1ܒܪܵܒܵܐ ܣܵܡܹ̈ܐ ܘܒܪܵܒܵܐ ܬܵܗܵܪܹ̈ܐ ܗܘܼܡܙܸܡܠܹܗ ܐܲܠܵܗܵܐ ܥܲܡ ܐܲܒܼܵـ̈ܗܵܬܲܢ ܒܢܒܼ̈ܝܼܹܐ ܡ̣ܢ ܩܵܕܝܼܡܝܼ؛ ܘܒܚܲܪܬܵܐ ܕܐܲܢܹܐ ܝܵܘܡܵܢܹ̈ܐ ܗܘܼܡܙܸܡܠܹܗ ܥܲܡܲܢ ܒܒܪܘܼܢܹܗ؛ 2ܕܐܸܠܹܗ ܡܘܼܬܸܒܼܠܹܗ ܝܵܪܘܿܬܵܐ ܕܟܠ ܡܸܢܕܝܼ؛ ܕܒܝܼܹܗ ܒܪܹܐܠܹܗ ܠܥܵܠܡܹ̈ܐ؛ 3ܗ̇ܘ ܕܝܼܠܹܗ ܫܲܦ̮ܩܵܐ ܕܚܸܩܪܹܗ؛ ܘܨܲܠܡܵܐ ܕܐܝܼܬܘܼܬܹܗ؛ ܘܕܵܒܼܩܵܢܵܐ ܕܟܠ ܒܚܲܝܠܵܐ ܕܗܹܡܸܙܡܵܢܹܗ؛ ܐܝܼܡܲܢ ܕܥܒܼܸܕܠܹܗ ܕܵܟܼܵܝܬܵܐ ܕܚܛܝܼܵܬܹ̈ܐ؛ ܝܬܸܒܼܠܹܗ ܥܲܠ ܝܲܡܝܼܢܵܐ ܕܓܘܼܪܘܼܬܵܐ ܒܡܪ̈ܵܘܡܹܐ؛ 4ܟܲܕ ܗ݇ܘܹܐܠܹܗ ܚܲܕَ ܗܲܕܟܼܵܐ ܒܘܼܫ ܓܘܼܪܵܐ ܡ̣ܢ ܡܲܠܲܐܟܹ̈ܐ؛ ܐܲܝܟܼ ܕܝܪܸܬܠܹܗ ܫܸܡܵܐ ܒܘܼܫ ܓܘܼܪܵܐ ܡܸܢܵܝܗܝ. 5ܣܵܒܵܒ ܕܠܐܲܝܢܝܼ ܡ̣ܢ ܡܲܠܲܐܟܼܹ̈ܐ ܡ̣ܢ ܩܵܕ݇ܡܵܝܬܵܐ ܐَܡܝܼܪܹܗ؛ ܒܪܘܼܢܝܼ ܝܘܸܬ؛ ܐܵܢܵܐ ܐܸܕܝܘܿܡَ ܡܘܼܠܸܕܠܝܼ ܐܸܠܘܼܟܼܼ؛ ܘܡܸܢَܕܪܸܫَ؛ ܐܵܢܵܐ ܒܸܬ ܗܵܘܹܝܢ ܐܸܠܹܗ ܒܵܒܵܐ؛ ܘܗ̇ܘ ܒܸܬ ܗܵܘܹܐ ܐܸܠܝܼ ܒܪܘܼܢܵܐ؛ 6ܘܡܸܢَܕܪܸܫَ؛ ܐܝܼܡܲܢ ܕܡܲܥܒܼܘܼܪܹܐ ܗ݇ܘܵܐ ܒܘܼܟܼܪܵܐ ܠܥܵܠܡܵܐ؛ ܐَܡܝܼܪܹܗ؛ ܕܐܸܠܹܗ ܣܵܓܼܕܝܼ ܟܠܵܝܗܝ ܡܲܠܲܐܟܼܹ̈ܐ ܕܐܲܠܵܗܵܐ. 7ܐܝܼܢܵܐ ܒܵܗ݇ܣ ܕܡܲܠܲܐܟܼܹ̈ܐ ܐَܡܸܪܹܗ؛ ܕܟܹܐ ܥܵܒܼܸܕ ܡܲܠܲܐܟܼܘܼ̈ܗܝ ܪ̈ܘܼܚܵܬܹܐ؛ ܘܚܸܠܡܲܬܟܵܪ̈ܘܼܗܝ ܠܵܗܵܐ ܕܢܘܼܪܵܐ. 8ܐܝܼܢܵܐ ܒܵܗ݇ܣ ܕܒܪܘܼܢܵܐ ܐَܡܝܼܪܹܗ؛ ܬܪܘܿܢܘܿܣܘܼܟܼ ܐܲܠܵܗܵܐ؛ ܠܥܵܠܲܡ ܥܵܠܡܝܼܢ؛ ܩܵܛܝܼܵܐ ܕܬܪܘܼܨܘܼܬܵܐ ܩܵܛܝܼܵܐ ܕܡܲܠܟܘܼܬܘܼܟܼ. 9ܡܘܼܚܸܒܠܘܼܟܼ ܙܲܕܝܼܩܘܼܬܵܐ ܘܣܢܹܐܠܘܼܟܼ ܥܵܘܠܵܐ؛ ܣܵܒܵܒ ܕܐܵܗܵܐ ܡܫܝܼܚܸܬܠܹܗ ܐܲܠܵܗܵܐ؛ ܐܲܠܵܗܘܼܟܼ؛ ܒܡܸܫܚܵܐ ܕܚܲܕܘܼܬܵܐ ܙܵܘܕܵܐ ܡ̣ܢ ܚܲܒܼܪ̈ܵܘܵܬܘܼܟܼ. 10ܐܘܼܦ؛ ܐܲܢ݇ܬ ܡ̣ܢ ܒܪܵܫܝܼܬ؛ ܡܵܪܝܵܐ؛ ܫܘܼܬܸܐܣܠܘܼܟܼ ܐܲܪܥܵܐ؛ ܘܫܡܲܝܹ̈ܐ ܦܘܼܠܚܵܢܵܐ ܕܐܝܼܕܵܬܘܼ̈ܟܼ ܝܼܢܵܐ. 11ܐܵܢܝܼ ܒܸܬ ܚܵܪܒܼܝܼ؛ ܘܐܲܢ݇ܬ ܒܸܬ ܦܵܝܫܸܬ؛ ܘܟܠܵܝܗܝ ܐܲܝܟܼ ܓ̰ܘܼܠܹ̈ܐ ܒܸܬ ܒܵܠܝܼ؛ 12ܘܐܲܝܟܼ ܠܒܼܸܫܬܵܐ ܒܸܬ ܛܵܥܦܸܬ ܠܗ݇ܘܿܢ؛ ܐܵܢܝܼ ܒܸܬ ܦܵܝܫܝܼ ܡܘܼܚܠܸܦܹܐ؛ ܘܐܲܢ݇ܬ ܗܲܪ ܐܲܝܟܼ ܕܝܼܘܸܬ؛ ܘܫܸܢܘܼ̈ܟܼ ܠܹܐ ܬܵܝܡܝܼ. 13ܐܝܼܢܵܐ ܠܐܲܝܢܝܼ ܡ̣ܢ ܡܲܠܲܐܟܼܹ̈ܐ ܡ̣ܢ ܩܵܕ݇ܡܵܝܬܵܐ ܐَܡܝܼܪܹܗ؛ ܝܬܘܿܒܼ ܡ̣ܢ ܝܲܡܝܼܢܝܼ؛ ܗܲܠ ܕܡܲܬܒܸܢ ܕܫܸܡܸܢܘܼ̈ܟ ܟܘܼܒܼܫܵܐ ܬܚܘܿܬ ܐܲܩܠܘܼ̈ܟܼ؛ 14ܟܠܵܝܗܝ ܠܹܐ ܝܢܵܐ ܪ̈ܘܼܚܵܬܹܐ ܕܚܸܠܡܲܬ؛ ܫܘܼܕܪܹܐ ܠܚܸܠܡܲܬ ܕܐܵܢܝܼ ܕܝܼܢܵܐ ܗܕܝܼܪܹܐ ܠܸܪܝܵܬܵܐ ܦܘܼܪܩܵܢܵܐ؛