ܩܠܐ ܕܬܡܢܬܥܣܪ

ܒܪܘܼܟܵܒܼ ܟܲܕ ܫܲܒܼܪܹ̈ܐ.

ܦܬܲܚܠܝܼ ܬܲܪ̈ܥܹܐ ܕܙܲܕܝܼܩܘܼܬܼܵܐ. ܥܲܠ ܬܲܪܥܹܗ ܕܲܚܢܵܢܵܟܼ ܢܵܩ̇ܫܝܼܢ ܥܲܒܼܕܲܝ̈ܟ ܡܵܪܝܵܐ ܟܲܕ ܡܸܬܼܟܲܫܦܝܼܢ ܘܫܵܐ̇ܠܝܼܢ ܡܸܢܵܟܼ. ܚܢܵܢܵܐ ܘܪ̈ܲܚܡܹܐ. ܘܬܸܥܢܸܐ ܐܸܢܘܿܢ ܛܲܝܒ̇ܘܼܬܼܵܟܼ. ܘܐܲܣܵܐ ܟܹܐܒܹ̈ܐ ܕܗܲܕܵܡܲܝ̈ܗܘܿܢ. ܒܣܲܡܵܐ ܪܲܒܵܐ ܕܲܚܢܵܢܵܟܼ. ܫܡܲܥ ܡܵܪܝ ܒܵܥܘܼܬܼ ܣܵܓܼܘܿܕܲܝ̈ܟ. ܘܦܲܢܵܐ ܒܪ̈ܲܚܡܲܝܟ ܫܹ̈ܐܠܵܬܲܢ. ܕܐܲܢَܬ݁ܘܼ ܐܝܼܬܲܝܟ ܐܝܼܵܠܵܐ ܕܟܠ ܕܐܲܠܝܼܨܝܼܢ. ܬܵܐ ܠܥܘܼܕܼܪܵܢܲܢ ܪܵܚܹܡ ܐ݇ܢܵܫܵܐ.

ܫܘܼܚܠܵܦܵܐ ܩܲܕܼܡܵܝܵܐ

ܒܪܘܼܟܵܒܼ ܡܲܒ̇ܘܼܥܚܲܝܹ̈ܐ.

ܐܲܠܵܗܼܿܢ ܒܹܝܬܼ ܓܵܘܣܲܢ ܥܲܫܝܼܢܵܐ. ܠܡܹܐܢܵܐ ܕܫܲܝܢܵܐ ܐܝܼܬܲܝܟ ܡܵܪܲܢ ܘܒܹܝܬܼ ܓܵܘܣܵܐ ܚܲܣܝܼܢܵܐ ܕܐܲܝܠܹܝܢ ܕܐܲܠܝܼܨܝܼܢ. ܩ̣ܪܵܟܼ ܫܸܡܥܘܿܢ ܟܲܕܼ ܛܵܒܲܥ ܗ݇ܘ݂ܵܐ ܒܓܼܵܘ ܝܲܡܵܐ ܫܓܼܝܼܫܵܐ. ܘܐܵܘܫܸܛ̣ܬ̇ ܐܝܼܕܼܵܟܼ ܘܕܲܠܝܼܬܵܝܗܝ ܡ̣ܢ ܓܲܠ̈ܠܹܐ ܕܚܲܕܼܪܘܼܗܝ܀ ܡܵܟܼܣܵܐ ܒܗܲܝܟܠܵܐ ܨܲܠ̣ܝܼ ܗ݇ܘ݂ܵܐ. ܘܙܲܕܸܩܬܵܝܗܝ ܐܲܝܟܼ ܣܘܿܓܼܵܐܐ ܕܪ̈ܲܚܡܲܝܟ. ܘܓܲܝܵܣܵܐ ܩ̣ܪܵܟܼ ܒܲܙܩܝܼܦܵܐ. ܕܐܸܬ̇ܕܲܟܼܪܲܝܢܝ ܡܵܪܝ ܡܵܐ ܕܐܵܬܹ̇ܐ ܐܲܢَܬ݁. ܒܐܵܡܹܝܢ ܚܲܬܸܡ̣ܬ̇ ܫܪܵܪܵܐ ܕܡܸܠܲܝ̈ܟ. ܕܝܵܘܡܵܢ ܥܲܡܝ ܬܸܗܘܸܐ ܒܦܲܪܕܲܝܣܵܐ. ܒܪܵܐ ܕܐܲܠܵܗܵܐ ܕܲܫܦܝܼܥ ܚܘܼܒܹܗ. ܥܲܠ ܟܠܗܘܿܢ ܐܲܝܠܹܝܢ ܕܩܵܪܹܝܢ ܠܹܗ܀ ܐܲܫܦܲܥ ܪ̈ܲܚܡܲܝܟ ܥܲܠ ܥܲܒܼܕܵܝ̈ܟ. ܕܢܲܩܒ̇ܠܵܟܼ ܒܝܵܘܡܵܐ ܕܡܹܐܬܼܝܼܬܼܵܟܼ ܘܪܲܚܸܡܥܠܲܝܢ.

ܫܘܼܚܠܵܦܵܐ ܕܲܬܼܪܹܝܢ

ܒܪܘܼܟܵܒܼ ܒܥܵܬܼܵܟܼ ܨܹܐܕܲܝ.

ܨܒܲܝܬ̇ ܡܵܪܝܵܐ ܒܐܲܪܥܵܟܼ. ܨܵܒܹ̇ܐ ܒܚܲܝܹ̈ܐ ܕܟܼܠܗܘܿܢ ܒܢܲܝ̈ܢܵܫܵܐ. ܐܲܢَܬ݁ܘܼ ܒܲܠܚܘܿܕܲܝܟ ܡܫܝܼܚܵܐ ܦܵܪܘܿܩܲܢ؛ ܕܲܠܥܸܪܒܵܐ ܕܐܸܒܲܕܼ ܒܥܲܝܬܵܝܗܝ ܒܲܚܢܵܢܵܟܼ. ܘܠܲܛܝܵܪܵܟܼ ܫܒܼܝܼܚܵܐ ܟܲܢܸܫ̣ܬܵܝܗܝ ܒܪ̈ܲܚܡܲܝܟ. ܐܸܢܵܐ ܗَܘ݂ ܗܵܘ̇ ܥܸܪܒܵܐ ܕܐܸܒܲܕܼ ܡ̣ܢ ܥܵܢܵܟܼ ܠܵܐ ܡܵܪܝ ܬܲܗܡܸܐ ܡܹܢܝ. ܐܸܠܵܐ ܟܲܢܸܫܲܝܢܝ ܕܐܸܥܘܿܠ ܠܲܛܝܵܪܵܟܼ ܘܐܸܬܼܡ̱ܢܸܐ ܒܲܓܼܙܵܪܵܟܼ؛ ܒܓܼܵܢܲܝ̈ܟ ܝܼܫܘܿܥ ܩܵܪܹܢܵܐ. ܐܲܝܟܼ ܕܲܡܥܵܕܼܵܐ ܗَܝܼ ܛܲܝܒ̇ܘܼܬܼܵܟܼ ܚܘܼܣܥܠܲܝ.

ܫܘܼܚܠܵܦܵܐ ܕܲܬܠܵܬܼܵܐ

ܒܪܘܼܟܵܒܼ ܒܪܝܼܟܼ ܚܲܝܠܵܐ.

ܢܩܲܕܸܡ ܐܲܦܵܘ̈ܗܝ ܒܬܼܵܘܕܬܼܵܐ. ܬܵܘܕܿܝܼܬܼܵܐ ܡܩܲܪܒܼܝܼܢܲܢ ܠܐܲܠܵܗܘܼܬܼܵܟܼ ܡܵܪܵܐ ܛܵܒܼܵܐ. ܕܲܒܼܛܲܝܒ̇ܘܼܬܼܵܟܼ ܡܢܲܛܲܪ ܐܲܢَܬ݁ ܠܣܵܓܼܘܿܕܲܝ̈ܟ ܡ̣ܢ ܢܸܟܼܝܵܢܹ̈ܐ. ܘܲܦܬܼܝܼܚ ܡܵܪܝ ܬܲܪܥܵܟܼ ܠܬܲܝܵܒܹ̈ܐ ܕܫܵܐ̇ܠܝܼܢ ܪ̈ܲܚܡܹܐ. ܘܠܵܐ ܟܵܠܹ̇ܐ ܐܲܢَܬ݁ ܓܲܙܵܐ ܪܲܒܵܐ ܕܡܵܘܗܲܒܼܬܼܵܟܼ. ܡ̣ܢ ܡܲܪܥܝܼܬܼܵܟܼ ܣܓܼܝܼܕܼ ܡ̣ܢ ܟܠ.

ܫܘܼܚܠܵܦܵܐ ܕܐܲܪܒ݁ܥܵܐ

ܒܪܘܼܟܵܒܼ ܒܡܲܕܼܢܵܚܲܝ̈ ܨܲܦܪܵܐ.

ܐܲܠܸܦܲܝܢܝ ܡܵܪܝܵܐ ܐܘܼܪܚܵܐ ܕܦܘܼܩ̈ܕܵܢܲܝܟ ܘܐܸܛܲܪ ܐܸܢܘܿܢ.  ܐܲܠܸܦܲܝܢܝ ܡܵܪܝܵܐ ܕܐܸܪܕܸܐ ܒܐܘܼܪܚܵܐ ܕܦܘܼܩ̈ܕܵܢܲܝܟ. ܘܐܸܛܲܪ ܡܸܠܲܝ̈ܟ ܘܐܸܥܒܸ̇ܕܼ ܨܸܒܼܝܵܢܵܟܼ. ܘܐܲܩܝܼܡ ܢܵܛ̇ܘܿܪܹ̈ܐ ܠܬܲܪ̈ܥܹܐ ܦܬܼܝܼܚܹ̈ܐ ܕܗܲܕܵܡܲܝ̈. ܕܠܵܐ ܢܸܬܼܚܲܠܲܨ ܓܲܙܵܐ ܕܡܵܘܗܲܒܼܬܼܵܟܼ.

ܫܘܼܚܠܵܦܵܐ ܕܚܲܡܫܵܐ

ܒܪܘܼܟܵܒܼ ܟܠܢܸܫܡܵܐ.

ܐܹܝܠ ܐܹܝܠ ܠܥܘܼܕܼܪܵܢܝ ܟܲܬܲܪ. ܐܹܝܠ ܐܲܠܵܗܵܐ ܫܡܲܥ ܒܵܥܘܼܬܲܢ ܕܲܫܡܝܼܥܵܐ ܠܵܟܼ. ܘܦܲܢܵܐ ܒܪ̈ܲܚܡܲܝܟ ܫܹܐܠܲܬܼ ܢܲܦ̮ܫܲܢ ܕܲܡܦܵܣܲܬ݁ ܒܵܗ̇.