ܚܲܕܼܒ̇ܫܲܒܵܐ ܕܐܲܪܒ̇ܥܵܐ ܕܩܲܝܛܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝܵܐ ܡܲܠܟܵܐ.
ܕܩܲܢܟܹ̇ܐ. ܒܒܲܠܡܹܐܢܹܗ. ܕܐܲܢ݇ܬ̇ܘܼ ܟܘܼܡܪܵܐ ܠܥܵܠܲܡ؛ ܒܲܕܼܡܘܼܬܹܗ ܕܡܲܠܟ̇ܝܼܙܕܸ̇ܩ. ܪܲܒ̇ ܟܘܼܡܪܹ̈ܐ ܕܬܼܵܘܕ̇ܝܼܬܲܢ ܝܑܼܫܘܿܥ ܡܲܠܟܵܐ ܪܲܒܵܐ. ܕܲܒܼܝܲܕܼ ܦܲܓ̣ܪܹܗ ܩܲܕ̇ܝܼܫܵܐ ܘܲܕܼܡܹܗ ܚܲܣ̣ܝܼ ܚܵܘ̈ܒܵܬܲܢ؛ ܬܢܝܼ؛ ܫܲܒܲܚ. ܫܒ̣ܝܼܚ ܡ̣ܢ ܟܠ ܘܪܵܡ ܡ̣ܢ ܟܠ ܘܲܡܥܲܠܲܝ ܠܥܸܠ ܡ̣ܢ ܟܠܵܐ. ܢܲܛܲܪ ܥܹܕܿܬܵܟܼ ܒܲܚܢܵܢܵܟܼ ܘܲܠܝܲܠܕܹ̇ܝ̈ܗ̇ ܦܪܘܿܩ ܒܲܨܠܝܼܒܼܵܟܼ.
ܩܸܪܝܵܢܵܐ؛ ܬܸܢܝܵܢ ܢܵܡܘܿܣܵܐ؛ ܗ؛ 16‐ܘ؛ 4 ܚܲܒ̣ܪܹܗ؛ ܐܹܫܲܥܝܵܐ؛ ܛ؛ 8‐ܫܘܼܠܵܡܵܐ
ܫܘܼܪܵܝܵܐ؛ ܡܲܢ̣ܘܼ ܓܲܒ̣ܪܵܐ ܕܕܼܵܚܹ̇ܠ ܡ̣ܢ ܡܵܪܝܵܐ* ܘܢܲܠܦܝܼܘܗܝ ܐܘܼܪܚܵܐ ܕܲܓ̣ܒܼܵܐ* ܘܢܲܦ̮ܫܹܗ ܬܒ̣ܘܼܬܼ ܒܛܲܝܒ̇ܘܼܬܼܵܐ* ܘܙܲܪܥܹܗ ܢܹܐܪܲܬܼ ܐܲܪܥܵܐ* ܬܲܪܥܝܼܬܹܗ ܕܡܵܪܝܵܐ ܥܲܠ ܕܵܚܠܵܘ̈ܗܝ* ܘܲܩܝܵܡܹܗ ܐܵܘܕܲܥ̣ ܐܸܢܘܿܢ*
ܫܠܝܼܚܵܐ؛ ܒ؛ ܩܘܿܪ̈ܲܢܬܼܵܝܹܐ؛ ܝ؛ ܐ‐ܫܘܼܠܵܡܵܐ
ܙܘܼܡܵܪܵܐ؛ ܪܲܚܸܡܥܠܲܝ ܐܲܠܵܗܵܐ ܐܲܝܟܼ ܛܲܝܒ̇ܘܼܬܼܵܟܼ. ܘܐܲܝܟܼ ܣܘܿܓܼܐܵܐ ܕܪ̈ܲܚܡܲܝܟ ܥܛܝܼ ܚܛܵܗܲܝ̈. ܒ܀ ܐܲܣܓܵܐ ܐܲܫܝܼܓܲܝܢܝ ܡ̣ܢ ܥܵܘܠ̱ܝ. ܘܡ̣ܢ ܚܛܵܗܲܝ̈ ܕܲܟܵܢܝ. ܡܸܛܠ ܕܣܲܟܼܠ̱ܘܵܬܼܝ̈ ܝܵܕܲܥ̇ ܐ݇ܢܵܐ. ܘܲܚܛܵܗܲܝ̈ ܠܘܼܩܒܲܠ ܐܸܢܘܿܢ ܒܟ̣ܠܙܒܲܢ ܕ܀
ܐܹܘܲܢܓܲܠܝܼܘܿܢ؛ ܡܲܪܩܘܿܣ؛ ܙ؛ 1‐24
ܕܐܹܘܲܢܓܲܠܝܼܘܿܢ. ܒܥܲܕܼܠܵܐ ܬܲܝܬܹ̇ܝܢ. ܦܪܘܿܩ ܡܵܪܝܵܐ ܡܸܛܠ ܕܲܓܼܡܲܪ ܛܵܒ̣ܵܐ؛ ܐܲܩܝܼܡ ܡܵܪܝܵܐ ܢܵܛܘܿܪܵܐ ܠܦܘܼܡܝ ܘܢܵܛܘܿܪܵܐ ܠܣܸܦ̈ܘܵܬܼܝ. ܐܲܝܢܵܐ ܗ݇ܘ̣ ܓܲܒ̣ܪܵܐ ܕܨܵܒܹ̇ܐ ܚܲܝܹ̈ܐ؛ ܡܲܢ ܕܥܵܒܹ̇ܕܼ ܗܵܠܹܝܢ ܟܹܐܝܢ ܗ݇ܘ̣. ܟܲܕܼ ܡ̣ܢ ܟܠܗܘܿܢ ܣܘܼܥܪ̈ܵܢܹܐ ܕܲܚܛܝܼܬܼܵܐ ܕܡܸܬܼܝܲܠܕ̇ܝܼܢ ܡܸܢܲܢ ܙܵܕܹܩ̇ ܕܢܸܬܼܟ̇ܠܸܐ. ܘܡ̣ܢ ܡܲܡܠܠܵܐ ܕܠܸܫܵܢܵܐ ܝܲܬ̇ܝܼܪܵܐܝܼܬܼ ܢܸܙܕ̇ܗܲܪ. ܕܡܵܘܬܵܐ ܐܵܦ ܚܲܝܹ̈ܐ ܒܐܝܼܕܼܵܘ̈ܗܝ ܣܝܼܡܝܼܢ. ܘܒܹܗ ܝܵܗܹ̇ܒܼ ܦܸܬܼܓܼܵܡܵܐ ܚܲܕܼ ܚܲܕܼ ܡܸܢܲܢ ܥܲܠ ܡܵܐ ܕܲܣ̣ܥܲܪܢ ܒܥܘܼܡܪܵܐ ܗܵܢܵܐ ܕܬܼܵܘܬܵܒܼܘܼܬܲܢ. ܠܗܵܘ̇ ܕܲܝܵܢܵܐ ܕܟܹܐܢܘܼܬܼܵܐ. ܕܟܼܠ ܡܸܕܸ̇ܡ ܥܲܪܛܸܠ ܘܲܓܼܠܸܐ ܩܕܼܵܡܵܘܗܝ. ܬܵܘ ܢܸܬܼܟܲܫܲܦ ܠܹܗ ܥܲܡ ܢܒ̣ܝܼܵܐ ܒܲܚܢܲܓܼܬܼܵܐ. ܕܐܲܩܝܼܡ ܡܵܪܝܵܐ ܢܵܛܘܿܪܵܐ ܠܣܸܦ̈ܘܵܬܲܢ ܥܘܼܕܼܪܵܢܵܐ ܕܛܲܝܒ̇ܘܼܬܼܵܟܼ. ܘܐܸܬܼܪܲܚܲܡ ܥܠܲܝܢ. ܬܢܝܼ؛ ܫܲܒܲܚ. ܡܵܐ ܕܦܵܬܲܚ̇ܢܵܐ ܣܸܦ̈ܘܵܬܼܝ ܕܐܹܙܲܡܲܪ ܠܵܟܼ ܡܵܪܝ ܬܸܫܒ̇ܘܿܚܬܵܐ. ܡܩܲܛ̱ܪܓ̣ܵܢܝ ܚܵܙܹ̈ܐ ܐ݇ܢܵܐ ܠܪܸܥܝܵܢܝ. ܕܡܲܩܪܸܒܼ ܥܲܡܝ ܟܠܝܘܿܡ. ܘܐܲܝܟܼ ܗܵܘ̇ ܕܐܝܼܬܼ ܠܝܼ ܥܒ̣ܵܕܹ̈ܐ ܕܠܵܐ ܫܵܠܡ̇ܝܼܢ ܠܡܸܠܹ̈ܐ ܕܡ̣ܢ ܣܸܦ̈ܘܵܬܼܝ. ܐܸܠܵܐ ܒܝܲܕܼ ܠܸܫܵܢܝ ܬܲܪ̈ܥܝܵܬ̣ܝ ܐܲܢܗܲܪ ܕܚܲܟܸ̇ܡ. ܕܲܗܘܹ̇ܝܬܼ ܡܙܲܡܲܪ ܐ݇ܢܵܐ ܠܵܟܼ ܗܲܠܸܠܘܼܝܲܗ.
ܕܐ݇ܪ̈ܵܙܹܐ؛ ܒܲܡܫܝܼܚܵܐ ܐܸܬܼܝܼܠܸܕܼ. ܚܙܵܘ ܗܵܟܹܝܠ ܕܐܸܢܵܐ ܐ݇ܢܵܐ؛ ܢܹܐܟܼܠܘܼܢ ܡܸܣܟܹ̇ܢܹ̈ܐ ܘܢܸܣܒ̇ܥܘܼܢ؛ ܐܲܝܢܵܘ ܓܲܒ̣ܪܵܐ ܕܨܵܒܹ̇ܐ ܚܲܝܹ̈ܐ. ܕܨܘܼܪܬܵܐ. ܐܸܢܵܐ ܐ݇ܢܵܐ ܠܲܚܡܵܐ ܚܲܝܵܐ ܕܡ̣ܢ ܫܡܲܝܵܐ ܢܸܚ̇ܬܹ̇ܬܼ. ܗܵܢܵܘ ܠܲܚܡܵܐ ܚܲܝܵܐ ܕܲܢܚܸܬܼ ܡ̣ܢ ܫܡܲܝܵܐ. ܐܸܢܵܐ ܐ݇ܢܵܐ ܠܲܚܡܵܐ ܕܢܸܚ̇ܬܹ̇ܬܼ ܡ̣ܢ ܪܵܘܡܵܐ. ܐܸܡܲܪ ܦܵܪܘܿܩܲܢ ܒܐ݇ܪܵܙܵܐ ܠܬܲܠܡܝܼܕܼܵܘ̈ܗܝ. ܟܠ ܡܲܢ ܕܲܒܼܚܘܼܒܵܐ ܩܵܪܹܒܼ ܘܢܵܣܹ̇ܒܼ ܠܝܼ. ܚܵܝܹ̇ܐ ܒܝܼ ܠܥܵܠܲܡ ܘܝܵܪܹܬܼ ܡܲܠܟܿܘܼܬܼܵܐ؛ ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܗܵܐ ܒܓܼܵܘ ܥܹܕܿܬܵܐ ܡܸܬܼܦܲܠܲܓܼ. ܣܲܡ ܚܲܝܘܼܬܼܵܐ ܕܲܢ̣ܚܸܬܼ ܡ̣ܢ ܪܵܘܡܵܐ ܘܲܟܼܣܸܐ ܒܐ݇ܪܵܙܵܐ ܒܓܼܵܘ ܠܲܚܡܵܐ ܘܚܲܡܪܵܐ܀ ܡܸܟܹ̇ܝܠ ܦܫܘܿܛܘ ܐܝܼܕܲܝ̈ܟ̇ܘܿܢ ܡܵܝܘܿܬܹ̈ܐ. ܕܒܲܚܛܵܗܲܝ̈ܗܘܿܢ ܥܘܼܡܪܵܐ ܠ̣ܒܲܟܼܘ ܒܲܫܝܘܿܠ. ܘܣܲܒ̣ܘ ܘܐܸܬܼܚܲܣܵܘ ܘܲܩܢܵܘ ܚܲܝܹ̈ܐ ܘܐܲܡܠܸܟܼܘ ܥܲܡ ܡܫܝܼܚܵܐ. ܘܝܲܒܸ̇ܒܼܘ ܘܐܸܡܲܪܘ ܗܲܠܸܠܘܼܝܲܗ.
ܒܵܬܹ̈ܐ؛ ܗܵܢܵܘ ܠܲܚܡܵܐ ܕܟܼܠ ܕܐܵܟܹ̇ܠ ܠܹܗ. ܒܹܗ ܡܸܬܼܦܲܨܸܐ ܡ̣ܢ ܓܹܗܲܢܵܐ܀ ܡܸܟܹ̇ܝܠ ܦܫܘܿܛܘ...܀
♱♱♱♱♱♱♱♱♱♱♱
The Assyrian Church
of the East did not yet sanction this document.
Please email any errors/corrections you may find to Fr. Lawrance Namato via Lnamato@gmail.com
1: This Document is typed using EastAssyrian Font. 3: Install the downloaded font. 4: Copy any part of this page and Paste into Microsoft Word, then change the font to EastAssyrian or to your favorite Assyrian font.
Qasha Lawrance Namato |