1ܐܘܼܦ ܐܸܠܵܘܟܼܘܿܢ (ܡܘܼܚܹܐܠܹܗ)؛ ܟܲܕ ܡܝܼܬܹ̈ܐ ܝܬܘܿܢ ܗ݇ܘܵܘ ܒܓܢܵܗܹ̈ܐ ܘܒܚܛܵܗܹ̈ܐ؛ 2ܒܐܵܢܝܼ ܕܩܵܕ݇ܡܵܝܬܵܐ ܟܹܐ ܚܵܕܪܝܼܬܘܿܢ ܗ݇ܘܵܘ ܒܝܼܵܝܗܝ؛ ܐܲܝܟܼ ܥܵܠܡܵܝܘܼܬܵܐ ܕܐܵܗܵܐ ܥܵܠܡܵܐ؛ ܘܐܲܝܟܼ ܪܹܫܵܐ ܕܗܘܼܟܡܵܐ ܕܗܵܘܵܐ؛ ܕܪܘܼܚܵܐ ܕܐܵܕܝܼܵܐ ܒܸܦܠܵܚܵܐ ܝَܠܵܗ̇ ܒܒܢܘܼܢܹ̈ܐ ܕܠܵܐ ܡܲܨܝܲܬܬܵܐ؛ 3ܕܐܘܼܦ ܐܲܚܢܲܢ ܟܠܲܢ ܚܕܸܪܲܢ ܒܝܼܵܝܗܝ ܩܵܕ݇ܡܵܝܬܵܐ ܒܫܲܗ݇ܘܲܬܝܵܬܹ̈ܐ ܕܒܸܣܪ̈ܲܢ؛ ܒܸܥܒܼܵܕܵܐ ܪܸܙܵܝܵܐ ܕܒܸܣܪܲܢ ܘܕܚܝܼܵܠܲܢ؛ ܘܒܢܘܼܢܹ̈ܐ ܕܟܲܪܒܵܐ ܝܘܵܚ ܗ݇ܘܵܘ ܒܐܲܨܠܵܐ ܐܲܝܟܼ ܐَܚܹܪَ̈ܢܹ̈ܐ. 4ܐܝܼܢܵܐ ܐܲܠܵܗܵܐ ܕܝܼܠܹܗ ܕܵܘܠܲܬܡܲܢܕ ܒܪ̈ܲܚܡܘܼܗܝ؛ ܣܵܒܵܒ ܕܚܘܼܒܹܗ ܪܵܒܵܐ ܕܡܘܼܚܸܒܵܚܠܹܗ؛ 5ܟܲܕ ܡܝܼܬܹܐ ܝܘܵܚ ܗ݇ܘܵܘ ܒܓܢܵܗܲܢ؛ ܩܲܡ ܡܲܚܹܐ ܠܲܢ ܥܲܡ ܡܫܝܼܚܵܐ ܒܫܵܦܵܩܲܬ ܦܸܫܠܵܘܟܼܘܿܢ ܦܘܼܪܩܹܐ؛ 6ܘܡܘܼܚܝܼܵܚܠܹܗ ܥܲܡܹܗ؛ ܘܩܲܡ ܡܲܬܝܸܒܼ ܠܲܢ ܥܲܡܹܗ ܒ (ܕܘܼܟܵܢܹ̈ܐ) ܫܡܲܝܵܢܹ̈ܐ؛ ܒܝܼܫܘܿܥ ܡܫܝܼܚܵܐ؛ 7ܕܡܲܕܸܥ ܠܕܵܘܪܹ̈ܐ ܕܐܵܬܝܼ ܓܘܼܪܘܼܬܵܐ ܕܕܵܘܸܠܬܵܐ ܕܫܵܦܵܩܲܬܹܗ ܒܒܵܣܝܼܡܘܼܬܹܗ ܕܠܟܸܣܠܲܢ ܒܝܼܫܘܿܥ ܡܫܝܼܚܵܐ. 8ܣܵܒܵܒ ܒܫܵܦܵܩܲܬ ܦܸܫܠܵܘܟܼܘܿܢ ܦܘܼܪܩܹܐ؛ ܒܝܼܸܕ ܗܲܝܡܵܢܘܼܬܵܐ؛ ܘܐܵܗܵܐ ܠܹܐ ܝܠܵܗ̇ ܡܸܢܵܘܟܼܘܿܢ؛ ܐܸܠܵܐ ܚܲܠܥܲܬ ܕܐܲܠܵܗܵܐ ܝܠܵܗ̇؛ 9ܠܵܐ ܡ̣ܢ ܦܘܼܠܚܵܢܹ̈ܐ؛ ܕܠܵܐ ܐ݇ܢܵܫܵܐ ܥܵܒܼܸܕ ܫܘܼܒܼܗܵܪܵܐ؛ 10ܣܵܒܵܒ ܥܒܼܵܕܵܐ ܕܝܼܹܗ ܝܘܵܚ؛ ܕܦܸܫܠܲܢ ܒܸܪܝܹܐ ܒܝܼܫܘܿܥ ܡܫܝܼܚܵܐ ܠܦܘܼܠܚܵܢܹ̈ܐ ܛܵܒܼܹ̈ܐ؛ ܐܵܢܝܼ ܕܩܵܕ݇ܡܵܝܬܵܐ ܗܘܼܕܸܪܹܐ ܐܲܠܵܗܵܐ ܕܚܵܕܪܵܚ ܗ݇ܘܵܘ ܒܝܼܵܝܗܝ. 11ܣܵܒܵܒ ܕܐܵܗܵܐ ܗܵܘܝܼܬܘܿܢ ܒܸܕܟܼܵܪܵܐ؛ ܕܩܵܕ݇ܡܵܝܬܵܐ ܐܲܚܬܘܿܢ؛ ܛܵܝܸܦܹ̈ܐ ܕܒܒܸܣܪܵܐ؛ ܕܦܝܵܫܵܐ ܝܬܘܿܢ ܩܸܪܝܹܐ ܥܘܼܪܠܘܼܬܵܐ ܡ̣ܢ ܕܗ̇ܝ ܕܦܝܵܫܵܐ ܝَܠܵܗ̇ ܩܪܝܼܬܵܐ ܓܙܘܼܪܬܵܐ؛ ܕܒܒܸܣܪܵܐ؛ ܕܝܼܠܹܗ ܦܘܼܠܚܵܢܵܐ ܕܐܝܼܕܵܬܹ̈ܐ؛ 12ܕܒܗ̇ܘ ܙܲܒܼܢܵܐ ܕܠܵܐ ܡܫܝܼܚܵܐ ܝܬܘܿܢ ܗ݇ܘܵܘ؛ ܘܢܘܼܟܼܪ̈ܵܝܹܐ ܡ̣ܢ ܕܘܼܒܵܪܹ̈ܐ ܕܝܼܣܪܵܝܹܠ؛ ܘܩܵܪ̈ܝܼܒܵܝܹܐ ܠܕܝܵܬܹܩ̈ܘܿܣ ܕܩܵܘܠܵܐ؛ ܘܕܠܵܐ ܗܹܒܼܝܼ ܘܕܠܵܐ ܐܲܠܵܗܵܐ ܓܵܘ ܥܵܠܡܵܐ. 13ܐܝܼܢܵܐ ܐܵܕܝܼܵܐ ܒܝܼܫܘܿܥ ܡܫܝܼܚܵܐ؛ ܐܲܚܬܘܿܢ ܕܩܵܕ݇ܡܵܝܬܵܐ ܪܸܚܩܵܐ ܝܬܘܿܢ ܗ݇ܘܵܘ؛ ܗ݇ܘܹܠܵܘܟܼܘܿܢ ܩܘܼܪܒܵܐ ܒܕܸܡܹܗ ܕܡܫܝܼܚܵܐ. 14ܣܵܒܵܒ ܗ̇ܘ ܝܼܠܹܗ ܫܲܝܢܲܢ؛ ܗ̇ܘ ܕܥܒܼܸܕܠܹܗ ܬܸܪܘܸܢܬܵܝ ܚܕܵܐ؛ ܘܣܬܸܪܹܐ ܠܣܝܵܓܼܵܐ ܕܝܼܗ݇ܘܵܐ ܟܸܠܝܵܐ ܒܒܹܝܦܲܠܓܵܐ؛ 15ܘܕܸܫܡܸܢܵܝܘܼܬܵܐ ܒܘܼܛܸܠܹܗ ܒܒܸܣܪܹܗ؛ (ܝܲܥܢܹܐ) ܢܵܡܘܿܣܵܐ ܕܦܘܼܩܕܵܢܹ̈ܐ ܕܒܦܘܼܩܵܕܹ̈ܐ؛ ܕܠܬܸܪ̈ܘܵܝܗܝ ܒܵܪܹܐ ܗ݇ܘܵܐ ܒܓܵܢܹܗ ܠܚܲܕَ ܒܲܪܢܵܫܵܐ ܚܵܕ݇ܬܵܐ؛ ܘܗܲܕܟܼܵܐ ܥܒܼܸܕܠܹܗ ܫܲܝܢܵܐ؛ 16ܘܕܣܲܙܓܸܪ ܗ݇ܘܵܐ ܠܬܸܪ̈ܘܵܝܗܝ ܒܚܲܕَ ܦܲܓܼܪܵܐ ܥܲܡ ܐܲܠܵܗܵܐ ܒܝܼܸܕ ܙܩܝܼܦܹܗ؛ ܟܲܕ ܩܛܸܠܹܗ ܠܕܸܫܡܸܢܵܝܘܼܬܵܐ ܒܝܼܹܗ. 17ܘܐَܬܹܐܠܹܗ ܡܘܼܫܚܸܕܠܹܐ ܫܠܵܡܵܐ ܐܸܠܵܘܟܼܘܿܢ؛ ܠܐܵܢܝܼ ܕܪܸܚܩܵܐ؛ ܘܠܐܵܢܝܼ ܕܩܘܼܪܒܵܐ. 18ܣܵܒܵܒ ܕܒܝܼܹܗ ܐܝܼܬ ܩܘܼܪܒܸܢܝܘܼܬܵܐ ܠܬܸܪܘܲܢ ܒܚܕܵܐ ܪܘܼܚܵܐ ܠܟܸܣ ܒܵܒܵܐ. 19ܒܲܣ ܐ݇ܚܹܪ݇ܢܵܐ ܠܹܐ ܝܬܘܿܢ ܢܘܼܟܼܪ̈ܵܝܹܐ ܘܠܵܐ ܩܵܪܝܼܒܵܝܹܐ؛ ܐܸܠܵܐ ܒܢܲܝ̈ ܡܕܝܼܢ݇ܬܵܐ ܕܩܲܕܝܼܫܹ̈ܐ؛ ܘܒܢܲܝ̈ ܒܲܝܬܵܐ ܕܐܲܠܵܗܵܐ؛ 20ܘܦܸܫܠܵܘܟܼܘܿܢ ܒܸܢܝܹܐ ܥܲܠ ܒܸܢܝܲܬ ܕܫܠܝܼܚܹ̈ܐ ܘܕܢܒܼ̈ܝܼܹܐ؛ ܘܗ̇ܘ ܗ݇ܘܹܐܠܹܗ ܪܹܫܵܐ ܕܩܸܪܢܝܼܬܵܐ؛ ܝܼܫܘܿܥ ܡܫܝܼܚܵܐ؛ 21ܕܒܝܼܹܗ ܦܝܵܫܵܐ ܝܠܹܗ ܡܘܼܪܟܸܒܼܵܐ ܟܠܹܗ ܒܸܢܝܵܢܵܐ؛ ܘܓܲܪܘܘܼܣܹܐ ܝܠܹܗ ܠܗܲܝܟܠܵܐ ܩܲܕܝܼܫܵܐ ܒܡܵܪܝܵܐ؛ ܟܲܕ ܐܘܼܦ ܐܲܚܬܘܿܢ ܒܝܼܹܗ ܦܝܵܫܵܐ ܝܬܘܿܢ ܒܸܢܝܹܐ ܠܥܡܵܪܵܐ ܕܐܲܠܵܗܵܐ ܒܪܘܼܚܵܐ.