1ܘܟܲܕ ܦܬܸܚܠܹܗ ܠܡܵܘܗܪ ܗ̇ܝ ܕܫܲܒܼܲܥ؛ ܗَܘܹܐܠܵܗ̇ ܫܬܵܩܬܵܐ ܓܵܘ ܫܡܲܝܵܐ ܐܲܝܟܼ ܦܲܠܓܵܐ ܕܣܵܥܲܬ. 2ܘܚܙܹܠܝܼ ܠܐܵܢܝܼ ܫܲܒܼܥܵܐ ܡܲܠܲܐܟܼܹ̈ܐ؛ ܐܵܢܝܼ ܕܩܵܕ݇ܡ ܬܪܘܿܢܘܿܣ ܕܐܲܠܵܗܵܐ ܟܸܠܝܹܐ ܗ݇ܘܵܘ؛ ܘܦܸܫܠܗَܘܿܢ ܝܘܼܗ݇ܒܼܹܐ ܐܸܠܵܝܗܝ ܫܲܒܼܥܵܐ ܫܝܼܦܘܿܪܹ̈ܐ. 3ܘܡܲܠܲܐܟܼܵܐ ܐَܚܹܪَܢܵܐ ܐَܬܹܐܠܹܗ ܘܟܠܹܐܠܹܗ ܥܲܠ ܡܲܕܒܚܵܐ؛ ܘܐܝܼܬ ܗ݇ܘܵܐ ܠܹܗ ܦܝܼܪܡܵܐ ܕܕܲܗܒܼܵܐ؛ ܘܦܸܫܠܗَܘܿܢ ܝܘܼܗ݇ܒܼܹܐ ܐܸܠܹܗ ܒܸܣܡܹ̈ܐ ܪܵܒܵܐ؛ ܕܝܵܗ݇ܒܼܸܠ ܠܗ݇ܘܿܢ ܠܨܠܵܘܵܬܹ̈ܐ ܕܟܠܵܝܗܝ ܩܲܕܝܼܫܹ̈ܐ ܥܲܠ ܡܲܕܒܚܵܐ ܕܕܲܗܒܼܵܐ ܕܩܵܕ݇ܡ ܬܪܘܿܢܘܿܣ. 4ܘܐَܣܸܩܠܹܗ ܬܸܢܵܐ ܕܒܸܣܡܹ̈ܐ؛ ܥܲܡ ܨܠܵܘܵܬܹ̈ܐ ܕܩܲܕܝܼܫܹ̈ܐ؛ ܡ̣ܢ ܐܝܼܕܹܗ ܕܡܲܠܲܐܟܼܵܐ ܩܵܕ݇ܡ ܐܲܠܵܗܵܐ. 5ܘܫܩܸܠܹܗ ܡܲܠܲܐܟܼܵܐ ܠܦܝܼܪܡܵܐ؛ ܘܡܠܹܠܹܗ ܡ̣ܢ ܢܘܼܪܵܐ ܕܡܲܕܒܚܵܐ؛ ܘܕܪܹܠܹܐ ܒܐܲܪܥܵܐ؛ ܘܗ݇ܘܹܠܘܿܢ ܪ̈ܲܥܡܹܐ؛ ܘܒܸܪ̈ܩܹܐ؛ ܘܩܵܠܹ̈ܐ؛ ܘܪܵܘܕܵܢܵܐ. 6ܘܐܵܢܝܼ ܫܲܒܼܥܵܐ ܡܲܠܲܐܟܼܹ̈ܐ؛ ܐܵܢܝܼ ܕܐܝܼܬ ܗ݇ܘܵܘ ܠܗ݇ܘܿܢ ܫܲܒܼܥܵܐ ܫܝܼܦܘܿܪܹ̈ܐ؛ ܗܘܼܕܸܪܘܿܢ ܓܵܢܵܝܗܝ ܕܥܵܒܼܕܝܼ ܩܵܠܵܐ. 7ܘܗ̇ܘ ܩܵܕ݇ܡܵܝܵܐ ܥܒܼܸܕܠܹܐ ܩܵܠܵܐ؛ ܘܗ݇ܘܹܐܠܹܗ ܒܲܪܕܵܐ ܘܢܘܼܪܵܐ ܚܒܼܝܼܛܹܐ ܒܕܸܡܵܐ؛ ܘܦܸܫܠܗَܘܿܢ ܕܸܪܝܹܐ ܒܐܲܪܥܵܐ؛ ܘܚܲܕَ ܬܠܝܼܬܵܝܵܐ ܕܐܲܪܥܵܐ ܝܩܸܕܠܹܐ؛ ܘܚܲܕَ ܬܠܝܼܬܵܝܵܐ ܕܐܝܼܠܵܢܹ̈ܐ ܝܩܸܕܠܘܿܢ؛ ܘܟܠܹܗ ܓܸܠܵܐ ܩܝܼܢܵܐ ܝܩܸܕܠܹܐ. 8ܘܡܲܠܲܐܟܼܵܐ ܗ̇ܘ ܕܬܪܹܝ ܥܒܼܸܕܠܹܐ ܩܵܠܵܐ؛ ܘܐܲܝܟܼ ܛܘܼܪܵܐ ܓܘܼܪܵܐ ܟܲܕ ܒܸܠܗܵܝܵܐ ܒܢܘܼܪܵܐ ܦܸܫܠܹܗ ܕܸܪܝܵܐ ܓܵܘ ܝܵܡܵܐ؛ ܘܗ݇ܘܹܐܠܹܗ ܚܲܕَ ܬܠܝܼܬܵܝܵܐ ܕܝܵܡܵܐ ܕܸܡܵܐ. 9ܘܡܝܼܬܠܹܗ ܚܲܕَ ܬܠܝܼܬܵܝܵܐ ܕܒܸܪ̈ܝܹܐ ܕܓܵܘ ܝܵܡܵܐ؛ ܐܲܢܹܐ ܕܐܝܼܬ ܗ݇ܘܵܘ ܠܗ݇ܘܿܢ ܓܵܢܵܬܹ̈ܐ؛ ܘܚܲܕَ ܬܠܝܼܬܵܝܵܐ ܕܓܵܡ̈ܝܼܹܐ ܚܪܸܒܼܠܘܿܢ. 10ܘܡܲܠܲܐܟܼܵܐ ܗ̇ܘ ܕܬܠܵܬ݇ܐ ܥܒܼܸܕܠܹܗ ܩܵܠܵܐ؛ ܘܢܦܸܠܹܗ ܡ̣ܢ ܫܡܲܝܵܐ ܚܲܕَ ܟܵܘܟܼܒܼܵܐ ܓܘܼܪܵܐ؛ ܒܸܩܝܵܕܵܐ ܐܲܝܟܼ ܡܲܫܲܥܠ؛ ܘܢܦܸܠܹܗ ܥܲܠ ܚܲܕَ ܬܠܝܼܬܵܝܵܐ ܕܢܲܗܪ̈ܵܘܵܬܹܐ ܘܥܲܠ ܥܲܝܢܵܬܹ̈ܐ ܕܡ̈ܝܼܵܐ. 11ܘܫܸܡܹܗ ܕܗ̇ܘ ܟܵܘܟܼܒܼܵܐ ܦܵܝܸܫ ܗ݇ܘܵܐ ܐ݇ܡܝܼܪܵܐ ܐܲܦܣܸܢܬܘܿܣ؛ ܘܗ݇ܘܹܐܠܹܗ ܚܲܕَ ܬܠܝܼܬܵܝܵܐ ܕܡ̈ܝܼܵܐ ܠܐܲܦܣܝܼܢܬܵܢ؛ ܘܪܵܒܵܐ ܒܢܲܝ̈ܢܵܫܵܐ ܡܸܬܠܘܿܢ ܡ̣ܢ ܡ̈ܝܼܵܐ؛ ܣܵܒܵܒ ܕܡܪܸܠܘܿܢ. 12ܘܡܲܠܲܐܟܼܵܐ ܗ̇ܘ ܕܐܲܪܒܥܵܐ ܥܒܼܸܕܠܹܐ ܩܵܠܵܐ ܘܦܸܫܠܹܗ ܡܸܚܝܵܐ ܚܲܕَ ܬܠܝܼܬܵܝܵܐ ܕܫܸܡܫܵܐ؛ ܘܚܲܕَ ܬܠܝܼܬܵܝܵܐ ܕܣܲܗܪܵܐ؛ ܘܚܲܕَ ܬܠܝܼܬܵܝܵܐ ܕܟܵܘܟܼܒܼܹ̈ܐ؛ ܕܵܐܟܼܝܼ ܕܚܵܒܼܹܐ ܗ݇ܘܵܐ ܚܲܕَ ܬܠܝܼܬܵܝܵܐ ܕܝܼܵܝ؛ ܘܝܵܘܡܵܐ ܠܵܐ ܒܲܗ݇ܪܲܢ ܗ݇ܘܵܐ ܚܲܕَ ܬܠܝܼܬܵܝܵܐ ܕܝܼܹܗ؛ ܘܐܘܼܦ ܠܲܝܠܹܐ ܗܲܪ ܒܗ̇ܘ ܬܵܗܵܪ. 13ܘܚܙܹܠܝܼ؛ ܘܫܡܸܥܠܝܼ ܠܚܲܕَ ܢܸܫܪܵܐ؛ ܕܒܸܦܪܵܚܵܐ ܒܒܹܦܲܠܓܵܐ ܕܫܡܲܝܵܐ؛ ܟܲܕ ܐܵܡܸܪ ܒܩܵܠܵܐ ܓܘܼܪܵܐ؛ ܘܵܝ؛ ܘܵܝ؛ ܘܵܝ؛ ܠܐܵܢܝܼ ܕܒܸܥܡܵܪܵܐ ܝܢܵܐ ܥܲܠ ܐܲܪܥܵܐ؛ ܡ̣ܢ ܩܵܠܹ̈ܐ ܐَܚܹܪ̈݇ܢܹܐ ܕܫܝܼܦܘܿܪܹ̈ܐ ܕܐܵܢܝܼ ܬܠܵܬ݇ܐ ܡܲܠܲܐܟܼܹ̈ܐ؛ ܐܵܢܝܼ ܕܝܼܢܵܐ ܗܕܝܼܪܹܐ ܠܸܥܒܼܵܕܵܐ ܩܵܠܵܐ.