ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ؛ ܒܠܵܟܼܘܼ ܩܵܪܹܝ̇ܢܲܢ. ܐܹܒܲܪܸܟܼ ܠܡܵܪܝܵܐ ܒܟܼܠܙܒܲܢ܀ ܘܲܒܼܪܝܼܟ̣ܘܼ ܫܡܵܐ ܕܐܝܼܩܵܪܹܗ ܠܥܵܠܲܡ. ܒܪܝܼܟܼܘܼ ܒܲܪ ܛܵܒ̣ܵܐ ܕܲܒܼܝܲܕܼ ܕܒܼܝܼܚܘܼܬܹܗ ܦܲܪܩܹܗ ܠܲܟܼܝܵܢܲܢ؛ ܬܢܝܼ؛ ܘܫܲܒܲܚ ܒܵܗ̇.
ܩܸܪܝܵܢܵܐ؛ ܬܸܢܝܵܢ ܢܵܡܘܿܣܵܐ؛ ܕ؛ 1‐10 ܚܲܒ̣ܪܹܗ؛ ܐܹܫܲܥܝܵܐ؛ ܒ؛ 1‐22
ܫܘܼܪܵܝܵܐ؛ ܒܥܵܘ ܠܡܵܪܝܵܐ ܘܐܸܬܼܚܲܝܲܠܘ* ܘܲܒܼܥܵܘ ܐܲܦܵܘ̈ܗܝ ܒܟܼܠܙܒܲܢ* ܐܸܬ̇ܕܲܟ̣ܪ̱ܘ ܬܸܕܼܡ̱ܪ̈ܵܬܹܗ ܕܲܥ̣ܒܲܕܼ* ܬܸܕܼܡ̱ܪ̈ܵܬܹܗ ܘܕܼܝܼܢܵܐ ܕܦܘܼܡܹܗ* ܙܲܪܥܹܗ ܕܐܲܒ̣ܪܵܗܵܡ ܥܲܒ̣ܕܹ̇ܗ* ܘܲܒ̣ܢܲܝ̈ ܝܲܥܩܘܿܒ̣ ܓܒ̣ܵܘ̈ܗܝ* ܗܸܘܝܘܼ ܡܵܪܝܵܐ ܐܲܠܵܗܲܢ* ܕܲܒ̣ܟܼܠܵܗ̇ ܐܲܪܥܵܐ ܕܝܼܢܵܘ̈ܗܝ*
ܫܠܝܼܚܵܐ؛ ܐ؛ܩܘܿܪ̈ܲܢܬܼܵܝܹܐ؛ ܝ؛ 14‐33
ܙܘܼܡܵܪܵܐ؛ ܒܲܠܥܵܠܲܡ ܐܲܢ݇ܬ̇ܘܼ. ܐܝܼܕܲܝ̈ܟ ܥܲܒ̣ܕܵܢܝ̈ ܘܐܲܬ̣ܩܢܵܢܝ̈ ܐܲܠܸܦܲܝܢܝ ܢܵܡܘܿܣܵܟܼ. ܕܢܸܚܙܘܿܢ ܕܵܚܠܲܝ̈ܟ ܘܢܸܚܕ̇ܘܿܢ ܕܲܠܡܸܠܬܼܵܟܼ ܣܲܒ̇ܪܹܬܼ. ܒ܀ ܝܸܕܼܥܹ̇ܬܼ ܕܙܲܕ̇ܝܼܩܝܼܢ ܐܸܢܘܿܢ ܕܝܼܢܲܝ̈ܟ ܡܵܪܝܵܐ ܘܗܲܝܡܵܢܘܼܬܼܵܟܼ ܡܲܟܸ̇ܟܼܬܲܢܝ. ܢܸܗܘܘܿܢ ܪ̈ܲܚܡܲܝܟ ܠܒܼܘܼܝܵܐܝ ܐܲܝܟܼ ܕܐܸܡܲܪܬ̇ ܠܥܲܒ̣ܕܵܟܼ. ܒ܀
ܐܹܘܲܢܓܲܠܝܘܿܢ؛ ܠܘܼܩܵܐ؛ ܝܒ؛ 57‐ܝܓ؛ 18.
ܕܐܹܘܲܢܓܲܠܝܘܿܢ؛ ܒܐܲܠܵܗܵܐ ܒܪ̈ܲܚܡܹܐ. ܐܲܠܵܗܵܐ ܟܲܬܲܪ ܠܝܼ. ܕܨܘܼܪܬܵܐ. ܐܲܓܲܪ ܥܠܲܝ ܪܘܼܚܵܐ ܘܦܵܪܲܥ ܐ݇ܢܵܐ ܠܵܟܼ. ܐܲܓܲܪ ܥܠܲܝ ܪܘܼܚܵܐ ܒܵܥܹ̇ܐ ܐ݇ܢܵܐ ܡܸܢܵܟܼ ܡܵܪܹܟ̇ܠ. ܐܲܝܟܼ ܕܥܲܠ ܬܹܬܵܐ ܕܠܵܐ ܦܹܐܪܹ̈ܐ. ܐܸܬ̇ܛܦܝܼܣܬ̇ ܘܚܵܣ̣ܬ̇ ܘܲܫܒܲܩܬܵܗ̇. ܠܵܐ ܡܵܪܝ ܢܚܵܘܹܝܢܝ ܕܠܵܐ ܦܹܐܪܹ̈ܐ. ܒܥܸܠܕ̇ܒܼܵܒܼܝ ܓܠܝܼܙ ܡ̣ܢ ܪ̈ܲܚܡܹܐ. ܐܸܠܵܐ ܗܲܒ̣ ܠܝܼ ܬܝܵܒ̣ܘܼܬܼܵܐ. ܒܵܥܹ̇ܐ ܐ݇ܢܵܐ ܪܵܚܸ̇ܡܢܵܫܵܐ ܚܘܼܢ ܠܚܲܝܵܒ̣ܘܼܬܼܝ ܘܪܲܚܸܡܥܠܲܝ. ܬܢܝܼ؛ ܫܲܒܲܚ. ܩܕܼܵܡ ܕܢܹܐܬܹܐ ܡ̣ܢ ܫܸܠܝܵܐ ܡܵܪܹܟ̇ܠ ܒܪܘܼܓܼܙܹܗ ܢܲܦ̮ܫܝ ܘܲܢܒܲܠܗܹܝܟܼܝ. ܐܲܝܟܼ ܕܥܲܠ ܬܹܬܼܵܐ ܕܠܵܐ ܝܸܗ݇ܒܲܬܸ ܦܹܐܪܹ̈ܐ. ܢܸܦܩܘܿܕܼ ܥܠܲܝܟ̇ܝ ܒܚܸܡܬܹܗ ܘܬܸܬܼܦܲܣܩܝܼܢ. ܡܪܘܿܩܝ ܠܲܩܢܘܿܡܹܟܼܝ ܒܝܲܕܼ ܬܝܵܒ̣ܘܼܬܼܵܐ. ܘܕܲܟܵܝ ܡܘܼܡܲܝ̈ܟ̇ܝ ܒܚܸܢ̈ܓܼܵܬܼܵܐ. ܘܗܲܒ̣ܝ ܦܹܐܪܹ̈ܐ ܕܫܵܘܹ̇ܝܢ ܠܲܬܼܝܵܒܼܘܼܬܼܵܐ. ܕܐܝܼܠܵܢܵܐ ܡܵܐ ܕܐܸܬܼܥ̱ܩܲܪ ܠܵܐ ܡܸܫܟܲܚ ܕܢܸܒܼܛܲܢ ܘܢܸܛܥܲܢ ܦܹܐܪܹ̈ܐ. ܘܥܲܠ ܗܵܕܼ ܡܸܬܼܟܲܫܲܦ ܐ݇ܢܵܐ ܠܵܟܼ ܡܵܪܝ. ܐܲܓܲܪ ܥܠܲܝ ܐܵܦ ܗܵܕܹܐ ܫܲܢ݇ܬܵܐ ܘܪܲܚܸܡܥܠܲܝ.
ܕܐ݇ܪ̈ܵܙܹܐ؛ ܒܲܡܫܝܼܚܵܐ ܐܸܬܼܝܼܠܸܕܼ. ܫܡܲܥܘ ܗܵܕܹܐ ܟܠܟܼܘܿܢ ܥܲܡܡܹ̈ܐ؛ ܘܲܒ̣ܢܵܘ̈ܗܝ ܕܲܡܪܲܝܡܵܐ ܟܠܟ̣ܘܿܢ؛ ܢܵܘܣܸܦ ܥܠܲܝܟܿܘܿܢ ܡܵܪܝܵܐ. ܕܨܘܼܪܬܵܐ. ܐܲܚܹ̈ܐ ܩܲܕ̇ܝܼܫܹ̈ܐ ܘܲܡܗܲܝܡܢܹ̈ܐ ܒܝܼܫܘܿܥ ܡܫܝܼܚܵܐ. ܚܘܼܒܵܐ ܕܐܲܚܹ̈ܐ ܢܟܲܬܲܪ ܒܟܼܘܿܢ. ܐܲܚܹ̈ܐ ܕܒܲܡܫܝܼܚܵܐ ܗ݀ܘܲܝܬ̇ܘܿܢ ܒܲܥܡܵܕܼܵܐ. ܘܫܵܘܬܵܦܹ̈ܐ ܒܐ݇ܪܵܙܵܐ ܕܡܵܘܬܵܐ ܘܕܲܩܒ̣ܘܼܪܬܵܐ. ܥܪܘܿܩܘ ܡ̣ܢ ܟܵܦܘܿܪܹ̈ܐ ܘܐܲܪܚܸܩܘ ܡ̣ܢ ܚܲܢܦܹ̈ܐ. ܕܬܸܗܘܘܿܢ ܫܵܘܬܵܦܹ̈ܐ ܘܝܵܪ̈ܬܹ̇ܐ ܒܡܲܠܟ̇ܘܼܬܼܵܐ؛ ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܒܩܵܠ ܠܡܵܘܗܲܒ̣ܬܼܵܐ. ܠܐ݇ܪܵܙܵܐ ܫܒ̣ܝܼܚܵܐ ܘܝܲܩܝܼܪܵܐ. ܕܦܲܓ̣ܪܹܗ ܘܲܕܼܡܹܗ ܕܲܡܫܝܼܚܵܐ. ܘܣܲܒܼܪܵܐ ܘܚܲܝܹ̈ܐ ܕܒܸܪ̈ܝܵܬܼܵܐ. ܣܲܒ̣ܘ ܕܲܟܼܝܵܐܝܼܬܼ ܐܘܿ ܡܵܝܘܿܬܹ̈ܐ. ܕܒܹܗ ܬܸܬܼܚܲܣܘܿܢ ܡ̣ܢ ܚܵܘ̈ܒܲܝܟ̇ܘܿܢ. ܘܬܸܗܘܘܿܢ ܝܵܪ̈ܬܹ̇ܐ ܕܚܲܝܹ̈ܐ ܚܲܕܼܬܹ̈ܐ. ܗܵܐ ܓܹܝܪ ܥܝܼܪܹ̈ܐ ܒܕܸܚܠܵܐ ܩܵܝ̇ܡܝܼܢ ܩܕܼܵܡܵܘܗܝ. ܘܙܵܝܥ̇ܝܼܢ ܕܲܢܚܘܼܪܘܼܢ ܒܥܘܼܙܵܐ ܕܢܘܼܗܪܹܗ. ܘܲܠܟ̣ܘܿܢ ܝܲܗ݇ܒܹ̇ܗ ܒܣܘܿܓ̣ܐܵܐ ܕܪ̈ܲܚܡܵܘܗܝ. ܣܲܒ̣ܘ ܕܲܟ̣ܝܵܐܝܼܬܼ ܐܘܿ ܡܵܝܘܿܬܹ̈ܐ. ܘܐܵܘܕܵܘ ܠܹܗ ܥܲܠ ܡܵܘܗܲܒ̣ܬܹܗ. ܕܠܵܐ ܣܵܦ̈ܩܵܢ ܠܵܗ̇ ܒܸܪ̈ܝܵܬܼܵܐ. ܢܸܨܛܲܒܲܬܼ ܗܵܟܹܝܠ ܒܲܡܝܲܬ̇ܪܘܼܬܼܵܐ ܕܚܲܝܹ̈ܐ ܚܲܕܼܬܹ̈ܐ. ܐܲܝܟܼ ܕܲܦܐܸܐ ܠܹܗ ܠܕܲܟܼܝܵܐ ܘܪܵܚܹ̇ܡ ܠܲܕ̈ܟܲܝܵܐ܀ ܬܵܘ ܟܠܲܢ ܢܵܘܕܸ̇ܐ ܠܹܗ ܠܒܲܪ ܡܲܠܟܵܐ ܕܫܵܘܬܸ̇ܦ ܠܲܢ ܒܒܼܘܼܣܵܡܵܐ ܕܐ݇ܪ̈ܵܙܵܘܗܝ. ܘܢܹܐܡܲܪ ܗܲܠܸܠܘܼܝܵܗ. ܒܵܬܹ̈ܐ؛ ܫܲܒܲܚܘ ܙܲܕ̇ܝܼܩܹ̈ܐ ܠܡܵܪܝܵܐ. ܘܠܲܬܼܪ̈ܝܼܨܹܐ ܝܵܐܝܵܐ ܬܸܫܒ̇ܘܿܚܬܵܐ. ܐܵܘܕܵܘ ܠܹܗ ܒܟܸܢܵܪܵܐ܀ ܬܵܘ ܟܠܲܢ ܢܵܘܕܹ̇ܐ ܠܹܗ...܀
♱♱♱♱♱♱♱♱♱
The Assyrian Church
of the East did not yet sanction this document.
|