1ܒܸܒܲܥܝܵܐ ܝܘܸܢ ܗܲܕܟܼܵܐ؛ ܕܡ̣ܢ ܩܵܕ݇ܡ ܟܠ ܡܸܢܕܝܼ؛ ܦܵܝܫܝܼ ܥܒܼܝܼܕܹܐ ܦܲܪ̈ܦܲܠܝܵܬܹܐ؛ ܘܨܠܵܘܵܬܹ̈ܐ؛ ܘܢܵܘܢܵܝܵܬܹ̈ܐ؛ ܘܫܵܟܲܪ̈ܝܵܬܹܐ؛ ܡܒܵܕܵܠ ܕܟܠܵܝܗܝ ܒܢܲܝ̈ܢܵܫܵܐ؛ 2ܡܒܵܕܵܠ ܕܡܲܠܟܹ̈ܐ ܘܟܠܵܝܗܝ ܕܝܼܢܵܐ ܪܹ̈ܫܵܢܹܐ؛ ܕܥܡܵܪܵܐ ܫܸܠܝܵܐ ܘܢܝܼܚܵܐ ܥܵܡܪܵܚ؛ ܒܟܠܵܗ̇ ܕܸܚܠܲܬ ܐܲܠܵܗܵܐ ܘܝܵܩܘܿܪܘܼܬܵܐ؛ 3ܣܵܒܵܒ ܐܵܗܵܐ ܫܵܦܝܼܪܬܵܐ ܝَܠܵܗ̇ ܘܡܲܩܒܘܼܠ ܩܵܕ݇ܡ ܐܲܠܵܗܵܐ ܡܲܚܝܼܵܢܲܢ؛ 4ܗ̇ܘ ܕܟܹܐ ܒܵܣܡܵܐ ܠܹܐ ܕܟܠܵܝܗܝ ܒܢܲܝ̈ܢܵܫܵܐ ܚܲܝܝܼ ܘܐܵܬܝܼ ܠܝܕܹܥܬܵܐ ܕܣܲܪܲܣܬܘܼܬܵܐ. 5ܣܵܒܵܒ ܕܚܲܕَ ܐܲܠܵܗܵܐ ܐܝܼܬ؛ ܘܚܲܕَ ܢܵܘܸܢܓ̰ܝܼ ܒܹܝܠ ܐܲܠܵܗܵܐ ܘܒܢܲܝ̈ܢܵܫܵܐ؛ ܒܲܪܢܵܫܵܐ ܝܼܫܘܿܥ ܡܫܝܼܚܵܐ؛ 6ܗ̇ܘ ܕܝܸܗܒܼܵܠܹܐ ܓܵܢܹܗ ܦܘܼܪܩܵܢܵܐ ܡܒܵܕܵܠ ܕܟܠ ܐ݇ܢܵܫܵܐ؛ ܣܵܗܕܘܼܬܵܐ (ܕܐܵܬܝܵܐ) ܒܙܲܒܼܢܹ̈ܐ ܕܓܵܢܘܼܗ̇؛ 7ܗ̇ܝ ܕܐܵܢܵܐ ܦܸܫܠܝܼ ܡܘܼܬܒܼܵܐ ܟܵܪܘܿܙܘܼܗ̇ ܘܫܠܝܼܚܘܼܗ̇؛ ܣܲܪܲܣܬܘܼܬܵܐ ܒܹܐܡܵܪܵܐ ܝܘܸܢ ܒܡܫܝܼܚܵܐ؛ ܘܠܹܐ ܝܘܸܢ ܕܵܓܘܿܠܹܐ؛ ـ ܡܲܠܦܵܢܵܐ ܕܛܵܝܸܦܹ̈ܐ ܒܗܲܝܡܵܢܘܼܬܵܐ ܘܣܲܪܲܣܬܘܼܬܵܐ. 8ܒܲܣ ܒܸܒܲܥܝܵܐ ܝܘܸܢ ܕܗܵܘܝܼ ܨܵܠܘܿܝܹܐ ܨܠܘܿܬܵܐ ܐ݇ܢܵܫܹ̈ܐ ܒܟܠ ܕܘܼܟܵܐ؛ ܟܲܕ ܡܵܪܡܝܼ ܐܝܼܕܵܬܵܝ̈ܗܝ ܒܕܸܟܼܝܘܼܬܵܐ؛ ܕܠܵܐ ܟܲܪܒܵܐ ܘܕܠܵܐ ܕܘܼܒܵܪܘܬܵܐ. 9ܗܲܕܟܼܵܐ ܐܘܼܦ ܒܲܟܼܬܵܬܹ̈ܐ؛ ܒܠܒܸܫܬܵܐ ܡܵܪܹܐ ܐܵܕܵܒ؛ ܒܐܵܕܵܒܘܼܬܵܐ ܘܒܢܲܟܼܦܘܼܬܵܐ ܗܵܘܝܵܐ ܣܩܵܠܬܵܝ؛ ܠܵܐ ܒܓܕܵܠܝܵـ̈ܬܵܐ ܘܒܕܲܗܒܼܵܐ؛ ܝܲܢ ܒܡܲܪ̈ܓܵܢܝܵܬܵܐ؛ ܝܲܢ ܒܓ̰ܘܼ̈ܠܹܐ ܛܝܼܡܵܢܹ̈ܐ؛ 10ܐܸܠܵܐ ܒܦܘܼܠܚܵܢܹ̈ܐ ܛܵܒܼܹ̈ܐ؛ ܕܵܐܟܼܝܼ ܕܠܵܚܡܵܐ ܠܒܲܟܼܬܵܬܹ̈ܐ ܕܡܵܘܕܘܿܝܹܐ ܕܸܚܠܲܬ ܐܲܠܵܗܵܐ. 11ܒܲܟܼܬܵܐ ܒܫܸܠܝܵܐ ܗܵܘܝܵܐ ܒܸܠܝܵܦܵܐ؛ ܒܟܠ ܙܲܒܛܘܼܬܵܐ. 12ܐܝܼܢܵܐ ܠܒܲܟܼܬܵܐ ܠܡܵܠܘܿܦܹܐ ܠܹܐ ܝܘܸܢ ܒܝܼܵܗ݇ܒܼܵܐ ܕܲܣܬܘܼܪ؛ ܘܠܵܐ ܠܩܲܫܕܘܼܪܹܐ ܥܲܠ ܓܲܒܼܪܵܐ؛ ܐܸܠܵܐ ܗܵܘܝܵܐ ܒܫܸܠܝܵܐ. 13ܣܵܒܵܒ ܐܵܕܵܡ ܦܸܫܠܹܗ ܓܒܼܝܼܠܵܐ ܩܵܕ݇ܡܵܝܬܵܐ؛ ܘܗ̇ܝܓܵܗ ܚܵܘܵܐ؛ 14ܘܐܵܕܵܡ ܠܵܐ ܦܸܫܠܹܗ ܡܘܼܚܠܸܛܵܐ؛ ܐܝܼܢܵܐ ܒܲܟܼܬܵܐ ܦܸܫܠܵܗ̇ ܡܘܼܚܠܸܛܬܵܐ؛ ܘܥܒܸܪܵܐ ܥܲܠ ܦܘܼܩܕܵܢܵܐ. 15ܐܝܼܢܵܐ ܒܸܬ ܦܵܝܫܵܐ ܦܘܼܪܸܩܬܵܐ ܒܝܼܸܕ ܝܠܝܵܕܬܵܐ ܕܝܵܠܹ̈ܕَܐ؛ ܐܸܢ ܟܵܠܝܼ ܒܗܲܝܡܵܢܘܼܬܵܐ ܘܒܚܘܼܒܵܐ ܘܒܩܲܕܝܼܫܘܼܬܵܐ ܥܲܡ ܢܲܟܼܦܘܼܬܵܐ.