1ܡܲܫܚܘܼܕܹܐ ܝ݇ܘܵܚ ܐܸܠܵܘܟܼܘܿܢ ܠܗ̇ܘ ܕܝܼܗ݇ܘܼܵܐ ܡ̣ܢ ܒܪܵܫܝܼܬ؛ ܗ̇ܘ ܕܫܡܸܥܠܲܢ ܘܕܚܙܹܐܠܲܢ ܒܥܲܝ̈ܢܲܢ؛ ܕܚܙܹܐܠܲܢ؛ ܘܕܩܸܪܲܢ ܒܐܝܼܕ̈ܵܬܲܢ؛ ܗ̇ܘ ܕܝܼܠܹܗ ܗܹܡܸܙܡܵܢ ܕܚܲܝܹ̈ܐ؛ 2ܘܚܲܝܹ̈ܐ ܦܸܫܠܗ݇ܘܿܢ ܓܸܠܝܹܐ ܚܙܹܐܠܲܢ ܘܒܝܼܵܗ݇ܒܼܵܐ ܝ݇ܘܵܚ ܣܵܗܕܘܼܬܵܐ ܒܵܗ݇ܣܵܝܗܝ؛ ܘܡܲܟܪܘܼܙܹܐ ܝ݇ܘܵܚ ܐܸܠܵܘܟܼܘܿܢ ܚܲܝܹ̈ܐ ܕܠܐܵܒܲܕ؛ ܐܵܢܝܼ ܕܝܼܗَܘܵܘ ܠܟܸܣ ܒܵܒܵܐ؛ ܘܦܸܫܠܗَܘܿܢ ܓܸܠܝܹܐ ܐܸܠܲܢ؛ 3ܘܡܸܢܕܝܼ ܕܚܙܹܠܲܢ ܘܫܡܸܥܠܲܢ ܡܲܕܘܼܥܝܹܐ ܝܘܵܚ ܐܘܼܦ ܐܸܠܵܘܟܼܘܿܢ؛ ܕܗܵܘܝܵܐ ܠܵܘܟܼܘܿܢ. ܫܲܪܝܼܟܘܼܬܵܐ ܥܲܡܲܢ؛ ܘܫܲܪܝܼܟܘܼܬܵܐ ܕܝܼܲܢ ܥܲܡ ܒܵܒܵܐ ܝܠܵܗ̇؛ ܘܥܲܡ ܒܪܘܿܢܹܗ ܝܼܫܘܿܥ ܡܫܝܼܚܵܐ. 4ܘܐܲܢܹܐ ܒܸܟܬܵܒܼܵܐ ܝ݇ܘܵܚ ܐܸܠܵܘܟܼܘܿܢ؛ ܕܚܲܕܘܼܬܲܢ ܗܵܘܝܵܐ ܬܘܼܡܸܡܬܵܐ. 5ܘܐܵܗܵܐ ܝ݇ܠܵܗ̇ ܡܲܫܚܲܕܬܵܐ ܕܫܡܸܥܠܲܢ ܡܸܢܹܗ؛ ܘܡܲܫܚܘܼܕܹܐ ܝ݇ܘܵܚ ܐܸܠܵܘܟܼܘܿܢ؛ ܕܐܲܠܵܗܵܐ ܒܲܗܪܵܐ ܝ݇ܠܹܗ؛ ܘܚܘܼܒܼܝܵܐ ܗܲܪ ܠܲܝܬ ܒܝܼܹܗ. 6ܐܸܢ ܐܵܡܪܵܚ ܕܫܵܪܝܼܟܘܼܬܵܐ ܐܝܼܬ ܠܲܢ ܥܲܡܹܗ؛ ܘܚܵܕܪܲܚ ܒܚܘܼܒܼܝܵܐ؛ ܕܲܓܵܠܹ̈ܐ ܝ݇ܘܵܚ؛ ܘܠܹܐ ܝ݇ܘܵܚ ܘܠܹܐ ܝ݇ܘܵܚ ܣܲܪܲܣܬܘܼܬܵܐ ܒܸܥܒܼܵܕܵܐ. 7ܐܝܼܢܵܐ ܐܸܢ ܒܒܲܗܪܵܐ ܚܵܕܪܲܚ ܐܲܝܟܼ ܕܗ̇ܘ ܒܒܲܗܪܵܐ ܝ݇ܠܹܗ؛ ܐܝܼܬ ܠܲܢ ܫܵܪܝܼܟܘܼܬܵܐ ܚܲܕ݇ ܥܲܡ ܗ̇ܘ ܐ݇ܚܹܪ݇ܢܵܐ؛ ܘܕܸܡܵܐ ܕܝܼܫܘܿܥ ܒܪܘܿܢܹܗ ܟܹܐ ܕܵܟܼܹܐ ܠܲܢ ܡ̣ܢ ܟܠܵܗ̇ ܚܛܝܼܬܵܐ. 8ܘܐܸܢ ܐܵܡܪܲܚ ܕܠܲܝܬ ܠܲܢ ܚܛܝܼܬܵܐ؛ ܓܵܢܲܢ ܡܲܚܠܘܼܛܹܐ ܝ݇ܘܵܚ؛ ܘܣܲܪܲܣܬܘܼܬܵܐ ܠܲܝܬ ܒܝܼܲܢ. 9ܐܝܼܢܵܐ ܐܸܢ ܡܵܘܕܲܚ ܒܚܛ̈ܝܼܵܬܲܢ؛ ܣܲܪܲܣܬ ܝ݇ܠܹܗ ܘܙܲܕܝܼܩܵܐ ܝ݇ܠܹܗ ܕܫܵܒܼܸܩ ܠܲܢ ܚܛ̈ܝܼܵܬܲܢ؛ ܘܕܵܟܹܐ ܠܲܢ ܡ̣ܢ ܟܠܹܗ ܥܵܘܠܲܢ. 10ܘܐܸܢ ܐܵܡܪܲܚ ܕܠܵܐ ܚܛܹܐܠܲܢ ܒܸܥܒܼܵܕܘܼܗܝ ܝ݇ܘܵܚ ܕܲܓܵܠܵܐ؛ ܘܗܹܡܸܙܡܵܢܹܗ ܠܲܝܬ ܠܟܸܣܠܲܢ.