1ܗܲܪ ܦܝܵܫܵܐ ܝَܠܵܗ̇ ܫܡܝܼܥܬܵܐ ܓܵܘܵܘܟܼܘܿܢ ܙܵܢܝܘܼܬܵܐ؛ ܘܐܲܝܟܼ ܕܐܵܗܵܐ ܙܵܢܝܘܼܬܵܐ ܗ̇ܝ ܕܠܲܝܬ ܐܘܼܦ ܓܵܘ ܚܲܢܦܹ̈ܐ؛ ܗܲܠ ܕܓܵܒܼܸܪ ܐَܢܵܫܵܐ ܒܲܟܼܬܵܐ ܕܒܵܒܹܗ. 2ܘܐܲܚܬܘܿܢ ܚܬܸܪܵܘܟܼܘܿܢ؛ ܘܠܵܐ ܙܵܘܕܵܐ ܝܬܸܒܼܠܵܘܟܼܘܿܢ ܒܬܵܙܝܼ؛ ܕܦܵܝܸܫ ܫܩܝܼܠܵܐ ܡ̣ܢ ܓܵܘܵܘܟܼܘܿܢ ܗ̇ܘ ܕܦܠܸܚܠܹܗ ܐܵܗܵܐ ܫܘܼܠܵܐ. 3ܣܵܒܵܒ ܐܵܢܵܐ؛ ܟܲܕ ܪܸܚܩܵܐ ܝܘܸܢ ܡܸܢܵܘܟܼܘܿܢ ܒܦܲܓܼܪܵܐ؛ ܘܩܘܼܪܒܵܐ ܐܸܠܵܘܟܼܘܿܢ ܒܪܘܼܚܵܐ؛ ܡ̣ܢ ܩܵܕَܡ ܐܵܕܝܼܵܐ ܕܝܼܢܵܐ ܝܘܸܢ ܐܲܝܟܼ ܩܘܼܪܒܵܐ ܠܗ̇ܘ ܕܗܲܕܟܼܵܐ ܦܠܸܚܠܹܗ ܐܵܗܵܐ؛ 4ܕܒܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܟܲܕ ܗܵܘܝܼܬܘܿܢ ܓܸܡܥܝܹܐ؛ ܘܐܵܢܵܐ ܥܲܡܵܘܟܼܘܿܢ ܒܪܘܼܚܵܐ؛ ܥܲܡ ܚܲܝܠܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ 5ܣܵܦܝܼܬܘܿܢ ܠܗ̇ܘ ܕܗܲܕܟܼܵܐ ܠܣܵܛܵܢܵܐ ܠܬܠܵܩܵܐ ܕܦܲܓܼܪܹܗ؛ ܕܪܘܼܚܵܐ ܚܲܝܵܐ ܒܝܵܘܡܹܗ ܕܡܵܪܲܢ ܝܼܫܘܿܥ. 6ܠܹܐ ܝܠܹܗ ܨܦܵܝܝܼ ܫܘܼܒܼܗܵܪܵܘܟܼܘܿܢ. ܠܹܐ ܝܬܘܿܢ ܒܝܼܕܲܥܝܵܐ ܕܚܲܕَܟ̰ܵܐ ܚܡܝܼܪܵܐ ܟܠܵܗܿ ܓܒܼܝܼܠܬܵܐ ܟܹܐ ܡܲܚܡܸܥ ܠܵܗܿ؛ 7ܕܵܟܼܹܐܡܘܿܢ ܚܡܝܼܪܵܐ ܥܲܬܝܼܩܵܐ؛ ܕܗܵܘܝܼܬܘܿܢ ܓܒܼܝܼܠܬܵܐ ܚܲܕَܬܵܐ؛ ܐܲܝܟܼ ܕܝܼܬܘܿܢ ܦܲܛܝܼܪܵܐ؛ ܣܵܒܵܒ ܦܸܨܚܵܐ ܕܝܲܢ؛ ܡܫܝܼܚܵܐ؛ ܦܸܫܠܹܗ ܦܪܝܼܡܵܐ. 8ܣܵܒܵܒ ܕܐܵܗܵܐ ܥܵܒܼܕܵܚ ܥܹܐܕܵܐ؛ ܠܵܐ ܒܚܡܝܼܪܵܐ ܥܲܬܝܼܩܵܐ؛ ܘܠܵܐ ܒܚܡܝܼܪܵܐ ܕܒܝܼܫܘܼܬܵܐ ܘܕܡܲܪܝܼܪܘܼܬܵܐ؛ ܐܸܠܵܐ ܒܦܲܛܝܼܪܵܐ ܕܨܸܦܝܘܼܬܵܐ ܘܬܪܘܼܨܘܼܬܵܐ. 9ܟܬܸܒܼܠܝܼ ܐܸܠܵܘܟܼܘܿܢ ܒܐܸܓܲܪܬܵܐ؛ ܕܠܵܐ ܚܵܒܼܛܝܼܬܘܿܢ ܥܲܡ ܙܲܢܵܝܹ̈ܐ؛ 10ܠܵܐ ܗܲܪ ܥܲܡ ܙܲܢܵܝܹ̈ܐ ܕܐܵܗܵܐ ܥܵܠܡܵܐ؛ ܝܲܢ ܥܲܡ ܛܲܡܲܥܟܵܪܹ̈ܐ ܝܲܢ ܥܲܡ ܟ̰ܵܠ̈ܘܼܓ̰ܹܐ؛ ܝܲܢ ܥܲܡ ܣܵܓܼܕܵܢܹ̈ܐ ܕܨܵܢܲܡܹ̈ܐ؛ ܣܵܒܵܒ ܐܸܢ ܗܵܕܵܐ؛ ܘܓ̰ܸܒ ܝܼܗَܘܵܐ ܐܸܠܵܘܟܼܘܿܢ ܠܸܦܠܵܛܵܐ ܐܘܼܦ ܡ̣ܢ ܕܘܼܢܝܹܐ. 11ܐܝܼܢܵܐ ܐܵܕܝܼܵܐ ܟܬܸܒܼܠܝܼ ܐܸܠܵܘܟܼܘܿܢ ܕܠܵܐ ܚܵܒܼܛܝܼܬܘܿܢ؛ ܐܸܢ ܐܝܼܬ ܕܦܵܝܸܫ ܩܸܪܝܵܐ ܐܵܚܘܿܢܵܐ ܘܗܵܘܹܐ ܙܲܢܵܝܵܐ؛ ܝܲܢ ܛܲܡܲܥܟܵܪ؛ ܝܲܢ ܣܵܓܼܕܵܢܵܐ ܠܨܵܢܵܡܹ̈ܐ؛ ܝܲܢ ܨܵܥܪܵܢܵܐ؛ ܝܲܢ ܪܵܘܵܝܵܐ؛ ܝܲܢ ܟ̰ܵܠܘܿܓ̰ܵܐ؛ ܥܲܡ ܕܗ̇ܘ ܕܗܲܕܟܼܵܐ ܝܠܹܗ ܐܘܼܦ ܠܵܐ ܠܹܐܟܼܵܠܵܐ ܠܲܚܡܵܐ. 12ܣܵܒܵܒ ܡܵܐ ܠܝܼ ܠܸܕܝܵܢܵܐ ܠܒܲܪ̈ܵܝܹܐ؛ ܠܹܐ ܝܬܘܿܢ ܐܲܚܬܘܿܢ ܒܸܕܝܵܢܵܐ ܠܐܵܢܝܼ ܕܝܼܢܵܐ ܓܵܘܵܝܝܼ؛ 13ܟܲܕ ܠܒܲܪ̈ܵܝܹܐ ܐܲܠܵܗܵܐ ܟܹܐ ܕܵܝܸܢ؛ ܦܵܠܛܘܿܢ ܠܗ̇ܘ ܒܝܼܫܵܐ ܡ̣ܢ ܓܵܘܵܘܟܼܘܿܢ.