0:00
/
1ܘܟܲܕ ܥܒܼܸܪܵܗ̇ ܫܲܒܬܵܐ: ܡܲܪܝܲܡ ܡܲܓ̣ܕܠܵܝܬܵܐ: ܘܡܲܪܝܲܡ ܕܝܲܥܩܘܿܒ̣: ܘܫܵܠܘܿܡ: ܙܒܼܸܢܘܿܢ ܗܹܪ̈ܘܿܡܹܐ: ܕܐܵܬܝܼ ܗ݇ܘܵܘ ܘܡܵܫܚܝܼ ܠܹܗ. 2ܐܝܼܢܵܐ ܒܨܲܦܪܵܐ ܒܚܲܕَܒ̣ܫܹܒܵܐ: ܐ݇ܬܹܐܠܗܘܿܢ ܠܒܹܝܬ ܩܒ̣ܘܼܪܵܐ: ܟܲܕ ܙܪܸܩܠܹܗ ܫܸܡܫܵܐ. 3ܘܐَܡܸܪܗܘܿܢ ܒܓܵܢܵܝܗܝ: ܡܵܢܝܼ ܒܸܬ ܡܲܚܕܸܪܹܗ ܠܲܢ ܟܹܐܦܵܐ ܡ̣ܢ ܬܲܪܥܵܐ ܕܒܹܝܬ ܩܒ̣ܘܼܪܵܐ. 4ܘܚܸܪܗܘܿܢ ܚܙܹܐܠܗܘܿܢ ܕܡܘܼܚܕܸܪܵܐ ܗ݇ܘܵܐ ܟܹܐܦܵܐ: ܣܵܒܵܒ ܪܵܒܵܐ ܓܘܼܪܵܐ ܗ݇ܘܵܐ. 5ܘܥܒܸܪܗܘܿܢ ܠܒܹܝܬ ܩܒ̣ܘܼܪܵܐ: ܘܚܙܹܐܠܗܘܿܢ ܓ̰ܘܲܢܩܵܐ ܝܬܝܼܒ̣ܵܐ ܡ̣ܢ ܝܲܡܝܼܢܵܐ: ܠܒ̣ܝܼܫܵܐ ܓ̰ܘܼܒܵܐ ܚܘܵܪܬܵܐ: ܘܥܘܼܓ̰ܸܒܠܗܘܿܢ. 6ܐܝܼܢܵܐ ܗ̇ܘ ܐَܡܝܼܪܹܗ ܐܸܠܵܝܗܝ: ܠܵܐ ܥܓ̰ܘܿܒܘܿܢ. ܠܝܼܫܘܿܥ ܢܵܨܪܵܝܵܐ ܒܸܛܲܥܝܵܐ ܝܬܘܿܢ: ܗ̇ܘ ܕܦܸܫܠܹܗ ܙܩܝܼܦܵܐ ܩܸܡܠܹܗ: ܠܹܐ ܝܠܹܗ ܠܲܐܟ̣ܵܐ ܗܵܐ: ܕܘܼܟܬܵܐ ܐܲܝܟܵܐ ܕܡܘܼܬܸܒ̣ܠܗܘܿܢ ܐܸܠܹܗ. 7ܐܸܠܵܐ ܙܹܠَܡܘܿܢ ܐَܡܘܿܪܘܼܢ ܠܬܲܠܡܝܼܕܘܼ̈ܗܝ: ܘܠܟܹܐܦܵܐ: ܕܩܵܕܘܿܡܵܘܟ̣ܘܿܢ ܝܼܠܹܗ ܠܓܠܝܼܠܵܐ: ܬܵܡܵܐ ܒܸܬ ܚܵܙܹܝܬܘܿܢ ܠܹܗ: ܕܐܵܟ̣ܝܼ ܕܐَܡܝܼܪܹܗ ܐܸܠܵܘܟ̣ܘܿܢ. 8ܘܦܠܸܛܠܗܘܿܢ ܘܥܪܸܩܠܗܘܿܢ ܡ̣ܢ ܩܲܒ̣ܪܵܐ: ܣܵܒܵܒ ܕܕܒ̣ܝܼܩܵܝܗܝ ܗ݇ܘܵܐ ܥܘܼܓ̰ܵܒܵܐ ܘܪܲܬܪܲܬܬܵܐ: ܘܠܐ݇ܢܵܫܵܐ ܡܸܢܕܝܼ ܠܵܐ ܐَܡܸܪܗܘܿܢ: ܣܵܒܵܒ ܙܸܕܥܝܹܐ ܗ݇ܘܵܘ. 9ܐܝܼܢܵܐ ܒܨܲܦܪܵܐ ܒܚܲܕَܒ̣ܫܹܒܵܐ: ܩܸܡܠܹܗ ܘܦܸܫܠܹܗ ܚܸܙܝܵܐ ܩܵܕَܡܵܝܬܵܐ ܠܡܲܪܝܲܡ ܡܲܓ̣ܕܠܵܝܬܵܐ: ܗ̇ܝ ܕܫܲܒ̣ܥܵܐ ܕܲܝܘܹ̈ܐ ܦܘܼܠܛܵܐ ܗ݇ܘܵܐ ܡܸܢܵܗ̇. 10ܘܗ̇ܝ ܐَܙܸܠܵܗ̇ ܡܘܼܫܚܸܕܠܵܗ̇ ܠܐܵܢܝܼ ܕܗَܘܝܹܐ ܗ݇ܘܵܘ ܥܲܡܹܗ: ܟܲܕ ܒܸܥܒ̣ܵܕܵܐ ܬܵܙܝܼ ܘܒܸܒܟ̣ܵܝܵܐ. 11ܘܐܵܢܝܼ ܟܲܕ ܫܡܸܥܠܗَܘܿܢ ܕܚܲܝܵܐ ܝܠܹܗ ܘܦܸܫܠܹܗ ܚܸܙܝܵܐ ܐܸܠܵܗ̇: ܠܵܐ ܗܘܼܡܸܢܗܘܿܢ. 12ܒܵܬَܪ ܐܲܢܹܐ ܦܸܫܠܹܗ ܚܸܙܝܵܐ ܠܬܪܹܝ ܡܸܢܵܝܗܝ ܒܕܘܼܡܝܵܐ ܐ݇ܚܹܪ݇ܢܵܐ: ܟܲܕ ܒܹܐܙܵܠܵܐ ܠܐܲܬܪܵܐ. 13ܘܐܵܢܝܼ ܐَܙܸܠܗܘܿܢ ܐَܡܸܪܗܘܿܢ ܠܐܵܢܝܼ ܐ݇ܚܹܪ̈݇ܢܹܐ ܐܘܼܦ ܠܐܵܢܝܼ ܠܵܐ ܗܘܼܡܸܢܗܘܿܢ. 14ܐܝܼܢܵܐ ܒܐَܚܲܪܬܵܐ ܦܸܫܠܹܗ ܚܸܙܝܵܐ ܠܚܲܕܸܥܣܲܪ ܟܲܕ ܝܬܝܼܒܹܐ ܠܨܘܼܦܪܵܐ: ܘܠܸܡܠܹܗ ܠܠܵܐ ܗܲܝܡܵܢܘܼܬܵܝܗܝ ܘܠܩܸܫܝܘܼܬܵܐ ܕܠܸܒܲܝܗܝ: ܕܠܐܵܢܝܼ ܕܚܙܹܐܠܗܘܿܢ ܐܸܠܹܗ ܩܝܼܡܵܐ ܠܵܐ ܗܘܼܡܸܢܗܘܿܢ. 15ܘܐَܡܝܼܪܹܗ ܐܸܠܵܝܗܝ: ܙܹܠَܡܘܿܢ ܠܟܠܹܗ ܥܵܠܡܵܐ: ܘܡܲܟܪܸܙܘܿܢ ܡܲܫܚܲܕܬܝܼ ܠܟܠܵܗ̇ ܒܪܝܼܬܵܐ. 16ܗ̇ܘ ܕܗܲܡܸܢ ܘܥܵܡܸܕ: ܒܸܬ ܚܲܝܹ̈ܐ: ܘܗ̇ܘ ܕܠܵܐ ܗܲܡܸܢ: ܒܸܬ ܦܵܐܹܫ ܓܘܼܢܵܗܟܵܪ. 17ܘܐܲܢܹܐ ܢܝܼܫܲܢܩܹ̈ܐ ܠܐܵܢܝܼ ܕܗܲܡܸܢܝܼ ܒܸܬ ܐܵܬܝܼ ܒܵܬَܪܵܝ: ܒܫܸܡܝܼ ܕܲܝܘܹ̈ܐ ܒܸܬ ܦܵܠܛܝܼ: ܘܒܠܸܫܵܢܹ̈ܐ ܚܲܕَܬܹ̈ܐ ܒܸܬ ܗܲܡܙܸܡܝܼ. 18ܘܚܘܼܘܵܘܵܬܹ̈ܐ ܒܸܬ ܫܵܩܠܝܼ: ܘܐܸܢ ܣܲܡܵܐ ܕܡܵܘܬܵܐ ܫܵܬܝܼ: ܗܲܪ ܠܹܐ ܚܲܙܕܓ ܠܗ݇ܘܿܢ: ܘܐܝܼܕܵܬܵܝ̈ܗܝ ܒܸܬ ܡܲܬܒ̣ܝܼ ܥܲܠ ܡܸܪ̈ܥܝܹܐ ܘܒܸܬ ܒܵܣܡܝܼ. 19ܗܲܕܟ̣ܵܐ ܡܵܪܲܢ ܝܼܫܘܿܥ: ܡܒܵܬَܪ ܕܗܘܼܡܙܸܡܠܹܗ ܥܲܡܵܝܗܝ: ܦܸܫܠܹܗ ܠܘܼܒܠܵܐ ܠܫܡܲܝܵܐ: ܘܝܬܸܒ̣ܠܹܗ ܡ̣ܢ ܝܲܡܝܼܢܵܐ ܕܐܲܠܵܗܵܐ. 20ܘܐܵܢܝܼ ܦܠܸܛܠܗܘܿܢ ܘܡܘܼܟܪܸܙܠܗܘܿܢ ܒܟܠ ܕܘܼܟܵܐ: ܘܡܵܪܲܢ ܟܹܐ ܗܲܝܸܪ ܗ݇ܘܵܐ ܠܗ݇ܘܿܢ: ܘܡܲܩܘܹܐ ܗ݇ܘܵܐ ܗܹܡܸܙܡܵܢܵܝ̈ܗܝ ܒܢܝܼܫܲܢܩܹ̈ܐ ܕܬܲܒܥܝܼ ܗ݇ܘܵܘ ܐܸܠܵܝܗܝ ܐܵܡܹܝܢ.