1ܐܝܼܢܵܐ ܐܲܢ݇ܬ ܗܲܡܙܸܡ ܡܸܢܕܝܼ ܕܝܼܠܹܗ ܘܵܓ̰ܸܒ ܠܝܘܼܠܦܵܢܵܐ ܨܵܚ؛ 2ܘܚܘܵܪ̈ܕܸܩܢܹܐ ܗܵܘܝܼ ܪ̈ܥܝܼܫܹܐ ܒܚܝܼܵܠܵܝ̈؛ ܝܵܩܘܿܪܹ̈ܐ؛ ܨܵܠܝܼܠܹ̈ܐ؛ ܨܵܚ ܒܗܲܝܡܵܢܘܼܬܵܐ ܘܒܚܘܼܒܵܐ ܘܒܚܡܵܠܬܵܐ؛ 3ܘܗܲܕܟܼܵܐ ܐܘܼܦ ܚܘܵܪ̈ܟܵܘܣܹܐ؛ ܗܵܘܝܼ ܒܕܘܼܒܵܪܹ̈ܐ ܕܚܵܫܚܝܼ ܠܕܸܚܠܲܬ ܐܲܠܵܗܵܐ؛ ܘܠܵܐ ܡܵܚܝܵܢܹ̈ܐ ܕܕܲܪܗܲܩ؛ ܘܠܵܐ ܙܘܼܒܛܸܢܹܐ ܠܚܲܡܪܵܐ ܪܵܒܵܐ؛ ܘܡܲܠܦܵܢܹ̈ܐ ܕܫܘܼ̈ܠܹܐ ܫܵܦܝܼܪܹ̈ܐ؛ 4ܕܬܲܥܠܡܝܼ ܠܐܵܢܝܼ ܕܝܼܢܵܐ ܚܵܡܵܬܹ̈ܐ ܠܡܲܚܘܼܒܹܐ ܓܲܒܼܪ̈ܵܢܵܝܗܝ ܘܝܵܠܵܕَܝ̈ܗܝ؛ 5ܘܠܸܗ݇ܘܵܝܵܐ ܢܵܟܼܘܿܦܹ̈ܐ؛ ܘܕܸܟܼܝܹ̈ܐ ܘܛܵܒܼܹ̈ܐ؛ ܘܒܹܐܟܼܵܠܵܐ ܚܲܡ ܨܦܵܝܝܼ ܕܒܵܬܵܝ̈؛ ܘܠܸܦܝܵܫܵܐ ܙܲܒܛ ܠܓܲܒܼܪ̈ܵܢܵܝ؛ ܕܐ݇ܢܵܫܵܐ ܠܵܐ ܓܵܕܸܦ ܥܲܠ ܗܹܡܸܙܡܵܢ ܕܐܲܠܵܗܵܐ. 6ܘܒܐܵܢܝܼ ܕܝܼܢܵܐ ܓ̰ܘܲܢܩܹ̈ܐ ܐܘܼܦ ܗܲܕܟ̣ܵܐ ܦܲܪܦܸܠ؛ ܕܗܵܘܝܼ ܢܵܟܼܘܿܦܹ̈ܐ. 7ܐܝܼܢܵܐ ܒܟܠ ܡܸܢܕܝܼ ܡܲܚܙܝܼ ܛܘܼܦ̮ܣܵܐ ܒܓܵܢܘܼܟܼ ܕܦܘܼܠܚܵܢܹ̈ܐ ܛܵܒܼܹ̈ܐ؛ ܘܒܡܵܠܲܦܬܘܼܟܼ (ܡܲܚܙܘܼܝܹܐ) ܠܵܐ ܚܪܵܒܼܬܵܐ؛ ܝܵܩܘܿܪܘܼܬܵܐ؛ 8ܗܹܡܸܙܡܵܢ ܨܵܚ؛ ܕܐ݇ܢܵܫܵܐ ܠܹܐ ܡܵܨܹܐ ܡܲܣܠܹܐ ܠܵܗ̇؛ ܕܗ̇ܘ ܕܟܵܠܹܐ ܕܲܪܩܘܼܒܼܠ ܢܵܚܸܦ؛ ܟܲܕ ܠܲܝܬ ܠܹܗ ܡܸܢܕܝܼ ܣܸܪܝܵܐ ܕܐܵܡܸܪ ܥܠܲܢ. 9ܪܹ̈ܓܵܘܵܬܹܐ ܗܵܘܝܼ ܙܲܒܛ ܠܐܵܓܼܵܝܵܝ̈ܗܝ ܘܗܵܘܝܼ ܒܸܫܦܵܪܵܐ ܒܟܠ ܡܸܢܕܝܼ؛ ܠܵܐ ܗܵܘܝܼ ܡܲܕܘܼܪܹܐ ܓ̰ܘܼܘܵܒ؛ 10ܘܠܵܐ ܗܵܘܝܼ ܒܸܓܢܵܒܼܵܐ؛ ܐܸܠܵܐ ܡܲܚܙܝܼ ܬܪܘܼܨܘܼܬܵܐ ܨܦܵܝܝܼ ܒܟܠ ܡܸܢܕܝܼ؛ ܕܣܵܩܠܝܼ ܝܘܼܠܦܵܢܹܗ ܕܐܲܠܵܗܵܐ ܦܵܪܘܿܩܲܢ ܒܟܠ ܡܸܢܕܝܼ. 11ܣܵܒܵܒ ܦܸܫܠܵܗ̇ ܓܠܝܼܬܵܐ ܫܵܦܵܩܲܬܹܗ ܕܐܲܠܵܗܵܐ ܗ̇ܝ ܕܝܼܠܵܗ̇ ܦܵܪܩܵܢܬܵܐ ܠܟܠ ܐ݇ܢܵܫܵܐ؛ 12ܘܡܵܠܘܿܦܲܢ ܝܼܠܵܗ̇ ܕܟܵܦܪܵܚ ܒܟܦܘܼܪܝܵܐ ܘܒܫܲܗ݇ܘܲܬܝܵܬܹ̈ܐ ܕܥܵܠܡܵܐ؛ ܘܚܲܝܵܚ ܒܐܵܗܵܐ ܥܵܠܡܵܐ ܒܢܵܟܼܦܘܼܬܵܐ ܘܒܙܲܕܝܼܩܘܼܬܵܐ ܘܒܕܸܚܠܲܬ ܐܲܠܵܗܵܐ؛ 13ܟܲܕ ܒܸܣܦܵܪܵܐ ܝܘܵܚ ܠܣܲܒܼܪܵܐ ܒܪܝܼܟܼܵܐ؛ ܘܠܓܸܠܝܵܢܵܐ ܕܬܸܫܒܘܿܚܬܹܗ ܕܐܲܠܵܗܵܐ ܓܘܼܪܵܐ؛ ܘܦܵܪܘܿܩܲܢ ܝܼܫܘܿܥ ܡܫܝܼܚܵܐ؛ 14ܗ̇ܘ ܕܝܸܗܒܼܵܠܹܐ ܓܵܢܹܗ ܡܒܵܕܵܠܲܢ؛ ܕܦܵܪܸܩ ܗ݇ܘܵܐ ܠܲܢ ܡ̣ܢ ܟܠ ܥܵܘܠܵܐ؛ ܘܕܵܟܼܹܐ ܗ݇ܘܵܐ ܠܲܢ ܠܓܵܢܹܗ ܛܵܝܸܦܵܐ ܦܪܝܼܫܵܐ؛ ܕܒܲܚܸܠ ܒܦܘܼܠܚܵܢܹ̈ܐ ܛܵܒܼܹ̈ܐ. 15ܐܲܢܹܐ ܗܲܡܙܸܡ ܘܒܥܝܼ ܘܡܲܢܟܼܸܣ ܒܟܠ ܦܵܩܲܕܬܵܐ. ܘܐ݇ܢܵܫܵܐ ܠܵܐ ܡܲܣܠܹܐ ܠܘܼܟܼ.