ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܕܩܲܢܟܹ̇ܐ؛ ܒܡܵܪܵܐ ܕܟܼܠܵܐ.
ܐܹܪܲܡ̱ܪܡܵܟܼ ܡܵܪܝ ܡܵܠܟܵܐ. ܗܸܝ ܗܘܸܵܬܼ ܠܪܹܫܹܗ ܕܒܸܢܝܵܢܵܐ. ܩܝܵܡܬܵܟܼ ܡܵܪܲܢ ܚܲܝܹ̈ܐ ܗܘܸܵܬܼ. ܠܓܸܢܣܵܐ ܕܐ݇ܢܵܫܵܐ ܕܐܲܒ̇ܝܼܕܼ ܗ݇ܘ̣ܵܐ. ܕܩܵܡ̣ܘ ܘܐܸܬܼܢܲܚܲܡܘ ܘܚܲܝܹ̈ܐ ܩ̣ܢܵܘ. ܒܚܲܝܠܹܗ ܪܲܒܵܐ ܕܲܨܠܝܼܒ̣ܵܐ. ܘܲܫ̣ܠܲܚܘ ܘܲܫ̣ܕܼܵܘ ܚܲܢܦܘܼܬܼܵܐ. ܘܛܘܼܥܝܲܝ ܟܠܵܗ̇ ܕܲܦܬܲܟ̣ܪܹ̈ܐ. ܘܲܒܼܪܲܟܼܘ ܘܲܣ̣ܓܸܕܼܘ ܠܚܲܕܼ ܐܝܼܬܼܝܵܐ. ܕܒܲܒܼܪܹܗ ܚܲܝܵܐ ܦܪܲܩ̣ ܥܵܠܡܹ̈ܐ؛ ܬܢܝܼ؛ ܫܲܒܲܚ. ܨܠܝܼܒܼܵܐ ܕܢܘܼܗܪܵܐ ܕܐܸܬܼܚܵܘܝܼ. ܠܩܘܼܣܛܲܢܛܝܼܢܘܿܣ ܒܲܫܡܲܝܵܐ. ܐܲܝܟܼ ܪܲܒ̇ ܚܲܝܠܵܐ ܐܵܙܹ̇ܠ ܗ݇ܘ̣ܵܐ. ܒܪܹܫ ܡܲܫܪܝܼܬܹܗ ܠܲܩܪܵܒ̣ܵܐ. ܘܙܵܥ ܘܐܸܬܼܒܲܠܗܝܼ ܓܘܼܕܲܝ̈ܗܘܿܢ. ܕܚܲܢܦܹ̈ܐ ܣܵܓ̣ܕܲܝ̈ ܠܒܸܪ̈ܝܵܬܼܵܐ. ܘܐܲܪܦ̣ܝܼܘ ܛܘܼܥܝܲܝ ܕܚܲܢܦܘܼܬܼܵܐ. ܘܲܣ̣ܓܸܕܼܘ ܠܲܨܠܝܼܒܼܵܐ ܘܝܲܩ̣ܪܘܼܗܝ܀
ܩܸܪܝܵܢܵܐ؛ ܐܹܫܲܥܝܵܐ؛ ܢܐ؛ 9‐12؛ ܢܒ؛ 7‐13. ܚܲܒ̣ܪܹܗ؛ ܦܪܲܟ̇ܣܝܼܣ؛ ܝ؛ 1‐17.
ܫܘܼܪܵܝܵܐ؛ ܡܲܢ̣ܘܼ ܕܦܵܚܹ̇ܡ ܠܡܵܪܝܵܐ ܒܲܫܡܲܝ̈ ܫܡܲܝܵܐ* ܘܲܕ̇ܕܼܵܡܹ̇ܐ ܠܡܵܪܝܵܐ ܒܲܒ̣ܢܲܝ̈ ܡܲܠܲܐܟܹ̈ܐ* ܐܲܠܵܗܵܐ ܩܵܡ̣ ܒܥܹܕ̇ܬܵܐ ܕܩܲܕ̇ܝܼܫܹ̈ܐ* ܪܲܒ̇ ܘܲܕܼܚܝܼܠ ܥܲܠ ܟܠܗܘܿܢ ܕܲܚܕܼܵܪ̈ܵܘܗܝ* ܡܵܪܝܵܐ ܐܲܠܵܗܵܐ ܚܲܝܠ̱ܬܼܵܢܵܐ. ܡܲܢ̣ܘܼ ܐܲܟܼܘܵܬܼܵܟܼ ܥܲܫܝܼܢܵܐ*
ܫܠܝܼܚܵܐ؛ ܐܲܦܸܣܵܝܹ̈ܐ؛ ܒ؛ 4‐ܫܘܼܠܵܡܵܐ.
ܙܘܼܡܵܪܵܐ؛ ܒܫܲܒܲܚܝ ܐܘܿܪܸܫܠܸܡ. ܫܲܒܲܚܘ ܠܡܵܪܝܵܐ ܟܠܟ̣ܘܿܢ ܥܲܡܡܹ̈ܐ. ܫܲܒ̣ܚܵܝ̈ܗܝ ܟܠܗܹܝܢ ܐܸܡ̈ܘܵܬܼܵܐ. ܒ܀ ܡܸܛܠ ܕܥܸܫܢܲܬܸ ܥܠܲܝܢ ܛܲܝܒ̇ܘܼܬܹܗ. ܫܲܪܝܼܪܵܐܝܼܬܼ ܡܵܪܝܵܐ ܗ݇ܘ̣ ܠܥܵܠܲܡ. ܒ܀
ܐܹܘܲܢܓܲܠܝܼܘܿܢ؛ ܝܘܿܚܲܢܵܢ؛ ܝܙ؛ 1‐ ܫܘܼܠܵܡܵܐ
ܕܐ݇ܪ̈ܵܙܹܐ؛ ܒܢܸܬ̇ܛܲܝܲܒ̣ ܒܕܸܚܠ̱ܬܼܵܐ. ܬܵܘ ܢܫܲܒܲܚ ܠܡܵܪܝܵܐ؛ ܠܐܲܝܠܹܝܢ ܕܲܬܼܪܝܼܨܝܼܢ ܒܠܸܒ̇ܗܘܿܢ. ܕܨܘܼܪܬܵܐ. ܗܵܢܵܘ ܠܲܚܡܵܐ ܕܝܲܗ݇ܒ̣ ܡܵܪܝܵܐ ܠܡܹܐܟܲܠ. ܗܵܢܵܐ ܐ݇ܪܵܙܵܐ ܪܲܒ̇ܘܼ. ܗܵܐ ܐ݇ܪܵܙܵܐ ܫܡܲܝܵܢܵܐ ܛܲܝܸܒܼ ܠܟܼܘܿܢ. ܗܵܘ̇ ܪܵܥܝܵܐ ܫܲܪܝܼܪܵܐ ܕܚܲܫ̣ ܥܲܠ ܐܲܦܲܝ̈ܢ. ܥܸܪ̈ܒܹ̇ܐ ܡܠܝܼܠܹ̈ܐ ܦܪ̈ܝܼܩܲܝ ܒܲܨܠܝܼܒܼܵܐ. ܩܪܘܿܒ̣ܘ ܘܐܸܬܼܒܲܣܲܡܘ ܒܐ݇ܪ̈ܵܙܹܐ ܡܲܚܝܵܢܹ̈ܐ. ܘܐܸܫܬܵܘ ܟܵܣܵܐ ܕܦܘܼܪܩܵܢܵܐ ܕܗܸܘ ܡܫܝܼܚܵܐ ܡ̣ܙܲܓ̣ ܠܟܼܘܿܢ؛ ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܒܗܵܐ ܦܲܓ̣ܪܵܐ. ܒܪܝܼܟܼ ܪܵܥܝܵܐ ܕܲܚ̣ܙܵܗ̇ ܠܥܵܢܹ̈ܗ. ܕܟܲܦܢܵܐ ܘܲܩ̣ܨܵܐ ܠܵܗ̇ ܦܲܓ̣ܪܹܗ. ܘܲܬܼܪܲܥ̣ ܕܲܦܢܹܗ ܠܫܵܩܘܼܬܼܵܐ. ܘܐܲܪܕ̇ܝܼ ܠܵܗ̇ ܡܲܝ̈ܵܐ ܚܲܝܹ̈ܐ. ܗܲܠܸܠܘܼܝܲܗ܀
ܒܵܬܹ̈ܐ؛ ܐܸܢ ܡ̣ܢ ܦܲܓ̣ܪܹܗ ܕܕܼܵܢܝܼܐܹܝܠ. ܐܸܣܬܲܪܲܕܘ ܐܲܪ̈ܝܵܘܵܬܼܵܐ. ܟܡܵܐ ܡ̣ܢ ܦܲܓ̣ܪܹܗ ܕܦܵܪܘܿܩܲܢ. ܡܸܣܬܲܪܕܼܵܐ ܫܝܘܿܠ ܘܲܚܛܝܼܬܼܵܐ. ܗܲܠܸܠܘܼܝܲܗ.
♱♱♱♱♱♱♱♱♱