ܚܲܕܼܒ̇ܫܲܒܵܐ ܕ ܕܲܨܠܝܼܒ̣ܵܐ. ܙ ܕܐܹܠܝܼܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܕܩܲܢܟܹ̇ܐ. ܒܠܵܟܼ ܗ݇ܘ̣ ܩܵܪܹܝ̇ܢܲܢ.
ܡܸܛܠ ܕܛܵܒܼܝܼܢ ܪ̈ܲܚܡܲܝܟ ܡ̣ܢ ܚܲܝܹ̈ܐ؛ ܡܵܪܝܵܐ ܪ̈ܲܚܡܲܝܟ ܠܥܵܠܲܡ. ܒܪ̈ܲܚܡܹܐ ܕܛܲܝܒ̇ܘܼܬܼܵܟܼ ܚܲܪܲܪ ܢܲܦ̮̈ܫܵܬܲܢ ܡ̣ܢ ܡܵܘܬܵܐ ܝܲܥܢܵܐ؛ ܬܢܝܼ؛ ܘܫܲܒܲܚ. ܒܵܗ̇.
ܩܸܪܝܵܢܵܐ. ܬܸܢܝܵܢ ܢܵܡܘܿܣܵܐ ܝ؛ 12‐ܫܘܼܠܵܡܵܐ ܚܲܒ̣ܪܹܗ. ܐܹܫܲܥܝܵܐ ܟܚ؛ 23‐ܟܛ؛ 13
ܫܘܼܪܵܝܵܐ؛ ܒܲܪܸܟܼ ܐܸܢܘܿܢ ܘܲܣ̣ܓ̣ܝܼܘ ܛܵܒ̣* ܘܲܒܥܝܼܪܗܘܿܢ ܠܵܐ ܙ̣ܥܲܪܘ* ܘܲܙ̣ܥܲܪܘ ܘܐܸܬܼܡܲܟܲܟܼܘ ܒܣܘܿܓ̣ܐܵܐ ܕܒܼܝܼܫܬܵܐ ܘܲܕ̇ܕܼܵܘܘܿܢܵܐ* ܐܲܪܡ̣ܝܼ ܒܝܼܫܬܵܐ ܥܲܠ ܫܲܠܝܼܛܹ̈ܐ* ܘܐܲܛ̣ܥܝܼ ܐܸܢܘܿܢ ܒܬܼܵܘܫܵܐ ܕܠܵܐ ܐܘܼܪܚܵܐ* ܘܐܲܥ̣ܫܸܢ ܠܡܸܣܟܹ̇ܢܹ̈ܐ ܘܲܥ̣ܒܲܕܼ ܐܲܝܟܼ ܥܵܢ̈ܵܐ ܫܲܪ̈ܒ̣ܵܬܼܗܘܿܢ* ܕܢܸܚܙܘܿܢ ܙܲܕ̇ܝܼܩܹ̈ܐ ܘܢܸܚܕ̇ܘܿܢ*
ܫܠܝܼܚܵܐ؛ ܐ ܩܘܿܪ̈ܲܢܬܼܵܝܹܐ ܝܕ؛ 26‐ܫܘܼܠܵܡܵܐ
ܙܘܼܡܵܪܵܐ. ܫܘܼܚܠܵܦ ܟܵܗܢܲܝ̈ܟ. ܪܲܚܸܡܥܠܲܝ ܐܲܠܵܗܵܐ ܡܸܛܠ ܕܒ̣ܵܟܼܘܼ ܡܣܲܒ̇ܪܵܐ ܢܲܦ̮ܫܝ. ܘܲܒܼܛܸܠܵܠܵܐ ܕܟܸܢܦܲܝ̈ܟ ܐܸܣܬܲܬܲܪ. ܒ܀ ܐܸܩܪܸܐ ܠܐܲܠܵܗܵܐ ܡܪܲܝܡܵܐ ܘܠܲܐܠܵܗܵܐ ܦܵܪܘܿܩܝ. ܕܫܲܕܲܪ ܡ̣ܢ ܫܡܲܝܵܐ ܘܦܲܪܩܲܢ. ܘܚܲܣܸܕܼ ܠܲܒ̣ܥܸܠܕܒ̣ܵܒܲܝ̈. ܓ܀
ܐܹܘܲܢܓܲܠܝܼܘܿܢ. ܡܲܬܲܝ ܝܚ؛ 1‐19
ܕܐܹܘܲܢܓܲܠܝܼܘܿܢ. ܒܫܘܼܪܵܝ ܡܵܪܵܐ ܕܟܼܠܵܐ. ܐܸܬ̇ܛܥܝܼܬܼ ܐܲܝܟܼ ܢܸܩܝܵܐ ܐܲܒ̇ܝܼܕ̇ܬܵܐ ܒܥܝܼܘܗܝ ܠܥܲܒ̣ܕܵܟܼ؛ ܐܲܦܢܵܢ ܐܲܠܵܗܵܐ ܦܵܪܘܿܩܲܢ. ܡ̣ܢ ܡܸܢܝܵܢ ܡܵܐܐ ܕܲܓ̣ܙܵܪܵܐ ܕܥܸܪ̈ܒܲܝܟ. ܐܸܢܵܐ ܗ݇ܘ̣ ܒܲܠܚܘܿܕܼ ܐܸܒ̣ܕܹ̇ܬܼ ܘܲܛܥܹ̇ܝܬܼ ܡ̣ܢ ܛܝܵܪܵܐ ܕܥܵܢ̈ܵܟܼ. ܘܲܒ̣ܡܸܠܲܝ̈ ܘܚܘܼܫܵܒܲܝ̈ ܘܒܲܥܒ̣ܵܕܲܝ̈ ܠܵܟܼ ܐܲܪܓ̇ܙܹ̇ܬܼ. ܟܲܢܸܫܹܝܗ̇ ܠܐܲܒ̇ܝܼܕܼܘܼܬ̣ܝ. ܐܘܿ ܕܲܒ̣ܪ̈ܲܚܡܵܘܗܝ ܐܸܫܬܵܘܕܝܼ. ܕܲܥܕܲܡܵܐ ܠܲܫܒܲܥ ܠܫܲܒ̣ܥܝܼܢ ܙܲܒ̣ܢ̈ܝܼܢ ܐܸܫܒ̇ܘܿܩ ܣܲܟ̣̈ܠ̱ܘܵܬܼܵܐ. ܒܵܥܹ̇ܐ ܐ݇ܢܵܐ ܪܲܚܸܡ ܥܠܲܝ؛ ܬܢܝܼ؛ ܫܲܒܲܚ. ܒܲܡܫܝܼܚܵܐ ܐܸܬܼܝܼܠܸܕܼ. ܥܸܪܒܵܐ ܡ̣ܢ ܥܵܢ̈ܵܟܼ ܐܝܼܬܲܝ ܘܲܫܒܸܐ ܐ݇ܢܵܐ. ܒܨܸܒ̣ܝܵܢܝ ܠܲܚܛܝܼܬܼܵܐ ܒܪܲܦܝܘܼܬܼ ܕܘܼܒܵܪ̈ܲܝ. ܪܵܚܹ̇ܡ ܬܲܝܵܒܹ̈ܐ ܒܥܝܼܗ̇ ܡܵܪܝ ܠܐܲܒ̇ܝܼܕܼܘܼܬܼܝ. ܘܐܲܦܢܵܢܝ ܠܲܛܝܵܪܵܟܼ ܘܐܸܬܼܪܲܚܲܡ ܥܠܲܝ.
ܕܐ݇ܪ̈ܵܙܹܐ؛ ܒܐܲܝܠܹܝܢ ܕܐܸܬ̇ܬ̇ܚܸܕܼܘ. ܟܠܗܘܿܢ ܝܵܘ̈ܡܵܬܼܵܐ ܕܚܲܝܲܝ̈؛ ܡܸܛܠ ܕܡ̣ܢ ܠܘܵܬܼܵܟܼ ܗ݇ܘ̣ ܫܘܼܒ̣ܩܵܢܵܐ. ܕܨܘܼܪܬܵܐ. ܡܸܛܠ ܕܝܵܘ̈ܡܵܬܼܵܐ ܐܸܢܘܿܢ ܗܵܠܹܝܢ ܕܲܬܼܒܲܥܬܼܵܐ. ܘܲܫܒ̣ܘܿܩ ܠܲܢ ܚܵܘ̈ܒܲܝܢ ܘܲܚܛܵܗܲܝ̈ܢ. ܟܠܗܘܿܢ ܝܵܘ̈ܡܵܬܼܵܐ ܕܚܲܝܲܝ̈ܢ. ܡܸܢܵܟܼ ܫܵܐ̇ܠܝܼܢܲܢ ܡܫܝܼܚܵܐ ܦܵܪܘܿܩܲܢ. ܗܵܘ̇ ܕܡܸܬܼܪܲܡܪܲܡ ܡ̣ܢ ܥܝܼܪܹ̈ܐ. ܘܡ̣ܢ ܟܪ̈ܘܿܒܹܐ ܘܲܣܪ̈ܵܦܹܐ ܡܸܬܼܩܲܕܲܫ. ܠܲܡܩܲܒܵܠܘܼ ܫܘܼܒ̣ܩܵܢܵܐ ܕܚܵܘ̈ܒܹܐ ܘܕܲܚܛܵܗܹ̈ܐ. ܡ̣ܢ ܠܘܵܬܼܵܟܼ ܪܵܚܹ̇ܡ ܐ݇ܢܵܫܵܐ؛ ܬܢܝܼ. ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܒܥܲܡ ܟܪ̈ܘܿܒܹܐ. ܐ݇ܪܵܙܵܐ ܡܚܲܣܝܵܢܵܐ ܘܲܕܼܡܵܐ ܝܲܩܝܼܪܵܐ ܡܸܬܼܦܲܠܲܓ̣. ܬܵܘ ܟܠܲܢ ܢܗܲܠܠܝܼܘܗܝ ܟܲܕܼ ܐܵܡ̇ܪܝܼܢܲܢ. ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܐܘܿ ܡܵܪܹܟ̇ܠ. ܠܲܚܡܵܐ ܓܹܝܪ ܫܡܲܝܵܢܵܐ ܡܸܬܼܦܲܠܲܓ̣ ܠܥܲܡܡܹ̈ܐ ܠܚܘܼܣܵܝ ܚܵܘ̈ܒܵܬܼܵܐ. ܢܸܩܪܘܿܒ̣ ܘܢܸܣܒ̣ܝܼܘܗܝ܀ ܘܫܘܼܒ̣ܚܵܐ ܥܲܡ ܥܝܼܪܹ̈ܐ ܢܝܲܒܸ̇ܒܼ ܠܹܗ ܘܢܹܐܡܲܪ ܗܲܠܸܠܘܼܝܲܗ.
ܒܵܬܹ̈ܐ؛ ܒܲܪܸܟܼܘ ܠܡܵܪܝܵܐ ܡܲܠܲܐܟ̣ܵܘ̈ܗܝ. ܕܲܡܨܹܝܢ ܒܚܲܝܠܵܐ ܘܥܵܒ̣ܕܝܼܢ ܦܘܼܩܕܵܢܵܘ̈ܗܝ܀ ܘܫܘܼܒ̣ܚܵܐ ܥܲܡ ܥܝܼܪܹ̈ܐ ܢܝܲܒܸ̇ܒܼ ܠܹܗ ܘܢܹܐܡܲܪ ܗܲܠܸܠܘܼܝܲܗ.
♱♱♱♱♱♱♱♱♱