1ܘܦܸܫܠܹܗ ܝܘܼܗ݇ܒܼܵܐ ܐܸܠܝܼ ܕܕܵܡܹܐ ܗ݇ܘܵܐ ܠܚܘܼܛܪܵܐ؛ ܘܐَܡܝܼܪܹܗ (ܩܵܠܵܐ)؛ ܩܘܼܡ݇ ܘܡܫܘܿܚ ܠܗܲܝܟܠܵܐ ܕܐܲܠܵܗܵܐ؛ ܘܠܡܲܕܒܚܵܐ؛ ܘܠܐܲܢܹܐ ܕܣܵܓܼܕܝܼ ܓܵܘܹܗ. 2ܘܠܕܵܪܬܵܐ ܕܠܒܲܕܲܪ ܡ̣ܢ ܗܲܝܟܠܵܐ ܦܵܠܸܛ ܠܒܼܲܕܲܪ؛ ܘܠܵܐ ܡܵܫܚܸܬ ܠܵܗ̇؛ ܣܵܒܵܒ ܕܦܸܫܠܵܗ̇ ܝܸܗܒܼܸܠܬܵܐ ܠܛܵܝܸܦܹ̈ܐ؛ ܘܠܡܕܝܼܢ݇ܬܵܐ ܩܲܕܝܼܫܬܵܐ ܒܸܬ ܕܵܝܫܝܼ ܐܲܪܒܥܝܼ ܘܬܪܹܝ ܝܲܪ̈ܚܹܐ. 3ܘܒܸܬ ܝܵܗ݇ܒܸܢ ܠܬܪܹܝ ܣܵܗܕܹ̈ܐ ܕܝܼܝܼ؛ ܘܒܸܬ ܢܵܒܝܼ ܐܲܠܦܵܐ ܘܬܪ̈ܲܝܡܵܐܐ ܘܐܸܫܬܝܼ ܝܵܘܡܵܢܹ̈ܐ ܟܲܕ ܡܘܼܠܒܸܫܹܐ ܣܲܩܹ̈ܐ. 4ܐܲܢܹܐ ܝܢܵܐ ܬܪܹܝ ܙܲܝܬܹ̈ܐ ܘܬܪܹܝ ܩܲܢܕܝܼܠܹ̈ܐ؛ ܐܲܢܹܐ ܕܩܵܕ݇ܡ ܐܲܠܵܗܵܐ ܕܐܲܪܒܥܵܐ ܟܸܠܝܹܐ ܝܢܵܐ. 5ܘܐܸܢ ܐ݇ܢܵܫܵܐ ܒܲܥܝܹܐ ܠܚܲܙܕܘܼܓܵܝ؛ ܢܘܼܪܵܐ ܟܹܐ ܦܵܠܸܛ ܡ̣ܢ ܦܘܼܡܵܝ؛ ܘܟܹܐ ܐܵܟܼܸܠ ܠܕܸܫܡܸܢܵܝܗܝ̈؛ ܘܐܸܢ ܐ݇ܢܵܫܵܐ ܒܲܥܝܹܐ ܠܚܲܙܕܘܼܓܵܝ؛ ܗܲܕܟܼܵܐ ܘܵܓ̰ܸܒ ܝܼܠܵܗ̇ ܕܦܵܝܸܫ ܩܛܝܼܠܵܐ. 6ܐܵܢܝܼ ܐܝܼܬ ܠܗ݇ܘܿܢ ܗܘܼܟܡܵܐ ܕܕܵܒܼܩܝܼ ܠܫܡܲܝܵܐ؛ ܕܡܸܛܪܵܐ ܠܵܐ ܥܵܪܝܵܐ ܒܝܵܘܡܵܢܹ̈ܐ ܕܢܒܼܝܼܘܼܬܵܝܗܝ. ܘܗܘܼܟܡܵܐ ܐܝܼܬ ܠܗ݇ܘܿܢ ܥܲܠ ܡ̈ܝܼܵܐ ܕܡܲܕܸܪܝܼ ܠܗ݇ܘܿܢ ܠܕܸܡܵܐ؛ ܘܠܸܡܚܵܝܵܐ ܠܐܲܪܥܵܐ ܒܟܠ ܡܚܘܼܬܵܐ ܟܡܵܐ ܓܵܗܹ̈ܐ ܕܒܵܣܡܵܐ ܠܗ݇ܘܿܢ. 7ܘܐܝܼܡܲܢ ܘܬܲܡܸܡܝܼ ܣܵܗܕܘܼܬܵܝ؛ ܕܵܒܵܐ ܗ̇ܘ ܕܐܵܣܸܩ ܡ̣ܢ ܬܗܘܿܡܵܐ؛ ܒܸܬ ܥܵܒܸܕ ܥܲܡܵܝܗܝ ܦܠܵܫܵܐ؛ ܘܒܸܬ ܓܼܵܠܸܒ ܠܗ݇ܘܿܢ ܘܩܵܛܸܠ ܠܗ݇ܘܿܢ. 8ܘܫܠܲܕܵܝ̈ܗܝ ܓܵܘ ܥܵܠܘܿܠܵܐ ܦܸܬܝܵܐ ܕܗ̇ܝ ܡܕܝܼܢ݇ܬܵܐ ܓܘܼܪܬܵܐ؛ ܗ̇ܝ ܕܦܵܝܫܵܐ ܩܪܝܼܬܵܐ ܪܘܼܚܵܢܵܐܝܼܬ ܣܕܘܿܡ ܘܡܸܨܪܹܝܢ؛ ܐܲܝܟܵܐ ܕܝܼܵܝ ܦܸܫܠܹܗ ܙܩܝܼܦܵܐ. 9ܘܒܸܬ ܚܵܙܝܼ ܡ̣ܢ ܛܵܝܸܦܹ̈ܐ ܘܐܘܼ̈ܓ̰ܵܓܼܹܐ ܘܡܸܠܲܬܹ̈ܐ ܘܠܸܫܵܢܹ̈ܐ ܠܫܠܲܕܵܝ̈؛ ܬܠܵܬ݇ܐ ܝܵܘܡܵܢܹ̈ܐ ܘܦܲܠܓܹܐ؛ ܘܠܫܠܲܕܵܝ̈ܗܝ ܠܹܐ ܫܵܒܼܩܝܼ ܠܸܦܝܵܫܵܐ ܡܘܼܬܒܼܹܐ ܒܩܲܒܼܪܵܐ. 10ܘܐܲܢܹܐ ܕܥܵܡܪܝܼ ܥܲܠ ܐܲܪܥܵܐ ܒܸܬ ܚܵܕܝܼ ܥܲܠܵܝܗܝ؛ ܘܒܸܬ ܥܵܒܼܕܝܼ ܒܘܼܣܵܡܵܐ؛ ܘܚܲܠܥܲܬܹ̈ܐ ܒܸܬ ܫܵܕܪܝܼ ܠܸܚܕܵܪܹ̈ܐ؛ ܣܵܒܵܒ ܕܐܵܢܝܼ ܬܪܹܝ ܢܒܼ̈ܝܹܐ ܓ̰ܘܼܢܓ̰ܸܪܘܿܢ ܠܐܲܢܹܐ ܕܒܸܥܡܵܪܵܐ ܝܢܵܐ ܐܲܪܥܵܐ. 11ܘܒܵܬ݇ܪ ܐܲܢܹܐ ܬܠܵܬ݇ܐ ܝܵܘܡܵܢܹ̈ܐ ܘܦܲܠܓܹܐ؛ ܪܘܼܚܵܐ ܕܚܲܝܹ̈ܐ ܡ̣ܢ ܐܲܠܵܗܵܐ ܐܘܸܪܵܐ ܒܝܼܵܝܗܝ؛ ܘܩܸܡܠܗَܘܿܢ ܥܲܠ ܐܲܩܠܵܝ̈؛ ܘܙܕܘܼܥܬܵܐ ܓܘܼܪܬܵܐ ܢܦܸܠܵܐ ܥܲܠ ܕܐܵܢܝܼ ܕܒܸܚܙܵܝܵܝ ܗ݇ܘܵܘ. 12ܘܫܡܸܥܠܗَܘܿܢ ܠܩܵܠܵܐ ܓܘܼܪܵܐ ܡ̣ܢ ܫܡܲܝܵܐ ܕܒܹܐܡܵܪܵܐ ܐܸܠܵܝܗܝ؛ ܐَܣܘܿܩܘܿܢ ܠܲܐܟܼܵܐ. ܘܐَܣܸܩܠܘܿܢ ܠܫܡܲܝܵܐ ܒܥܢܵܢܵܐ؛ ܘܚܸܙܝܵܝܠܘܿܢ ܕܸܫܡܸܢܵܝܗܝ̈. 13ܘܒܗ̇ܝ ܣܵܥܲܬ ܗَܘܹܠܹܐ ܪܵܘܕܵܢܵܐ ܓܘܼܪܵܐ؛ ܘܚܲܕَ ܡ̣ܢ ܥܸܣܪܵܐ ܕܡܕܝܼܢ݇ܬܵܐ ܢܦܸܠܹܗ؛ ܘܦܸܫܠܗَܘܿܢ ܩܛܝܼܠܹܐ ܒܪܵܘܕܵܢܵܐ ܫܸܡܵܢܹ̈ܐ ܕܒܢܲܝ̈ܢܵܫܵܐ ܫܲܒܼܥܵܐ ܐܲܠܦܹ̈ܐ. ܘܐܵܢܝܼ ܐَܚܹܪ̈݇ܢܹܐ ܗ݇ܘܹܠܘܿܢ ܙܸܕܥܝܹ̈ܐ؛ ܘܝܸܗܒܼܸܠܘܿܢ ܬܸܫܒܘܿܚܬܵܐ ܠܐܲܠܵܗܵܐ ܕܫܡܲܝܵܐ. 14ܗ̇ܘ ܘܵܝܵܐ ܕܬܪܹܝ ܐَܙܹܠܹܗ؛ ܘܗܵܐ؛ ܗ̇ܘ ܘܵܝܵܐ ܕܬܠܵܬ݇ܐ ܠܹܐܬܵܝܵܐ ܓ̰ܲܠܕܹܐ. 15ܘܡܲܠܲܐܟܼܵܐ ܗ̇ܘ ܕܫܲܒܼܥܵܐ ܥܒܼܸܕܠܹܗ ܩܵܠܵܐ؛ ܘܗ݇ܘܹܠܘܿܢ ܩܵܠܹ̈ܐ ܓܘܼܪܹ̈ܐ ܒܫܡܲܝܵܐ؛ ܕܒܹܐܡܵܪܵܐ؛ ܗَܘܹܐܠܵܗ̇ ܡܲܠܟܘܼܬܵܐ ܕܥܵܠܡܵܐ ܕܡܵܪܝܵܐ ܕܝܼܲܢ؛ ܘܕܡܫܝܼܚܵܐ ܕܝܼܹܗ؛ ܘܒܸܬ ܥܵܒܼܸܕ ܡܲܠܟܘܼܬܵܐ ܠܥܵܠܲܡ ܥܵܠܡܝܼܢ. 16ܘܐܵܢܝܼ ܥܸܣܪܝܼ ܘܐܲܪܒܥܵܐ ܚܘܵܪ̈ܕܸܩܢܹܐ؛ ܐܲܢܹܐ ܕܝܵܬܒܼܝܼ ܩܵܕ݇ܡ ܐܲܠܵܗܵܐ ܥܲܠ ܬܪ̈ܘܿܢܘܿܣܵܝܗܝ؛ ܢܦܸܠܘܿܢ ܥܲܠ ܦܵܬܘܵܬܵܝ̈ܗܝ ܘܣܓܼܸܕܠܘܿܢ ܠܐܲܠܵܗܵܐ؛ 17ܟܲܕ ܒܹܐܡܵܪܵܐ؛ ܫܵܟܘܿܪܹ̈ܐ ܝܘܵܚ ܐܸܠܘܼܟܼܼ؛ ܝܵܐ ܡܵܪܝܵܐ ܐܲܠܵܗܵܐ ܐܲܚܝܼܕ ܟܠ؛ ܗ̇ܘ ܕܝܼܠܹܗ ܘܗ̇ܘ ܕܝܼܗ݇ܘܵܐ؛ ܣܵܒܵܒ ܕܫܩܸܠܘܼܟܼ ܚܲܝܠܘܼܟܼ ܓܘܼܪܵܐ ܘܥܒܸܕܠܘܼܟܼ ܡܲܠܟܘܼܬܵܐ. 18ܘܛܵܝܸܦܹ̈ܐ ܟܪܸܒ݁ܠܘܿܢ؛ ܘܐܬܹܠܵܐ ܟܲܪܒܘܼܟܼ؛ ܘܙܲܒܼܢܵܐ ܕܡܝܼܬܹ̈ܐ ܠܸܦܝܵܫܵܐ ܕܝܼܢܹܐ؛ ܘܠܝܵܗ݇ܒܼܵܐ ܗܵܩܵܐ ܠܪܹ̈ܓܵܘܵܬܘܼܟܼ ܢܒܼ̈ܝܹܐ ܘܠܩܲܕܝܼܫܹ̈ܐ؛ ܘܠܐܵܢܝܼ ܕܒܸܙܕܲܥܝܵܐ ܝܢܵܐ ܡ̣ܢ ܫܸܡܘܼܟܼ؛ ܠܙܥܘܿܪܹ̈ܐ ܘܠܓܘܼܪܹ̈ܐ؛ ܘܠܡܲܚܪܘܼܒܼܹܐ ܠܐܵܢܝܼ ܕܡܘܼܚܪܸܒܼܠܘܿܢ ܠܐܲܪܥܵܐ. 19ܘܦܸܫܠܹܗ ܦܬܝܼܚܵܐ ܗܲܝܟܠܹܗ ܕܐܲܠܵܗܵܐ ܓܵܘ ܫܡܲܝܵܐ؛ ܘܦܸܫܠܵܗ̇ ܚܙܝܼܬܵܐ ܩܹܒܼܘܼܬܵܐ ܕܕܝܵܬܹܩܹܗ ܓܵܘ ܗܲܝܟܠܹܗ؛ ܘܗ݇ܘܹܠܘܿܢ ܒܸܪ̈ܩܹܐ؛ ܘܪ̈ܲܥܡܹܐ؛ ܘܩܵܠܹ̈ܐ؛ ܘܪܵܘܕܵܢܵܐ؛ ܘܒܲܪܕܵܐ ܓܘܼܪܵܐ.