0:00
/
1ܟܬܵܒ̣ܵܐ ܕܝܼܠܝܼܕܘܼܬܹܗ ܕܝܼܫܘܿܥ ܡܫܝܼܚܵܐ: ܒܪܘܿܢܹܗ ܕܕܵܘܝܼܕ: ܒܪܘܿܢܹܗ ܕܐܲܒ̣ܪܵܗܵܡ. 2ܐܲܒ̣ܪܵܗܵܡ ܡܘܼܠܸܕܠܹܗ ܠܐܝܼܣܚܵܩ: ܐܝܼܣܚܵܩ ܡܘܼܠܸܕܠܹܗ ܠܝܲܥܩܘܿܒ̣: ܝܲܥܩܘܿܒ̣ ܡܘܼܠܸܕܠܹܗ ܠܝܼܗܘܼܕܵܐ ܘܠܵܐܚܘܿܢܘܵܬܘܼ̈ܗܝ. 3ܝܼܗܘܼܕܵܐ ܡܘܼܠܸܕܠܹܗ ܠܦܲܪܨ ܘܠܙܲܪܚ ܡ̣ܢ ܬܵܡܵܪ: ܦܲܪܨ ܡܘܼܠܸܕܠܹܗ ܠܚܸܨܪܘܿܢ: ܚܸܨܪܘܿܢ ܡܘܼܠܸܕܠܹܗ ܠܐܵܪܵܡ. 4ܐܵܪܵܡ ܡܘܼܠܸܕܠܹܗ ܠܥܲܡܝܼܢܵܕܵܒ̣: ܥܲܡܝܼܢܵܕܵܒ̣ ܡܘܼܠܸܕܠܹܗ ܠܢܲܚܫܘܿܢ: 5ܢܲܚܫܘܿܢ ܡܘܼܠܸܕܠܹܗ ܠܣܲܠܡܘܿܢ. ܣܲܠܡܘܿܢ ܡܘܼܠܸܕܠܹܗ ܠܒܵܥܵܙ ܡ̣ܢ ܪܵܚܵܒ̣: ܒܵܥܵܙ ܡܘܼܠܸܕܠܹܗ ܠܥܘܼܒܝܼܕ ܡ̣ܢ ܪܥܘܿܬ: ܥܘܼܒ̣ܝܼܕ ܡܘܼܠܸܕܠܹܗ ܠܐܝܼܫܲܝ. 6ܐܝܼܫܲܝ ܡܘܼܠܸܕܠܹܗ ܠܕܵܘܝܼܕ ܡܲܠܟܵܐ: ܕܵܘܝܼܕ ܡܘܼܠܸܕܠܹܗ ܠܫܠܹܝܡܘܿܢ: ܡ̣ܢ ܒܲܟ̣ܬܹܗ ܕܐܘܿܪܝܼܵܐ. 7ܫܠܹܝܡܘܿܢ ܡܘܼܠܸܕܠܹܗ ܠܪܚܸܒ̣ܥܲܡ: ܪܚܸܒ̣ܥܲܡ ܡܘܼܠܸܕܠܹܗ ܠܐܲܒ̣ܝܵܐ: ܐܲܒ̣ܝܵܐ ܡܘܼܠܸܕܠܹܗ ܠܐܵܣܵܐ. 8ܐܵܣܵܐ ܡܘܼܠܸܕܠܹܗ ܠܝܵܗܘܿܫܵܦܵܛ: ܝܵܗܘܿܫܵܦܵܛ ܡܘܼܠܸܕܠܹܗ ܠܝܘܿܪܵܡ: ܝܘܿܪܲܡ ܡܘܼܠܸܕܠܹܗ ܠܥܘܿܙܝܼܵܐ. 9ܥܘܿܙܝܼܵܐ ܡܘܼܠܸܕܠܹܗ ܠܝܘܿܬܵܡ: ܝܘܿܬܵܡ ܡܘܼܠܸܕܠܹܗ ܠܐܵܚܵܙ: ܐܵܚܵܙ ܡܘܼܠܸܕܠܹܗ ܠܚܹܙܲܩܝܵܐ. 10ܚܹܙܲܩܝܵܐ ܡܘܼܠܸܕܠܹܗ ܠܡܢܲܫܹܐ: ܡܢܲܫܹܐ ܡܘܼܠܸܕܠܹܗ ܠܐܲܡܘܿܢ: ܐܲܡܘܿܢ ܡܘܼܠܸܕܠܹܗ ܠܝܘܿܫܝܼܵܐ. 11ܝܘܿܫܝܼܵܐ ܡܘܼܠܸܕܠܹܗ ܠܝܘܿܟܲܢܝܵܐ ܘܠܵܐܚܘܿܢܘܵܬܘܼ̈ܗܝ: ܒܓܵܠܘܼܬܵܐ ܕܒܵܒܹܠ. 12ܘܡ̣ܢ ܒܵܬَܪ ܓܵܠܘܼܬܵܐ ܕܒܵܒܹܠ: ܝܘܿܟܲܢܝܵܐ ܡܘܼܠܸܕܠܹܗ ܠܫܹܠܲܬܐܹܝܠ: ܫܹܠܲܬܐܹܝܠ ܡܘܼܠܸܕܠܹܗ ܠܙܘܼܪܒܵܒܹܠ. 13ܙܘܼܪܒܵܒܹܠ ܡܘܼܠܸܕܠܹܗ ܠܐܲܒ̣ܝܼܘܿܕ: ܐܲܒ̣ܝܼܘܿܕ ܡܘܼܠܸܕܠܹܗ ܠܐܹܠܝܵܩܝܼܡ: ܐܸܠܝܵܩܝܼܡ ܡܘܼܠܸܕܠܹܗ ܠܥܵܙܘܿܪ. 14ܥܵܙܘܿܪ ܡܘܼܠܸܕܠܹܗ ܠܙܲܕܘܿܩ: ܙܵܕܘܿܩ ܡܘܼܠܸܕܠܹܗ ܠܐܲܟܝܼܢ: ܐܲܟܝܼܢ ܡܘܼܠܸܕܠܹܗ ܠܐܹܠܝܼܘܿܕ. 15ܐܸܠܝܼܘܿܕ ܡܘܼܠܸܕܠܹܗ ܠܐܹܠܝܼܥܵܙܲܪ: ܐܹܠܝܼܥܵܙܲܪ ܡܘܼܠܸܕܠܹܗ ܠܡܵܬܵܢ: ܡܵܬܵܢ ܡܘܼܠܸܕܠܹܗ ܠܝܲܥܩܘܿܒ̣. 16ܝܲܥܩܘܿܒ̣ ܡܘܼܠܸܕܠܹܗ ܠܝܵܘܣܸܦ ܓܲܒ̣ܪܵܗ̇ ܕܡܲܪܝܲܡ: ܕܡܸܢܵܗ̇ ܦܸܫܠܹܗ ܝܠܝܼܕܵܐ ܝܼܫܘܿܥ: ܕܦܝܵܫܵܐ ܝܠܹܗ ܩܸܪܝܵܐ ܡܫܝܼܚܵܐ. 17ܗܲܕܟ̣ܵܐ ܟܠܵܝܗܝ ܐܘܼ̈ܓ̰ܵܓܹܐ ܡ̣ܢ ܐܲܒ̣ܪܵܗܵܡ: ܗܲܠ ܕܵܘܝܼܕ: ܐܲܪܒܲܥܣܲܪ ܐܘܼ̈ܓ̰ܵܓܹܐ: ܘܡ̣ܢ ܕܵܘܝܼܕ ܗܲܠ ܓܵܠܘܼܬܵܐ ܕܒܵܒܹܠ: ܐܲܪܒܲܥܣܲܪ ܐܘܼ̈ܓ̰ܵܓܹܐ: ܘܡ̣ܢ ܓܵܠܘܼܬܵܐ ܕܒܵܒܹܠ ܗܲܠ ܡܫܝܼܚܵܐ: ܐܲܪܒܲܥܣܲܪ ܐܘܼ̈ܓ̰ܵܓܹܐ. 18ܐܝܼܢܵܐ ܝܲܠܕܹܗ ܕܝܼܫܘܿܥ ܡܫܝܼܚܵܐ ܗܲܕܟ̣ܵܐ ܗَܘܹܐ ܠܹܗ: ܟܲܕ ܛܠܝܼܒܬܵܐ ܗ݇ܘܵܐ ܡܲܪܝܲܡ ܝܸܡܹܗ ܠܝܵܘܣܸܦ: ܗܵܠܵܐ ܠܵܐ ܫܘܼܪܟܹܐ: ܦܸܫܠܵܗ̇ ܡܘܼܫَܟ̰ܸܚܬܵܐ ܒܛܝܼܢܬܵܐ ܡ̣ܢ ܪܘܼܚܵܐ ܕܩܘܼܕܫܵܐ. 19ܘܝܵܘܣܸܦ ܓܲܒ̣ܪܵܗ̇ ܟܹܐܢܵܐ ܗ݇ܘܵܐ: ܘܠܵܐ ܒܣܸܡܠܵܐ ܠܹܗ ܕܥܵܒܸܕ ܗ݇ܘܵܐ ܠܵܗ̇ ܐܲܫܟܵܪܵܐ: ܘܡܘܼܬܸܒ̣ܠܹܗ ܒܠܸܒܹܗ ܕܒܛܸܫܘܵܐ ܪܲܦܹܐ ܠܵܗ̇. 20ܐܝܼܢܵܐ ܟܲܕ ܐܲܢܹܐ ܒܸܚܫܵܒ̣ܵܐ ܗ݇ܘܵܐ: ܗܵܐ: ܦܸܫܠܹܗ ܚܸܙܝܵܐ ܐܸܠܹܗ ܡܲܠܲܐܟܹܗ ܕܡܵܪܝܵܐ ܒܚܸܠܡܵܐ: ܘܐَܡܝܼܪܹܗ: ܝܵܘܣܸܦ: ܒܪܘܿܢܵܐ ܕܕܵܘܝܼܕ: ܠܵܐ ܙܵܕܸܥܬ ܠܸܫܩܵܠܵܐ ܠܡܲܪܝܲܡ ܒܲܟ̣ܬܘܼܟ: ܣܵܒܵܒ ܗ̇ܘ ܕܦܸܫܠܹܗ ܒܛܝܼܢܵܐ ܒܝܼܵܗ̇ ܡ̣ܢ ܪܘܼܚܵܐ ܕܩܘܼܕܫܵܐ ܝܠܹܗ. 21ܒܸܬ ܝܵܠܕܵܗ̇ ܒܪܘܿܢܵܐ: ܘܒܸܬ ܩܵܪܸܬ ܫܸܡܹܗ ܝܼܫܘܿܥ: ܣܵܒܵܒ ܕܗ̇ܘ ܒܸܬ ܡܲܚܹܐ ܠܛܵܝܸܦܹܗ ܡ̣ܢ ܚܛܝܼܵܬܵܝ̈ܗܝ. 22ܐܝܼܢܵܐ ܐܵܗܵܐ ܟܠܵܗ̇ ܗَܘܹܐ ܠܵܗ̇: ܕܦܵܐܹܫ ܬܘܼܡܸܡܵܐ ܡܸܢܕܝܼ ܕܦܸܫܠܹܗ ܐَܡܝܼܪܵܐ ܡ̣ܢ ܡܵܪܝܵܐ ܒܝܲܕ ܢܒ̣ܝܼܵܐ: ܒܹܐܡܵܪܵܐ. 23ܗܵܐ: ܒܬܘܼܠܬܵܐ ܒܸܬ ܒܵܛܢܵܗ̇: ܘܒܸܬ ܝܵܠܕܵܗ̇ ܒܪܘܿܢܵܐ: ܘܒܸܬ ܩܵܪܝܼ ܫܸܡܹܗ ܥܲܡܲܢܘܼܐܹܝܠ: ܕܦܝܵܫܵܐ ܝܠܹܗ ܦܘܼܫܩܵܐ: ܥܲܡܲܢ ܐܲܠܵܗܵܐ. 24ܘܟܲܕ ܩܸܡܠܹܗ ܝܵܘܣܸܦ ܡ̣ܢ ܫܸܢܬܹܗ: ܥܒܸܕܠܹܗ ܕܵܐܟ̣ܝܼ ܕܦܩܸܕܠܹܗ ܡܲܠܲܐܟܹܗ ܕܡܵܪܝܵܐ: ܘܠܘܼܒܠܵܐܠܹܗ ܒܲܟ̣ܬܹܗ. 25ܘܠܵܐ ܝܕܸܥܝܵܐܠܹܗ ܗܲܠ ܕܝܠܸܕܠܵܗ̇ ܠܒܪܘܿܢܵܐ: ܘܩܪܹܐ ܝ݇ܠܵܗ̇ ܫܸܡܹܗ ܝܼܫܘܿܥ.