0:00
/
1ܒܗ̇ܝ ܣܵܥܲܬ ܐ݇ܬܹܐܠܗܘܿܢ ܬܲܠܡܝܼܕܹ̈ܐ ܠܟܸܣ ܝܼܫܘܿܥ ܘܐܵܡܪܝܼ: ܒܲܣ ܡܵܢܝܼ ܝܠܹܗ ܓܘܼܪܵܐ ܒܡܲܠܟܘܼܬܵܐ ܕܫܡܲܝܵܐ. 2ܘܩܪܹܐܠܹܗ ܚܲܕَ ܝܵܠܵܕَܐ ܙܥܘܿܪܵܐ ܘܡܘܼܟܠܹܐܠܹܗ ܒܓܵܘܵܝܗܝ. 3ܘܐَܡܝܼܪܹܗ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܐܸܢ ܠܵܐ ܕܵܝܪܝܼܬܘܿܢ ܘܗܵܘܹܝܬܘܿܢ ܐܲܝܟܼ ܝܵܠܹ̈ܕَܐ ܙܥܘܿܪܹ̈ܐ: ܠܹܐ ܥܵܒܼܪܝܼܬܘܿܢ ܠܡܲܠܟܘܼܬܵܐ ܕܫܡܲܝܵܐ. 4ܡ̇ܢ ܗܲܕܟ̣ܵܐ ܕܡܲܡܟܸܟ ܓܵܢܹܗ ܐܲܝܟܼ ܕܐܵܗܵܐ ܝܵܠܵܕَܐ ܙܥܘܿܪܵܐ: ܗ̇ܘ ܝܼܠܹܗ ܓܘܼܪܵܐ ܒܡܲܠܟܘܼܬܵܐ ܕܫܡܲܝܵܐ. 5ܘܡ̇ܢ ܕܩܵܒܸ̇ܠ ܐܲܝܟܼ ܕܐܵܗܵܐ ܝܵܠܵܕَܐ ܙܥܘܿܪܵܐ ܒܫܸܡܝܼ: ܐܸܠܝܼ ܩܵܒ̇ܘܿܠܹܐ ܝܠܹܗ. 6ܐܝܼܢܵܐ ܟܠ ܕܡܲܟܦܸܪ ܠܚܲܕَ ܡܐܲܢܹܐ ܙܥܘܿܪܹ̈ܐ ܕܗܲܡܘܼܢܹܐ ܝܢܵܐ ܒܝܼܝܼ: ܨܦܵܝܝܼ ܗ݇ܘܵܐ ܐܸܠܹܗ: ܕܗܵܘܝܵܐ ܬܠܝܼܬܵܐ ܐܸܪܚܹܐ ܕܚܡܵܪܵܐ ܒܩܕܵܠܹܗ: ܘܗܵܘܹܐ ܛܸܒ̇ܥܝܵܐ ܒܥܘܼܡܩܵܗ̇ ܕܝܵܡܵܐ. 7ܘܵܝ ܠܥܵܠܡܵܐ ܡ̣ܢ ܟܦܘܼܪ̈ܝܹܐ: ܣܵܒܵܒ ܕܐܵܢܲܢܩܹܐ ܝ݇ܠܵܗ̇ ܕܐܲܬܝܼ ܟܦܘܼܪ̈ܝܹܐ: ܐܝܼܢܵܐ ܘܵܝ ܠܗ̇ܘ ܐ݇ܢܵܫܵܐ ܕܒܐܝܼܕܹܗ ܐܵܬܹܐ ܟܦܘܼܪܝܵܐ. 8ܘܐܸܢ ܐܝܼܕܘܼܟ ܝܲܢ ܐܲܩܠܘܼܟܼ ܡܲܟܦܸܪܵܐ ܠܘܼܟܼ: ܦܪܘܿܡ ܠܵܗ̇ ܘܪܲܦܝܼ ܠܵܗ̇ ܡܸܢܘܼܟ ܣܵܒܵܒ ܕܨܦܵܝܝܼ ܝ݇ܠܵܗ̇ ܐܸܠܘܼܟܼ ܕܥܵܒܼܪܸܬ ܠܚܲܝܹ̈ܐ ܟܲܕ ܣܲܩܲܬ ܝܘܸܬ ܝܲܢ ܫܸܠܵܐ: ܘܠܵܐ ܟܲܕ ܐܝܼܬ ܠܘܼܟܼ ܬܲܪ̈ܬܸܝ ܐܝܼܕܵܬܹ̈ܐ ܝܲܢ ܬܲܪ̈ܬܹܝ ܐܲܩܠܵܬܹ̈ܐ: ܦܵܝܫܸܬ ܪܘܼܦܝܵܐ ܒܢܘܼܪܵܐ ܕܠܐܵܒܲܕ. 9ܘܐܸܢ ܥܲܝܢܘܼܟ ܡܲܟܦܸܪܵܐ ܠܘܼܟܼ: ܚܪܘܿܛ ܠܵܗ̇ ܘܪܲܦܝܼ ܠܵܗ̇ ܡܸܢܘܼܟ. ܨܦܵܝܝܼ ܝ݇ܠܵܗ̇ ܐܸܠܘܼܟܼ ܕܒܚܕܵܐ ܥܲܝܢܵܐ ܥܵܒܼܪܸܬ ܠܚܲܝܹ̈ܐ: ܘܠܵܐ ܟܲܕ ܐܝܼܬ ܠܘܼܟܼ ܬܲܪ̈ܬܹܝ ܥܲܝܢܹ̈ܐ ܦܵܝܫܸܬ ܪܘܼܦܝܵܐ ܒܓܹܗܵܢܵܐ ܕܢܘܼܪܵܐ. 10ܚܙܹܝܡܘܿܢ ܕܠܵܐ ܡܲܣܠܝܼܬܘܿܢ ܠܚܲܕَ ܡܐܲܢܹܐ ܙܥܘܿܪܹ̈ܐ: ܣܵܒܵܒ ܕܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܡܲܠܲܐܟ̣ܵܝ̈ܗܝ ܒܫܡܲܝܵܐ ܒܟܠܹܗ ܙܲܒ̣ܢܵܐ ܟܹܐ ܚܵܙܝܼ ܦܵܬܹܗ ܕܒܵܒܝܼ ܕܒܫܡܲܝܵܐ. 11 ܣܵܒܵܒ ܕܐَܬܹܐܠܹܗ ܒܪܘܿܢܹܗ ܕܐ݇ܢܵܫܵܐ ܕܡܲܚܹܐ ܡܸܢܕܝܼ ܕܝܼܗ݇ܘܵܐ ܬܠܝܼܩܵܐ. 12ܡܘܼܕܝܼ ܒܸܚܫܵܒ̣ܵܐ ܝܬܘܿܢ: ܐܸܢ ܐ݇ܢܵܫܵܐ ܗܵܘܝܼ ܠܹܗ ܡܵܐܐ ܥܸܪ̈ܒܹܐ: ܘܬܵܠܸܩ ܚܲܕَ ܡܸܢܵܝܗܝ: ܠܹܐ ܫܵܒܸܩ ܐܸܬܫܥܝܼ ܘܐܸܬܫܥܵܐ ܘܐܵܙܸܠ ܠܛܘܼܪ̈ܵܢܹܐ ܛܵܥܹܐ ܠܗ̇ܘ ܕܬܠܸܩܠܹܗ. 13ܘܐܸܢ ܗܵܘܝܵܐ ܕܡܵܫَܟ̰ܸܚ ܠܹܗ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܒܸܬ ܚܵܕܹܐ ܒܝܹܗ ܙܵܘܕܵܐ ܡ̣ܢ ܒܐܸܬܫܥܝܼ ܘܐܸܬܫܥܵܐ ܕܠܵܐ ܬܠܸܩܠܗܘܿܢ. 14ܗܲܕܟ̣ܵܐ ܠܲܝܬ ܪܸܙܵܝܵܐ ܩܵܕَܡ ܒܵܒܵܘܟ̣ܘܿܢ ܕܒܫܡܲܝܵܐ: ܕܬܵܠܸܩ ܚܲܕَ ܡܐܲܢܹܐ ܙܥܘܿܪܹ̈ܐ. 15ܐܝܼܢܵܐ ܐܸܢ ܥܒܸܕܠܹܗ ܓܢܵܗܵܐ ܒܝܼܘܼܟ ܐܵܚܘܿܢܘܿܟ: ܙܹܠَܐ ܡܲܢܟܸܣ ܠܹܗ ܗܲܪ ܒܹܝܠܘܼܟܼ ܘܒܹܝܠܹܗ. ܐܸܢ ܫܵܡܹܥ ܠܘܼܟܼ: ܩܢܹܐܠܘܿܟ ܐܵܚܘܿܢܘܼܟ. 16ܘܐܸܢ ܠܵܐ ܫܵܡܹܥ ܠܘܼܟܼ: ܐܝܼܬܵܐ ܠܵܒܸܠ ܥܲܡܘܼܟ ܚܲܕَ ܝܲܢ ܬܪܹܝ: ܕܥܲܠ ܦܘܼܡܵܐ ܕܬܪܹܝ ܝܲܢ ܬܠܵܬَܐ ܣܵܗܕܹ̈ܐ ܦܵܝܫܵܐ ܡܘܼܩܘܝܼܬܵܐ ܟܠ ܗܹܡܸܙܡܵܢ. 17ܐܝܼܢܵܐ ܐܸܢ ܠܐܵܢܝܼ ܠܵܐ ܫܵܡܹܥ: ܐَܡܘܿܪ ܠܥܹܕܬܵܐ. ܐܝܼܢܵܐ ܐܸܢ ܠܥܹܕܬܵܐ ܠܵܐ ܫܵܡܹܥ: ܗܵܘܹܐ ܐܸܠܘܼܟܼ ܐܲܝܟܼ ܕܲܡܓ̣ܵܟ̰ܝܼ ܘܐܲܝܟܼ ܚܲܢܦܵܐ. 18ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܟܠ ܡܸܢܕܝܼ ܕܐܵܣܪܝܼܬܘܿܢ ܒܐܲܪܥܵܐ ܒܸܬ ܗܵܘܹܐ ܐَܣܝܼܪܵܐ ܒܫܡܲܝܵܐ: ܘܡܸܢܕܝܼ ܕܫܵܪܝܼܬܘܿܢ ܒܐܲܪܥܵܐ ܒܸܬ ܗܵܘܹܐ ܫܸܪܝܵܐ ܒܫܡܲܝܵܐ. 19ܡܸܢَܕܪܸܫَ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܐܸܢ ܬܪܹܝ ܡܸܢܵܘܟ̣ܘܿܢ ܗܵܘܝܼ ܒܸܕܒ̣ܵܩܵܐ ܡܥܘܼܕܵܠܹܐ ܒܐܲܪܥܵܐ ܥܲܠ ܟܠ ܩܸܨܬ ܕܛܵܠܒܝܼ: ܒܸܬ ܗܵܘܹܐ ܠܗ݇ܘܿܢ ܡ̣ܢ ܠܟܸܣ ܒܵܒܝܼ ܕܒܫܡܲܝܵܐ. 20ܣܵܒܵܒ ܐܲܝܟܵܐ ܕܬܪܹܝ ܝܲܢ ܬܠܵܬَܐ ܓ̰ܸܡܥܝܹܐ ܝܢܵܐ ܒܫܸܡܝܼ: ܬܵܡܵܐ ܝܘܸܢ ܒܓܵܘܵܝ. 21ܗ̇ܝܓܵܗ ܐَܬܹܐܠܹܗ ܠܟܸܣܠܹܗ ܟܹܐܦܵܐ: ܘܐَܡܝܼܪܹܗ ܐܸܠܹܗ: ܡܵܪܝܼ: ܟܡܵܐ ܓܵܗܹ̈ܐ ܚܵܛܹܐ ܥܲܠܝܼ ܐܵܚܘܿܢܝ ܘܫܵܒ̣ܩܸܢܹܗ: ܗܲܠ ܫܲܒܲܥ ܓܵܗܹ̈ܐ. 22ܐܵܡܸܪ ܐܸܠܹܗ ܝܼܫܘܿܥ: ܠܹܐ ܝܘܸܢ ܒܹܐܡܵܪܵܐ ܐܸܠܘܼܟܼ ܗܲܠ ܫܲܒܲܥ: ܐܸܠܵܐ ܗܲܠ ܫܲܒ̣ܥܝܼ ܓܵܗܹ̈ܐ ܫܲܒܲܥ. 23ܣܵܒܵܒ ܕܐܵܗܵܐ ܦܸܫܠܵܗ̇ ܡܘܼܕܡܝܼܬܵܐ ܡܲܠܟܘܼܬܵܐ ܕܫܡܲܝܵܐ ܠܐ݇ܢܵܫܵܐ ܡܲܠܟܵܐ ܕܒܸܥܠܹܗ ܕܫܵܩܸܠ ܚܸܫܒܘܼܢܵܐ ܡ̣ܢ ܪܹ̈ܓܵܘܵܬܘܼܗܝ. 24ܘܟܲܕ ܫܘܼܪܹܐܠܹܗ ܠܸܫܩܵܠܵܐ: ܡܘܼܬَܝܹܠܗܘܿܢ ܠܟܸܣܠܹܗ ܚܲܕَ ܕܕܵܝܢܵܢܐ ܗ݇ܘܵܐ ܥܸܣܪܵܐ ܐܲܠܦܹ̈ܐ ܟܲܟܪܹ̈ܐ. 25ܘܟܲܕ ܠܲܝܬ ܗ݇ܘܵܐ ܠܹܗ ܠܸܦܪܲܥܝܵܐ: ܦܩܸܕܠܹܗ ܐܵܓ̣ܵܝܹܗ ܕܦܵܐܹܫ ܙܘܼܒ̇ܢܵܐ: ܗ̇ܘ ܘܒܲܟ̣ܬܹܗ ܘܒܢܘܿܢܘܼ̈ܗܝ: ܘܟܠ ܡܸܢܕܝܼ ܕܐܝܼܬ ܗ݇ܘܵܐ ܠܹܗ: ܘܕܦܲܪܸܥ ܗ݇ܘܵܐ. 26ܢܦܸܠܹܗ ܗܲܕܟ̣ܵܐ ܗ̇ܘ ܪܹܓܵܐ ܘܣܓܸܕܠܹܗ ܐܸܠܹܗ: ܘܐَܡܝܼܪܹܗ: ܐܵܓ̣ܵܝܝܼ: ܡܲܪܝܸܟ ܒܹܢܵܐ ܥܲܠܝܼ: ܘܟܠ ܡܸܢܕܝܼ ܒܸܬ ܦܲܪܥܸܢܘܼܟ. 27ܘܪܘܼܚܸܡܠܹܗ ܐܵܓ̣ܵܝܹܗ ܕܗ̇ܘ ܪܹܓܵܐ ܘܫܪܹܠܹܗ: ܘܕܵܝܢܹܗ ܫܒܸܩܠܹܗ ܐܸܠܹܗ. 28ܐܝܼܢܵܐ ܦܠܸܛܠܹܗ ܗ̇ܘ ܪܹܓܵܐ ܘܡܘܼܫَܟ̰ܸܚܠܹܗ ܠܚܲܕَ ܡ̣ܢ ܚܲܒ̣ܪ̈ܵܘܵܬܹܗ ܒܚܸܠܡܲܬ ܕܕܵܝܢܵܢܵܐ ܗ݇ܘܵܐ ܐܸܠܹܗ ܡܵܐܐ ܕܸܝܢܵܪܹ̈ܐ: ܘܕܒܸܩܠܹܗ ܘܚܵܢܸܩ ܗ݇ܘܵܐ ܠܹܗ: ܘܐَܡܝܼܪܹܗ ܐܸܠܹܗ: ܗܲܒَܠ ܡܸܢܕܝܼ ܕܕܝܢܵܢܵܐ ܝܘܸܬ ܐܸܠܝܼ. 29ܘܢܦܸܠܹܗ ܗ̇ܘ ܚܲܒ̣ܪܹܗ ܒܚܸܠܡܲܬ: ܦܘܼܪܦܸܠܹܗ ܒܝܹܗ ܘܐَܡܝܼܪܹܗ: ܡܲܪܝܸܟ ܥܲܠܝܼ ܒܹܢܵܐ: ܘܒܸܬ ܦܲܪܥܸܢܘܿܟ. 30ܐܝܼܢܵܐ ܗ̇ܘ ܠܵܐ ܒܣܸܡܠܵܐ ܠܹܗ: ܐَܙܸܠܹܗ ܘܕܪܹܐܠܹܗ ܓܵܘ ܒܹܝܬ ܐܲܣܝܼܪܹ̈ܐ: ܗܲܠ ܕܝܵܗَܒܸܠ ܗ݇ܘܵܐ ܠܹܗ ܡܸܢܕܝܼ ܕܕܵܝܢܵܢܵܐ ܗ݇ܘܵܐ ܐܸܠܹܗ. 31ܘܟܲܕ ܚܙܹܐܠܗܘܿܢ ܚܲܒ̣ܪ̈ܵܘܵܬܵܝܗܝ ܒܚܸܠܡܲܬ ܡܸܢܕܝܼ ܕܗَܘܹܐܠܹܗ: ܦܫܸܡܠܗܘܿܢ ܪܵܒܵܐ: ܘܐ݇ܬܹܐܠܗܘܿܢ ܘܡܘܼܕܸܥܠܗܘܿܢ ܠܐܵܓ̣ܵܝܵܝܗܝ ܟܠ ܡܸܢܕܝܼ ܕܗَܘܹܐܠܹܗ. 32ܗ̇ܝܓܵܗ ܩܪܹܐܠܹܗ ܐܵܓ̣ܵܝܹܗ: ܘܐَܡܝܼܪܹܗ ܐܸܠܹܗ: ܪܹܓܵܐ ܒܝܼܫܵܐ: ܟܠܹܗ ܗ̇ܘ ܕܵܝܢܵܐ ܫܒܸܩܠܝܼ ܐܸܠܘܼܟܼ: ܣܵܒܵܒ ܕܦܘܼܪܦܸܠܘܼܟܼ ܒܝܼܝܼ. 33ܠܹܐ ܗ݇ܘܵܐ ܘܵܓ̰ܸܒ ܕܐܘܼܦ ܐܲܢَܬ ܪܵܚܡܸܬ ܗ݇ܘܵܐ ܠܚܲܒ̣ܪܘܼܟ ܒܚܸܠܡܲܬ: ܕܵܐܟ̣ܝܼ ܕܐܵܢܵܐ ܪܘܼܚܸܡܠܝܼ ܐܸܠܘܼܟܼ. 34ܘܟܪܸܒܠܹܗ ܐܵܓ̣ܵܝܹܗ: ܘܣܘܼܦܹܠܹܗ ܠܓ̰ܲܢܓ̰ܸܪ̈ܵܢܹܐ: ܗܲܠ ܕܦܲܪܸܥ ܗ݇ܘܵܐ ܟܠ ܡܸܢܕܝܼ ܕܕܝܢܵܢܵܐ ܗ݇ܘܵܐ. 35ܗܲܕܟ̣ܵܐ ܐܘܼܦ ܒܵܒܝܼ ܕܒܫܡܲܝܵܐ ܒܸܬ ܥܵܒܸܕ ܐܸܠܵܘܟ̣ܘܿܢ: ܐܸܢ ܠܵܐ ܫܵܒ̣ܩܝܼܬܘܿܢ ܐ݇ܢܵܫܵܐ ܠܐܵܚܘܿܢܘܼܗܝ ܡ̣ܢ ܠܸܒܵܘܵܬܵܘ̈ܟ̣ܘܿܢ.