1ܐܵܗܵܐ ܓܵܗܵܐ ܕܬܠܵܬَ ܝܼܠܵܗ̇ ܕܒܹܐܬܵܝܵܐ ܝܘܸܢ ܠܟܸܣܠܵܘܟܼܘܿܢ. ܥܲܠ ܦܘܼܡܵܐ ܕܬܪܹܝ ܘܬܠܵܬَܐ ܣܵܗܪܹ̈ܐ ܦܵܝܫܵܐ ܡܘܼܩܒܼܝܼܬܵܐ ܟܠ ܗܹܡܸܙܡܵܢ. 2ܡܩܵܕَܡܵܝܬܵܐ ܐَܡܝܼܪܵܐ ܝܘܸܢ ܐܸܠܵܘܟܼܘܿܢ؛ ܘܡܸܢَܕܪܸܫَ ܗܲܪ ܡܩܵܕَܡܵܝܬܵܐ ܒܹܐܡܵܪܵܐ ܝܘܸܢ ܐܸܠܵܘܟܼܘܿܢ؛ ܐܲܝܟܼ ܕܟܲܕ ܓܵܗܵܐ ܕܬܲܪ̈ܬܹܝ ܗَܘܹܐܠܝܼ ܠܟܸܣܠܵܘܟܼܘܿܢ؛ ܐܘܼܦ ܐܵܕܝܵܐ ܟܲܕܼ ܪܸܚܩܵܐ ܠܐܵܢܝܼ ܕܚܛܹܐܠܘܿܢ؛ ܘܠܟܠܵܝܗܝ ܐَܚܪَ̈ܢܹܐ؛ ܕܐܸܢ ܐܵܬܸܢ ܡܸܢَܕܪܸܫَ؛ ܠܹܐ ܚܵܣܟܼܸܢ؛ 3ܣܵܒܵܒ ܕܒܸܒܵܥܝܵܐ ܝܬܘܿܢ ܨܵܒܸܬܘܼܬܵܐ ܕܡܫܝܼܚܵܐ ܕܗܲܡܙܘܼܡܹܐ ܝܠܹܗ ܒܝܼܝܼ؛ ܗ̇ܘ ܕܠܹܐ ܝܠܹܗ ܙܲܒܘܼܢ ܒܝܼܵܘܟܼܘܿܢ؛ ܐܸܠܵܐ ܚܲܝܠܵܢܵܐ ܝܠܹܗ ܓܵܘܵܘܟܼܘܿܢ. 4ܣܵܒܵܒ ܕܦܸܫܠܹܗ ܙܩܝܼܦܵܐ ܒܙܲܒܘܼܢܘܼܬܵܐ؛ ܐܸܠܵܐ ܒܸܚܵܝܵܐ ܝܠܹܗ ܒܚܲܝܠܵܐ ܕܐܲܠܵܗܵܐ. ܐܘܼܦ ܐܲܚܢܲܢ ܙܲܒܘܼܢ ܝܼܘܵܚ ܒܝܹܗ؛ ܐܸܠܵܐ ܒܸܬ ܚܲܝܵܚ ܥܲܡܹܗ ܒܚܲܝܠܵܐ ܕܐܲܠܵܗܵܐ ܠܟܸܣܠܵܘܟܼܘܿܢ. 5ܓܵܢܵܘܟܼܘܿܢ ܨܵܚܨܹܡܘܿܢ؛ ܐܸܢ ܒܗܲܝܡܵܢܘܼܬܵܐ ܝܬܘܿܢ؛ ܓܵܢܵܘܟܼܘܿܢ ܓ̰ܵܪܒܘܿܢ. ܝܲܢ ܠܹܐ ܝܬܘܿܢ ܒܝܼܕܲܥܝܵܐ ܓܵܢܵܘܟܼܘܿܢ؛ ܕܝܼܫܘܿܥ ܡܫܝܼܚܵܐ ܒܝܼܵܘܟܼܘܿܢ ܝܼܠܹܗ؛ ܘܐܸܢ ܠܵܐ؛ ܡܘܼܣܠ̈ܝܹܐ ܝܬܘܿܢ. 6ܐܝܼܢܵܐ ܒܗܹܒܼܝܼ ܝܘܸܢ ܕܒܸܬ ܝܲܕܥܝܼܬܘܿܢ ܕܐܲܚܢܲܢ ܠܹܐ ܝܘܵܚ ܡܘܼܣܠ̈ܝܹܐ. 7ܐܝܼܢܵܐ ܦܲܪܦܘܼܠܹܐ ܝܘܵܚ ܒܐܲܠܵܗܵܐ؛ ܕܠܵܐ ܥܵܒܼܕܝܼܬܘܿܢ ܡܸܢܕܝܼ ܕܣܸܪܝܵܐ؛ ܠܵܐ ܕܨܲܚܨܵܝܬܵܐ ܕܝܼܲܢ ܦܵܝܫܵܐ ܚܙܝܼܬܵܐ؛ ܐܸܠܵܐ ܕܐܲܚܬܘܿܢ ܗܵܘܝܼܬܘܿܢ ܒܸܦܠܵܚܵܐ ܛܵܒܼܵܬܹ̈ܐ؛ ܘܐܲܚܢܲܢ ܗܵܘܲܚ ܐܲܝܟܼ ܡܘܼܣܠ̈ܝܹܐ. 8ܣܵܒܵܒ ܠܹܐ ܡܵܨܵܚ ܕܥܵܒܼܕܵܚ ܡܸܢܕܝܼ ܕܲܪܩܘܼܠ ܕܣܲܪܲܣܬܘܼܬܵܐ؛ ܐܸܠܵܐ ܠܓܹܒܵܐ ܕܣܲܪܲܣܬܘܼܬܵܐ. 9ܐܝܼܢܵܐ ܟܹܐ ܚܵܕܵܚ ܐܝܼܡܲܢ ܕܐܲܚܢܲܢ ܙܲܒܘܼܢ ܝܼܘܵܚ ܘܐܲܚܬܘܿܢ ܚܲܝܠܵܢܹ̈ܐ ܝܬܘܿܢ. ܒܘܼܬ ܐܘܼܦ ܨܵܠܘܼܝܹܐ ܝܘܵܚ؛ ܕܐܲܚܬܘܿܢ ܦܵܝܫܝܼܬܘܿܢ ܡܘܼܟܡܸܠܹܐ. 10ܣܵܒܵܒ ܕܐܵܗܵܐ ܟܲܕ ܪܸܚܩܵܐ ܝܘܸܢ ܐܲܢܹܐ ܒܸܟܬܵܒܼܵܐ ܝܘܸܢ؛ ܕܠܵܐ ܐܝܼܡܲܢ ܕܐܵܬܸܢ ܡܲܦܠܸܚܸܢ ܩܘܼܝܘܼܬܵܐ؛ ܐܲܝܟܼ ܗܘܼܟܡܵܐ ܕܝܘܼܗَܒܼܸܠܹܗ ܐܸܠܝܼ ܡܵܪܝܼ ܠܒܢܵܝܬܵܐ ܘܠܵܐ ܠܬܠܵܚܬܵܐ. 11ܡܐܵܕܝܼܵܐ ܐܵܚܘܿܢܘܵܬܝܼ̈؛ ܚܕܹܐܡܘܿܢ؛ ܗَܘܹܐܡܘܿܢ ܬܲܡܵܡ؛ ܦܘܼܫܘܼܢ ܝܘܼܗَܒܼܹܐ ܠܸܒܵܐ؛ ܚܫܘܿܒܼܘܿܢ ܗܲܪ ܚܲܕَ ܡܸܢܕܝܼ؛ ܘܫܲܝܢܵܐ ܗܵܘܹܐ ܒܝܼܵܘܟܼܘܿܢ؛ ܘܐܲܠܵܗܵܐ ܕܚܘܼܒܵܐ ܘܕܫܲܝܢܵܐ ܒܸܬ ܗܵܘܹܐ ܥܲܡܵܘܟܼܘܿܢ. 12ܗܲܒَܠܘܿܢ ܫܠܵܡܵܐ ܚܲܕَ ܠܗ̇ܘ ܐَܚܹܪَܢܵܐ ܒܢܫܘܼܩܬܵܐ ܩܲܕܝܼܫܬܵܐ. 13ܒܝܼܵܗَܒܼܵܐ ܝܢܵܐ ܫܠܵܡܵܐ ܐܸܠܵܘܟܼܘܿܢ ܟܠܵܝܗܝ ܩܲܕܝܼܫܹ̈ܐ. 14ܫܵܦܵܩܲܬ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܘܚܘܼܒܹܗ ܕܐܲܠܵܗܵܐ؛ ܘܫܵܪܝܼܟܘܼܬܵܐ ܕܪܘܼܚܵܐ ܕܩܘܼܕܫܵܐ؛ ܥܲܡ ܟܠܵܘܟܼܘܿܢ؛ ܐܵܡܹܝܢ.