0:00
/
1ܐܝܼܢܵܐ ܒܫܹܢَܬܵܐ ܕܚܲܡܫܲܥܣܲܪ ܕܡܲܠܟܘܼܬܹܗ ܕܛܹܒܲܪܝܼܘܿܣ ܩܹܣܲܪ: ܟܲܕ ܦܵܢܛܝܼܘܿܣ ܦܝܼܠܵܛܘܿܣ ܗܵܟܝܼܡ ܕܝܼܗܘܼܕ ܝܼܗܘܵܐ: ܘܟܲܕ ܛܸܛܪܲܪܟܵܐ ܕܓܠܝܼܠܵܐ ܗ݇ܘܵܐ ܗܹܪܘܿܕܸܣ: ܘܦܝܼܠܝܼܦܘܿܣ ܐܵܚܘܿܢܘܼܗܝ ܛܸܛܪܲܪܟܵܐ ܕܐܝܼܛܘܿܪܝܼܵܐ ܘܕܲܐܬܪܵܐ ܕܛܪܵܟ̣ܘܿܢܵܐ: ܘܠܘܼܣܵܢܝܼܵܐ ܛܸܛܪܲܪܟܵܐ ܕܐܲܒ̣ܝܼܠܝܼܢܹܐ. 2ܒܓܘܼܪܘܼܬܵܐ ܕܟܵܗܢܘܼܬܵܐ ܕܚܲܢܵܢ ܘܕܩܲܝܵܦܵܐ: ܗَܘܹܐ ܠܵܗ̇ ܗܹܡܸܙܡܵܢ ܕܐܲܠܵܗܵܐ ܥܲܠ ܝܘܿܚܲܢܵܢ ܒܪܘܿܢܵܐ ܕܙܟܲܪܝܵܐ: ܓܵܘ ܒܲܪܝܼܵܐ. 3ܘܐَܬܹܐܠܹܗ ܒܟܠܹܗ ܐܲܬܪܵܐ ܕܚܵܕܸܪ̈ܘܵܢܹܐ ܕܝܘܿܪܕܢܵܢ: ܟܲܕ ܡܲܟܪܘܼܙܹܐ ܡܲܥܡܘܿܕܝܼܬܵܐ ܕܬܝܵܒ̣ܘܼܬܵܐ ܠܫܒ̣ܵܩܵܐ ܕܚܛܝܼܵܬܹ̈ܐ. 4ܕܵܐܟ̣ܝܼ ܕܝܼܠܹܗ ܟܬܝܼܒ̣ܵܐ ܒܟܬܵܒ̣ܵܐ ܕܗܹܡܸܙܡܵܢܹ̈ܐ ܕܐܹܫܲܥܝܵܐ ܢܒ̣ܝܼܵܐ: ܕܐَܡܝܼܪܹܗ: ܩܵܠܵܐ ܕܩܵܪܹܐ ܓܵܘ ܒܲܪܝܼܵܐ: ܗܲܕܪܘܿܢ ܐܘܼܪܚܹܗ ܕܡܵܪܝܵܐ: ܘܡܲܫܘܹܡܘܿܢ ܠܓ̰ܵܕܵܘܵܬܘܼ̈ܗܝ. 5ܟܠܵܝܗܝ ܪܵܘܘܿܠܹܐ ܒܸܬ ܦܵܝܫܝܼ ܡܸܠܝܹܐ: ܘܟܠ ܛܘܼܪܵܐ ܘܪܘܼܡܬܵܐ ܒܸܬ ܦܵܝܫܝܼ ܡܘܼܟܸܦܹܐ: ܘܦܟ̰ܝܼܠܵܐ ܒܸܬ ܗܵܘܹܐ ܠܬܪܘܿܨܵܐ: ܘܐܘܼܪ̈ܚܵܬܹܐ ܥܲܣܩܹ̈ܐ ܠܕܸܫܬܵܐ. 6ܘܒܸܬ ܚܵܙܹܐ ܟܠ ܒܸܣܪܵܐ ܦܘܼܪܩܵܢܵܐ ܕܐܲܠܵܗܵܐ. 7ܘܐَܡܝܼܪܹܗ ܠܐܵܢܝܼ ܟܸܢܫܹ̈ܐ ܕܒܹܐܬܵܝܵܐ ܗ݇ܘܵܘ ܠܟܸܣܠܹܗ ܠܸܥܡܵܕܵܐ: ܙܲܪܥܵܐ ܕܐܵܟܸܕܢܹ̈ܐ: ܡܵܢܝܼ ܡܘܼܕܸܥܠܹܗ ܐܸܠܵܘܟ̣ܘܿܢ ܠܸܥܪܵܩܵܐ ܡ̣ܢ ܟܲܪܒܵܐ ܕܒܹܐܬܵܝܵܐ ܝ݇ܠܵܗ̇. 8ܥܒ̣ܘܿܕܘܿܢ ܗܲܕܟ̣ܵܐ ܛܥܘܿܢܝܵܬܹ̈ܐ ܕܚܵܫܚܝܼ ܠܬܝܵܒ̣ܘܼܬܵܐ: ܘܠܵܐ ܫܵܪܝܼܬܘܿܢ ܠܹܐܡܵܪܵܐ ܒܓܵܢܵܘܟ̣ܘܿܢ: ܕܒܵܒܵܐ ܐܝܼܬ ܠܲܢ ܐܲܒ̣ܪܵܗܵܡ. ܣܵܒܵܒ ܕܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܡܵܨܹܐ ܐܲܠܵܗܵܐ ܡܐܲܢܹܐ ܟܹܐܦܹ̈ܐ ܠܡܲܩܘܼܡܹܐ ܒܢܘܿܢܹ̈ܐ ܠܐܲܒ̣ܪܵܗܵܡ. 9ܘܐܵܕܝܼܵܐ ܢܲܪܥܵܐ ܡܘܼܬܒ̣ܵܐ ܝܠܹܗ ܥܲܠ ܥܸܩܪܵܐ ܕܐܝܼܠܵܢܹ̈ܐ. ܟܠ ܐܝܼܠܵܢܵܐ ܗܲܕܟ̣ܵܐ ܕܛܥܘܿܢܝܵܬܹ̈ܐ: ܫܲܦܝܼܪܹ̈ܐ ܠܵܐ ܥܵܒܸܕ: ܟܹܐ ܦܵܐܹܫ ܦܪܝܼܡܵܐ ܘܕܸܪܝܵܐ ܒܢܘܼܪܵܐ. 10ܘܒܵܩܪܝܼ ܗ݇ܘܵܘ ܠܹܗ ܟܸܢܫܹ̈ܐ: ܘܐܵܡܪܝܼ: ܒܲܣ ܡܘܼܕܝܼ ܥܵܒ̣ܕܵܚ. 11ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܵܝܗܝ: ܡ̇ܢ ܕܐܝܼܬ ܠܹܗ ܬܸܪ̈ܬܹܝ ܨܘܼܕܪ̈ܵܬܹܐ: ܝܵܗَܒܸܠ ܠܡ̇ܢ ܕܠܲܝܬ ܠܹܗ. ܘܡ̇ܢ ܕܐܝܼܬ ܠܹܗ ܡܹܐܟ̣ܘܼܠܬܵܐ: ܗܲܕܟ̣ܵܐ ܥܵܒܸܕ. 12ܘܐ݇ܬܹܐܠܗܘܿܢ ܐܘܼܦ ܕܲܡܓ̣ܵܟ̰ܝܹ̈ܐ ܠܸܥܡܵܕܵܐ: ܘܐܵܡܪܝܼ ܐܸܠܹܗ: ܡܲܠܦܵܢܵܐ. ܡܘܼܕܝܼ ܥܵܒ̣ܕܵܚ. 13ܘܗ̇ܘ ܐَܡܝܼܪܹܗ ܐܸܠܵܝܗܝ: ܠܵܐ ܫܵܩܠܝܼܬܘܿܢ ܡܸܢܕܝܼ ܙܵܘܕܵܐ ܥܲܠ ܕܗ̇ܘ ܕܝܼܠܹܗ ܦܩܝܼܕܵܐ ܐܸܠܵܘܟ̣ܘܿܢ. 14ܘܒܵܩܪܝܼ ܗ݇ܘܵܘ ܠܹܗ ܣܲܪ̈ܒܵܙܹܐ: ܘܐܵܡܪܝܼ: ܡܘܼܕܝܼ ܥܵܒ̣ܕܵܚ ܐܘܼܦ ܐܲܚܢܲܢ: ܐܵܡܸܪ ܐܸܠܵܝܗܝ: ܒܐ݇ܢܵܫܵܐ ܠܵܐ ܬܵܦܝܼܬܘܿܢ: ܘܠܐ݇ܢܵܫܵܐ ܠܵܐ ܙܵܠܡܝܼܬܘܿܢ: ܘܡܵܠܝܼ ܠܵܘܟ̣ܘܿܢ ܡܲܘܵܓ̰ܝܼܒܵܘ̈ܟ̣ܘܿܢ. 15ܐܝܼܢܵܐ ܟܲܕ ܒܸܣܦܵܪܵܐ ܗ݇ܘܵܐ ܛܵܝܸܦܵܐ: ܘܟܠܵܝܗܝ ܒܸܚܫܵܒ̣ܵܐ ܗ݇ܘܵܘ ܒܠܸܒܵܝܗܝ ܥܲܠ ܝܘܿܚܲܢܵܢ: ܕܩܵܘܡܵܐ ܐܵܗܵܐ ܝܠܹܗ ܡܫܝܼܚܵܐ. 16ܓ̰ܘܼܘܸܒܠܹܗ ܝܘܿܚܲܢܵܢ ܘܐَܡܝܼܪܹܗ ܠܟܠܵܝܗܝ: ܐܵܢܵܐ ܗܵܐ: ܡܲܥܡܘܿܕܹܐ ܝܘܸܢ ܐܸܠܵܘܟ̣ܘܿܢ ܒܡ̈ܝܼܵܐ: ܐܝܼܢܵܐ ܒܹܐܬܵܝܵܐ ܝܠܹܗ ܗ̇ܘ ܕܒܘܼܫ ܚܲܝܠܵܢܵܐ ܡܸܢܝܼ: ܗ̇ܘ ܕܠܹܐ ܚܵܫܚܸܢ ܕܫܵܪܸܢ ܬܲܣܡܵܬܹ̈ܐ ܕܨܵܘܠܘܼ̈ܗܝ: ܗ̇ܘ ܒܸܬ ܡܲܥܡܸܕ ܠܵܘܟ̣ܘܿܢ ܒܪܘܼܚܵܐ ܕܩܘܼܕܫܵܐ ܘܒܢܘܼܪܵܐ. 17ܗ̇ܘ ܕܪܘܼܦ̮ܫܬܹܗ ܒܐܝܼܕܹܗ: ܘܕܵܟ̣ܘܿܝܹܐ ܝܠܹܗ ܒܐܸܕܪܵܬܘܼܗܝ: ܘܚܸܛܹ̈ܐ ܓ̰ܲܡܘܼܥܝܹܐ ܝܠܹܗ ܓܵܘ ܐܲܢܒܵܪ̈ܘܼܗܝ: ܐܝܼܢܵܐ ܬܸܒ̣ܢܵܐ ܒܸܬ ܡܵܩܸܕ ܒܢܘܼܪܵܐ ܕܠܹܐ ܟ̰ܲܡܹܐ. 18ܘܐܘܼܦ ܪܵܒܵܐ ܡܸܢܕܝܵܢܹ̈ܐ ܐ݇ܚܹܪ̈݇ܢܹܐ ܡܵܠܸܦ ܗ݇ܘܵܐ ܘܡܲܫܚܸܕ ܗ݇ܘܵܐ ܠܛܵܝܸܦܵܐ. 19ܐܝܼܢܵܐ ܗܹܪܘܿܕܸܣ ܛܸܛܪܲܪܟܵܐ: ܣܵܒܵܒ ܕܦܝܼܫܵܐ ܗ݇ܘܵܐ ܡܘܼܢܟܸܣܵܐ ܡܸܢܹܗ ܒܘܼܬ ܗܹܪܘܿܕܝܼܵܐ ܒܲܟ̣ܬܵܐ ܕܦܝܼܠܝܼܦܘܿܣ ܐܵܚܘܿܢܹܗ: ܘܒܘܼܬ ܟܠܵܝܗܝ ܒܝܼܫܵܬܹ̈ܐ ܕܥܵܒܸܕ ܗ݇ܘܵܐ ܗܹܪܘܿܕܸܣ. 20ܡܘܼܙܝܸܕܠܹܗ ܐܘܼܦ ܐܵܗܵܐ ܥܲܠ ܟܠܵܝܗܝ: ܘܕܪܹܠܹܗ ܠܝܘܿܚܲܢܵܢ ܓܵܘ ܒܹܝܬ ܐܲܣܝܼܪܹ̈ܐ. 21ܐܝܼܢܵܐ ܗَܘܹܐ ܠܵܗ̇ ܟܲܕ ܥܡܸܕܠܹܗ ܟܠܹܗ ܛܵܝܸܦܵܐ: ܘܐܘܼܦ ܝܼܫܘܿܥ ܥܡܸܕܠܹܗ: ܘܟܲܕ ܨܵܠܘܿܝܹܐ ܗ݇ܘܵܐ: ܦܸܫܠܗَܘܿܢ ܦܬܝܼܚܹܐ ܫܡܲܝܵܐ. 22ܘܨܠܹܠܗ̇ ܪܘܼܚܵܐ ܕܩܘܼܕܫܵܐ ܥܲܠܘܼܗܝ ܒܕܘܼܡܝܵܐ ܕܓܘܼܫܡܵܐ ܕܝܵܘܢܵܐ: ܘܩܵܠܵܐ ܗَܘܹܐܠܹܗ ܡ̣ܢ ܫܡܲܝܵܐ: ܕܐܵܡܸܪ: ܐܲܢَܬ ܝܼܘܸܬ ܒܪܘܿܢܝܼ ܡܘܼܚܸܒܵܐ: ܒܝܼܘܼܟ ܒܸܒܣܵܡܝܼ ܝ݇ܠܵܗ̇. 23ܘܝܼܫܘܿܥ ܐܲܝܟܼ ܒܲܪ ܬܠܵܬَܝܼ ܫܸܢܹ̈ܐ ܗ݇ܘܵܐ ܟܲܕ ܫܘܼܪܹܐܠܹܗ ܠܚܸܠܡܲܬܹܗ: ܟܲܕ ܝܼܗ݇ܘܵܐ: ܐܲܝܟܼ ܕܦܵܐܹܫ ܗ݇ܘܵܐ ܚܫܝܼܒ̣ܵܐ: ܒܪܘܿܢܵܐ ܕܝܵܘܣܸܦ: ܒܪܘܿܢܵܐ ܕܗܹܠܝܼ. 24ܒܪܘܿܢܵܐ ܕܡܲܛܬܲܬ: ܒܪܘܿܢܵܐ ܕܠܹܘܝܼ: ܒܪܘܿܢܵܐ ܕܡܲܠܟܝܼ: ܒܪܘܿܢܵܐ ܕܝܲܐܢܝܼ: ܒܪܘܿܢܵܐ ܕܝܵܘܣܸܦ. 25ܒܪܘܿܢܵܐ ܕܡܲܬܬܲܬܝܼܵܐ: ܒܪܘܿܢܵܐ ܕܥܲܡܘܿܨ: ܒܪܘܿܢܵܐ ܕܢܵܚܘܿܡ: ܒܪܘܿܢܵܐ ܕܚܲܣܠܝܼ: ܒܪܘܿܢܵܐ ܕܢܵܓܝܼ. 26ܒܪܘܿܢܵܐ ܕܡܵܐܲܬ: ܒܪܘܿܢܵܐ ܕܡܲܬܬܲܬܝܼܵܐ: ܒܪܘܿܢܵܐ ܕܫܵܡܥܝܼ: ܒܪܘܿܢܵܐ ܕܝܵܘܣܸܦ: ܒܪܘܿܢܵܐ ܕܝܼܗܘܼܕܵܐ. 27ܒܪܘܿܢܵܐ ܕܝܘܿܚܲܢܵܢ: ܒܪܘܿܢܵܐ ܕܪܵܣܵܐ: ܒܪܘܿܢܵܐ ܕܙܘܼܪܒܵܒܸܠ: ܒܪܘܿܢܵܐ ܕܫܹܠܲܬܐܹܝܠ: ܒܪܘܿܢܵܐ ܕܢܹܐܪܝܼ. 28ܒܪܘܿܢܵܐ ܕܡܲܠܟܝܼ: ܒܪܘܿܢܵܐ ܕܐܲܕܝܼ: ܒܪܘܿܢܵܐ ܕܩܘܼܣܵܡ: ܒܪܘܿܢܵܐ ܕܐܲܠܡܘܼܕܵܡ: ܒܪܘܿܢܵܐ ܕܥܝܼܪ. 29ܒܪܘܿܢܵܐ ܕܝܘܿܣܹܐ: ܒܪܘܿܢܵܐ ܕܐܹܠܝܼܥܵܙܲܪ: ܒܪܘܿܢܵܐ ܕܝܘܿܪܵܡ: ܒܪܘܿܢܵܐ ܕܡܲܬܬܲܬ: ܒܪܘܿܢܵܐ ܕܠܹܘܝܼ. 30ܒܪܘܿܢܵܐ ܕܫܸܡܥܘܿܢ: ܒܪܘܿܢܵܐ ܕܝܼܗܘܼܕܵܐ: ܒܪܘܿܢܵܐ ܕܝܵܘܣܸܦ: ܒܪܘܿܢܵܐ ܕܝܘܿܢܵܡ: ܒܪܘܿܢܵܐ ܕܐܹܠܝܵܩܝܼܡ. 31ܒܪܘܿܢܵܐ ܕܡܲܠܝܵܐ: ܒܪܘܿܢܵܐ ܕܡܲܐܢܲܐ: ܒܪܘܿܢܵܐ ܕܡܲܛܬܵܐ: ܒܪܘܿܢܵܐ ܕܢܵܬܵܢ: ܒܪܘܿܢܵܐ ܕܕܵܘܝܼܕ. 32ܒܪܘܿܢܵܐ ܕܐܝܼܫܲܝ: ܒܪܘܿܢܵܐ ܕܥܘܿܒ̣ܝܼܕ: ܒܪܘܿܢܵܐ ܕܒܵܥܵܙ: ܒܪܘܿܢܵܐ ܕܣܲܠܡܘܿܢ: ܒܪܘܿܢܵܐ ܕܢܲܚܫܘܿܢ. 33ܒܪܘܿܢܵܐ ܕܥܲܡܝܼܢܵܕܵܒ̣: ܒܪܘܿܢܵܐ ܕܐܵܪܵܡ: ܒܪܘܿܢܵܐ ܕܚܸܨܪܘܿܢ: ܒܪܘܿܢܵܐ ܕܦܲܪܨ: ܒܪܘܿܢܵܐ ܕܝܼܗܘܼܕܵܐ. 34ܒܪܘܿܢܵܐ ܕܝܲܥܩܘܿܒ̣: ܒܪܘܿܢܵܐ ܕܐܝܼܣܚܵܩ: ܒܪܘܿܢܵܐ ܕܐܲܒ̣ܪܵܗܵܡ: ܒܪܘܿܢܵܐ ܕܬܲܪܚ: ܒܪܘܿܢܵܐ ܕܢܵܚܘܿܪ. 35ܒܪܘܿܢܵܐ ܕܣܵܪܘܿܓ̣: ܒܪܘܿܢܵܐ ܕܐܲܪܥܘܿ: ܒܪܘܿܢܵܐ ܕܦܵܠܵܓ̣: ܒܪܘܿܢܵܐ ܕܥܵܒ̣ܵܪ: ܒܪܘܿܢܵܐ ܕܫܵܠܵܚ. 36ܒܪܘܿܢܵܐ ܕܩܲܝܢܵܢ: ܒܪܘܿܢܵܐ ܕܐܲܪܦܲܟܫܲܕ: ܒܪܘܿܢܵܐ ܕܫܹܝܡ: ܒܪܘܿܢܵܐ ܕܢܘܿܚ: ܒܪܘܿܢܵܐ ܕܠܲܡܟ. 37ܒܪܘܿܢܵܐ ܕܡܲܬܘܼܫܠܲܚ. ܒܪܘܿܢܵܐ ܕܚܢܘܿܟ: ܒܪܘܿܢܵܐ ܕܝܲܪܕ: ܒܪܘܿܢܵܐ ܕܡܲܗܠܵܠܵܐܹܝܠ: ܒܪܘܿܢܵܐ ܕܩܲܝܢܵܢ. 38ܒܪܘܿܢܵܐ ܕܐܵܢܘܿܫ: ܒܪܘܿܢܵܐ ܕܫܹܝܬ: ܒܪܘܿܢܵܐ ܕܐܵܕܵܡ: ܒܪܘܿܢܵܐ ܕܐܲܠܵܗܵܐ.