1ܐܝܼܢܵܐ ܥܲܠ ܕܒܼܚܹ̈ܐ ܕܨܵܢܲܡܹ̈ܐ؛ ܒܝܼܕܲܥܝܵܐ ܝܘܵܚ ܕܒܟܠܲܢ ܐܝܼܬ ܝܕܹܥܬܵܐ. ܝܕܹܥܬܵܐ ܟܹܐ ܡܲܚܬܸܪܵܐ؛ ܐܝܼܢܵܐ ܚܘܼܒܵܐ ܟܹܐ ܒܵܢܹܐ. 2ܐܸܢ ܐَܢܵܫܵܐ ܚܵܫܸܒܼ ܕܟܹܐ ܝܲܕܸܥ ܡܸܢܕܝܼ؛ ܗܸܫ ܠܹܐ ܝܠܹܗ ܝܕܹܥܝܵܐ ܕܵܐܟܼܝܼ ܕܘܵܓ̰ܸܒ ܝܼܠܵܗ̇ ܐܸܠܹܗ ܕܝܲܕܸܥ؛ 3ܐܝܼܢܵܐ ܐܸܢ ܐَܢܵܫܵܐ ܡܲܚܸܒ ܠܐܲܠܵܗܵܐ؛ ܐܵܗܵܐ؛ ܐܵܗܵܐ ܦܝܼܫܵܐ ܝܠܹܗ ܝܕܸܥܝܵܐ ܡܸܢܹܗ. 4ܒܲܣ ܒܘܼܬ ܐَܟܼܵܠܬܵܐ ܕܕܒܼܝܼܚܹ̈ܐ ܠܨܵܢܲܡܹ̈ܐ؛ ܒܝܼܕܲܥܝܵܐ ܝܘܵܚ ܕܨܵܢܲܡ ܠܹܐ ܝܠܹܗ ܡܸܢܕܝܼ ܓܵܘ ܥܵܠܡܵܐ؛ ܘܕܠܲܝܬ ܐܲܠܵܗܵܐ ܐܸܠܵܐ ܐܸܢ ܚܵܕَ. 5ܣܵܒܵܒ ܐܵܦܸܢ ܐܝܼܬ ܕܦܵܝܫܝܼ ܩܸܪܝܹܐ ܐܲܠܵܗܹ̈ܐ؛ ܝܲܢ ܒܫܡܲܝܵܐ ܝܲܢ ܒܐܲܪܥܵܐ؛ ܕܵܐܟܼܝܼ ܕܐܝܼܬ ܐܲܠܵܗܹ̈ܐ ܪܵܒܵܐ؛ ܘܡܵܪܵܘܵܬܹܐ ܪܵܒܵܐ؛ 6ܐܸܠܵܐ ܐܲܚܢܲܢ ܚܲܕَ ܐܲܠܵܗܵܐ ܐܝܼܬ ܠܲܢ؛ ܒܵܒܵܐ؛ ܕܟܠ ܡܸܢܹܗ؛ ܘܐܲܚܢܲܢ ܒܝܹܗ. ܘܚܲܕَ ܡܵܪܝܵܐ؛ ܝܼܫܘܿܥ ܡܫܝܼܚܵܐ؛ ܕܟܠ ܒܐܝܼܕܹܗ؛ ܘܐܘܼܦ ܐܲܚܢܲܢ ܒܐܝܼܕܹܗ. 7ܐܸܠܵܐ ܒܟܠ ܐَܢܵܫܵܐ ܠܲܝܬ ܗ̇ܝ ܝܕܹܥܬܵܐ؛ ܣܵܒܵܒ ܕܐܝܼܬ ܐَܢܵܫܹ̈ܐ ܗܲܠ ܐܵܕܝܼܵܐ ܕܒܐܸܢܝܲܬ ܕܨܵܢܲܡ ܐܲܝܟܼ ܕܕܒܼܝܹܚܵܐ ܠܨܵܢܲܡ ܟܹܐ ܐܵܟܼܠܝܼ؛ ܘܐܸܢܝܲܬܵܝܗܝ ܙܲܒܘܼܢ ܟܹܐ ܦܵܝܫܵܐ ܡܛܘܼܡܐܝܼܬܵܐ. 8ܐܝܼܢܵܐ ܡܹܐܟܼܘܼܠܬܵܐ ܠܹܐ ܡܲܝܬَܝܵܐ ܠܲܢ ܩܘܼܪܒܵܐ ܠܐܲܠܵܗܵܐ؛ ܣܵܒܵܒ ܐܸܢ ܐܵܟܼܠܵܚ ܠܹܐ ܙܵܝܕܵܚ؛ ܘܐܸܢ ܠܵܐ ܐܵܟܼܠܵܚ ܠܹܐ ܒܵܨܪܵܚ. 9ܐܝܼܢܵܐ ܚܙܹܐܡܘܿܢ ܠܵܐ ܗَܘܹܐ ܕܐܵܗܵܐ ܗܘܼܟܡܵܘܟܼܘܿܢ ܗܵܘܹܐ ܬܘܼܪܩܵܠܵܐ ܠܙܲܒܘܼܢܹ̈ܐ. 10ܣܵܒܵܒ ܐܸܢ ܐَܢܵܫܵܐ ܚܵܙܹܐ ܠܘܼܟܼ ܕܐܝܼܬ ܒܝܼܘܼܟ ܝܕܹܥܬܵܐ؛ ܕܝܬܝܼܒܼܵܐ ܝܘܸܬ ܒܕܘܼܟܵܐ ܕܨܵܢܲܡܹ̈ܐ؛ ܐܸܢܝܲܬܹܗ؛ ܐܸܢ ܙܲܒܘܼܢ ܝܼܠܹܗ؛ ܠܹܐ ܦܵܝܫܵܐ ܡܘܼܩܘܝܼܬܵܐ ܠܹܐܟܼܵܠܵܐ ܕܕܒܼܝܼܚܵܐ ܠܨܵܢܲܡ؛ 11ܘܒܸܬܠܵܩܵܐ ܝܠܹܗ ܒܝܕܹܥܬܵܐ ܕܝܼܘܼܟ ܗ̇ܘ ܕܝܼܠܹܗ ܙܲܒܘܼܢ؛ ܐܵܚܘܿܢܵܐ ܕܒܚܵܬܸܪܹܗ ܡܝܼܬܠܹܗ ܡܫܝܼܚܵܐ. 12ܘܟܲܕ ܗܲܕܟܼܵܐ ܥܵܒܼܕܝܼܬܘܿܢ ܓܢܵܗܵܐ ܒܐܵܚܘܿܢܘܵܬܵܘ̈ܟܼܘܿܢ؛ ܘܩܲܪܦܸܚܝܼܬܘܿܢ ܐܸܢܝܲܬܵܝ̈ܗܝ ܙܲܒܘܼܢܹ̈ܐ؛ ܒܡܫܝܼܚܵܐ ܒܸܥܒܼܵܕܵܐ ܝܬܘܿܢ ܓܢܵܗܵܐ. 13ܣܵܒܵܒ ܕܐܵܗܵܐ؛ ܐܸܢ ܡܹܐܟܼܘܼܠܬܵܐ ܡܲܟܦܸܪܵܐ ܠܐܵܚܘܿܢܝܼ؛ ܠܐܵܒܵܕ ܒܸܣܪܵܐ ܠܹܐ ܐܵܟܼܠܸܢ؛ ܕܠܵܐ ܡܲܟܦܸܪܸܢ ܠܐܵܚܘܿܢܝܼ.