1ܗܵܘܝܼܬܘܿܢ ܕܵܡܝܵܢܹ̈ܐ ܐܸܠܝܼ؛ ܕܵܐܟܼܝܼ ܕܐܘܼܦ ܐܵܢܵܐ ܒܡܫܝܼܚܵܐ. 2ܐܝܼܢܵܐ ܒܸܚܩܵܪܵܘܟܼܘܿܢ ܝܼܘܸܢ؛ ܐܵܚܘܿܢܘܵܬܝܼ̈؛ ܕܒܟܠ ܡܸܢܕܝܼ ܩܲܡ ܕܵܟܼܪܝܼܬܘܿܢ ܠܝܼ؛ ܘܕܵܐܟܼܝܼ ܘܣܘܼܦܹܐܠܝܼ ܐܸܠܵܘܟܼܘܿܢ ܣܵܦܝܵܢܘܼܝܵܬܹ̈ܐ ܕܒܼܝܼܩܵܝܬܘܿܢ. 3ܐܝܼܢܵܐ ܒܸܒܲܥܝܵܐ ܝܘܸܢ ܕܝܲܕܥܝܼܬܘܿܢ؛ ܕܪܹܫܵܐ ܕܟܠ ܐَܢܵܫܵܐ ܡܫܝܼܚܵܐ ܝܠܹܗ؛ ܘܪܹܫܵܐ ܕܒܲܟܼܬܵܐ ܓܲܒܼܪܵܐ ܝܠܹܗ؛ ܘܪܹܫܹܗ ܕܡܫܝܼܚܵܐ ܐܲܠܵܗܵܐ ܝܠܹܗ. 4ܟܠ ܐَܢܵܫܵܐ ܕܨܵܠܹܐ ܝܲܢ ܢܵܒܹܐ؛ ܟܲܕ ܟܘܼܣܝܵܐ ܪܸܫܹܗ؛ ܟܹܐ ܡܲܢܚܸܦ ܠܪܸܫܹܗ. 5ܘܟܠ ܒܲܟܼܬܵܐ ܕܨܵܠܝܵܐ ܝܲܢ ܢܵܒܝܵܐ؛ ܟܲܕ ܓܸܠܝܵܐ ܪܹܫܘܼܗܿ؛ ܟܹܐ ܡܲܢܚܸܦܵܐ ܠܪܹܫܘܼܗܿ؛ ܣܵܒܵܒ ܚܕܵܐ ܝܼܠܵܗ̇ ܥܲܡ ܕܗ̇ܝ ܕܗܵܘܝܵܐ ܓܸܪܥܝܵܐ ܪܹܫܘܼܗ̇. 6ܣܵܒܵܒ ܐܸܢ ܠܵܐ ܦܵܝܫܵܐ ܟܘܼܣܝܼܬܵܐ ܒܲܟܼܬܵܐ؛ ܐܘܼܦ ܗܵܘܝܵܐ ܡܘܼܩܪܸܛܬܵܐ. ܐܝܼܢܵܐ ܐܸܢ ܥܲܝܒܵܐ ܝܠܹܗ ܠܒܲܟܼܬܵܐ؛ ܐܘܼܦ ܗܵܘܝܵܐ ܡܘܼܩܪܸܛܬܵܐ ܝܲܢ ܓܪܥܝܼܬܵܐ؛ ܦܵܝܫܵܐ ܟܘܼܣܝܼܬܵܐ. 7ܣܵܒܵܒ ܐَܢܵܫܵܐ ܠܹܐ ܝَܠܵܗ̇ ܘܵܓ̰ܸܒ ܕܟܵܣܹܐ ܪܹܫܹܗ؛ ܣܵܒܵܒ ܕܕܡܘܼܬܵܐ ܘܬܸܫܒܘܿܚܬܵܐ ܕܐܲܠܵܗܵܐ ܝܠܹܗ. ܐܝܼܢܵܐ ܒܲܟܼܬܵܐ ܚܸܩܪܵܐ ܕܓܲܒܼܪܵܐ ܝَܠܵܗ̇. 8ܣܵܒܵܒ ܐَܢܵܫܵܐ ܠܹܐ ܝܠܹܗ ܡ̣ܢ ܒܲܟܼܬܵܐ؛ ܐܸܠܵܐ ܒܲܟܼܬܵܐ ܡ̣ܢ ܐَܢܵܫܵܐ. 9ܣܵܒܵܒ ܐܘܼܦ ܐَܢܵܫܵܐ ܠܵܐ ܦܸܫܠܹܗ ܒܸܪܝܵܐ ܣܵܒܵܒ ܕܒܲܟܼܬܵܐ؛ ܐܸܠܵܐ ܒܲܟܼܬܵܐ ܣܵܒܵܒ ܕܐَܢܵܫܵܐ. 10ܣܵܒܵܒ ܕܐܵܗܵܐ ܘܵܓ̰ܸܒ ܝܼܠܵܗ̇ ܠܒܲܟܼܬܵܐ ܕܗܵܘܹܐ ܗܘܼܟܡܵܐ ܥܲܠ ܪܹܫܘܼܗܿ؛ ܣܵܒܵܒ ܕܡܲܠܲܐܟܹ̈ܐ. 11ܐܝܼܢܵܐ ܠܹܐ ܝܠܹܗ ܐَܢܵܫܵܐ ܠܒܲܕܲܪ ܡ̣ܢ ܒܲܟܼܬܵܐ؛ ܐܘܼܦ ܠܵܐ ܒܲܟܼܬܵܐ ܠܒܲܕܲܪ ܡ̣ܢ ܐَܢܵܫܵܐ؛ ܒܡܵܪܲܢ. 12ܣܵܒܵܒ ܕܵܐܟܼܝܼ ܕܝܼܠܵܗ̇ ܒܲܟܼܬܵܐ ܡ̣ܢ ܓܲܒܼܪܵܐ؛ ܗܲܕܟܼܵܐ ܐܘܼܦ ܓܲܒܼܪܵܐ ܒܝܲܕ ܒܲܟܼܬܵܐ؛ ܐܝܼܢܵܐ ܟܠ ܡܸܢܕܝܼ ܡ̣ܢ ܐܲܠܵܗܵܐ ܝܠܹܗ. 13ܕܘܼܢܘܿܢ ܒܓܵܢܵܘܟܼܘܿܢ. ܟܹܐ ܠܵܚܡܵܐ ܠܒܲܟܼܬܵܐ ܕܟܲܕ ܓܸܠܝܵܐ ܪܹܫܘܼܗܿ ܨܵܠܝܵܐ ܩܵܕَܡ ܐܲܠܵܗܵܐ؛ 14ܐܘܼܦ ܟܝܵܢܵܐ ܒܓܵܢܹܗ ܠܹܐ ܝܠܹܗ ܡܵܠܘܿܦܵܘܟܼܘܿܢ ܕܐَܢܵܫܵܐ ܐܝܼܡܲܢ ܕܝܵܪܸܟܼ ܣܲܥܪܵܐ ܕܪܸܫܹܗ؛ ܒܵܨܘܿܪܘܼܬܵܐ ܝَܠܵܗ̇ ܐܸܠܹܗ؛ 15ܘܒܲܟܼܬܵܐ ܐܝܼܡܲܢ ܕܝܵܪܸܟܼ ܟܵܘܣܘܼܗܿ ܚܸܩܪܵܐ ܝܠܹܗ ܐܸܠܵܗܿ؛ ܣܵܒܵܒ ܕܟܵܘܣܘܼܗܿ ܡܒܵܕܲܠ ܕܡܵܟܲܣܬܵܐ ܦܸܫܠܹܗ ܝܘܼܗَܒܼܵܐ ܐܸܠܵܗܿ. 16ܐܝܼܢܵܐ ܐܸܢ ܐَܢܵܫܵܐ ܦܵܝܸܫ ܚܸܙܝܵܐ ܐܲܝܟܼ ܡܲܩܪܸܨܵܢܵܐ؛ ܐܲܚܢܲܢ ܠܲܝܬ ܠܲܢ ܥܵܕܲܬ ܐܲܝܟܼ ܕܐܵܗܵܐ؛ ܘܠܵܐ ܥܹܕܬܹܗ ܕܐܲܠܵܗܵܐ. 17ܐܝܼܢܵܐ ܐܵܗܵܐ ܦܵܩܘܿܕܹܐ ܝܘܸܢ؛ ܠܵܐ ܐܲܝܟܼ ܕܚܵܩܪܸܢܵܘܟܼܘܿܢ؛ ܣܵܒܵܒ ܠܹܐ ܗَܘܵܐ ܕܠܵܩܵܕَܡܵܘܟܼܘܿܢ ܐَܬܸܠܵܘܟܼܘܿܢ ܡܸܚܕܵܪܹ̈ܐ؛ ܐܸܠܵܐ ܠܒܵܨܘܿܪܘܼܬܵܐ. 18ܣܵܒܵܒ ܩܵܕَܡܵܝܬܵܐ؛ ܐܝܼܡܲܢ ܕܒܸܓ̰ܡܲܥܝܵܐ ܝܬܘܿܢ ܒܥܹܕܬܵܐ؛ ܒܸܫܡܲܥܝܵܐ ܝܘܸܢ ܕܐܝܼܬ ܓܵܘܵܘܟܼܘܿܢ ܕܘܼܒܵܪ̈ܘܼܝܵܬܹܐ؛ ܘܡܸܢܕܝܼ ܡܸܢܕܝܼ ܗܲܡܘܼܢܹܐ ܝܘܸܢ. 19ܣܵܒܵܒ ܠܵܙܸܡ ܝܼܠܵܗ̇ ܕܗܵܘܝܼ ܐܘܼܦ ܡܲܩܲܪ̈ܨܘܼܝܵܬܹܐ ܓܵܘܵܘܟܼܘܿܢ؛ ܕܐܵܢܝܼ ܕܝܼܢܵܐ ܡܲܩܒܘܼܠ ܦܵܝܫܝܼ ܝܕܸܥܝܹܐ ܓܵܘܵܘܟܼܘܿܢ. 20ܒܲܣ ܐܝܼܡܲܢ ܕܓ̰ܲܡܥܝܼܬܘܿܢ ܒܚܕܵܐ ܕܘܼܟܵܐ؛ ܠܲܝܬ ܡܘܼܡܟܸܢ ܠܹܐܟܼܵܠܵܐ ܐَܟܼܵܠَܪܲܡܫܵܐ ܕܡܵܪܲܢ؛ 21ܣܵܒܵܒ ܟܲܕ ܐܵܟܼܠܝܼܬܘܿܢ؛ ܟܠ ܐَܢܵܫܵܐ ܩܵܕَܡܵܝܬܵܐ (ܡܗ̇ܘ ܐَܚܹܪَܢܵܐ) ܒܸܫܩܵܠܵܐ ܝܠܹܗ ܐَܟܼܵܠَܪܲܡܫܵܐ ܕܓܵܢܹܗ؛ ܘܒܸܗَܘܵܝܵܐ ܝܠܹܗ ܚܲܕَ ܟܦܝܼܢܵܐ؛ ܘܚܕَ ܪܵܘܵܝܵܐ 22ܡܘܼܕܝܼ؛ ܒܵܬܹ̈ܐ ܠܲܝܬ ܠܵܘܟܼܘܿܢ ܕܐܵܟܼܠܝܬܘܿܢ ܘܫܵܬܝܼܬܘܿܢ؛ ܝܲܢ ܠܥܹܕܬܹܗ ܕܐܲܠܵܗܵܐ ܡܲܣܠܘܼܝܹܐ ܝܬܘܿܢ؛ ܘܡܲܢܚܘܼܦܹܐ ܝܬܘܿܢ ܠܐܵܢܝܼ ܕܠܲܝܬ ܠܗَܘܿܢ؛ ܡܘܼܕܝܼ ܐܵܡܪܸܢܵܘܟܼܘܿܢ؛ ܚܵܩܪܸܢܵܘܟܼܘܿܢ؛ ܒܐܵܗܵܐ ܠܹܐ ܚܵܩܪܸܢ. 23ܣܵܒܵܒ ܐܵܢܵܐ ܩܘܼܒܸܠܝܼ ܡ̣ܢ ܡܵܪܲܢ ܗ̇ܘ ܡܸܢܕܝܼ ܕܣܘܼܦܹܐܠܝܼ ܐܸܠܵܘܟܼܘܿܢ؛ ܕܡܵܪܲܢ ܝܼܫܘܿܥ ܒܗ̇ܘ ܠܲܝܠܹܐ ܕܦܝܵܫܵܐ ܗَܘܵܐ ܣܘܼܦܝܵܐ؛ ܫܩܸܠܹܗ ܠܲܚܡܵܐ؛ 24ܘܒܘܼܪܸܟܼܠܹܗ؛ ܘܩܨܹܠܹܗ؛ ܘܐَܡܝܼܪܹܗ؛ ܐܵܗܵܐ ܝܠܹܗ ܦܲܓܼܪܝܼ ܕܒܚܵܬܸܪ ܕܝܼܵܘܟܼܘܿܢ ܦܝܵܫܵܐ ܝܠܹܗ ܩܸܨܝܵܐ؛ ܐܵܗܵܐ ܥܒܼܘܼܕܘܿܢ ܠܕܟܼܵܪܝܼ. 25ܗܲܕܟܼܵܐ ܡܒܵܬَܪ ܕܐَܟܼܸܠܘܿܢ ܐَܟܼܵܠَܪܲܡܫܵܐ؛ ܐܘܼܦ ܟܵܣܵܐ؛ ܟܲܕ ܐܵܡܸܪ؛ ܐܵܗܵܐ ܟܵܣܵܐ ܕܝܵܬܹܩܹܐ ܚܲܕܬܵܐ ܝܠܹܗ ܒܕܸܡܝܼ؛ ܐܵܗܵܐ ܥܒܼܘܿܕܘܿܢ؛ ܟܠ ܐܝܼܡܲܢ ܕܫܵܬܝܼܬܘܿܢ؛ ܠܕܟܼܵܪܝܼ. 26ܣܵܒܵܒ ܟܠ ܐܝܼܡܲܢ ܕܐܵܟܼܠܝܼܬܘܿܢ ܐܵܗܵܐ ܠܲܚܡܵܐ؛ ܘܫܵܬܝܼܬܘܿܢ ܐܵܗܵܐ ܟܵܣܵܐ؛ ܡܵܘܬܹܗ ܕܡܵܪܲܢ ܟܹܐ ܡܲܕܥܝܼܬܘܿܢ؛ ܗܲܠ ܐَܬܵܝܬܹܗ. 27ܒܲܣ ܗ̇ܘ ܕܐܵܟܼܸܠ ܡ̣ܢ ܠܲܚܡܹܗ ܘܫܵܬܹܐ ܡ̣ܢ ܟܵܣܹܗ ܕܡܵܪܝܵܐ ܘܠܵܐ ܚܵܫܸܚ ܐܸܠܹܗ؛ ܓܘܼܢܵܗܟܵܪ ܝܼܠܹܗ ܠܕܸܡܹܗ ܕܡܵܪܝܵܐ ܘܠܦܲܓܼܪܹܗ. 28ܐܝܼܢܵܐ ܗܵܘܹܐ ܐَܢܵܫܵܐ ܨܲܚܨܘܼܝܹܐ ܓܵܢܹܗ؛ ܘܗܲܕܟܼܵܐ ܐܵܟܼܸܠ ܡ̣ܢ ܠܲܚܡܵܐ؛ ܘܫܵܬܹܐ ܡ̣ܢ ܟܵܣܵܐ. 29ܣܵܒܵܒ ܡ̇ܢ ܕܐܵܟܼܸܠ ܘܫܵܬܹܐ ܡܸܢܹܗ ܓܘܼܢܵܗܟܵܪܘܼܬܵܐ ܠܓܵܢܹܗ ܟܹܐ ܐܵܟܼܸܠ ܘܟܹܐ ܫܵܬܹܐ؛ ܐܸܢ ܠܵܐ ܦܵܪܸܫ ܦܲܓܼܪܹܗ ܕܡܵܪܝܵܐ. 30ܣܵܒܵܒ ܕܐܵܗܵܐ ܪܵܒܵܐ ܝܢܵܐ ܓܵܘܵܘܟܼܘܿܢ ܡܸܪ̈ܥܝܹܐ ܘܙܲܒܘܼܢܹ̈ܐ؛ ܘܪܵܒܵܐ ܕܕܡܝܼܟܹܐ ܝܢܵܐ. 31ܐܝܼܢܵܐ ܐܸܢ ܓܵܢܲܢ ܦܵܪܫܵܚ ܗَܘܵܘ؛ ܠܹܐ ܦܵܝܫܵܚ ܗَܘܵܘ ܕܝܼܢܹܐ. 32ܐܝܼܢܵܐ ܟܲܕ ܦܵܝܫܵܚ ܕܝܼܢܹܐ؛ ܟܹܐ ܦܵܝܫܵܚ ܬܘܼܥܠܡܹܐ ܡ̣ܢ ܡܵܪܝܵܐ؛ ܕܠܵܐ ܦܵܝܫܵܚ ܥܒܼܝܼܕܹܐ ܓܘܼܢܵܗܟܵܪ ܥܲܡ ܥܵܠܡܵܐ. 33ܒܲܣ ܐܵܚܘܿܢܘܵܬܝܼ̈؛ ܐܝܼܡܲܢ ܕܓ̰ܲܡܥܝܼܬܘܿܢ ܠܹܐܟܼܵܠܵܐ؛ ܗܵܘܝܼܬܘܿܢ ܥܲܪܩܘܼܠܹܐ ܚܲܕَ ܠܕܗ̇ܘ ܐَܚܹܪَܢܵܐ. 34ܐܝܼܢܵܐ ܗ̇ܘ ܕܝܼܠܹܗ ܟܦܝܼܢܵܐ؛ ܓܵܘ ܒܲܝܬܹܗ ܐܵܟܼܸܠ؛ ܕܠܵܐ ܠܓܘܼܢܵܗܟܵܪܘܼܬܵܐ ܗܵܘܝܼܬܘܿܢ ܒܸܓ̰ܡܲܥܝܵܐ. ܐܝܼܢܵܐ ܥܲܠ ܡܸܢܕܝܼܵܢܹ̈ܐ ܐܚܹܪَ̈ܢܹܐ؛ ܐܝܼܡܲܢ ܕܐܵܬܸܢ ܒܸܬ ܦܵܩܕܸܢܵܘܟܼܘܿܢ.