ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡܪ̱ܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ؛ ܒܡܲܢ̣ܘܼ ܣܵܦܹ̇ܩ.
ܒܪܲܡܫܵܐ ܘܲܒܼܨܲܦܪܵܐ ܘܲܒܼܛܲܗܪܵܐ. ܟܠܗܘܿܢ ܝܵܘ̈ܡܵܬܼܵܐ ܕܚܲܝܲܝ̈ܢ. ܐܲܫܘܵܢ ܡܵܪܲܢ ܒܲܚܢܵܢܵܟܼ ܕܢܸܦܠܘܿܚ ܒܟܲܪܡܵܐ ܕܲܣܒܲܪܬܼܵܟܼ. ܘܢܸܣܲܒ̣ ܟܲܟ̇ܪܹ̈ܐ ܕܝܘܼܠܦܵܢܵܐ ܡ̣ܢ ܓܲܙܵܐ ܕܣܸܦܪ̈ܲܝܟ. ܘܢܲܪܡܸܐ ܡܸܫܚܵܐ ܒܠܲܡܦܹܝܕܲܝ̈ܢ. ܕܲܠܣܲܟܼ̈ܠܵܬܼܵܐ ܠܵܐ ܢܸܕܼܡܸܐ. ܚܲܬܼܢܵܐ ܕܪܵܘܡܵܐ ܐܲܫܘܵܢ ܠܲܓ̣ܢܘܿܢܵܟܼ؛ ܬܢܝܼ؛ ܫܲܒܲܚ. ܨܠܘܿܬܲܢ ܩܲܒܸ̇ܠ ܦܵܪܘܿܩܲܢ ܘܦܲܢܵܐ ܒܪ̈ܲܚܡܲܝܟ ܫܹܐ̈ܠܵܬܲܢ. ܘܲܨܠܝܼܒ̣ܵܟܼ ܢܸܗܘܸܐ ܫܘܼܪܵܐ ܠܟܸܢܫܲܢ ܡ̣ܢ ܒܝܼܫܵܐ ܘܚܲܝܠܹܗ. ܘܢܸܗܘܸܐ ܠܵܟܼ ܥܲܒ̣ܕܹ̈ܐ ܛܵܒܹ̈ܐ. ܘܢܲܣܸܩ ܫܘܼܒ̣ܚܵܐ ܠܡܵܪܘܼܬܼܵܟܼ. ܫܵܘܸ̇ܐ ܠܫܘܼܒ̣ܚܵܐ ܡ̣ܢ ܟܠ ܦܘܼܡ̈ܝܼܢ.
ܩܸܪܝܵܢܵܐ؛ ܒܪܝܼܬܼܵܐ؛ ܝܛ؛1‐27܀ ܚܲܒ̣ܪܹܗ؛ ܝܼܫܘܿܥ ܒܲܪܢܘܿܢ؛ ܟܐ؛ 43‐ܟܒ؛ 10.
ܫܘܼܪܵܝܵܐ. ܙ܀ ܡܸܛܠ ܕܐܸܬ̇ܕ̄ܟܲܪ ܡܸܠܬܼܵܐ ܕܩܘܼܕܼܫܹܗ ܕܐܲܒ̣ܪܵܗܵܡ ܥܲܒ̣ܕܹܗ* ܐܲܦܸܩ̣ ܠܥܲܡܹܗ ܒܚܲܕܼܘܼܬܼܵܐ* ܘܲܒܼܬܸܫܒ̇ܘܿܚܬܵܐ ܠܓܲܕ̇ܘܼܕܼܵܘ̈ܗܝ* ܝܲܗ̣݇ܒ̣ ܠܗܘܿܢ ܐܲܪ̈ܥܵܬܼܵܐ ܕܥܲܡܡܹ̈ܐ* ܘܥܲܡܠܵܐ ܕܐܸܡ̈ܘܵܬܼܵܐ ܝܼܪܸܬ̣ܘ* ܕܢܸܙܕܲܗܪܘܼܢ ܒܦܘܼܩܕܵܢܵܘ̈ܗܝ* ܘܢܵܡܘܿܣܵܘ̈ܗܝ ܢܸܛܪܘܼܢ*
ܫܠܝܼܚܵܐ؛ ܪ̈ܗ݇ܘܿܡܵܝܹܐ؛ ܝܕ؛10‐ܫܘܼܠܵܡܵܐ
ܙܘܼܡܵܪܵܐ؛ ܡܵܪܝܵܐ ܐܲܠܵܗܵܐ ܕܦܘܼܪܩܵܢܝ. ܒܐܝܼܡܵܡܵܐ ܓܥܹܝ̇ܬܼ ܘܲܒܼܠܸܠܝܵܐ ܩܕܼܵܡܲܝܟ. ܬܸܥܘܿܠ ܩܕܼܵܡܲܝܟ ܨܠܘܿܬܼܝ. ܘܐܲܪܟܸ̇ܢ ܐܸܕܼܢܵܟܼ ܠܒ̣ܵܥܘܼܬܼܝ. ܕ܀ ܡܸܛܠ ܕܣܸܒ̣ܥܲܬܸ ܢܲܦ̮ܫܝ ܒܝܼܫܵܬܼ̈ܵܐ. ܘܚܲܝܲܝ̈ ܠܲܫܝܘܿܠ ܡܲܛ̣ܝܼܘ. ܐܸܬܼܚܲܫܒܹ̇ܬܼ ܥܲܡ ܢܵܚܬܲܝ̈ ܓܘܼܒܵܐ. ܘܲܗܘܹܝ̇ܬ̣ ܐܲܝܟܼ ܓܲܒ̣ܪܵܐ ܕܠܲܝܬ̇ ܠܹܗ ܐܝܼܵܠܵܐ. ܕ܀
ܐܹܘܲܢܓܲܠܝܼܘܿܢ؛ ܝܘܿܚܲܢܵܢ؛ ܛ؛39‐ܝ؛22 .
ܕܐ݇ܪ̈ܵܙܹܐ. ܒܩܵܠ؛ ܒܡܲܕܼܒ̇ܚܵܟܼ ܡܵܪܝܵܐ.
ܒܲܪܸܟ̣ܘ ܠܡܵܪܝܵܐ ܡܲܠܲܐܟ̣ܵܘ̈ܗܝ. ܡܫܲܡܫܵܢܵܘ̈ܗܝ ܕܥܵܒ̣ܕ̇ܝܼܢ ܨܸܒ̣ܝܵܢܹܗ. ܡ̣ܢ ܟܪ̈ܘܿܒܹܐ ܩܲܕܝܼܫܹ̈ܐ ܘܲܣܪ̈ܵܦܹܐ ܪ̈ܘܼܚܵܢܹܐ. ܕܠܵܐ ܫܲܠܘܵܐ ܡܸܬܼܪܲܡܪܲܡ ܐܲܢ݇ܬ̇. ܡܲܠܟܵܐ ܕܟܼܠܗܘܿܢ ܥܵܠܡܹ̈ܐ. ܕܒܲܡܪܲܚܡܵܢܘܼܬܼܵܟܼ ܘܲܒܼܣܘܿܓ̣ܐܵܐ ܕܛܲܝܒ̇ܘܼܬܼܵܟܼ ܦܵܪܩܲܬ̇. ܠܟܼܠܹܗ ܓܸܢܣܵܐ ܕܲܒ̣ܢܲܝ̈ܢܵܫܵܐ؛ ܬܢܝܼ. ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܢܵܘܕܸ̇ܐ ܠܒܲܪ ܡܲܠܟܵܐ ܕܐܸܬ̇ܬܲܚܬ̇ܝܼ ܠܘܵܬܲܢ. ܘܲܠܓܸܢܣܲܢ ܡܵܝܘܿܬܼܵܐ ܠܡܵܘܗܲܒܼܬܼܵܐ ܡܥܲܠܲܝܬܵܐ. ܒܛܲܝܒ̇ܘܼܬܹܗ ܐܲܫ̣ܘܝܼ ܠܐ݇ܪ̈ܵܙܹܐ ܕܚܝܼ̈ܠܹܐ. ܟܸܢܫܹ̈ܐ ܕܡܲܠܲܐܟܹ̈ܐ ܒܕܼܸܚܠܵܐ ܪܲܒܵܐ ܘܒܲܪܬܹܝܬܼܵܐ ܩܵܝ̇ܡܝܼܢ ܘܲܡܩܲܕ̇ܫܝܼܢ ܠܲܫܡܹܗ܀ ܘܲܒ̣ܬܸܕܼܡܘܼܪܬܵܐ ܪܲܒ̇ܬܼܵܐ ܥܲܡܲܢ ܩܵܥܹܝ̇ܢ ܟܠܗܘܿܢ ܒܩܵܠܹ̈ܐ ܕܩܲܕ̇ܝܼܫܘܼܬܼܵܐ ܘܐܵܡ̇ܪܝܼܢ. ܩܲܕ̇ܝܼܫ ܡܵܪܝܵܐ ܩܲܕ̇ܝܼܫ ܐܲܠܵܗܵܐ. ܘܲܡܫܲܒܲܚ ܩܲܕ̇ܝܼܫܵܐ ܕܡ̣ܢ ܡܬ̣ܘܿܡ ܐܝܼܬܼܵܘܗܝ.
ܒܵܬܹ̈ܐ؛ ܕܵܪܵܐ ܠܕܼܵܪܵܐ ܢܸܫܬܲܥܘܿܢ ܥܒ̣ܵܕܲܝ̈ܟ. ܘܓܲܢ݇ܒܵܪܘܼܬܼܵܟܼ ܢܚܵܘܘܿܢ܀ ܘܲܒ̣ܬܸܕܼܡܘܼܪܬܵܐ ܪܲܒ̇ܬܼܵܐ.
♱♱♱♱♱♱♱♱♱