ܚܲܕܼܒ̇ܫܲܒܵܐ ܕܚܲܡܫܵܐ ܕܲܫܠܝܼܚܹ̈ܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ܀ ܒܠܵܟܼܘܼ ܩܵܪܹܝ̇ܢܲܢ. ܐܹܒܲܪܸܟܼ ܠܡܵܪܝܵܐ ܒܟܼܠܙܒܲܢ. ܘܲܒܼܪܝܼܟܼܘܼ ܫܡܵܐ ܕܐܝܼܩܵܪܹܗ ܠܥܵܠܲܡ. ܒܪܝܼܟܼܘܼ ܕܐܲܫ̣ܘܝܼ ܠܲܢ ܕܲܢܩܲܕܸ̇ܫ ܠܲܫܡܹܗ ܥܲܡ ܟܸܢܫܲܝ̈ ܪܵܘܡܵܐ؛ ܬܢܝܼ؛ ܫܲܒܲܚ. ܫܘܼܒ̣ܚܵܐ ܘܬܼܵܘܕ̇ܝܼܬܼܵܐ ܢܲܣܸܩ ܠܹܗ ܠܲܒ̣ܪܵܐ ܕܦܲܪܩܲܢ ܒܲܨܠܝܼܒܹܗ.
ܩܸܪܝܵܢܵܐ؛ ܬܸܢܝܵܢ ܢܵܡܘܿܣܵܐ؛ ܐ؛ 33‐ܒ2 ܚܲܒ̣ܪܹܗ؛ ܐܹܫܲܥܝܵܐ؛ ܐ؛ 21‐ܫܘܼܠܵܡܵܐ
ܫܘܼܪܵܝܵܐ. ܕ܀ ܘܲܕܼܚܸܠ̣ܘ ܠܲܦܬܲܟܼܪ̈ܲܝܗܘܿܢ ܘܲܗܘܸܵܘ ܠܗܘܿܢ ܠܬܼܘܼܩ̱ܠܬܼܵܐ* ܘܕܲܒܲܚܘ ܒܢܲܝ̈ܗܘܿܢ ܘܲܒ̣ܢܵܬܼ̈ܗܘܿܢ ܠܫܹܐܕܹ̈ܐ* ܘܐܸܫܲܕܼܘ ܕܡܵܐ ܙܲܟܵܝܵܐ* ܕܡܵܐ ܕܲܒ̣ܢܲܝ̈ܗܘܿܢ ܘܕܲܒ̣ܢܵܬܼ̈ܗܘܿܢ*
ܫܠܝܼܚܵܐ؛ ܐ؛ ܩܘܿܪ̈ܲܢܬ̣ܵܝܹܐ؛ ܝܕ؛ 1‐20
ܙܘܼܡܵܪܵܐ؛ ܪܹܫ ܣܝܼܥܬܵܐ. ܠܥܵܠܲܡ ܐܲܢ݇ܬ̇ܘܼ ܡܵܪܝܵܐ ܘܡܸܠܬܼܵܟܼ ܩܲܝܵܡܵܐ ܒܲܫܡܲܝܵܐ. ܘܲܠܕܼܵܪܕܵܪ̈ܝܼܢ ܗܲܝܡܵܢܘܼܬܼܵܟܼ. ܬܲܩܸܢܬ̇ ܐܲܪܥܵܐ ܘܐܲܩܝܼܡܬܵܗ̇. ܓ܀ ܐܸܠܘܼܠܵܐ ܢܵܡܘܿܣܵܟܼ ܕܲܗܘܸܵܐ ܠܝܼ ܪܸܢܝܵܐ ܐܵܒܹܕܼ ܗ݇ܘܹ̇ܝܬܼ ܒܡܘܼܟܵܟܼܝ. ܠܥܵܠܲܡ ܠܵܐ ܐܸܛܥܸܐ ܦܘܼܩܕܵܢܲܝ̈ܟ ܡܸܛܠ ܕܲܒ̣ܗܘܿܢ ܐܸܢܘܿܢ ܚܲܝܲܝ̈. ܒ܀
ܐܹܘܲܢܓܲܠܝܼܘܿܢ؛ ܠܘܼܩܵܐ؛ ܝܒ؛ 16‐35
ܕܐܹܘܲܢܓܲܠܝܼܘܿܢ؛ ܒܩܵܠܵܐ ܪܲܒܵܐ. ܠܵܐ ܬܸܕܼܚܲܠ ܡܵܐ ܕܥܵܬܲܪ ܓܲܒ̣ܪܵܐ. ܕܨܘܼܪܬܵܐ. ܠܵܐ ܬܸܬ̇ܟܸܠ ܥܲܠ ܥܘܼܬܼܪܵܐ ܡܸܛܠ ܕܠܲܝܬ̇ ܒܹܗ ܣܲܒ̣ܪܵܐ. ܒܝܲܡܵܐ ܕܥܘܼܬܼܪܵܐ ܪܡܸܐ ܗ݇ܘ̣ܵܐ ܥܲܬ̇ܝܼܪܵܐ. ܘܲܒܼܓܲܠ̈ܠܹܐ ܘܟܼܝܼܡܘܿܢܹ̈ܐ ܕܥܲܠ̈ܠܵܬܼܵܐ. ܘܠܵܐ ܝܵܕܲܥ̇ ܗ݇ܘ̣ܵܐ ܡܵܢܵܐ ܢܸܥܒܸ̇ܕܼ. ܘܫܲܪܝܼ ܚܵܐܲܪ ܒܦܘܼܪ̈ܣܹܐ ܘܨܸܢ̈ܥܵܬܼܵܐ. ܕܐܸܣܬ̇ܘܿܪ ܒܹܝܬܼ ܩܦܵܣܲܝ̈ ܘܐܵܘܪܸܒ̣ ܐܸܢܘܿܢ. ܘܐܸܚܡܘܿܠ ܬܲܡܵܢ ܥܘܼܬܼܪܵܐ ܟܠܹܗ ܕܟܲܢܫܹ̇ܬܼ. ܘܐܹܟ̣ܘܿܠ ܘܐܸܫܬܸ̇ܐ ܘܐܸܬ̇ܬ̇ܢܝܼܚ ܘܐܸܬܼܒܲܣܲܡ. ܘܕܲܒ̣ܪܹܗ ܡ̣ܢ ܫܹܠܝ ܡܲܠܲܐܟܼ ܡܵܘܬܵܐ. ܘܠܵܐ ܐܸܬ̇ܬ̇ܢܝܼܚ ܐܲܟ̣ܡܵܐ ܕܲܪܢ̣ܵܐ. ܘܠܲܢ ܚܘܼܢܲܝܢ ܡܵܪܝ ܕܐܲܢ݇ܬ̇ܘܼ ܥܘܼܬܼܪܲܢ. ܡܵܪܹܟܠ ܫܘܼܒ̣ܚܵܐ ܠܵܟܼ. ܫܲܒܲܚ. ܒܩܵܠ ܡܲܒܘܼܥ ܚܲܝܹ̈ܐ. ܓܲܒ̣ܪܵܐ ܚܲܕܼ ܐܝܼܬܼ ܗ݇ܘ̣ܵܐ ܥܲܬ̇ܝܼܪܵܐ. ܐܸܡܲܪ ܡܵܪܲܢ ܒܡܲܬ̣ܠܵܐ ܠܬܲܠܡܝܼܕܵܘ̈ܗܝ. ܕܥܲܠ̈ܠܵܬܼܵܐ ܣܲܓܝܼ̈ܐܵܬܼܵܐ ܘܢܸܟ̣ܣܹ̈ܐ ܩܢܸܐ ܗ݇ܘ̣ܵܐ. ܘܡܸܬܼܪܲܢܸܐ ܗ݇ܘ̣ܵܐ ܕܒܹܝܬܼ ܩܦܵܣܵܘ̈ܗܝ ܢܸܒ̣ܢܸܐ ܘܢܵܘܪܹܒ̣܀ ܘܲܠܘܵܬܼ ܢܲܦ̮ܫܹܗ ܐܸܡܲܪ ܗ݇ܘ̣ܵܐ. ܕܐܝܼܬܼ ܠܹܟ̣ܝ ܛܘܼܒܹ̈ܐ ܕܙܲܒ̣ܢܵܐ ܡܬ̣ܝܼܚܵܐ. ܐܲܟ̣ܘܿܠܝ ܐܸܫܬܵܝ ܐܸܬܼܒܲܣܲܡܝ. ܐܸܬܼܦܲܢܲܩܝ ܡܸܟܹ̇ܝܠ ܘܲܠܥܵܠܲܡ. ܐܸܡܲܪ ܠܹܗ ܕܹܝܢ ܐܲܠܵܗܵܐ. ܕܲܒ̣ܗܵܢ ܠܸܠܝܵܐ ܫܵܠܡ̇ܝܼܢ ܚܲܝܲܝ̈ܟ. ܘܗܵܠܹܝܢ ܟܠܗܘܿܢ ܛܘܼܝܵܒܹ̈ܐ. ܡܲܢ̣ܘܼ ܗܵܘܹ̇ܐ ܠܗܘܿܢ ܝܵܪܘܿܬܼܵܐ. ܘܕܲܒ̣ܪܹܗ ܡܸܢܫܹܠܝ ܡܲܠܲܐܟܼ ܡܵܘܬܵܐ. ܘܠܵܐ ܐܸܬ̇ܬ̇ܢܝܼܚ ܐܲܟ̣ܡܵܐ ܕܐܸܬܼܚܲܫܲܒ̣܀ ܘܠܲܢ ܡܵܪܲܢ ܚܘܼܢܲܝܢ ܒܪ̈ܲܚܡܲܝܟ. ܕܐܲܢ݇ܬ̇ܘܼ ܥܘܼܬܼܪܵܢ ܫܲܪܝܼܪܵܐ. ܘܪܲܚܸܡܥܠܲܝܢ.
ܕܐ݇ܪ̈ܵܙܹܐ؛ ܒܲܒܼܝܲܕܼ ܫܠܵܡܵܐ. ܛܘܼܒܲܝܗܘܿܢ ܠܐܲܝܠܹܝܢ ܕܲܕܼܠܵܐ ܡܘܼܡ ܐܸܢܘܿܢ ܒܐܘܼܪܚܵܐ. ܕܘܼܢܘ ܠܝܲܬܼܡܹ̈ܐ ܘܲܠܒ̣ܵܝܫܹ̈ܐ. ܕܨܘܼܪܬܵܐ. ܠܵܐ ܬܸܗܘܘܿܢ ܕܵܝܢ̇ܝܼܢ ܒܡܲܣܲܒ̣ ܒܐܲܦܹ̈ܐ. ܘܠܵܐ ܢܸܦܘܿܩ ܛܠܘܼܡܝܵܐ ܡ̣ܢ ܦܘܼܡܟ̣ܘܿܢ. ܪ̈ܲܒܲܝ ܒܵܬܹ̈ܐ ܚܲܟܿܝܼܡܹ̈ܐ ܡܕܲܒܿܪ̈ܵܢܹܐ ܕܥܹܕ̇ܬܵܐ. ܦܲܪܢܸܣܘ ܥܘܼܬܼܪܵܐ ܕܛܲܝܒ̇ܘܼܬܼܵܐ ܕܐܸܬܼܗܲܝܡܲܢܬ̇ܘܿܢ ܥܠܵܘܗܝ. ܒܫܲܘܝܘܼ ܦܲܠܸܓ̣ܘ ܕܠܵܐ ܡܲܣܲܒ̣ ܒܐܲܦܹ̈ܐ. ܕܘܼܢܘ ܟܹܐܢܘܼܬܼܵܐ ܘܥܲܩܸܒ̣ܘ ܬܪܝܼܨܘܼܬܼܵܐ. ܘܲܗܘܸܵܘ ܕܵܡܹ̇ܝܢ ܠܥܲܒ̣ܕܹ̈ܐ ܕܲܡܣܲܟܹ̇ܝܢ ܠܡܵܪܗܘܿܢ. ܕܒܲܙܗܝܼܪܘܼܬܼܵܐ ܢܵܛ̇ܪܝܼܢ ܦܘܼܩܕܵܢܵܘ̈ܗܝ؛ ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ. ܥܘܼܢܵܝܵܐ. ܬܠ̣ܵܘ ܢܲܨܝܼܚܹ̈ܐ ܥܲܝܢܲܝ̈ܗܘܿܢ ܠܐܲܬܼܪܵܐ ܕܢܘܼܗܪܵܐ. ܘܥܲܠ̣ܘ ܘܐܸܬܼܒܲܩܝܼܘ ܒܗܵܘ̇ ܒܘܼܣܵܡܵܐ ܕܠܵܐ ܡܸܬܼܡܲܠܲܠ. ܕܛܲܝܸܒ̣ ܡܫܝܼܚܵܐ ܒܲܣܒܲܪܬܹܗ ܠܪ̈ܵܚܡܲܝ ܚܘܼܒܹ̇ܗ. ܕܲܣ̣ܒܲܠܘ ܘܣܲܝܒܲܪܘ ܟܠ ܫܸܢ̈ܕܝܼܢ ܘܟܼܠ ܐܘܼܠܨܵܢܝܼ̈ܢ. ܒܵܬܹ̈ܐ؛ ܒܚܲܫܹ̈ܐ ܕܙܲܒ̣ܢܵܐ ܩ̣ܢܵܘ ܩܲܕ̇ܝܼܫܹ̈ܐ ܡܲܠܟ̇ܘܼܬܼ ܪܵܘܡܵܐ. ܘܠܵܐ ܚ̣ܫܲܒ̣ܘ ܡܸܕܸܡ ܒܲܒ̣ܪܝܼܬܼܵܐ ܕܦܵܚܹ̇ܡ ܥܲܡܵܗ̇. ܘܲܚܢܲܢ ܐܲܚܲܝ̈ ܢܸܪܕܸܐ ܒܚܘܼܒܵܐ ܠܚܲܫܹ̈ܐ ܕܲܣܒܲܠ̣ܘ. ܕܢܸܥܘܿܠ ܥܲܡܗܘܿܢ ܠܗܵܝ̇ ܡܲܠܟ̇ܘܼܬܼܵܐ ܕܠܵܐ ܡܸܫܬܲܪܝܵܐ.
♱♱♱♱♱♱♱♱♱♱♱
The Assyrian Church
of the East did not yet sanction this document.
|