1ܐܝܼܢܵܐ ܥܲܠ (ܚܲܠܥܲܬܹ̈ܐ) ܕܪܘܼܚܵܐ؛ ܐܵܚܘܿܢܘܵܬܝܼ̈؛ ܒܸܒܲܥܝܵܐ ܝܘܸܢ ܕܝܲܕܥܝܪܬܘܿܢ. 2ܕܟܲܕ ܚܲܢܦܹ̈ܐ ܝܬܘܿܢ ܗَܘܵܘ؛ ܠܨܵܢܲܡܹ̈ܐ ܐܵܢܝܼ ܕܠܲܝܬ ܠܗَܘܿܢ ܩܵܠܵܐ ܟܹܐ ܦܵܝܫܝܼܬܘܿܢ ܗَܘܵܘ ܠܘܼܒܠܹܐ؛ ܟܠ ܕܵܐܟܼܝܼ ܕܦܵܝܫܝܼܬܘܿܢ ܗَܘܵܘ ܬܘܼܓܒܼܪܹܐ. 3ܣܵܒܵܒ ܕܐܵܗܵܐ ܡܲܕܘܼܥܝܹܐ ܝܘܸܢ ܐܸܠܵܘܟܼܘܿܢ؛ ܕܠܲܝܬ ܐَܢܵܫܵܐ ܕܗܲܡܙܸܡ ܒܪܘܼܚܵܐ ܕܐܲܠܵܗܵܐ؛ ܘܐܵܡܸܪ؛ ܡܘܼܚܪܸܡܵܐ ܝܠܹܗ ܝܼܫܘܿܥ؛ ܘܐܘܼܦ ܠܹܐ ܐَܢܵܫܵܐ ܡܵܨܹܐ ܠܐܹܡܵܪܵܐ؛ ܡܵܪܝܵܐ ܝܠܹܗ ܝܼܫܘܿܥ؛ ܐܸܠܵܐ ܐܸܢ ܒܪܘܼܚܵܐ ܕܩܘܼܕܫܵܐ. 4ܐܝܼܢܵܐ ܐܝܼܬ ܦܲܠܵܥܝܵܬܹ̈ܐ ܕܚܲܠܥܲܬܹ̈ܐ؛ ܐܸܠܵܐ ܚܲܕَ ܪܘܼܚܵܐ ܝܠܹܗ. 5ܘܐܝܼܬ ܦܲܠܵܥܝܵܬܹ̈ܐ ܕܚܸܠܡܲܬܹ̈ܐ؛ ܐܸܠܵܐ ܚܲܕَ ܡܵܪܝܵܐ ܝܠܹܗ. 6ܘܐܝܼܬ ܦܲܠܵܥܝܵܬܹ̈ܐ ܕܡܲܥܒܲܕܝܵܬܹ̈ܐ؛ ܐܸܠܵܐ ܚܲܕَ ܝܼܠܹܗ ܐܲܠܵܗܵܐ ܕܟܹܐ ܡܲܥܒܸܕ ܟܠ ܡܸܢܕܝܼ ܒܟܠܵܝܗܝ. 7ܐܝܼܢܵܐ ܠܐَܢܵܫܵܐ ܐَܢܵܫܵܐ ܟܹܐ ܦܵܝܸܫ ܝܘܼܗَܒܼܵܐ ܓܸܠܝܵܢܵܐ ܕܪܘܼܚܵܐ؛ ܠܗܲܝܘܼܪܘܼܗܝ. 8ܣܵܒܵܒ ܐܝܼܬ ܕܝܘܼܗَܒܼܸܠܬܵܐ ܝَܠܵܗ̇ ܐܸܠܹܗ ܒܪܘܼܚܵܐ ܗܸܡܹܙܡܵܢ ܕܥܵܩܸܠܕܵܪܘܼܬܵܐ؛ ܘܠܐَܚܹܪَܢܵܐ؛ 9ܗܹܡܹܙܡܵܢ ܕܝܕܹܥܬܵܐ؛ ܗܲܪ ܒܗ̇ܘ ܪܘܼܚܵܐ؛ ܠܐَܚܹܪَܢܵܐ؛ ܗܲܝܡܵܢܘܼܬܵܐ؛ ܗܲܪ ܒܗ̇ܘ ܪܘܼܚܵܐ؛ ܘܠܐَܚܹܪَܢܵܐ؛ ܚܲܠܥܲܬܹ̈ܐ ܕܗܲܟܝܼܡܘܼܬܵܐ؛ ܗܲܪ ܒܗ̇ܘ ܪܘܼܚܵܐ؛ 10ܘܠܐَܚܹܪَܢܵܐ؛ ܡܲܥܒܲܕܝܵܬܹ̈ܐ ܕܚܲܝ̈ܠܹܐ؛ ܘܠܐَܚܹܪَܢܵܐ؛ ܢܒܼܝܼܘܼܬܵܐ؛ ܘܠܐَܚܹܪَܢܵܐ؛ ܦܪܵܫܬܵܐ ܕܪ̈ܘܼܚܹܐ؛ ܘܠܐَܚܹܪَܢܵܐ؛ ܬܵܗܵܪܹ̈ܐ ܕܠܸܫܵܢܹ̈ܐ؛ ܘܠܐَܚܹܪَܢܵܐ؛ ܦܵܫܲܩܬܵܐ ܕܠܸܫܵܢܹ̈ܐ. 11ܐܝܼܢܵܐ ܐܲܢܹܐ ܟܠܵܝܗܝ ܗܲܪ ܗ̇ܘ ܚܲܕَ ܪܘܼܚܵܐ ܟܹܐ ܡܲܥܒܼܸܕ؛ ܘܟܹܐ ܦܲܠܸܥ ܠܟܠ ܐَܢܵܫܵܐ ܚܲܕَ ܚܲܕَ ܐܲܝܟܼ ܕܒܵܣܡܵܐ ܠܹܗ. 12ܣܵܒܵܒ ܕܵܐܟܼܝܼ ܕܦܲܓܼܪܵܐ ܚܲܕَ ܝܼܠܹܗ؛ ܘܐܝܼܬ ܒܝܹܗ ܗܲܕܵܡܹ̈ܐ ܪܵܒܵܐ؛ ܐܝܼܢܵܐ ܟܠܵܝܗܝ ܗܲܕܵܡܹ̈ܐ ܕܦܲܓܼܪܵܐ ܕܝܼܠܹܗ ܚܲܕَ؛ ܟܲܕ ܪܵܒܵܐ ܝܢܵܐ؛ ܚܲܕَ ܦܲܓܼܪܵܐ ܝܢܵܐ؛ ܗܲܕܟܼܵܐ ܐܘܼܦ ܡܫܝܼܚܵܐ. 13ܣܵܒܵܒ ܐܘܼܦ ܐܲܚܢܲܢ ܟܠܲܢ ܒܚܲܕَ ܪܘܼܚܵܐ ܠܚܲܕَ ܦܲܓܼܪܵܐ ܥܡܸܕܠܲܢ؛ ܐܸܢ ܝܗَܘܼܕܵܝܹ̈ܐ ܘܐܸܢ ܝܵܘܢܵܝܹ̈ܐ؛ ܘܐܸܢ ܩܘܼܠܹ̈ܐ ܘܐܸܢ ܐܵܙܵܕܹ̈ܐ؛ ܘܟܠܲܢ ܡ̣ܢ ܚܲܕَ ܪܘܼܚܵܐ ܫܬܹܐܠܲܢ. 14ܣܵܒܵܒ ܐܘܼܦ ܦܲܓܼܪܵܐ ܠܹܐ ܝܠܹܗ ܚܲܕَ ܗܲܕܵܡܵܐ؛ ܐܸܠܵܐ ܪܵܒܵܐ. 15ܐܸܢ ܐܵܡܪܵܐ ܐܲܩܠܵܐ؛ ܣܵܒܵܒ ܠܹܐ ܝܘܵܢ ܐܝܼܕܵܐ ܠܹܐ ܝܘܵܢܝ ܡ̣ܢ ܦܲܓܼܪܵܐ؛ ܣܵܒܵܒ ܕܐܵܗܵܐ ܠܹܐ ܝَܠܵܗ̇ ܗܲܪ ܡ̣ܢ ܦܲܓܼܪܵܐ؛ 16ܘܐܸܢ ܐܵܡܪܵܐ ܢܵܬܵܐ؛ ܣܵܒܵܒ ܠܹܐ ܝܘܵܢܝ ܥܲܝܢܵܐ ܠܹܐ ܝܘܵܢ ܡ̣ܢ ܦܲܓܼܪܵܐ؛ ܣܵܒܵܒ ܕܐܵܗܵܐ ܠܹܐ ܝَܠܵܗ̇ ܗܲܪ ܡ̣ܢ ܦܲܓܼܪܵܐ؛ 17ܐܸܢ ܟܠܹܗ ܦܲܓܼܪܵܐ ܗܵܘܹܐ ܗَܘܵܐ ܥܲܝܢܵܐ؛ ܐܲܝܟܵܐ ܗَܘܵܐ ܫܡܹܥܬܵܐ؛ ܘܐܸܢ ܟܠܵܗ ܫܡܹܥܬܵܐ؛ ܐܲܝܟܵܐ ܗَܘܵܐ ܫܩܵܠܬܵܐ ܕܪܹܝܚܵܐ؛ 18ܐܝܼܢܵܐ ܐܵܕܝܼܵܐ ܐܲܠܵܗܵܐ ܡܘܼܬܸܒܼܠܹܗ ܠܗܲܕܵܡܹ̈ܐ ܠܟܠ ܚܲܕَ ܡܸܢܵܝܗܝ ܒܦܲܓܼܪܵܐ؛ ܕܵܐܟܼܝܼ ܕܗ̇ܘ ܒܣܸܡܠܵܐ ܠܹܗ. 19ܐܝܼܢܵܐ ܐܸܢ ܟܠܵܝܗܝ ܗَܘܵܘ ܚܲܕَ ܗܲܕܵܡܵܐ؛ ܐܲܝܟܵܐ ܗَܘܵܐ ܦܲܓܼܪܵܐ؛ 20ܐܝܼܢܵܐ ܐܵܕܝܼܵܐ ܗܲܕܵܡܹ̈ܐ ܪܵܒܵܐ ܝܢܵܐ؛ ܐܝܼܢܵܐ ܚܲܕَ ܦܲܓܼܪܵܐ ܝܠܹܗ. 21ܠܹܐ ܡܵܨܝܵܐ ܥܲܝܢܵܐ ܕܐܵܡܪܵܐ ܠܐܝܼܕܵܐ؛ ܕܠܹܐ ܝܘܲܬܝ ܠܵܙܸܡ ܐܸܠܝܼ؛ ܝܲܢ ܡܸܢَܕܪܸܫَ ܪܹܫܵܐ ܠܐܲܩܠܵܬܹ̈ܐ؛ ܕܠܹܐ ܝܬܘܿܢ ܠܵܙܸܡ ܐܸܠܝܼ. 22ܐܸܠܵܐ ܙܵܘܕܵܐ ܐܵܢܝܼ ܗܲܕܵܡܹ̈ܐ ܕܦܲܓܼܪܵܐ ܕܦܵܝܫܝܼ ܚܫܝܼܒܹܐ ܒܘܼܫ ܙܲܒܘܼܢܹ̈ܐ؛ ܥܲܠܵܝܗܝ ܐܝܼܬ ܣܢܝܼܩܘܼܬܵܐ؛ 23ܘܐܵܢܝܼ ܕܟܹܐ ܚܵܫܒܼܲܚ ܒܘܼܫ ܒܵܨܘܿܪܹ̈ܐ ܕܦܲܓܼܪܵܐ؛ ܠܐܵܢܝܼ ܐܝܼܩܵܪܵܐ ܙܵܘܕܵܐ ܟܹܐ ܡܲܙܝܸܕܲܚ؛ ܘܐܵܢܝܼ ܕܢܚܸܦܬܵܐ ܝܢܵܐ؛ ܐܵܕܵܒܘܼܬܵܐ ܙܵܘܕܵܐ ܟܹܐ ܥܵܒܼܕܲܚ ܐܸܠܵܝܗܝ؛ 24ܘܐܵܢܝܼ ܗܲܕܵܡܹ̈ܐ ܕܒܝܼܲܢ ܕܝܼܢܵܐ ܡܵܪܹ̈ܐ ܐܵܕܵܒ ܠܲܝܬ ܠܗَܘܿܢ ܣܢܝܼܩܘܼܬܵܐ؛ ܣܵܒܵܒ ܕܐܲܠܵܗܵܐ ܡܙܸܓܼܠܹܐ ܠܦܲܓܼܪܵܐ؛ ܘܝܘܼܗَܒܼܸܠܹܗ ܐܝܼܩܵܪܵܐ ܙܵܘܕܵܐ ܠܗ̇ܘ ܕܝܼܠܹܗ ܒܵܨܘܿܪܵܐ؛ 25ܕܠܵܐ ܗܵܘܝܵܐ ܕܘܼܒܵܪܘܼܬܵܐ ܒܦܲܓܼܪܵܐ؛ ܐܸܠܵܐ ܕܗܲܕܵܡܹ̈ܐ ܗܵܘܝܼ ܒܹܐܟܼܵܠܵܐ ܗܲܪ ܗ̇ܝ ܚܲܡ ܚܲܕَ ܥܲܠ ܗ̇ܘ ܐَܚܹܪَܢܵܐ. 26ܘܐܸܢ ܚܲܕَ ܗܲܕܵܡܵܐ ܩܵܒܸܠ ܚܲܫܵܐ؛ ܟܠܵܝܗܝ ܗܲܕܵܡܹ̈ܐ ܟܹܐ ܩܵܒܸܠܝܼ ܚܲܫܵܐ ܥܲܡܹܗ؛ ܘܐܸܢ ܦܵܝܸܫ ܚܩܝܼܪܵܐ ܚܲܕَ ܗܲܕܵܡܵܐ؛ ܟܠܵܝܗܝ ܗܲܕܵܡ̈ܐ ܟܹܐ ܚܵܕܝܼ ܥܲܡܹܗ. 27ܐܝܼܢܵܐ ܐܲܚܬܘܿܢ ܦܲܓܼܪܹܗ ܕܡܫܝܼܚܵܐ ܝܬܘܿܢ؛ ܘܗܲܕܵܡܹ̈ܐ ܟܠ ܚܲܕَ ܒܕܘܼܟܬܹܗ. 28ܣܵܒܵܒ ܕܡܘܼܬܸܒܼܠܹܗ ܚܲܕَܟܡܵܐ ܐܲܠܵܗܵܐ ܒܥܹܕܬܹܗ؛ ܩܵܕَܡܵܝܬܵܐ ܫܠܝܼܚܹ̈ܐ؛ ܕܬܪܹܝ ܢܒܼ̈ܝܹܐ؛ ܘܕܬܠܵܬَܐ ܡܲܠܦܵܢܹ̈ܐ؛ ܒܵܬَܪܵܝ ܚܲܝ̈ܠܹܐ؛ ܒܵܬَܪܵܝ ܚܲܠܥܲܬܹ̈ܐ ܕܗܲܟܝܼܡܘܼܬܵܐ؛ ܘܗܲܝܲܪܵܝܵܬܵܐ؛ ܘܬܲܓܒܲܪܝܵܬܵܐ؛ ܘܬܵܗܵܪܹ̈ܐ ܕܠܸܫܵܢܹ̈ܐ. 29ܟܠܵܝܗܝ ܫܠܝܼܚܹ̈ܐ ܝܢܵܐ؛ ܟܠܵܝܗܝ ܢܒܼ̈ܝܹܐ ܝܢܵܐ؛ ܟܠܵܝܗܝ ܡܲܠܦܵܢܹ̈ܐ ܝܢܵܐ ܟܠܵܝܗܝ (ܥܵܒܼܕܵܢܹ̈ܐ) ܕܚܲܝ̈ܠܹܐ ܝܢܵܐ؛ 30ܟܠܵܝܗܝ ܐܝܼܬ ܠܗَܘܿܢ ܚܲܠܥܲܬܹ̈ܐ ܕܗܲܟܝܼܡܘܼܬܵܐ؛ ܟܠܵܝܗܝ ܒܠܸܫܵܢܹ̈ܐ ܟܹܐ ܗܲܡܙܸܡܝܼ؛ ܝܲܢ ܟܠܵܝܗܝ ܟܹܐ ܦܵܫܩܝܼ؛ 31ܐܝܼܢܵܐ ܒܲܚܸܠܘܿܢ ܒܚܲܠܥܲܬܹ̈ܐ ܪܹܫܵܝܹܐ. ܘܐܵܢܵܐ ܡܸܢَܕܪܸܫَ ܒܸܬ ܡܲܚܙܸܢܵܘܟܼܘܿܢ ܐܘܼܪܚܵܐ ܕܒܘܼܫ ܨܦܵܝܝܼ.