1ܗܲܕܟܼܵܐ ܐܘܼܦ ܐܲܚܬܘܿܢ؛ ܒܲܟܼܬܵܬܹ̈ܐ؛ ܦܘܼܫܘܿܢ ܙܲܒܛ ܠܓܲܒܼܪ̈ܵܢܵܘܟܼܘܿܢ؛ ܕܐܸܢ ܐ݇ܢܵܫܹ̈ܐ ܡܲܨܝܸܬܝ ܠܗܹܡܸܙܡܵܢ؛ ܒܕܘܼܒܵܪܹ̈ܐ ܕܒܲܟܼܬܵܬܵܝ̈ܗܝ ܕܠܵܐ ܗܹܡܸܙܡܵܢ ܦܵܝܫܝܼ ܩܸܢܝܹܐ؛ 2ܟܲܕ ܚܵܙܝܼ ܕܘܼܒܵܪ̈ܵܘܟܼܘܿܢ ܕܸܟܼܝܹ̈ܐ ܕܥܲܡ ܙܕܘܼܥܬܵܐ. 3ܕܣܲܩܵܠܬܵܝܗܝ ܠܵܐ ܗܵܘܝܵܐ ܗ̇ܝ ܕܠܒܲܕܲܪ؛ ܕܓܕܵܠܝܵܬܹ̈ܐ ܕܟܵܘܣܵܐ؛ ܘܒܡܚܵܝܬܵܐ ܕܕܲܗܒܼܵܐ؛ ܘܒܠܒܼܸܫܬܵܐ ܕܓ̰ܘܼܠܹ̈ܐ؛ 4ܐܸܠܵܐ ܒܒܲܪܢܵܫܵܐ ܛܸܫܝܵܐ ܕܠܸܒܵܐ؛ ܒܪܘܼܚܵܐ ܡܲܟܝܼܟܼܬܵܐ ܘܫܠܝܼܬܵܐ ܕܠܹܐ ܚܵܪܒܼܵܐ؛ ܕܝܼܠܵܗ̇ ܪܵܒܵܐ ܡܵܪܹܐ ܛܝܼܡܵܐ ܩܵܕ݇ܡ ܐܲܠܵܗܵܐ. 5ܣܵܒܵܒ ܗܲܕܟܼܵܐ ܐܘܼܦ ܡ̣ܢ ܩܵܕ݇ܡܵܝܬܵܐ ܒܲܟܼܬܵܬܹ̈ܐ ܩܲܕܝܼܫܹ̈ܐ؛ ܐܵܢܝܼ ܕܒܗܹܒܼܝܼ ܗَܘܵܘ ܒܐܲܠܵܗܵܐ؛ ܟܹܐ ܣܵܩܠܝܼ ܗَܘܵܘ ܓܵܢܵܝ̈ܗܝ ܘܦܵܝܫܝܼ ܗَܘܵܘ ܙܲܒܛ ܠܓܲܒܼܪ̈ܵܢܵܝܗܝ؛ 6ܕܵܐܟܼܝܼ ܕܣܲܪܵܐ ܦܵܝܫܵܐ ܗَܘܵܐ ܙܲܒܛ ܠܐܲܒܼܪܵܗܵܡ؛ ܘܩܵܪܝܵܐ ܗَܘܵܐ ܠܹܗ؛ ܡܵܪܝܼ؛ ܗ̇ܝ ܕܟܹܐ ܗܵܘܹܝܬܘܿܢ ܐܸܠܵܗ̇ ܒܢܵܬܹ̈ܐ ܒܦܘܼܠܚܵܢܹ̈ܐ ܛܵܒܼܹ̈ܐ؛ ܟܲܕ ܠܵܐ ܦܵܝܫܝܼܬܘܿܢ ܫܥܝܼܫܹܐ ܡ̣ܢ ܟ̰ܘܼ ܙܕܘܼܥܬܵܐ. 7ܐܘܼܦ ܗܲܕܟܼܵܐ ܓܲܒܼܪܹ̈ܐ؛ ܥܡܘܿܪܘܼܢ ܥܲܡ (ܒܲܟܼܬܵܬܵܘ̈ܟܼܘܿܢ) ܒܝܕܹܥܬܵܐ؛ ܘܐܲܝܟܼ ܕܠܡܵܢܵܐ ܒܘܼܫ ܙܲܒܘܼܢ؛ ܒܐܝܼܩܵܪܵܐ ܕܒܼܘܿܩܘܿܢ ܠܒܲܟܼܬܵܐ؛ ܣܵܒܵܒ ܐܘܼܦ ܐܵܢܝܼ ܥܲܡܵܘܟܼܘܿܢ ܒܸܬ ܝܵܪܬܝܼ ܫܵܦܵܩܲܬ ܕܚܲܝܹ̈ܐ ܕܠܵܐ ܦܵܝܫܝܼ ܡܘܼܟܠܝܼܹܐ ܨܠܵܘܵܬܵܘ̈ܟܼܘܿܢ. 8ܐܝܼܢܵܐ ܚܸܠܵܨܵܐ ܗܵܘܹܝܬܘܿܢ ܟܠܵܘܟܼܘܿܢ ܒܣܵܙܹܓܵܪܘܼܬܵܐ؛ ܘܗܵܘܹܝܬܘܿܢ ܒܸܩܒܵܠܵܐ ܚܲܫܵܐ ܥܲܡ ܩܵܒ̇ܠܵܢܹ̈ܐ ܕܚܲܫܵܐ؛ ܡܲܚܸܒܵܢܹ̈ܐ ܠܐܵܚܘܿܢܘܵܬܹ̈ܐ؛ ܪ̈ܵܚܡܵܢܹܐ؛ ܘܡܵܟܝܼܟܼܹ̈ܐ. 9ܒܝܼܫܬܵܐ ܡܒܵܕܵܠ ܕܒܝܼܫܬܵܐ ܠܵܐ ܦܵܪܥܝܼܬܘܿܢ؛ ܘܐܘܼܦ ܠܵܐ ܨܵܥܪܬܵܐ ܡܒܵܕܲܠ ܕܨܵܥܪܬܵܐ؛ ܐܸܠܵܐ ܕܲܪܩܘܼܒܼܠ ܕܐܲܢܹܐ ܗܵܘܹܝܬܘܿܢ ܒܵܪܘܿܟܹܐ؛ ܣܵܒܵܒ ܠܕܐܵܗܵܐ ܦܸܫܠܵܘܟܼܘܿܢ ܩܸܪܝܹܐ؛ ܕܒܘܼܪܟܬܵܐ ܝܵܪܬܝܼܬܘܿܢ. 10ܣܵܒܵܒ؛ ܗ̇ܘ ܕܒܵܥܝܹܐ ܕܡܲܚܸܒ ܚܲܝܹ̈ܐ؛ ܘܚܵܙܹܐ ܝܵܘܡܵܢܹ̈ܐ ܛܵܒܼܹ̈ܐ؛ ܢܵܛܸܪ ܠܸܫܵܢܹܗ ܡ̣ܢ ܒܝܼܫܬܵܐ ܘܣܸܦܘܵܬܹ̈ܗ ܕܠܵܐ ܗܲܡܙܸܡܝܼ ܦܸܠܡܵܐ؛ 11ܘܥܵܒܼܸܪ ܡ̣ܢ ܒܝܼܫܬܵܐ ܘܥܵܒܼܹܕ ܛܵܒܼܬܵܐ؛ ܛܵܥܹܐ ܠܫܠܵܡܵܐ؛ ܘܪܵܚܸܛ ܒܵܬ݇ܪܹܗ. 12ܣܵܒܵܒ ܥܲܝܢܹ̈ܐ ܕܡܵܪܝܵܐ ܥܲܠ ܙܲܕܝܼܩܹ̈ܐ ܝ݇ܢܵܐ؛ ܘܢܵܬܝܵܬ̈ܘܼܗܝ ܠܦܲܪܦܲܠܬܵܝܗܝ. ܐܝܼܢܵܐ ܦܵܬܵܐ ܕܡܵܪܝܵܐ ܥܲܠ ܥܵܒܼܕܵܢܹ̈ܐ ܕܒܝܼܫܬܵܐ ܝ݇ܠܵܗ̇. 13ܘܡܵܢܝܼ ܝ݇ܠܹܗ ܗ̇ܘ ܕܥܵܒܼܸܕ ܐܸܠܵܘܟܼܘܿܢ ܒܝܼܫܬܵܐ؛ ܐܸܢ ܗܵܘܹܝܬܘܿܢ ܩܝܼܪ̈ܲܬܟܲܫܹܐ ܕܛܵܒܼܬܵܐ؛ 14ܐܝܼܢܵܐ ܐܸܢ ܩܵܒܠܝܼܬܘܿܢ ܚܲܫܵܐ ܒܚܵܬܸܪ ܕܟܹܐܢܘܼܬܵܐ؛ ܛܘܼܒܼܵܐ ܐܸܠܵܘܟܼܘܿܢ. ܘܠܵܐ ܙܵܕܥܝܼܬܘܿܢ ܡ̣ܢ ܕܐܵܢܝܼ ܕܡܲܙܕܥܝܼ ܠܵܘܟܼܘܿܢ؛ ܘܠܵܐ ܦܵܝܫܝܼܬܘܿܢ ܫܓܼܝܼܫܹ̈ܐ؛ 15ܐܸܠܵܐ ܩܲܕܫܘܿܢ ܒܠܸܒܵܘܵܬܵܘ̈ܟܼܘܿܢ ܠܡܵܪܝܵܐ ܡܫܝܼܚܵܐ؛ ܘܗܵܘܹܝܬܘܿܢ ܗܲܡܵܫܵܐ ܗܵܙܸܪ ܠܝܼܵܗ݇ܒܼܵܐ ܓ̰ܘܼܘܵܒ ܠܟܠ ܕܒܵܩܸܪܵܘܟܼܘܿܢ ܗܹܡܸܙܡܵܢ ܥܲܠ ܗܹܒܼܝܼ ܕܒܝܼܵܘܟܼܘܿܢ ܐܸܠܵܐ ܒܡܲܟܝܼܟܼܘܼܬܵܐ ܘܒܙܕܘܿܥܬܵܐ؛ 16ܟܲܕ ܐܝܼܬܠܵܘܟܼܘܿܢ ܐܸܢܝܲܬ ܛܵܒܼܬܵܐ؛ ܕܵܐܟܼܝܼ ܕܟܲܕ ܗܲܡܙܸܡܝܼ ܥܲܠܵܘܟܼܘܿܢ ܐܲܝܟܼ ܕܥܲܠ ܥܵܒܼܕܵܢܹ̈ܐ ܕܒܝܼܫܬܵܐ؛ ܢܵܚܦܝܼ ܐܵܢܝܼ ܕܠܵܚܡܝܼ ܠܕܘܼܒܵܪ̈ܵܘܟܼܘܿܢ ܫܲܦܝܼܪܹ̈ܐ ܕܒܡܫܝܼܚܵܐ. 17ܣܵܒܵܒ ܒܘܼܫ ܨܦܵܝܝܼ ܝ݇ܠܵܗ̇ ܕܩܵܒܠܝܼܬܘܿܢ ܚܲܫܵܐ ܟܲܕ ܥܵܒܼܕܝܼܬܘܿܢ ܦܘܼܠܚܵܢܹ̈ܐ ܛܵܒܼܹ̈ܐ ܐܸܢ ܗܲܕܟܼܵܐ ܝ݇ܠܹܗ ܪܸܙܵܝܵܐ ܕܐܲܠܵܗܵܐ ܡ̣ܢ ܕܟܲܕ ܥܵܒܼܕܝܼܬܘܿܢ ܒܝܼܫܵܬܹ̈ܐ. 18ܣܵܒܵܒ ܐܘܼܦ ܡܫܝܼܚܵܐ ܚܕܵܐ ܓܵܗܵܐ ܡܝܼܬܠܹܗ ܡܒܵܕܵܠ ܕܚܛܝܼܵܬܹ̈ܐ؛ ܙܲܕܝܼܩܵܐ ܡܵܒܵܕܵܠ ܕܚܲܛܵܝܹ̈ܐ؛ ܕܡܲܝܬ݇ܝܹܐ ܗَܘܵܐ ܠܲܢ ܩܘܼܪܒܵܐ ܠܐܲܠܵܗܵܐ؛ ܘܡܝܼܬܠܹܗ ܒܦܲܓܼܪܵܐ؛ ܘܚܝܼܠܹܗ ܒܪܘܼܚܵܐ؛ 19ܕܒܝܼܵܗ̇ ܐܘܼܦ ܪ݇ܚܸܫܠܹܗ ܡܘܼܟܪܸܙܠܹܗ ܠܪ̈ܘܼܚܵܬܹܐ ܕܓܵܘ ܒܹܝܬܼ ܢܛܘܼܪܬܵܐ؛ 20ܐܵܢܝܼ ܕܡ̣ܢ ܩܵܕ݇ܡܵܝܬܵܐ ܠܹܐ ܗَܘܵܘ ܡܘܼܨܝܸܬܹܐ؛ ܟܲܕ ܚܕܵܐ ܓܵܗܵܐ ܡܲܪܝܵܟܼܬܵܐ ܕܒܹܢܹܗ ܕܐܲܠܵܗܵܐ ܣܦܸܪܵܗ̇ ܒܝܵܘܡܵܢܹ̈ܐ ܕܢܘܿܚ؛ ܟܲܕ ܗܵܕܘܿܪܹ̈ܐ ܗَܘܵܐ ܩܹܒܼܘܼܬܵܐ؛ ܕܓܵܘܵܗ̇ ܚܲܕَܟ̰ܵܐ؛ ܝܲܥܢܹܐ؛ ܬܡܵܢܝܵܐ ܓܵܢܵܬܹ̈ܐ؛ ܦܸܫܠܗ݇ܘܿܢ ܦܘܼܪܩܹܐ ܒܝܼܲܕ ܡܝܼ̈ܵܐ؛ 21ܕܐܘܼܦ ܐܲܚܢܲܢ ܗܲܪ ܒܗܵܘ̇ ܛܘܼܦ̮ܣܵܐ ܒܸܚܵܝܵܐ ܝ݇ܘܵܚ ܐܵܕܝܼܵܐ ܒܡܲܥܡܘܿܕܝܼܬܵܐ؛ ܠܵܐ ܪܲܦܵܝܬܵܐ ܕܫܸܚܬܵܐ ܕܒܸܣܪܵܐ؛ ܐܸܠܵܐ ܡܵܘܕܵܝܬܵܐ ܒܐܲܠܵܗܵܐ ܒܐܸܢܝܲܬ ܕܟܼܝܼܬܵܐ؛ ܒܝܼܲܕ ܩܝܵܡܬܹܗ ܕܝܼܫܘܿܥ ܡܫܝܼܚܵܐ؛ 22ܗ̇ܘ ܕܝܼܠܹܗ ܐ݇ܙܝܼܠܵܐ ܠܫܡܲܝܵܐ؛ ܘܥܲܠ ܝܲܡܝܼܢܵܐ ܕܐܲܠܵܗܵܐ ܝ݇ܠܹܗ؛ ܘܦܸܫܠܗ݇ܘܿܢ ܙܲܒܛ ܐܸܠܹܗ ܡܲܠܲܐܟܹ̈ܐ ܘܫܲܠܝܼܛܵܢܹ̈ܐ ܘܚܲܝܠܵܘܵܬܹ̈ܐ.