1ܒܲܣ ܐܸܢ ܐܝܼܬ ܝܵܗ݇ܒܲܠܬܵܐ ܕܠܸܒܵܐ ܒܡܫܝܼܚܵܐ؛ ܘܐܸܢ ܡܠܵܝܬܵܐ ܕܠܸܒܵܐ ܒܚܘܼܒܵܐ؛ ܘܐܸܢ ܫܵܪܝܼܟܘܼܬܵܐ ܕܪܘܼܚܵܐ؛ ܘܐܸܢ ܪܲܦܪܲܦܬܵܐ ܘܪ̈ܲܚܡܹܐ؛ 2ܬܲܡܸܡܘܿܢ ܚܲܕܘܼܬܝܼ؛ ܕܚܲܕَ ܚܝܼܵܠ ܗܵܘܹܐ ܠܵܘܟܼܘܿܢ؛ ܘܚܲܕَ ܚܘܼܒܵܐ؛ ܘܚܕܵܐ ܓܵܢܵܐ؛ ܘܚܲܕَ ܚܘܼܫܵܒܼ. 3ܘܡܸܢܕܝܼ ܒܡܲܩܲܪܵܨܘܼܬܵܐ ܝܲܢ ܒܚܸܩܪܵܐ ܒܵܛܝܼܠܵܐ ܠܵܐ ܥܵܒܼܕܝܼܬܘܿܢ؛ ܐܸܠܵܐ ܒܡܵܟܝܼܟܼܘܼܬܵܐ ܕܚܝܼܵܠ ܚܵܫܒܼܝܼܬܘܿܢ ܚܲܕَ ܠܗ̇ܘ ܐَܚܹܪَܢܵܐ ܙܵܘܕܵܐ ܡ̣ܢ ܓܵܢܵܘܟܼܘܿܢ. 4ܘܠܵܐ ܐܵܟܼܠܝܼܬܘܿܢ ܐ݇ܢܵܫܵܐ ܚܲܡ ܕܓܵܢܹܗ؛ ܐܸܠܵܐ ܟܠ ܐ݇ܢܵܫܵܐ ܐܘܼܦ ܕܚܲܒܼܪܹܗ. 5ܘܐܵܗܵܐ ܚܫܘܿܒܼܘܿܢ ܒܓܵܢܵܘܟܼܘܿܢ؛ ܗ̇ܝ ܕܝܼܗ݇ܘܵܐ ܐܘܼܦ ܒܝܼܫܘܿܥ ܡܫܝܼܚܵܐ؛ 6ܗ̇ܘ ܕܟܲܕ ܒܕܡܘܼܬܵܐ ܕܐܲܠܵܗܵܐ ܗ݇ܘܵܐ؛ ܠܵܐ ܟ̰ܠܵܓ̰ܵܐ (ܚܛܘܼܦܝܵܐ) ܚܫܝܼܒܼܵܠܹܐ ܠܐܵܗܵܐ؛ ܕܗܵܘܹܐ ܒܵܪܒܵܪ ܥܲܡ ܐܲܠܵܗܵܐ؛ 7ܐܸܠܵܐ ܓܵܢܹܗ ܣܘܼܦܩܵܠܹܐ؛ ܘܬܵܗܵܪ ܕܪܹܓܵܐ ܫܩܸܠܹܗ؛ ܘܗ݇ܘܹܐܠܹܗ ܒܨܘܼܪܬܵܐ ܕܒܢܲܝ̈ܢܵܫܵܐ؛ 8ܘܒܸܐܣܟܹܝܡܵܐ ܦܸܫܠܹܗ ܡܫَܟ̰ܝܼܚܵܐ ܐܲܝܟܼ ܒܲܪܢܵܫܵܐ؛ ܘܡܘܼܡܟܸܟܼܵܠܹܐ ܓܵܢܹܗ؛ ܘܡܘܼܨܝܸܬܠܹܐ ܗܲܠ ܡܵܘܬܵܐ؛ ܘܡܵܘܬܵܐ ܕܙܩܝܼܦܵܐ. 9ܣܵܒܵܒ ܕܐܵܗܵܐ ܐܘܼܦ ܐܲܠܵܗܵܐ ܙܵܘܕܵܐ ܡܘܼܪܸܡܠܹܗ؛ ܘܝܘܼܗَܒܼܸܠܹܗ ܐܸܠܹܗ ܫܸܡܵܐ ܕܒܘܼܫ ܙܵܘܕܵܐ ܡ̣ܢ ܟܠܵܝܗܝ ܫܸܡܵܢܹ̈ܐ؛ 10ܕܒܫܸܡܹܗ ܕܝܼܫܘܿܥ ܟܠ ܒܘܼܪܟܵܐ ܟܵܝܦܵܐ ܕܒܫܡܲܝܵܐ ܘܒܲܐܪܥܵܐ؛ ܘܕܠܸܐܠܬܸܚ ܡ̣ܢ ܐܲܪܥܵܐ؛ 11ܘܟܠ ܠܸܫܵܢܵܐ ܡܵܘܕܹܐ ܕܡܵܪܝܵܐ ܝܠܹܗ ܝܼܫܘܿܥ ܡܫܝܼܚܵܐ؛ ܠܚܸܩܪܵܐ ܕܐܲܠܵܗܵܐ ܒܵܒܵܐ. 12ܒܲܣ ܡܘܼܚܸܒܝܼ̈؛ ܕܵܐܟܼܝܼ ܕܒܟܠ ܙܲܒܼܢܵܐ ܡܘܼܨܝܸܬܠܵܘܟܼܘܿܢ؛ ܠܵܐ ܟܲܕ ܩܘܼܪܒܵܐ ܝܘܸܢ ܗ݇ܘܵܐ ܠܟܸܣܠܵܘܟܼܘܿܢ ܗܲܪ؛ ܐܸܠܵܐ ܐܵܕܝܼܵܐ ܒܘܼܫ ܙܵܘܕܵܐ ܕܪܸܚܩܵܐ ܝܘܸܢ ܡܸܢܵܘܟܼܘܿܢ؛ ܒܙܕܘܼܥܬܵܐ ܘܒܪ̈ܲܬܪܲܬܬܵܐ ܦܠܘܿܚܘܿܢ ܦܘܼܠܚܵܢܵܐ ܕܦܘܼܪܩܵܢܵܘܟܼܘܿܢ؛ 13ܣܵܒܵܒ ܐܲܠܵܗܵܐ ܝܠܹܗ ܕܦܵܠܸܚ ܒܝܼܵܘܟܼܘܿܢ ܐܘܼܦ ܠܸܒܲܥܝܵܐ ܐܘܼܦ ܠܸܦܠܵܚܵܐ ܒܪܸܙܵܝܹܗ ܛܵܒܼܵܐ. 14ܟܠ ܡܸܢܕܝܼ ܗܵܘܝܼܬܘܿܢ ܒܸܥܒܼܵܕܵܐ ܕܠܵܐ ܛܲܪܛܲܡܬܵܐ ܘܕܠܵܐ ܕܘܼܒܵܪܘܼܬܵܐ؛ 15ܘܗܵܘܝܼܬܘܿܢ ܬܲܡܝܼܡܹ̈ܐ ܘܕܠܵܐ ܡܘܼܡܵܐ؛ ܒܢܘܼܢܹ̈ܐ ܕܐܲܠܵܗܵܐ ܕܠܵܐ ܠܵܘܡܵܐ ܓܵܘܵܐ ܕܕܵܘܪܵܐ ܥܲܣܩܵܐ ܘܦܟ̰ܝܼܠܵܐ؛ ܕܦܝܵܫܵܐ ܝܬܘܢ ܚܸܙܝܹܐ ܓܵܘܵܝ ܐܲܝܟܼ ܒܲܗܪܵܐ ܒܥܵܠܡܵܐ؛ 16ܟܲܕ ܕܵܒܼܩܝܼܬܘܿܢ ܗܹܡܸܙܡܵܢ ܕܚܲܝܹ̈ܐ؛ ܠܫܘܼܒܼܗܵܪܵܐ ܕܝܼܝܼ ܒܝܵܘܡܹܗ ܕܡܫܝܼܚܵܐ؛ ܕܠܵܐ ܚܘܼܪܵܝܝܼ ܪܚܸܛܠܝܼ؛ ܘܠܵܐ ܕܚܘܼܪܵܝܝܼ ܐَܟܼܸܠܝܼ ܓ̰ܵܦܵܐ. 17ܐܸܠܵܐ ܐܘܼܦ ܐܸܢ ܦܵܝܫܸܢ ܨܘܼܢܸܨܠܵܐ ܥܲܠ ܕܸܒ̣ܚܬܵܐ ܘܚܸܠܡܲܬ ܕܗܲܝܡܵܢܘܼܬܵܘܟܼܘܿܢ؛ ܒܸܚܕܵܝܵܐ ܝܘܸܢ ܘܒܸܦܨܵܚܵܐ ܝܘܸܢ ܥܲܡ ܟܠܵܘܟܼܘܿܢ. 18ܘܗܲܪ ܗܲܕܟܼܵܐ ܐܘܼܦ ܐܲܚܬܘܿܢ ܚܕܹܡܘܿܢ ܘܦܨܘܿܚܘܿܢ ܥܲܡܝܼ. 19ܐܝܼܢܵܐ ܒܗܹܒܼܝܼ ܝܘܸܢ ܒܡܵܪܲܢ ܝܼܫܘܿܥ ܕܒܸܬ ܫܵܕܪܸܢ ܠܟܸܣܠܵܘܟܼܘܿܢ ܠܛܝܼܡܵܬܹܐܘܿܣ ܓ̰ܲܠܕܹܐ؛ ܕܐܘܼܦ ܐܸܠܝܼ ܗܵܘܹܐ ܢܝܵܚܵܐ ܟܲܕ ܝܲܕܥܸܢ ܒܵܗ݇ܣܵܘܟܼܘܿܢ. 20ܣܵܒܵܒ ܠܲܝܬ ܠܝܼ ܐَܚܹܪَܢܵܐ ܕܝܼܠܹܗ ܐܲܝܟܼ ܓܵܢܝܼ؛ ܕܫܲܪܝܼܪܵܐܝܼܬܼ ܐܵܟܼܸܠ ܚܲܡ ܕܝܼܵܘܟܼܘܿܢ. 21ܣܵܒܵܒ ܟܠܵܝܗܝ ܡܸܢܕܝܼ ܕܓܵܢܵܝܗܝ ܒܸܒܼܥܝܵܐ ܝܢܵܐ؛ ܘܠܵܐ ܕܝܼܫܘܿܥ ܡܫܝܼܚܵܐ. 22ܐܝܼܢܵܐ ܨܵܒܸܬܘܼܬܵܐ ܕܗ̇ܘ ܒܝܼܕܲܥܝܵܐ ܝܬܘܿܢ؛ ܐܲܝܟܼ ܒܪܘܼܢܵܐ ܥܲܡ ܒܵܒܹܗ؛ ܗܲܕܟܼܵܐ ܦܠܝܼܚܵܐ ܝܠܹܗ ܥܲܡܝܼ ܒܡܲܫܚܲܕܬܵܐ. 23ܠܐܵܗܵܐ ܒܗܹܒܼܝܼ ܝܘܸܢ ܕܫܵܕܪܸܢ ܠܟܸܣܠܵܘܟܼܘܿܢ ܓ̰ܲܠܕܹܐ؛ ܐܝܼܡܲܢ ܕܚܵܙܸܢ ܫܘܼܠܹ̈ܐ ܕܠܟܸܣܠܝܼ. 24ܘܒܗܹܒܼܝܼ ܝܘܸܢ ܥܲܠ ܡܵܪܝ؛ ܕܐܘܼܦ ܐܵܢܵܐ ܓ̰ܲܠܕܹܐ ܒܸܬ ܐܵܬܹܢ. 25ܐܝܼܢܵܐ ܚܫܸܒܼܠܝܼ ܕܘܵܓ̰ܸܒ ܝܼܗ݇ܘܵܐ ܕܫܵܕܪܸܢ ܠܟܸܣܠܵܘܟܼܘܿܢ ܠܐܵܦܵܦܪܘܿܕܝܼܛܘܿܣ ܐܵܚܘܿܢܵܐ؛ ܕܝܼܠܹܗ ܗܲܝܸܪܵܢܵܐ ܘܣܲܪܒܵܙ ܥܲܡܝܼ؛ ܐܝܼܢܵܐ ܫܠܝܼܚܵܐ ܕܝܼܵܘܟܼܘܿܢ ܘܚܸܠܡܲܬܟܵܪ ܕܣܢܝܼܩܘܼܬܝܼ. 26ܣܵܒܵܒ ܫܲܗ݇ܘܘܼܬܹܐ ܗ݇ܘܵܐ ܠܸܚܙܵܝܵܐ ܠܟܠܵܘܟܼܘܿܢ؛ ܘܡܘܼܥܝܸܩܵܐ ܗ݇ܘܵܐ ܕܐܲܚܬܘܿܢ ܫܡܸܥܠܵܘܟܼܘܿܢ ܕܡܸܪܥܝܵܐ ܗ݇ܘܵܐ. 27ܣܵܒܵܒ ܐܘܼܦ ܡܪܸܥܠܹܐ ܗܲܠ ܡܵܘܬܵܐ؛ ܐܸܠܵܐ ܐܲܠܵܗܵܐ ܪܘܼܚܸܡܠܹܐ ܥܲܠܘܼܗܝ؛ ܐܝܼܢܵܐ ܠܵܐ ܥܲܠܘܼܗܝ ܗܲܪ؛ ܐܸܠܵܐ ܐܘܼܦ ܥܲܠܝܼ؛ ܕܠܵܐ ܗܵܘܹܐ ܗ݇ܘܵܐ ܠܝܼ ܚܲܫܵܐ ܥܲܠ ܚܲܫܵܐ. 28ܒܚܵܒܵܛܘܼܬܵܐ ܗܲܕܟܼܵܐ ܫܘܼܕܪܘܼܗܝ ܝܘܸܢ ܠܟܸܣܠܵܘܟܼܘܿܢ؛ ܕܟܲܕ ܚܵܙܝܼܬܘܿܢ ܠܹܗ ܡܸܢَܕܪܸܫَ ܚܵܕܝܼܬܘܿܢ؛ ܘܕܚܲܫܵܐ ܕܝܼܝܼ ܗܵܘܹܐ ܡܘܼܒܨܸܪܵܐ. 29ܒܲܣ ܩܵܒ݁ܠܘܿܢ ܠܹܗ ܒܡܵܪܝܵܐ ܒܟܠ ܚܲܕܘܼܬܵܐ؛ ܘܠܐܵܢܝܼ ܕܝܼܢܵܐ ܗܲܕܟܼܵܐ؛ ܒܐܝܼܩܵܪܵܐ ܕܒܼܘܿܩܘܿܢ ܠܗ݇ܘܿܢ. 30ܣܵܒܵܒ ܒܚܵܬܸܪ ܕܦܘܼܠܚܵܢܵܐ ܕܡܫܝܼܚܵܐ ܗܲܠ ܡܵܘܬܵܐ ܡܛܹܐܠܹܗ؛ ܘܡܘܼܣܠܹܠܹܐ ܠܓܵܢܹܗ ܕܬܲܡܸܡ ܗ݇ܘܵܐ ܡܸܢܕܝܼ ܕܗ݇ܘܹܠܵܘܟܼܘܿܢ ܒܵܨܘܿܪܹ̈ܐ ܒܚܸܠܡܲܬ ܕܠܟܸܣܠܝܼ.