1ܘܚܙܹܠܝܼ ܢܝܼܫܲܢܩܵܐ ܐَܚܹܪَܢܵܐ ܒܫܡܲܝܵܐ؛ ܓܘܼܪܵܐ ܘܥܓ̰ܝܼܒܵܐ؛ ܫܲܒܼܥܵܐ ܡܲܠܲܐܟܼܹ̈ܐ ܕܐܝܼܬ ܗ݇ܘܵܘ ܠܗَܘܿܢ ܫܲܒܼܲܥ ܡܲܚܘܵܬܹ̈ܐ؛ ܐܲܢܹܐ ܐَܚܵܪ̈ܵܝܹܐ؛ ܣܵܒܵܒ ܕܒܝܼܵܝܗܝ ܦܸܫܠܵܗ̇ ܬܘܼܡܸܡܬܵܐ ܚܸܡܬܹܗ ܕܐܲܠܵܗܵܐ. 2ܘܚܙܹܠܝܼ ܐܲܝܟܼ ܝܵܡܵܐ ܕܫܘܼܫܵܐ ܚܒܼܝܼܛܬܵܐ ܒܢܘܼܪܵܐ؛ ܘܠܐܵܢܝܼ ܕܓܼܠܸܒܠܘܿܢ ܠܗ̇ܘ ܕܵܒܵܐ ܘܠܨܲܠܡܹܗ ܘܠܡܸܢܝܵܢܵܐ ܕܫܸܡܹܗ؛ ܟܲܕ ܟܸܠܝܹܐ ܥܲܠ ܝܵܡܵܐ ܕܫܘܼܫܵܐ؛ ܘܐܝܼܬ ܠܗَܘܿܢ ܩܝܼܬܵܪܹ̈ܐ ܕܐܲܠܵܗܵܐ؛ ܘܫܵܒܘܿܚܹܐ ܬܸܫܒܘܿܚܬܵܐ ܕܡܘܼܫܹܐ ܗ̇ܘ ܪܹܓܹܗ ܕܲܐܠܵܗܵܐ؛ ܘܬܸܫܒܘܿܚܬܵܐ ܕܦܹܪܵܐ؛ ܟܲܕ ܒܹܐܡܵܪܵܐ؛ ܓܘܼܪܹ̈ܐ ܝܢܵܐ ܘܥܓ̰ܝܼܒܹ̈ܐ ܦܘܼܠܚܵܢܘܼ̈ܟܼ؛ ܡܵܪܝܵܐ ܐܲܠܵܗܵܐ ܐܲܚܝܼܕ ܟܠ. ܟܹܐܢܹ̈ܐ ܝܢܵܐ ܘܫܲܪܝܼܪܹ̈ܐ ܝܢܵܐ ܐܘܼܪܚܵܬܘܼܟܼ؛ ܡܲܠܟܵܐ ܕܥܵܠܡܹܐ. 4ܡܵܢܝܼ ܠܹܐ ܙܵܕܸܥ ܡܸܢܘܼܟܼ؛ ܡܵܪܝܵܐ؛ ܘܫܵܒܸܚ ܠܫܸܡܘܼܟܼ؛ ܣܵܒܵܒ ܕܐܲܢ݇ܬ ܝܼܘܸܬ ܒܢܲܦ̮ܫܘܼܟܼ ܕܸܟܼܝܵܐ؛ ܣܵܒܵܒ ܕܟܠܵܝܗܝ ܛܵܝܸܦܹ̈ܐ ܒܸܬ ܐܵܬܝܼ ܘܒܸܬ ܣܵܓܼܕܝܼ ܩܵܕ݇ܡܘܼܟܼ؛ ܕܫܘܼܠܹ̈ܐ ܙܲܕܝܼܩܹ̈ܐ ܕܝܼܘܼܟܼ ܦܸܫܠܗَܘܿܢ ܓܸܠܝܹܐ. 5ܘܒܵܬ݇ܪ ܐܲܢܹܐ ܚܙܹܠܝܼ؛ ܘܗܵܐ؛ ܦܸܫܠܹܗ ܦܬܝܼܚܵܐ ܗܲܝܟܠܵܐ ܕܡܵܫܸܟܢܵܐ ܕܣܵܗܕܘܼܬܵܐ ܕܒܫܡܲܝܵܐ. 6ܘܦܠܸܛܠܘܿܢ ܐܵܢܝܼ ܫܲܒܼܥܵܐ ܡܲܠܲܐܟܼܹ̈ܐ؛ ܐܵܢܝܼ ܕܐܝܼܬ ܠܗ݇ܘܿܢ ܫܲܒܼܲܥ ܡܲܚܘܵܬܹ̈ܐ؛ ܡ̣ܢ ܗܲܝܟܠܵܐ؛ ܠܒܼܝܼܫܹܐ ܟܸܬܵܢ ܬܲܡܝܼܙ ܡܲܒܪܸܩܵܢܵܐ؛ ܘܐَܣܝܼܪܹܐ ܠܟܸܣ ܨܲܕܪܵܝ ܟܵܡܵܪܹ̈ܐ ܕܕܲܗܒܼܵܐ. 7ܘܚܕܵܐ ܡ̣ܢ ܐܲܪܒܲܥ ܚܲܝܘ̈ܵܬܵܐ ܝܸܗܒܼܸܠܵܐ ܠܐܵܢܝܼ ܫܲܒܼܥܵܐ ܡܲܠܲܐܟܼܹ̈ܐ ܫܲܒܼܥܵܐ ܦܝܼܵܠܲܐܣ̈ ܕܕܲܗܒܼܵܐ؛ ܕܡܸܠܝܹܐ ܡ̣ܢ ܚܸܡܬܹܗ ܕܐܲܠܵܗܵܐ؛ ܗ̇ܘ ܕܚܵܝܵܐ ܝܠܹܗ ܠܥܵܠܡܵܐ ܕܥܵܠܡܹ̈ܐ. 8ܘܦܸܫܠܹܗ ܡܸܠܝܵܐ ܗܲܝܟܠܵܐ ܡ̣ܢ ܬܸܢܵܐ ܡ̣ܢ ܬܸܫܒܘܿܚܬܹܗ ܕܐܲܠܵܗܵܐ؛ ܘܡ̣ܢ ܚܲܝܠܹܗ؛ ܘܠܵܐ ܐ݇ܢܵܫܵܐ ܡܵܨܹܐ ܗ݇ܘܵܐ ܠܥܒܼܵܪܵܐ ܠܗܲܝܟܠܵܐ؛ ܗܲܠ ܕܦܵܝܫܝܼ ܬܘܼܡܸܡܹܐ ܐܲܢܹܐ ܫܲܒܼܲܥ ܡܲܚܘܵܬܹ̈ܐ ܕܐܵܢܝܼ ܫܲܒܼܥܵܐ ܡܲܠܲܐܟܼܹ̈ܐ.