ܚܲܕܼܒ̇ܫܲܒܵܐ
ܕܚܲܡܫܵܐ ܕܲܩܝܵܡܬܵܐ
(ܘܕܼܘܼܟܼܪܵܢܵܐ ܗ݇ܘܼ ܕܡܵܪܝ ܐܲܕܲܝ
ܫܠܝܼܚܵܐ)
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܕܩܲܢܟܹ̇ܐ؛ ܒܡܵܪܵܐ ܕܟܼܠܵܐ. ܫܡܲܥܘ ܗܵܕܹܐ ܟܠܟܼܘܿܢ ܥܲܡܡܹ̈ܐ؛ ܥܲܠ ܕܠܵܐ ܢ̣ܛܲܪܘ ܩܝܵܡܹܗ ܕܐܲܠܵܗܵܐ. ܓܸܢܣܵܐ ܕܐ݇ܢܵܫܵܐ ܚܲܝܵܒܼ ܗ݇ܘܵܐ. ܕܝܼܢܵܐ ܕܡܵܘܬܵܐ ܘܲܕܼܠܵܘܛܬܼܵܐ. ܡܫܝܼܚܵܐ ܒܚܘܼܒܹܗ ܨ̣ܒ̣ܵܐ ܘܐܸܨܛܠܸܒ̣. ܕܲܢܚܲܪܲܪ ܟܠ ܡ̣ܢ ܠܵܘܛܬܼܵܐ. ܝܲܗ̣݇ܒܼ ܗ݇ܘ̣ܵܐ ܢܲܦ̮ܫܹܗ ܠܐܵܚܘܿܕܼܵܘ̈ܗܝ. ܝܲܡܵܐ ܕܪ̈ܲܚܡܹܐ ܕܠܵܐ ܡܸܬ̇ܬ̇ܟ̣ܝܼܠ. ܘܡܵܘܬܵܐ ܕܙܲܒ̣ܢܵܐ ܦܲܓ̣ܪܹܗ ܛ̣ܥܸܡ. ܘܲܫ̣ܪܵܐ ܠܡܵܘܬܵܐ ܘܲܠܠܵܘܛܬܼܵܐ؛ ܬܢܝܼ؛ ܫܲܒܲܚ. ܨܠܝܼܒ̣ܵܐ ܕܢܘܼܗܪܵܐ ܕܐܸܬ̣ܚܵܘܝܼ. ܠܩܘܿܣܛܲܢܛܝܼܢܘܿܣ ܒܲܫܡܲܝܵܐ. ܐܲܝܟܼ ܪܲܒ̇ ܚܲܝܠܵܐ ܐܵܙܹ̇ܠ ܗ݇ܘ̣ܵܐ. ܒܪܹܫ ܡܲܫܪܝܼܬܹܗ ܠܲܩܪܵܒ̣ܵܐ. ܘܙܵܥ ܘܐܸܬܼܒܲܠܗܝܼ ܓܘܼܕܲܝ̈ܗܘܿܢ. ܕܚܲܢܦܹ̈ܐ ܣܵܓ̣ܕܲܝ̈ ܠܒܸܪ̈ܝܵܬܼܵܐ. ܘܐܲܪܦ̣ܝܼܘ ܛܘܼܥܝܲܝ ܕܚܲܢܦܘܼܬܼܵܐ. ܘܲܣ̣ܓܸܕܼܘ ܠܲܨܠܝܼܒ̣ܵܐ ܘܝܲܩ̣ܪܘܼܗܝ܀
ܩܸܪܝܵܢܵܐ؛ ܐܹܫܲܥܝܵܐ؛ ܡܛ؛ 7‐14܀ ܚܲܒ̣ܪܹܗ؛ ܦܪܲܟ̇ܣܝܼܣ؛ ܛ؛ 1‐20
ܫܘܼܪܵܝܵܐ؛ ܙ܀ ܕܵܪܵܐ ܠܕܼܵܪܵܐ ܢܸܫܬܲܥܘܿܢ ܥܒ̣ܵܕܲܝ̈ܟ܀* ܘܓܲܢ݇ܒܵܪܘܼܬܼܵܟܼ ܢܚܵܘܘܿܢ* ܘܥܘܼܫܢܵܐ ܕܲܕܼܚܝܼܠܘܼܬܼܵܟܼ ܢܹܐܡܪܘܼܢ* ܘܪܵܘܪ̈ܒ̣ܵܬܼܵܟܼ ܢܸܫܬܲܥܘܿܢ* ܘܲܕܼܚܝܼܠܘܼܬܼ ܥܘܼܫܢܵܟܼ ܢܹܐܡܪܘܼܢ* ܘܪܲܒܿܘܼܬܼܵܟܼ ܐܸܫܬܲܥܸܐ* ܕܘܼܟܼܪܵܢܵܐ ܕܛܲܝ̈ܒ̇ܘܵܬܼܵܟܼ ܣܲܓܝܼ̈ܐܵܬܼܵܐ*
ܫܠܝܼܚܵܐ؛ ܥܸܒ̣ܪ̈ܵܝܹܐ؛ ܝ؛ 19‐37
ܙܘܼܡܵܪܵܐ܀ ܒܛܘܼܒܲܝܗܘܿܢ. ܡܵܪܝܵܐ ܐܲܡ̣ܠܸܟܼ ܘܓܲܐܝܘܼܬܼܵܐ ܠ̣ܒܸܫ. ܠ̣ܒܸܫ ܡܵܪܝܵܐ ܥܘܼܫܢܵܐ ܘܐܸܬܼܥܲܫܲܢ ܒ܀ ܘܐܲܬܼܩ̣ܢܵܗ̇ ܠܬܹܒܹܝܠ ܕܠܵܐ ܬܙܘܼܥ. ܡܲܬ̣ܩܲܢܘܼ ܟܘܼܪܣܝܵܟܼ ܡ̣ܢ ܩܕܼܝܼܡ. ܘܡ̣ܢ ܥܵܠܲܡ ܐܲܢ݇ܬ̇ܘܼ. ܓ܀
ܐܹܘܲܢܓܲܠܝܼܘܿܢ؛ ܝܘܿܚܲܢܵܢ؛ ܟܐ؛ 1‐15
ܕܐ݇ܪܵܙܵܐ؛ ܒܢܸܬ̇ܛܲܝܲܒܼ ܒܕܸܚܠ̱ܬܼܵܐ. ܕܘܼܟܼܪܵܢܵܐ ܕܛܲܝ̈ܒܿܘܵܬܼܵܟܼ ܣܲܓܝܼ̈ܐܲܬܼܵܐ܀ ܚܢܲܢ ܥܲܡܵܟܼ ܘܥܵܢ̈ܵܐ ܕܡܲܪܥܝܼܬܼܵܟܼ. ܕܨܘܼܪܬܵܐ. ܠܵܐ ܢܸܒܼܛܲܠ ܕܘܼܟܼܪܵܢܵܟܼ ܠܥܵܠܲܡ. ܥܕܲܡܵܐ ܠܡܘܼܠܵܝܵܐ ܕܙܲܒ̣ܢܹ̈ܐ. ܗܵܟܲܢܵܐ ܗܸܘܲܝܬܿܘܿܢ ܥܵܒ̣ܕ̇ܝܼܢ ܠܕܼܘܼܟܼܪܵܢܝ. ܕܘܼܟܼܪܵܢܹܗ ܕܲܡܫܝܼܚܵܐ ܕܚܲܫ̣ ܥܲܠ ܐܲܦܲܝ̈ܢ. ܥܵܒ̣ܕܝܼܢܲܢ ܒܠܲܚܡܵܐ ܘܚܲܡܪܵܐ ܐܲܝܟܼ ܕܲܟܼܬܼܝܼܒܼ. ܢܩܲܕܸܫ ܦܲܓ̣ܪ̈ܲܝܢ ܘܲܢܕܲܟܸ̇ܐ ܬܹܐܪ̈ܵܬܲܢ. ܡ̣ܢ ܚܘܼܫܵܒܹ̈ܐ ܦܠܝܼܓܹ̈ܐ ܘܲܢܟܼܝܼܠܹ̈ܐ. ܕܠܵܐ ܢܸܬܼܩܲܛܪܲܓܼ ܡܵܐ ܕܐܵܬܹ̇ܐ ܘܕܼܵܐܹ̇ܢ ܠܹܗ ܠܥܵܠܡܵܐ. ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ. ܥܘܼܢܵܝܵܐ. ܒܩܵܠ ܢܵܘܕܸ̇ܐ ܠܒܲܪ ܡܲܠܟܵܐ. ܒܕܲܟܼܝܘܼܬܼܵܐ ܕܬܹܐܪܬܵܐ ܘܚܘܼܫܵܒܹ̈ܐ ܕܟܲܝ̈ܵܐ ܢܸܬܼܩܲܪܲܒ̣ ܠܲܓܼܡܘܼܪܬܼܵܐ ܕܲܒ̣ܪ̈ܲܚܡܹܐ ܡܸܬܼܝܲܗ݇ܒ̣ܵܐ. ܠܚܘܼܣܵܝܵܐ ܘܲܠܪܲܗܒ̣ܘܿܢܵܐ ܕܚܲܝܹ̈ܐ ܚܲܕܼܬܹ̈ܐ. ܟܠܲܢ ܒܪܸܚܡ̱ܬܼܵܐ ܢܚܲܒ̇ܒܼܝܼܘܗܝ ܠܐ݇ܪܵܙܵܐ. ܘܲܒܼܕܸܚ̱ܠܬܼܵܐ ܢܸܦܠܘܿܚ ܠܪܲܒ ܟܘܼܡܪܹ̈ܐ ܕܚܲܣ̣ܝܲܢ܀ ܘܥܲܡ ܪ̈ܘܼܚܵܢܹܐ ܢܩܲܕ̇ܫܝܼܘܗܝ ܩܘܼܕܵܫܹ̈ܐ ܬܠܵܬܼܵܐ. ܕܫܵܘܬ̇ܦܹܗ ܠܓܸܢܣܲܢ ܒܐܘܼܟ̣ܠܵܐ ܕܚܲܝܹ̈ܐ ܚܲܕܼܬܹ̈ܐ. ܗܵܪܟܵܐ ܒܐ݇ܪܵܙܵܐ ܘܬܲܡܵܢ ܒܲܫܪܵܪܵܐ. ܡܵܐ ܕܕܼܵܢ̇ܚܵܐ ܬܸܫܒ̇ܘܿܚܬܵܐ ܕܡܹܐܬܼܝܹܗ ܪܲܒܵܐ܀
ܒܵܬܹ̈ܐ؛ ܒܐ݇ܪܵܙܵܐ ܕܦܲܓ̣ܪܹܗ ܬܲܪܣ̣ܝܼ ܠܡܵܝܘܿܬܹ̈ܐ. ܒܪܵܐ ܕܐܲܠܵܗܵܐ ܒܕܸܢܚܹܗ ܕܲܥܠܲܝܗܘܿܢ܀ ܘܥܲܡ ܪ̈ܘܼܚܵܢܹܐ ...܀
♱♱♱♱♱♱♱♱♱