1ܘܐَܬܹܐܠܹܗ ܚܲܕَ ܡ̣ܢ ܕܐܵܢܝܼ ܫܲܒܼܥܵܐ ܡܲܠܲܐܟܼܹ̈ܐ ܕܐܝܼܬ ܗ݇ܘܵܘ ܠܗ݇ܘܿܢ ܫܲܒܼܥܵܐ ܦܝܼܵܠܲܐܣ̈؛ ܘܗܘܼܡܙܸܡܠܹܗ ܥܲܡܝܼ؛ ܟܲܕ ܒܹܐܡܵܪܵܐ؛ ܬܵܐ ܒܸܬ ܡܲܚܙܸܢܘܼܟܼ ܠܕܝܼܘܵܢ ܕܗ̇ܝ ܙܵܢܝܼܬܵܐ ܓܘܼܪܬܵܐ؛ ܗ̇ܝ ܕܒܸܬܝܵܒܼܵܐ ܝَܠܵܗ̇ ܥܲܠ ܡ̈ܝܼܵܐ ܪܵܒܵܐ؛ 2ܕܥܲܡ ܕܗ̇ܝ ܙܢܹܠܘܿܢ ܡܲܠܟܹ̈ܐ ܕܐܲܪܥܵܐ؛ ܘܪܘܹܠܘܿܢ ܐܵܢܝܼ ܕܒܸܥܡܵܪܵܐ ܝܢܵܐ ܒܐܲܪܥܵܐ ܡ̣ܢ ܚܲܡܪܵܐ ܕܙܵܢܝܘܙܼܬܘܼܗ̇. 3ܘܠܘܼܒܠܸܢܹܐ ܠܒܲܪܝܼܵܐ ܒܪܘܼܚܵܐ؛ ܘܚܙܹܠܝܼ ܠܒܲܟܼܬܵܐ ܟܲܕ ܝܬܝܼܒܼܬܵܐ ܥܲܠ ܕܵܒܵܐ ܣܡܘܼܩܵܐ؛ ܕܡܸܠܝܵܐ ܫܸܡܵܢܹ̈ܐ ܕܓܘܼܕܵܦܵܐ؛ ܕܐܝܼܬ ܗ݇ܘܵܘ ܠܹܗ ܫܲܒܼܥܵܐ ܪܹ̈ܫܹܐ ܘܥܸܣܲܪ ܩܵܪ̈݇ܢܵܢܹܐ. 4ܘܗ̇ܝ ܒܲܟܼܬܵܐ ܡܘܼܠܒܸܫܬܵܐ ܗ݇ܘܵܐ ܒܣܡܘܼܩܵܐ ܘܩܸܪܡܝܼܙ؛ ܘܡܘܼܫܩܸܠܬܵܐ ܗ݇ܘܵܐ ܒܕܲܗܒܼܵܐ ܘܟܹܐܦܹ̈ܐ ܛܝܼܡܵܢܹ̈ܐ ܘܡܲܪ̈ܓܵܢܝܵܬܹܐ؛ ܕܐܝܼܬ ܗ݇ܘܵܐ ܠܵܗ̇ ܟܵܣܵܐ ܕܕܲܗܒܼܵܐ ܒܐܝܼܕܘܼܗ̇ ܕܝܼܗ݇ܘܵܐ ܡܸܠܝܵܐ ܡ̣ܢ ܛܲܡܐ̈ܘܵܬܵܐ ܘܠܵܐ ܕܸܟܼܝܘܼܬܵܐ ܕܙܵܢܝܘܼܬܘܼܗ̇. 5ܘܥܲܠ ܩܸܨܘܼܗ̇ ܫܸܡܵܐ ܟܬܝܼܒܼܵܐ؛ ܣܪ؛ ܒܒܠ ܗ̇ܝ ܓܘܪܬܐ؛ ܝܡܐ ܕܙܢܝܬ̈ܐ ܘܕܟ̰ܦܠܘܝܬ̈ܐ ܕܐܪܥܐ. 6ܘܚܙܹܠܝܼ ܠܒܲܟܼܵܬܵܐ ܪܘܝܼܬܵܐ ܡ̣ܢ ܕܸܡܵܐ ܕܩܲܕܝܼܫܹ̈ܐ؛ ܘܡ̣ܢ ܕܸܡܵܐ ܕܣܵܗܕܹ̈ܐ ܕܝܼܫܘܿܥ. ܘܥܘܼܓ̰ܸܒܠܝܼ؛ ܟܲܕ ܚܸܙܝܵܠܝܼ؛ ܥܘܼܓ̰ܵܒܵܐ ܓܘܼܪܵܐ. 7ܘܐَܡܝܼܪܹܗ ܐܸܠܝܼ ܗ̇ܘ ܡܲܠܲܐܟܼܵܐ؛ ܣܵܒܵܒ ܡܘܼܕܝܼ ܥܘܼܓ̰ܸܒܠܘܼܟܼܼ؛ ܐܵܢܵܐ ܒܸܬ ܐܵܡܪܸܢܘܼܟܼ ܠܣܸܪ ܕܒܲܟܼܬܵܐ؛ ܘܕܕܵܒܵܐ ܕܝܼܠܹܗ ܛܥܝܼܢܘܼܗ̇؛ ܗ̇ܘ ܕܐܝܼܬ ܠܹܗ ܐܵܢܝܼ ܫܲܒܼܥܵܐ ܪܹ̈ܫܹܐ ܘܐܵܢܝܼ ܥܸܣܪܵܐ ܩܵܪ̈݇ܢܵܢܹܐ. 8ܕܵܒܵܐ ܗ̇ܘ ܕܚܙܹܠܘܼܟܼܼ؛ ܝܼܗ݇ܘܵܐ؛ ܘܠܹܐ ܝܠܹܗ؛ ܘܗܕܝܼܪܵܐ ܝܠܹܗ ܠܹܐܣܵܩܵܐ ܡ̣ܢ ܬܗܘܿܡܵܐ؛ ܘܠܹܐܙܵܠܵܐ ܠܐܲܒܼܕܵܢܵܐ. ܘܒܸܬ ܥܵܓ̰ܒܝܼ ܐܵܢܝܼ ܕܥܵܡܪܝܼ ܥܲܠ ܐܲܪܥܵܐ؛ ܐܵܢܝܼ ܕܠܹܐ ܝܠܹܗ ܟܬܝܼܒܼܵܐ ܫܸܡܵܝ ܒܟܬܵܒܼܵܐ ܕܚܲܝܹ̈ܐ ܡ̣ܢ ܒܸܢܝܲܬܹ̈ܗ ܕܥܵܠܡܵܐ؛ ܟܲܕ ܚܵܙܝܼ ܠܗ̇ܘ ܕܵܒܵܐ؛ ܕܵܐܟܼܝܼ ܕܝܼܗ݇ܘܵܐ ܘܠܹܐ ܝܠܹܗ؛ ܘܗܲܪ ܝܼܠܹܗ. 9ܠܲܐܟܼܵܐ ܝܠܹܗ ܗܵܘܢܵܐ ܕܐܝܼܬ ܠܹܗ ܥܵܩܸܠܕܵܪܘܼܬܵܐ. ܐܲܢܹܐ ܫܲܒܼܥܵܐ ܪܹ̈ܫܹܐ ܫܲܒܼܥܵܐ ܛܘܼܪܹ̈ܐ ܝܢܵܐ؛ ܐܲܝܟܵܐ ܕܗ̇ܝ ܒܲܟܼܬܵܐ ܝܬܝܼܒܼܬܵܐ ܝَܠܵܗ̇ ܥܲܠܵܝܗܝ. 10ܘܡܲܠܲܐܟܼܹ̈ܐ ܫܲܒܼܥܵܐ ܝܢܵܐ؛ ܚܲܡܫܵܐ ܡܸܢܵܝܗܝ ܢܦܸܠܘܿܢ؛ ܘܚܲܕَ ܝܼܠܹܗ؛ ܘܗ̇ܘ ܐَܚܹܪَܢܵܐ ܗܹܫ ܠܹܐ ܝܠܹܗ ܐَܬܝܼܵܐ؛ ܘܐܝܼܡܲܢ ܕܐَܬܹܐܠܹܗ؛ ܘܵܓ̰ܸܒ ܝܼܠܵܗ̇ ܕܚܲܕَܟ̰ܵܐ ܥܲܪܩܸܠ. 11ܘܕܵܒܵܐ ܕܝܼܗ݇ܘܵܐ ܘܠܹܐ ܝܠܹܗ؛ ܐܘܼܦ ܐܵܗܵܐ ܬܡܝܼܢܵܝܵܐ ܝܠܹܗ؛ ܘܡ̣ܢ ܫܲܒܼܥܵܐ ܝܠܹܗ؛ ܘܠܐܲܒܼܕܵܢܵܐ ܒܹܐܙܵܠܵܐ ܝܠܹܗ. 12ܘܥܸܣܲܪ ܩܵܪ̈݇ܢܵܢܹܐ ܐܲܢܹܐ ܕܚܙܹܠܘܼܟܼܼ؛ ܥܸܣܪܵܐ ܡܲܠܟܹ̈ܐ ܝܢܵܐ؛ ܐܵܢܝܼ ܕܗܹܫ ܡܲܠܟܘܼܬܵܐ ܠܵܐ ܩܘܼܒܸܠܘܿܢ؛ ܐܸܠܵܐ ܗܘܼܟܡܵܐ ܐܲܝܟܼ ܡܲܠܟܹ̈ܐ ܚܕܵܐ ܣܵܥܲܬ ܒܸܩܒܵܠܵܐ ܝܢܵܐ ܥܲܡ ܕܵܒܵܐ. 13ܐܵܢܝܼ ܚܲܕَ ܪܸܙܵܝܵܐ ܐܝܼܬ ܠܗ݇ܘܿܢ؛ ܘܚܲܝܠܵܐ ܘܗܘܼܟܡܵܐ ܕܝܼܵܝ ܠܕܵܒܵܐ ܟܹܐ ܝܵܗ݇ܒܼܝܼ. 14ܐܵܢܝܼ ܥܲܡ ܕܗ̇ܘ ܦܹܪܵܐ ܒܸܬ ܦܵܠܫܝܼ؛ ܘܦܹܪܵܐ ܒܸܬ ܓܼܵܠܸܒ ܠܗ݇ܘܿܢ؛ ܣܵܒܵܒ ܡܵܪܵܐ ܕܡܵܪ̈ܵܘܵܬܹܐ ܝܠܹܗ؛ ܘܡܲܠܟܵܐ ܕܡܲܠܟܹ̈ܐ؛ ܘܐܲܢܹܐ ܕܥܲܡܹܗ (ܒܸܬ ܓܼܵܠܒܝܼ)؛ ܩܸܪ̈ܝܹܐ ܘܓܘܼܒܝܹ̈ܐ ܘܡܗܘܼܡܢܹ̈ܐ. 15ܘܐَܡܝܼܪܹܗ ܐܸܠܝܼ؛ ܡ̈ܝܼܵܐ ܐܲܢܹܐ ܕܚܙܹܠܘܼܟܼܼ؛ ܐܲܝܟܵܐ ܕܗ̇ܝ ܙܵܢܝܼܬܵܐ ܝܬܝܼܒܼܬܵܐ ܝَܠܵܗ̇؛ ܛܵܝܸܦܹ̈ܐ ܘܟܸܢܫܹ̈ܐ ܝܢܵܐ؛ ܘܡܸܠܲܬܹ̈ܐ ܘܠܸܫܵܢܹ̈ܐ. 16ܘܥܸܣܲܪ ܩܵܪ̈݇ܢܵܢܹܐ ܕܚܙܹܠܘܼܟܼܼ؛ ܘܕܵܒܵܐ؛ ܐܵܢܝܼ ܒܸܬ ܣܵܢܝܼ ܠܗ̇ܝ ܙܵܢܝܼܬܵܐ ܘܒܸܬ ܥܵܒܼܕܝܼ ܠܵܗ̇ ܚܵܪܵܒܵܐ؛ ܘܫܘܼܠܚܵܝܬܵܐ؛ ܘܒܸܣܪܘܼܗ̇ ܒܸܬ ܐܵܟܼܠܝܼ ܠܹܗ؛ ܘܐܸܠܵܗ̇ ܒܸܬ ܡܵܩܕܝܼ ܒܢܘܼܪܵܐ. 17ܣܵܒܵܒ ܐܲܠܵܗܵܐ ܝܘܼܗَܒܼܸܠܹܗ ܒܠܸܒܵܘܵܬܵܝ̈ܗܝ ܠܸܥܒܼܵܕܵܐ ܪܹܙܵܝܵܐ ܕܝܼܹܗ؛ ܘܠܸܥܒܼܵܕܵܐ ܚܲܕَ ܪܸܙܵܝܵܐ؛ ܘܠܝܼܵܗ݇ܒܼܵܐ ܡܲܠܟܘܼܬܵܝܗܝ ܠܕܵܒܵܐ؛ ܗܲܠ ܕܦܵܝܫܝܼ ܬܘܼܡܸܡܹܐ ܗܹܡܸܙܡܵܢܹ̈ܐ ܕܐܲܠܵܗܵܐ. 18ܘܗ̇ܝ ܒܲܟܼܬܵܐ ܕܚܙܹܠܘܼܟܼܼ؛ ܗ̇ܝ ܡܕܝܼܢ݇ܬܵܐ ܓܘܼܪܬܵܐ ܝَܠܵܗ̇؛ ܗ̇ܝ ܕܐܝܼܬ ܠܵܗ̇ ܡܲܠܟܘܼܬܵܐ ܥܲܠ ܡܲܠܟܹ̈ܐ ܕܐܲܪܥܵܐ.