0:00
/
1ܘܒܝܵܘܡܵܐ ܕܬܠܵܬَܐ ܗَܘܹܐܠܹܗ ܚܠܘܼܠܵܐ ܒܩܵܛܢܹܐ ܕܓܠܝܼܠܵܐ: ܘܝܸܡܹܗ ܕܝܼܫܘܿܥ ܬܵܡܵܐ ܗ݇ܘܵܐ. 2ܘܐܘܼܦ ܝܼܫܘܿܥ ܘܬܲܠܡܝܼܕܘܼ̈ܗܝ ܦܸܫܠܗَܘܿܢ ܩܸܪܝܹܐ ܠܚܠܘܼܠܵܐ. 3ܘܒܨܝܼܪܵܐ ܗ݇ܘܵܐ ܚܡܪܵܐ: ܘܐܵܡܪܵܗ̇ ܝܸܡܹܗ ܠܝܼܫܘܿܥ: ܚܲܡܪܵܐ ܠܲܝܬ ܠܗ݇ܘܿܢ. 4ܐܵܡܸܪ ܐܸܠܵܗ̇ ܝܼܫܘܿܥ: ܡܵܐ ܠܵܟ̣ܝ ܒܲܟ̣ܬܵܐ: ܗܵܠܵܐ ܠܹܐ ܝ݇ܠܵܗ̇ ܐܬܝܼܬܵܐ ܣܵܥܲܬܝܼ. 5ܐܵܡܪܵܗ̇ ܝܸܡܹܗ ܠܚܸܠܡܲܬܟܵܪܹ̈ܐ: ܡܸܢܕܝܼ ܕܐܵܡܸܪ ܐܸܠܵܘܟ̣ܘܿܢ: ܥܒ̣ܘܿܕܘܿܢ. 6ܐܝܼܢܵܐ ܐܝܼܬ ܗ݇ܘܵܘ ܬܵܡܵܐ ܐܸܫܬܵܐ ܚܵܘܕܹ̈ܐ [ܡܵܐܢܹ̈ܐ ܓܘܼܪܹ̈ܐ] ܕܟܹܐܦܵܐ: ܡܘܼܬܒܹܐ ܠܕܵܟ̣ܵܝܬܵܐ ܕܝܗَܘܼܕܵܝܹ̈ܐ: ܕܟܹܐ ܕܵܒ̣ܩܝܼ ܗ݇ܘܵܘ ܟܠܵܝܗܝ ܚܲܕَ ܬܪܹܝ ܓܘܼܕܹ̈ܐ ܝܲܢ ܬܠܵܬَܐ. 7ܐܵܡܸܪ ܐܸܠܵܝܗܝ ܝܼܫܘܿܥ: ܡܠܹܡܘܿܢ ܠܗ݇ܘܿܢ ܐܲܢܹܐ ܚܵܘܕܹ̈ܐ ܡ̈ܝܼܵܐ. ܘܡܸܠܝܵܝܠܗܘܿܢ ܗܲܠ ܦܘܼܡܵܝܗܝ. 8ܐܵܡܸܪ ܐܸܠܵܝܗܝ: ܣܦܹܡܘܿܢ ܡܐܵܕܝܼܵܐ ܘܡܲܝܬَܡܘܿܢ ܠܪܹܫܵܐ ܕܡܲܓ̰ܠܝܼܣ: ܘܡܘܼܬَܝܹܠܗܘܿܢ. 9ܘܟܲܕ ܛܥܸܡܠܹܗ ܪܹܫܵܐ ܕܡܲܓ̰ܠܝܼܣ ܠܡ̈ܝܼܵܐ ܕܗَܘܹܐܠܗَܘܿܢ ܚܲܡܪܵܐ: ܘܠܵܐ ܝܕܸܥܠܹܗ ܡܐܲܝܟܵܐ ܗ݇ܘܵܐ: ܐܝܼܢܵܐ ܚܸܠܡܲܬܟܵܪܹ̈ܐ ܝܕܸܥܠܗܘܿܢ: ܐܵܢܝܼ ܕܡܸܠܵܝܵܝܗܝ ܗ݇ܘܵܘ ܡ̈ܝܼܵܐ: ܩܪܹܐܠܹܗ ܪܹܫܵܐ ܕܡܲܓ̰ܠܝܼܣ ܠܚܸܬܢܵܐ. 10ܘܐَܡܝܼܪܹܗ ܐܸܠܹܗ: ܟܠ ܐ݇ܢܵܫܵܐ ܩܵܕَܡܵܝܬܵܐ ܚܲܡܪܵܐ ܨܦܵܝܝܼ ܟܹܐ ܡܲܬܸܒ̣: ܘܐܝܼܡܲܢ ܕܪܘܹܠܗܘܿܢ: ܗ̇ܝܓܵܗ ܗ̇ܘ ܕܒܵܨܘܿܪܵܐ ܝܠܹܗ: ܐܝܼܢܵܐ ܐܲܢَܬ ܚܘܼܡܹܠܘܼܟܼ ܚܲܡܪܵܐ ܨܦܵܝܝܼ ܗܲܠ ܐܵܕܝܼܵܐ. 11ܐܵܗܵܐ ܝܠܹܗ ܢܝܼܫܲܢܩܵܐ ܩܵܕَܡܵܝܵܐ ܕܥܒܸܕܠܹܗ ܝܼܫܘܿܥ ܓܵܘ ܩܵܛܢܹܐ ܕܓܠܝܼܠܵܐ: ܘܡܘܼܕܸܥܠܹܗ ܚܸܩܪܹܗ: ܘܗܘܼܡܸܢܗܘܿܢ ܒܝܹܗ ܬܲܠܡܝܼܕܘܼ̈ܗܝ. 12ܒܵܬَܪ ܐܵܗܵܐ ܨܠܹܐܠܹܗ ܠܟܦܲܪܢܵܚܘܿܢ: ܗ̇ܘ ܘܝܸܡܹܗ ܘܐܵܚܘܿܢܘܵܬܹ̈ܗ ܘܬܲܠܡܝܼܕܹ̈ܗ: ܘܬܵܡܵܐ ܦܸܫܠܗَܘܿܢ ܠܵܐ ܪܵܒܵܐ ܝܵܘܡܵܢܹ̈ܐ. 13ܘܩܘܼܪܒܵܐ ܗ݇ܘܵܐ ܦܸܨܚܵܐ ܕܝܗَܘܼܕܵܝܹ̈ܐ: ܘܐ݇ܣܸܩܠܹܗ ܝܼܫܘܿܥ ܠܐܘܿܪܸܫܠܸܡ. 14ܘܡܘܼܫَܟ̰ܸܚܠܹܗ ܓܵܘ ܗܲܝܟܠܵܐ ܠܐܵܢܝܼ ܕܙܵܒܘܼܢܹܐ ܗ݇ܘܵܘ ܬܵܘܪܹ̈ܐ ܘܥܸܪ̈ܒܹܐ ܘܝܵܘܢܹ̈ܐ: ܘܠܨܲܪ̈ܵܦܹܐ ܝܬܝܼܒܹܐ. 15ܘܬܘܼܪܸܨܠܹܗ ܩܲܡܟ̰ܝܼ ܡ̣ܢ ܚܲܒ̣ܠܹ̈ܐ: ܘܠܟܠܵܝܗܝ ܦܘܼܠܸܛܠܹܗ ܡ̣ܢ ܗܲܝܟܠܵܐ: ܘܠܥܸܪ̈ܒܹܐ ܘܠܬܵܘܪܹ̈ܐ: ܘܫܘܼܦܸܟ̣ܠܹܗ ܙܘܼܙܵܐ ܕܨܲܪ̈ܵܦܹܐ: ܘܨܘܼܦܪ̈ܵܝܗܝ ܡܘܼܚܕܸܪܹܗ. 16ܘܠܐܵܢܝܼ ܕܙܵܒܘܿܢܹܐ ܗ݇ܘܵܘ ܝܵܘܢܹ̈ܐ ܐَܡܝܼܪܹܗ: ܫܩܘܿܠܘܿܢ ܐܲܢܹܐ ܡܐܲܟ̣ܵܐ: ܘܠܵܐ ܥܵܒ̣ܕܝܼܬܘܿܢ ܠܹܗ ܒܲܝܬܹܗ ܕܒܵܒܝܼ ܒܲܝܬܵܐ ܕܬܵܓ̰ܝܼܪܘܼܬܵܐ. 17ܕܟܸܪܗܘܿܢ ܬܲܠܡܝܼܕܘܼ̈ܗܝ ܕܟܬܝܼܒ̣ܵܐ ܝܠܹܗ: ܩܲܝܪܲܬܹܗ ܕܒܲܝܬܘܼܟ ܐܟ̣ܝܼܠܸܢܵܐ. 18ܐܝܼܢܵܐ ܓ̰ܘܼܘܸܒܠܗܘܿܢ ܝܗَܘܼܕܵܝܹ̈ܐ ܘܐَܡܸܪܗܘܿܢ ܐܸܠܹܗ: ܡܘܼܕܝܼ ܢܝܼܫܲܢܩܵܐ ܡܲܚܙܘܼܝܲܢ ܝܼܘܸܬ: ܕܐܲܢܹܐ ܒܸܥܒ̣ܵܕܵܐ ܝܘܸܬ. 19ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܵܝܗܝ: ܣܬܘܿܪܘܿܢ ܠܐܵܗܵܐ ܗܲܝܟܠܵܐ: ܘܒܬܠܵܬَܐ ܝܵܘܡܵܢܹ̈ܐ ܐܵܢܵܐ ܒܸܬ ܡܲܩܸܡܸܢܹܗ. 20ܐَܡܸܪܗܘܿܢ ܗܲܕܟ̣ܵܐ ܝܗَܘܼܕܵܝܹ̈ܐ: ܒܐܲܪܒܥܝܼ ܘܐܸܫܸܬ ܫܸܢܹ̈ܐ ܦܸܫܠܹܗ ܒܸܢܝܵܐ ܐܵܗܵܐ ܗܲܝܟܠܵܐ: ܘܐܲܢَܬ ܒܬܠܵܬَܐ ܝܵܘܡܵܢܹ̈ܐ ܒܸܬ ܡܲܩܸܡܸܬ ܠܹܗ. 21ܐܝܼܢܵܐ ܗ̇ܘ ܒܹܐܡܵܪܵܐ ܗ݇ܘܵܐ ܒܘܼܬ ܗܲܝܟܠܵܐ ܕܦܲܓ̣ܪܹܗ. 22ܘܐܝܼܡܲܢ ܕܦܸܫܠܹܗ ܡܘܼܩܸܡܵܐ ܡ̣ܢ ܡܝܼܬܹ̈ܐ: ܕܟܸܪܗܘܿܢ ܬܲܠܡܝܼܕܘܼ̈ܗܝ ܕܐܵܗܵܐ ܐَܡܝܼܪܵܐ ܗ݇ܘܵܐ: ܘܗܘܼܡܸܢܘܿܢ ܠܟܬܵܒܹ̈ܐ ܘܠܗܹܡܸܙܡܵܢ ܕܐَܡܝܼܪܹܗ ܝܼܫܘܿܥ. 23ܘܟܲܕ ܗَܘܹܐܠܹܗ ܝܼܫܘܿܥ ܓܵܘ ܐܘܿܪܸܫܠܸܡ ܒܦܸܨܚܵܐ ܒܥܹܐܕܵܐ: ܪܵܒܵܐ ܗܘܼܡܸܢܘܿܢ ܒܫܸܡܹܗ: ܟܲܕ ܚܙܹܐܠܗܘܿܢ ܢܝܼܫܲܢܩܹ̈ܐ ܕܥܵܒܸܕ ܗ݇ܘܵܐ. 24ܐܝܼܢܵܐ ܝܼܫܘܿܥ ܠܹܐ ܣܵܦܹܐ ܗ݇ܘܵܐ ܒܝܼܵܝܗܝ ܓܵܢܹܗ: ܣܵܒܵܒ ܕܟܹܐ ܝܵܕܸܥ ܗ݇ܘܵܐ ܠܟܠ ܐ݇ܢܵܫܵܐ. 25ܘܠܹܐ ܗ݇ܘܵܐ ܣܢܝܼܩܵܐ ܕܐ݇ܢܵܫܵܐ ܝܵܗَܒܸܠ ܗ݇ܘܵܐ ܣܵܗܕܘܼܬܵܐ ܥܲܠ ܒܲܪܢܵܫܵܐ: ܣܵܒܵܒ ܕܟܹܐ ܝܵܕܸܥ ܗ݇ܘܵܐ ܡܘܼܕܝܼ ܐܝܼܬ ܓܵܘ ܒܲܪܢܵܫܵܐ.