0:00
/
1ܘܒܦܠܵܛܵܗ̇ ܕܫܲܒܬܵܐ ܒܙܪܵܩܹܗ ܕܚܲܕَܒ̣ܫܹܒܵܐ: ܐَܬܹܐܠܵܗ̇ ܡܲܪܝܲܡ ܡܲܓ̣ܕܠܵܝܬܵܐ: ܘܡܲܪܝܲܡ ܐܚܹܪَܬܵܐ: ܕܚܵܙܝܼ ܠܩܲܒ̣ܪܵܐ. 2ܘܗܵܐ: ܪܵܘܕܵܢܵܐ ܓܘܼܪܵܐ ܗَܘܹܐܠܹܗ: ܣܵܒܵܒ ܕܡܲܠܲܐܟܹܗ ܕܡܵܪܝܵܐ ܨܠܹܐܠܹܗ ܡ̣ܢ ܫܡܲܝܵܐ: ܘܐَܬܹܐܠܹܗ ܡܘܼܚܕܸܪܹܐ ܠܟܹܐܦܵܐ ܡ̣ܢ ܬܲܪܥܵܐ: ܘܝܼܬܸܒ̣ܠܹܗ ܥܲܠܘܼܗܝ. 3ܘܚܸܙܘܹܗ ܐܲܝܟܼ ܒܸܪܩܵܐ ܗ݇ܘܵܐ: ܘܠܒܸܫܬܹܗ ܚܘܵܪܬܵܐ ܐܲܝܟܼ ܬܲܠܓܵܐ. 4ܘܡܢ ܙܕܘܿܥܬܹܗ ܪܓܸܕܠܗܘܿܢ ܢܵܛܘܿܪܹ̈ܐ: ܘܗَܘܹܐܠܗَܘܿܢ ܐܲܝܟܼ ܡܝܼܬܹ̈ܐ. 5ܐܝܼܢܵܐ ܓ̰ܘܼܘܸܒܠܹܗ ܡܲܠܲܐܟ̣ܵܐ ܘܐَܡܝܼܪܹܗ ܠܒܲܟ̣ܬܵܬܹ̈ܐ: ܐܲܚܬܘܿܢ ܠܵܐ ܙܵܕܥܝܼܬܘܿܢ: ܣܵܒܵܒ ܕܒܝܼܕܵܥܝܵܐ ܝܘܸܢ ܕܠܝܼܫܘܿܥ ܕܦܸܫܠܹܗ ܙܩܝܼܦܵܐ ܒܸܛܲܥܝܵܐ ܝܬܘܿܢ. 6ܠܹܐ ܝܠܹܗ ܠܲܐܟ̣ܵܐ: ܣܵܒܵܒ ܕܩܸܡܠܹܗ: ܕܵܐܟ̣ܝܼ ܕܐَܡܝܼܪܹܗ. ܬܹܐܡܘܿܢ ܚܙܹܝܡܘܿܢ ܠܕܘܼܟܬܵܐ ܕܒܝܼܵܗ̇ ܡܘܼܬܒ̣ܵܐ ܗ݇ܘܵܐ ܡܵܪܲܢ. 7ܘܙܹܠَܡܘܿܢ ܓ̰ܲܠܕܹܐ: ܐَܡܘܿܪܘܼܢ ܠܬܲܠܡܝܼܕܘܼ̈ܗܝ: ܩܸܡܠܹܗ ܡ̣ܢ ܡܝܼܬܹ̈ܐ: ܘܗܵܐ: ܒܸܬ ܩܵܕܸܡ ܠܵܘܟ̣ܘܿܢ ܠܓܠܝܼܠܵܐ: ܬܵܡܵܐ ܒܸܬ ܚܵܙܹܝܬܘܿܢ ܠܹܗ. ܗܵܐ: ܐَܡܸܪܝܼ ܐܸܠܵܘܟ̣ܘܿܢ. 8ܘܐَܙܸܠܗܘܿܢ ܓ̰ܲܠܕܹܐ ܡ̣ܢ ܩܲܒ̣ܪܵܐ ܒܙܕܘܿܥܬܵܐ ܘܒܚܲܕܘܼܬܵܐ ܓܘܼܪܬܵܐ: ܘܪܚܸܛܠܗܘܿܢ ܠܡܲܕܘܼܥܝܹܐ ܠܬܲܠܡܝܼܕܘܼ̈ܗܝ. 9ܘܗܵܐ: ܝܼܫܘܿܥ ܬܦܸܩܠܹܗ ܒܝܼܵܝܗܝ: ܘܐَܡܝܼܪܹܗ ܐܸܠܵܝܗܝ: ܫܠܵܡܵܐ ܠܵܘܟ̣ܘܿܢ. ܘܐܵܢܝܼ ܐ݇ܬܹܐܠܗܘܿܢ ܕܒܸܩܠܗܘܿܢ ܐܲܩܠܵܬܘܼ̈ܗܝ ܘܣܓܸܕܠܗܘܿܢ ܐܸܠܹܗ. 10ܗ̇ܝܓܵܗ ܐَܡܝܼܪܹܗ ܐܸܠܵܝܗܝ ܝܼܫܘܿܥ: ܠܵܐ ܙܵܕܥܝܼܬܘܿܢ: ܙܹܠَܡܘܿܢ ܡܲܕܸܥܡܘܿܢ ܠܐܵܚܘܿܢܘܵܬܝܼ̈: ܕܐܵܙܠَܝܼ ܠܓܠܝܼܠܵܐ: ܘܬܵܡܵܐ ܒܸܬ ܚܵܙܝܼ ܠܝܼ. 11ܐܝܼܢܵܐ ܟܲܕ ܐَܙܸܠܗܘܿܢ: ܗܵܐ: ܐ݇ܬܹܐܠܗܘܿܢ ܐ݇ܢܵܫܹ̈ܐ ܡ̣ܢ ܕܐܵܢܝܼ ܢܵܛܘܿܪܹ̈ܐ ܠܡܕܝܼܢَܬܵܐ: ܘܡܘܼܕܸܥܠܗܘܿܢ ܠܓܘܼܪ̈ܵܢܹܐ ܕܟܵܗܢܹ̈ܐ ܟܠ ܡܸܢܕܝܼ ܕܗَܘܹܐܠܹܗ. 12ܘܓ̰ܡܸܥܠܗܘܿܢ ܥܲܡ ܚܘܵܪ̈ܕܸܩܢܹܐ ܘܥܒܸܕܠܗܘܿܢ ܪܵܐܝܝܼ: ܘܝܸܗܒܸܠܗܘܿܢ ܙܘܼܙܹ̈ܐ ܠܵܐ ܚܲܕَܟ̰ܵܐ ܠܣܲܪ̈ܒܵܙܹܐ. 13ܘܐܵܡܪܝܼ ܐܸܠܵܝܗܝ: ܐَܡܘܿܪܘܼܢ: ܕܬܲܠܡܝܼܕܘܼ̈ܗܝ ܐ݇ܬܹܐܠܗܘܿܢ ܓܢܸܒ̣ܠܗܘܿܢ ܐܸܠܹܗ ܒܠܲܝܠܹܐ: ܟܲܕ ܕܡܝܼܟܹܐ ܝܘܵܚ ܗ݇ܘܵܘ. 14ܘܐܸܢ ܐܵܗܵܐ ܦܵܝܫܵܐ ܫܡܥܝܼܬܵܐ ܩܵܕَܡ ܗܵܟܝܼܡ: ܐܲܚܢܲܢ ܒܸܬ ܥܵܒ̣ܕܵܚ ܠܹܗ ܪܵܐܙܝܼ: ܘܐܸܠܵܘܟ̣ܘܿܢ ܕܠܵܐ ܚܲܡ ܒܸܬ ܥܵܒ̣ܕܵܚ. 15ܘܐܲܢܹܐ ܟܲܕ ܫܩܸܠܗܘܿܢ ܠܙܘܼܙܹ̈ܐ: ܥܒܸܕܠܗܘܿܢ ܐܲܝܟܼ ܕܦܸܫܠܗَܘܿܢ ܡܘܼܠܦܹܐ. ܘܦܠܸܛܠܵܗ̇ ܐܵܗܵܐ ܗܹܡܸܙܡܵܢ ܒܓܵܘܵܐ ܕܝܗَܘܼܕܵܝܹ̈ܐ ܗܲܠ ܐܵܗܵܐ ܝܵܘܡܵܐ. 16ܐܝܼܢܵܐ ܬܲܠܡܝܼܕܹ̈ܐ ܚܲܕܸܥܣܲܪ ܐَܙܸܠܗܘܿܢ ܠܓܠܝܼܠܵܐ: ܠܛܘܼܪܵܐ: ܐܲܝܟܵܐ ܕܥܒ̣ܝܼܕܵܐ ܗ݇ܘܵܐ ܘܲܥܕܵܐ ܥܲܡܵܝܗܝ ܝܼܫܘܿܥ. 17ܘܟܲܕ ܚܙܹܐܠܗܘܿܢ ܐܸܠܹܗ: ܣܓܸܕܠܗܘܿܢ ܐܸܠܹܗ. ܐܝܼܢܵܐ ܡܸܢܵܝܗܝ ܦܝܼܫܹܐ ܗ݇ܘܵܘ ܒܫܸܟ. 18ܘܩܘܼܪܒܸܢܹܗ ܝܼܫܘܿܥ ܗܘܼܡܙܸܡܠܹܗ ܥܲܡܵܝܗܝ ܘܐَܡܝܼܪܹܗ ܐܸܠܵܝܗܝ: ܦܸܫܠܹܗ ܝܘܼܗَܒ̣ܵܐ ܐܸܠܝܼ ܟܠܹܗ ܗܘܼܟܡܵܐ ܒܫܡܲܝܵܐ ܘܒܲܐܪܥܵܐ. ܘܕܵܐܟܼܝܼ ܕܩܵܡ ܫܲܕܸܪܝܼ ܒܵܒܝܼ، ܐܘܼܦ ܐܵܢܵܐ ܫܲܕܘܼܪܵܘܟܼܘܿܢ ܝܼܘܸܢ. 19ܙܹܠَܡܘܿܢ ܗܕܟ̣ܵܐ ܬܲܠܡܸܕܘܿܢ ܠܟܠܵܝܗܝ ܛܵܝܸܦܹ̈ܐ: ܘܡܲܥܡܸܕܘܿܢ ܠܗ݇ܘܿܢ. ܒܫܸܡܵܐ ܕܒܵܒܵܐ ܘܒܪܘܿܢܵܐ ܘܪܘܼܚܵܐ ܕܩܘܼܕܫܵܐ. 20ܘܡܵܠܦܘܿܢ ܠܗ݇ܘܿܢ ܕܢܵܛܪܝܼ ܟܠ ܡܸܢܕܝܼ ܕܦܩܝܼܕܵܐ ܝܘܸܢ ܐܸܠܵܘܟ̣ܘܿܢ: ܘܗܵܐ: ܐܵܢܵܐ ܥܲܡܵܘܟ̣ܘܿܢ ܝܼܘܸܢ ܟܠܵܝܗܝ ܝܵܘܡܵܢܹ̈ܐ: ܗܲܠ ܬܝܵܡܹܗ ܕܥܵܠܡܵܐ. ܐܵܡܹܝܢ.