0:00
/
1ܘܐ݇ܣܸܩܠܹܗ ܠܓܵܡܝܼ: ܘܥܒܸܪܹܗ ܘܐَܬܹܐܠܹܗ ܠܡܕܝܼܢَܬܹܗ. 2ܘܗܵܐ: ܡܘܼܬَܝܹܠܗܘܿܢ ܠܟܸܣܠܹܗ ܚܲܕَ ܫܦܝܼܠܵܐ: ܕܸܪܝܵܐ ܒܫܘܝܼܬܵܐ: ܘܚܙܹܠܹܗ ܝܼܫܘܿܥ ܗܲܝܡܵܢܘܼܬܵܝܗܝ: ܘܐَܡܝܼܪܹܗ ܠܗ̇ܘ ܫܦܝܼܠܵܐ: ܦܘܼܫ ܠܸܒܵܢܵܐ: ܒܪܘܿܢܝܼ: ܫܒ̣ܝܼܩܹܐ ܝܢܵܐ ܐܸܠܘܼܟܼ ܚܛܝܼܵܬܘܼ̈ܟ. 3ܘܗܵܐ: ܐ݇ܢܵܫܹ̈ܐ ܡ̣ܢ ܣܵܦܪܹ̈ܐ: ܐَܡܸܪܗܘܿܢ ܒܓܵܢܵܝܗܝ: ܐܵܗܵܐ ܒܸܓܕܵܦܵܐ ܝܠܹܗ. 4ܘܝܼܫܘܿܥ ܝܕܸܥܠܹܗ ܚܘܼܫܵܒ̣ܵܝ̈ܗܝ: ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܒܸܚܫܵܒ̣ܵܐ ܝܬܘܿܢ ܒܝܼܫܬܵܐ ܒܠܸܒܵܘܟ̣ܘܿܢ. 5ܣܵܒܵܒ ܐܲܝܢܝܼ ܗܵܣܵܢܵܝܝܼ ܝ݇ܠܵܗ̇ ܠܹܐܡܵܪܵܐ: ܕܫܒ̣ܝܼܩܹܐ ܝܢܵܐ ܐܸܠܘܼܟܼ ܚܛܝܼܵܬܘܼ̈ܟ: ܝܲܢ ܠܹܐܡܵܪܵܐ: ܩܘܼܡَ ܚܕܘܿܪ. 6ܐܝܼܢܵܐ ܕܝܵܕܥܝܼܬܘܿܢ ܕܐܝܼܬ ܗܘܼܟܡܵܐ ܠܒܪܘܿܢܹܗ ܕܐ݇ܢܵܫܵܐ ܒܐܲܪܥܵܐ ܠܸܫܒ̣ܵܩܵܐ ܚܛܝܼܵܬܹ̈ܐ: ܗ̇ܝܓܵܗ ܐَܡܝܼܪܹܗ ܠܫܦܝܼܠܵܐ: ܩܘܼܡَ: ܫܩܘܿܠ ܫܘܝܼܬܘܼܟ ܘܙܹܠَܐ ܠܒܲܝܬܘܼܟ. 7ܘܩܸܡܠܹܗ ܘܐَܙܸܠܹܗ ܠܒܲܝܬܹܗ. 8ܐܝܼܢܵܐ ܟܲܕ ܚܙܹܐܠܗܘܿܢ ܐܵܢܝܼ ܟܸܢܫܹ̈ܐ: ܙܕܸܥܠܗܘܿܢ: ܘܫܘܼܒܸܚܠܗܘܿܢ ܠܐܲܠܵܗܵܐ ܕܝܘܼܗَܒܼܸܠܹܗ ܐܲܝܟܼ ܕܐܵܗܵܐ ܗܘܼܟܡܵܐ ܠܒܢܲܝ̈ܢܵܫܵܐ. 9ܘܟܲܕ ܥܒܸܪܹܗ ܝܼܫܘܿܥ ܡ̣ܢ ܬܵܡܵܐ: ܚܙܹܐܠܹܗ ܐ݇ܢܵܫܵܐ ܝܬܝܼܒ̣ܵܐ ܒܕܘܼܟܵܐ ܕܕܲܡܓ̰ܵܟ̣̈ܝܹܐ: ܫܸܡܹܗ ܡܲܬܲܝ: ܘܐَܡܝܼܪܹܗ ܐܸܠܹܗ: ܬܵܐ ܒܵܬَܪܝܼ. ܘܩܸܡܠܹܗ ܐَܙܸܠܹܗ ܒܵܬَܪܹܗ. 10ܘܗَܘܹܐ ܠܵܗ̇ ܕܟܲܕ ܝܬܝܼܒ̣ܵܐ ܗ݇ܘܵܐ ܠܨܘܼܦܪܵܐ ܒܒܲܝܬܵܐ: ܗܵܐ: ܐ݇ܬܹܐܠܗܘܿܢ ܕܲܡܓ̣ܵܟ̰ܝܹ̈ܐ ܘܚܲܛܵܝܹ̈ܐ ܪܵܒܵܐ: ܝܬܸܒ̣ܠܗܘܿܢ ܠܨܘܼܦܪܵܐ ܥܲܡ ܝܼܫܘܿܥ ܘܥܲܡ ܬܲܠܡܝܼܕܘܼ̈ܗܝ. 11ܘܟܲܕ ܚܙܹܐܠܗܘܿܢ ܦܪ̈ܝܼܫܹܐ: ܐܵܡܪܝܼ ܠܬܲܠܡܝܼܕܘܼ̈ܝ: ܩܵܡܘܿܕܝܼ ܥܲܡ ܕܲܡܓ̣ܵܟ̰ܝܹ̈ܐ ܘܚܲܛܵܝܹ̈ܐ ܒܹܐܟ̣ܵܠܵܐ ܝܠܹܗ ܪܵܒܝܼܵܘܟ̣ܘܿܢ. 12ܘܝܼܫܘܿܥ ܟܲܕ ܫܡܸܥܠܹܗ ܐَܡܝܼܪܹܗ ܐܸܠܵܝܗܝ: ܠܹܐ ܝܢܵܐ ܣܢܝܼܩܹܐ ܐܵܢܝܼ ܕܝܼܢܵܐ ܨܵܚ ܥܲܠ ܗܲܟܝܼܡ: ܐܸܠܵܐ ܐܵܢܝܼ ܕܡܸܪܥܝܹܐ ܝܢܵܐ. 13ܙܹܠَܡܘܿܢ ܝܠܘܿܦܘܿܢ ܡܘܼܕܝܼ ܝܠܹܗ: ܪ̈ܲܚܡܹܐ ܟܹܐ ܒܵܥܹܝܢ ܘܠܵܐ ܕܸܒ̣ܚܬܵܐ: ܣܵܒܵܒ ܕܠܵܐ ܐَܬܹܐܠܝܼ ܕܩܵܪܸܢ ܠܙܲܕܝܼܩܹ̈ܐ: ܐܸܠܵܐ ܠܚܲܛܵܝܹ̈ܐ. 14ܗ̇ܝܓܵܗ ܐ݇ܬܹܐܠܗܘܿܢ ܠܟܸܣܠܹܗ ܬܲܠܡܝܼܕܹ̈ܐ ܕܝܘܿܚܲܢܵܢ: ܒܹܐܡܵܪܵܐ: ܩܵܡܘܿܕܝܼ ܐܲܚܢܲܢ ܘܦܪ̈ܝܼܫܹܐ ܟܹܐ ܨܵܝܡܵܚ ܪܵܒܵܐ: ܘܬܲܠܡܝܼܕܘܼ̈ܟ ܠܹܐ ܨܵܝܡܝܼ. 15ܐܵܡܸܪ ܐܸܠܵܝܗܝ ܝܼܫܘܿܥ: ܟܹܐ ܡܵܨܝܼ ܒܢܘܿܢܹ̈ܐ ܕܓܢܘܿܢܵܐ ܠܸܨܝܵܡܵܐ ܟܡܵܐ ܕܚܸܬܢܵܐ ܥܲܡܵܝܗܝ: ܐܝܼܢܵܐ ܒܹܐܬܵܝܵܐ ܝܢܵܐ ܝܵܘܡܵܢܹ̈ܐ: ܟܲܕ ܦܵܐܹܫ ܫܩܝܼܠܵܐ ܡܸܢܵܝܗܝ ܚܸܬܢܵܐ: ܘܗ̇ܝܓܵܗ ܒܸܬ ܨܵܝܡܝܼ. 16ܐ݇ܢܵܫܵܐ ܠܹܐ ܕܵܪܹܐ ܥܵܪܵܝܬܵܐ ܚܲܕܬܵܐ ܥܲܠ ܓ̰ܘܼܠܵܐ ܒܸܠܝܵܐ: ܣܵܒܵܒ ܕܟܹܐ ܓܵܪܫܵܐ ܡܸܠܝܘܼܬܘܼܗ̇ ܡܗ̇ܘ ܓ̰ܘܼܠܵܐ: ܘܟܹܐ ܗܵܘܹܐ ܦܸܪܛܵܐ ܙܵܘܕܵܐ. 17ܘܠܹܐ ܕܵܪܝܼ ܚܲܡܪܵܐ ܚܲܕَܬܵܐ ܒܓܘܼܕܹ̈ܐ ܒܸܠܝܹ̈ܐ: ܘܐܸܢ ܠܵܐ: ܟܹܐ ܦܵܝܫܝܼ ܟ̰ܘܼܢܟ̰ܸܪܹܐ ܓܘܼܕܹ̈ܐ: ܘܚܲܡܪܵܐ ܬܵܦܸܟ: ܘܓܘܼܕܹ̈ܐ ܟܹܐ ܬܵܠܩܝܼ. ܐܸܠܵܐ ܚܲܡܪܵܐ ܚܲܕَܬܵܐ ܟܹܐ ܕܵܪܝܼ ܒܓܘܼܪܹ̈ܐ ܚܲܕَܬܹ̈ܐ: ܘܬܸܪ̈ܘܵܝܗܝ ܟܹܐ ܦܝܫܝܼ ܢܛܝܼܪܹܐ. 18ܘܟܲܕ ܐܲܢܹܐ ܗܲܡܙܘܼܡܹܐ ܗ݇ܘܵܐ ܥܲܡܵܝܗܝ: ܗܵܐ: ܐَܬܹܐܠܹܗ ܚܲܕَ ܐܲܪܟܘܿܢܵܐ ܣܓܸܕܠܹܗ ܐܸܠܹܗ: ܘܐَܡܝܼܪܹܗ: ܒܪܵܬܝܼ ܐܵܕܝܼܵܐ ܡܝܼܬܠܵܗ̇: ܐܸܠܵܐ ܬܵܐ ܡܲܬܸܒ̣ ܐܝܼܕܘܼܟ ܥܲܠܘܼܗ̇ ܘܒܸܬ ܚܲܝܵܐ. 19ܘܩܸܡܠܹܗ ܝܼܫܘܿܥ ܘܬܲܠܡܝܼܕܘܼ̈ܗܝ ܘܐَܙܸܠܗܘܿܢ ܒܵܬَܪܹܗ. 20ܘܗܵܐ: ܚܕܵܐ ܒܲܟ̣ܬܵܐ ܕܒܹܐܙܵܠܵܐ ܗ݇ܘܵܐ ܕܸܡܘܼܗ̇ ܬܪܸܥܣܲܪ ܫܸܢܹ̈ܐ: ܐَܬܹܐܠܵܗ̇ ܡ̣ܢ ܒܵܬَܪܹܗ: ܘܕܩܸܪܵܗ̇ ܒܫܸܦܘܼܠܵܐ ܕܠܒܸܫܬܹܗ. 21ܣܵܒܵܒ ܕܐَܡܝܼܪܵܗ̇ ܓܵܘ ܓܵܢܘܼܗ̇: ܐܵܦܸܢ ܕܗܲܪ ܒܓ̰ܘܼܠܹܗ ܕܵܩܪܸܢ: ܒܸܬ ܒܵܣܡܵܢ. 22ܐܝܼܢܵܐ ܝܼܫܘܿܥ ܕܸܪܹܗ ܚܸܙܝܵܠܹܗ: ܘܐَܡܝܼܪܹܗ ܐܸܠܵܗ̇: ܦܘܼܫܝ ܠܸܒܵܢܬܵܐ ܒܪܵܬܝܼ: ܗܲܝܡܵܢܘܼܬܵܟ̣ܝ ܡܘܼܚܹܠܵܗ̇ ܐܸܠܵܟ̣ܝ. ܘܒܣܸܡܠܵܗ̇ ܒܲܟ̣ܬܵܐ ܡ̣ܢ ܕܗ̇ܝ ܣܵܥܲܬ. 23ܘܟܲܕ ܐَܬܹܐܠܹܗ ܝܼܫܘܿܥ ܠܒܲܝܬܹܗ ܕܐܲܪܟܘܿܢܵܐ: ܘܚܙܹܐܠܹܗ ܙܵܡܵܪܹ̈ܐ ܘܟܸܢܫܹ̈ܐ ܒܸܥܒ̣ܵܕܵܐ ܫܓ̣ܘܼܫܝܵܐ. 24ܐَܡܝܼܪܹܗ ܐܸܠܵܝܗܝ: ܦܪܘܿܩܘܿܢ ܠܵܘܟ̣ܘܿܢ: ܣܵܒܵܒ ܕܒܪܵܬܵܐ ܠܹܐ ܝ݇ܠܵܗ̇ ܡܝܼܬܬܵܐ: ܐܸܠܵܐ ܕܡܝܼܟ̣ܬܵܐ ܝ݇ܠܵܗ̇. ܘܓܵܚܟܝܼ ܗ݇ܘܵܘ ܒܝܹܗ. 25ܘܟܲܕ ܦܘܼܠܸܛܠܹܗ ܠܟܸܢܫܹ̈ܐ: ܥܒܼܸܪܹܗ ܕܒ̣ܝܼܩܵܠܹܗ ܒܐܝܼܕܵܗ̇: ܘܩܸܡܠܵܗ̇ ܒܪܵܬܵܐ. 26ܘܦܠܸܛܠܵܗ̇ ܐܵܗܵܐ ܒܘܼܬ ܒܟܠܵܗ̇ ܗ̇ܝ ܐܲܪܥܵܐ. 27ܘܟܲܕ ܥܒܸܪܹܗ ܝܼܫܘܿܥ ܡ̣ܢ ܬܵܡܵܐ: ܐَܙܸܠܗܘܿܢ ܒܵܬَܪܹܗ ܬܪܹܝ ܣܸܡܝܹ̈ܐ ܡܲܩܘܘܼܚܹܐ ܘܒܹܐܡܵܪܵܐ: ܥܒ̣ܘܼܕ ܪ̈ܲܚܡܹܐ ܥܲܠܲܢ: ܝܵܐ ܒܪܘܿܢܹܗ ܕܕܵܘܝܼܕ. 28ܘܟܲܕ ܐَܬܹܐܠܹܗ ܠܒܲܝܬܵܐ: ܐ݇ܬܹܐܠܗܘܿܢ ܠܟܸܣܠܹܗ ܐܵܢܝܼ ܣܸܡܝܹ̈ܐ. ܐܵܡܸܪ ܐܸܠܵܝܗܝ ܝܼܫܘܿܥ: ܗܲܡܘܼܢܹܐ ܝܬܘܿܢ ܕܡܵܨܸܢ ܐܵܢܵܐ ܐܵܗܵܐ ܠܸܥܒ̣ܵܕܵܐ: ܐܵܡܪܝܼ ܐܸܠܹܗ: ܗܹܐ: ܡܵܪܲܢ. 29ܗ̇ܝܓܵܗ ܕܩܸܪܹܗ ܒܥܲܝܢܵܝ̈ܗܝ ܘܐَܡܝܼܪܹܗ: ܕܵܐܟ̣ܝܼ ܕܗܘܼܡܸܢܵܘܟ̣ܘܿܢ ܗܵܘܹܐ ܠܵܘܟ̣ܘܿܢ. 30ܘܦܸܫܠܗَܘܿܢ ܦܬܝܼܚܹܐ ܥܲܝܢܵܝ̈ܗܝ: ܘܢܓ̰ܘܼܠܹܗ ܒܝܼܵܝܗܝ ܝܼܫܘܿܥ ܘܐَܡܝܼܪܹܗ: ܚܙܹܝܡܘܿܢ ܕܐ݇ܢܵܫܵܐ ܠܵܐ ܝܵܕܸܥ. 31ܐܝܼܢܵܐ ܐܵܢܝܼ ܦܠܸܛܠܗܘܿܢ: ܘܦܘܼܠܛܵܠܘܿܢ ܒܘܼܬܗ ܒܟܠܵܗ̇ ܗܵܝ̇ ܐܲܪܥܵܐ. 32ܘܟܲܕ ܦܠܸܛܠܗܘܿܢ: ܗܵܐ: ܡܘܼܬَܝܹܠܗܘܿܢ ܠܟܸܣܠܹܗ ܚܲܕَ ܠܲܥܠܵܐ ܕܐܝܼܬ ܗ݇ܘܵܐ ܒܝܹܗ ܕܲܝܘܵܐ. 33ܘܡ̣ܢ ܕܦܠܸܛܠܹܗ ܕܲܝܘܵܐ: ܗܘܼܡܙܸܡܠܹܗ ܗ̇ܘ ܠܲܥܠܵܐ: ܘܥܓ̰ܸܒܠܗܘܿܢ ܟܸܢܫܹ̈ܐ ܒܹܐܡܵܪܵܐ: ܗܸܟ̰ ܠܵܐ ܦܸܫܠܹܗ ܚܸܙܝܵܐ ܗܲܕܟ̣ܵܐ ܒܝܼܣܪܵܝܹܠ. 34ܐܝܼܢܵܐ ܦܪ̈ܝܼܫܹܐ ܐܵܡܪܝ ܗ݇ܘܵܘ: ܒܪܹܫܵܐ ܕܕܲܝܘܹ̈ܐ ܦܵܠܘܿܛܹܐ ܝܠܹܗ ܕܲܝܘܹ̈ܐ. 35ܘܚܵܕܸܪ ܗ݇ܘܵܐ ܒܟܠܵܝܗܝ ܡܕܝܼܢܵܬܹ̈ܐ ܘܡܵܬܘܵܬܹ̈ܐ: ܘܡܵܠܸܦ ܗ݇ܘܵܐ ܒܟܢܘܼܫܝܵܬܵܝ̈ܗܝ: ܘܡܲܟܪܸܙ ܗ݇ܘܵܐ ܡܲܫܚܲܕܬܵܐ ܕܡܲܠܟܘܼܬܵܐ: ܘܒܵܣܸܡ ܗ݇ܘܵܐ ܟܠܵܝܗܝ ܡܲܪ̈ܥܹܐ ܘܕܲܪ̈ܕܹܐ. 36ܐܝܼܢܵܐ ܟܲܕ ܚܙܹܐܠܹܗ ܠܟܸܢܫܹ̈ܐ: ܪܘܼܚܸܡܠܹܗ ܥܲܠܵܝܗܝ: ܕܓ̰ܗَܝܹܐ ܗ݇ܘܵܘ ܘܫܸܪܝܹܐ: ܐܲܝܟܼ ܥܸܪ̈ܒܹܐ ܕܠܲܝܬ ܠܗ݇ܘܿܢ ܪܵܥܝܵܐ. 37ܗ̇ܝܓܵܗ ܐَܡܝܼܪܹܗ ܠܬܲܠܡܝܼܕܘܼ̈ܗܝ: ܚܸܨܕܵܐ ܪܵܒܵܐ ܝܠܹܗ ܘܦܵܥ̈ܠܹܐ ܚܲܕَܟ̰ܵܐ. 38ܒܥܹܝܡܘܿܢ ܗܲܕܟ̣ܵܐ ܡ̣ܢ ܡܵܪܹܗ ܕܚܸܨܕܵܐ: ܕܦܵܠܸܛ ܦܵܥ̈ܠܹܐ ܠܚܸܨܕܹܗ.