ̇ܘܿܢ ܗܲܠܸܠܘܼܝܲܗ.
♱♱♱♱♱♱♱♱♱