1ܪܚܘܿܛܘܿܢ ܒܵܬَܪ ܚܘܼܒܵܐ؛ ܘܒܲܚܸܠܘܿܢ ܒܚܲܠܥܲܬܹ̈ܐ ܕܪܘܼܚܵܐ؛ ܐܝܼܢܵܐ ܒܘܼܫ ܙܵܘܕܵܐ ܕܢܵܒܝܼܬܘܿܢ. 2ܣܵܒܵܒ ܗ̇ܘ ܕܗܲܡܙܸܡ ܒܠܸܫܵܢܵܐ؛ ܠܹܐ ܝܠܹܗ ܠܒܢܲܝ̈ܢܵܫܵܐ ܗܲܡܙܘܼܡܹܐ؛ ܐܸܠܵܐ ܠܐܲܠܵܗܵܐ. ܣܵܒܵܒ ܐَܢܵܫܵܐ ܠܹܐ ܫܲܡܸܥ؛ ܐܝܼܢܵܐ ܒܪܘܼܚܵܐ ܣܸܪܹ̈ܐ ܟܹܐ ܗܲܡܙܸܡ. 3ܐܝܼܢܵܐ ܗ̇ܘ ܕܢܵܒܹܐ؛ ܠܒܢܲܝ̈ܢܵܫܵܐ ܟܹܐ ܗܲܡܙܸܡ ܒܸܢܝܵܢܵܐ؛ ܘܢܲܨܝܼܗܲܬ؛ ܘܝܵܗَܒܲܠܬܵܐ ܕܠܸܒܵܐ. 4ܗ̇ܘ ܕܗܲܡܙܸܡ ܒܠܸܫܵܢܵܐ؛ ܠܓܵܢܹܗ ܟܹܐ ܒܵܢܹܐ؛ ܐܝܼܢܵܐ ܗ̇ܘ ܕܢܵܒܹܐ؛ ܠܥܹܕܬܵܐ ܟܹܐ ܒܵܢܹܐ. 5ܐܵܕܝܼܵܐ ܒܸܒܲܥܝܵܐ ܝܘܸܢ ܕܟܠܵܘܟܼܘܿܢ ܗܲܡܙܸܡܝܼܬܘܿܢ ܒܠܸܫܵܢܹ̈ܐ؛ ܐܝܼܢܵܐ ܙܵܘܕܵܐ ܕܢܵܒܝܼܬܘܿܢ؛ ܣܵܒܵܒ ܒܘܼܫ ܓܘܼܪܵܐ ܝܠܹܗ ܗ̇ܘ ܕܢܵܒܹܐ ܡܗ̇ܘ ܕܗܲܡܙܸܡ ܒܠܸܫܵܢܵܐ؛ ܐܸܢ ܠܵܐ ܦܵܫܸܩ؛ ܕܥܹܕܬܵܐ ܩܵܒܠܵܐ ܒܸܢܝܵܢܵܐ. 6ܘܐܵܕܝܼܵܐ؛ ܐܵܚܘܿܢܘܵܬܝܼ̈؛ ܐܸܢ ܐܵܬܸܢ ܠܟܸܣܠܵܘܟܼܘܿܢ ܘܗܲܡܙܸܡܸܢ ܒܠܸܫܵܢܵܐ؛ ܡܘܼܕܝܼ ܦܲܝܕܵܐ ܒܸܬ ܥܵܒܼܕܸܢ ܐܸܠܵܘܟܼܘܿܢ؛ ܐܸܢ ܠܵܐ ܗܲܡܙܸܡܸܢ ܥܲܡܵܘܟܼܘܿܢ ܝܲܢ ܒܓܸܠܝܵܢܵܐ؛ ܝܲܢ ܒܝܕܹܥܬܵܐ؛ ܝܲܢ ܒܢܒܼܝܼܘܼܬܵܐ؛ ܝܲܢ ܒܝܘܼܠܦܵܢܵܐ؛ 7ܣܵܒܵܒ ܐܘܼܦ ܡܸܢܕܝܼܵܢܹ̈ܐ ܕܠܲܝܬ ܒܝܼܝܵܗܝ ܓܵܢܵܐ؛ ܘܕܝܵܗَܒܼܝܼ ܩܵܠܵܐ؛ ܐܸܢ ܫܲܒܝܼܒܵܐ؛ ܘܐܸܢ ܩܝܼܬܵܪܵܐ؛ ܐܸܢ ܦܘܼܪܫܘܼܢܝܵܐ ܠܵܐ ܥܵܒܼܕܝܼ ܒܗܵܘܵܙܹ̈ܐ؛ ܕܵܐܟܼܝܼ ܦܵܝܸܫ ܝܕܹܥܝܵܐ ܡܸܢܕܝܼ ܕܦܵܝܸܫ ܙܡܝܼܪܵܐ ܝܲܢ ܡܸܚܝܵܐ ܒܗܵܘܵܙ؛ 8ܣܵܒܵܒ ܐܘܼܦ ܐܸܢ ܫܝܼܦܘܿܪܵܐ ܩܵܪܝܵܐ ܩܵܠܵܐ ܠܵܐ ܦܪܝܼܫܵܐ؛ ܡܵܢܝܼ ܒܸܬ ܗܵܕܸܪ ܓܵܢܹܗ ܠܦܠܵܫܵܐ؛ 9ܗܲܕܟܼܵܐ ܐܘܼܦ ܐܲܚܬܘܿܢ؛ ܐܸܢ ܠܵܐ ܐܵܡܪܝܼܬܘܿܢ ܒܠܸܫܵܢܵܐ ܗܹܡܸܙܡܵܢ ܗܵܣܢܵܝܝܼ ܠܦܲܪܡܘܼܝܹܐ؛ ܕܵܐܟܼܝܼ ܦܵܝܸܫ ܝܕܸܥܝܵܐ ܡܸܢܕܝܼ ܕܝܼܠܹܗ ܐَܡܝܼܪܵܐ؛ ܒܸܬ ܗܵܘܝܼܬܘܿܢ ܐܲܝܟܼ ܕܠܗܵܘܵܐ ܗܲܡܙܘܼܡܹܐ. 10ܟܹܐ ܗܵܘܝܵܐ ܕܓܵܘ ܥܵܠܡܵܐ ܗܲܕܟܼܵܐ ܪܵܒܵܐ ܬܵܗܵܪܹ̈ܐ ܕܠܸܫܵܢܹ̈ܐ ܐܝܼܬ؛ ܘܠܲܝܬ ܚܲܕَ ܡܸܢܵܝܗܝ ܕܠܵܐ ܩܵܠܵܐ. 11ܒܲܣ ܐܸܢ ܠܵܐ ܝܲܕܥܸܢ ܚܲܝܠܹܗ ܕܩܵܠܵܐ؛ ܟܹܐ ܗܵܘܸܢ ܒܲܪܒܪܵܝܵܐ ܠܗ̇ܘ ܕܗܲܡܙܸܡ؛ ܘܐܘܼܦ ܗ̇ܘ ܕܗܲܡܙܸܡ ܟܹܐ ܗܵܘܹܐ ܐܸܠܝܼ ܒܲܪܒܪܵܝܵܐ. 12ܗܲܕܟܼܵܐ ܐܘܼܦ ܐܲܚܬܘܿܢ؛ ܣܵܒܵܒ ܕܩܲܝܪ̈ܲܬܟܲܫܹܐ ܝܬܘܿܢ ܕܚܲܠܥܲܬܹ̈ܐ ܕܪܘܼܚܵܐ؛ ܒܥܹܝܡܘܿܢ ܕܙܵܝܕܝܼܬܘܿܢ ܠܒܸܢܝܵܢܵܐ ܕܥܹܕܬܵܐ. 13ܣܵܒܵܒ ܕܐܵܗܵܐ ܗ̇ܘ ܕܗܲܡܙܸܡ ܒܠܸܫܵܢܵܐ؛ ܨܵܠܹܐ ܕܦܵܫܸܩ. 14ܣܵܒܵܒ ܐܸܢ ܗܵܘܸܢ ܨܵܠܘܿܝܹܐ ܒܠܸܫܵܢܵܐ؛ ܪܘܼܚܝܼ ܟܹܐ ܨܵܠܝܵܐ؛ ܐܝܼܢܵܐ ܚܝܼܵܠܝܼ ܕܠܵܐ ܛܥܘܼܢܝܵܬܹ̈ܐ ܝܠܹܗ. 15ܒܲܣ ܡܘܼܕܝܼ ܝܠܹܗ؛ ܒܸܬ ܨܵܠܸܢ ܒܪܘܼܚܝܼ؛ ܘܒܸܬ ܨܵܠܸܢ ܐܘܼܦ ܒܚܝܼܵܠܝܼ. ܒܸܬ ܙܵܡܪܸܢ ܒܪܘܼܚܝܼ؛ ܘܒܸܬ ܙܵܡܪܸܢ ܐܘܼܦ ܒܚܝܼܵܠܝܼ. 16ܘܐܸܢ ܠܵܐ؛ ܐܸܢ ܒܵܪܟܼܸܬ ܒܪܘܼܚܵܐ؛ ܗ̇ܘ ܕܒܸܕܒܼܵܩܵܐ ܝܠܹܗ ܕܘܼܟܬܹܗ ܕܠܵܐ ܝܠܝܼܦܵܐ؛ ܕܵܐܟܼܝܼ ܒܸܬ ܐܵܡܸܪ؛ ܐܵܡܹܝܢ؛ ܥܲܠ ܫܵܟܲܪܬܵܐ ܕܝܼܘܼܟ؛ ܣܵܒܵܒ ܠܹܐ ܝܠܹܗ ܒܝܼܕܲܥܝܵܐ ܡܘܼܕܝܼ ܒܹܐܡܵܪܵܐ ܝܘܸܬ. 17ܣܵܒܵܒ ܐܲܢَܬ ܨܦܵܝܝܼ ܒܵܪܘܿܟܹܐ ܝܘܸܬ؛ ܐܸܠܵܐ ܗ̇ܘ ܐَܚܹܪَܢܵܐ ܠܹܐ ܝܠܹܗ ܦܝܵܫܵܐ ܒܸܢܝܵܐ. 18ܫܵܟܘܿܪܹܐ ܝܘܸܢ ܠܐܲܠܵܗܝܼ؛ ܙܵܘܕܵܐ ܡ̣ܢ ܟܠܵܘܟܼܘܿܢ ܟܹܐ ܗܲܡܙܸܡܸܢ ܒܠܸܫܵܢܵܐ؛ 19ܐܸܠܵܐ ܓܵܘ ܥܹܕܬܵܐ ܒܸܒܲܥܝܵܐ ܝܘܸܢ ܕܚܲܡܸܫ ܗܹܡܸܙܡܵܢܹ̈ܐ ܒܚܝܼܵܠܝܼ ܗܲܡܙܸܡܸܢ؛ ܕܐܘܼܦ ܠܐَܚܹܪَ̈ܢܹܐ ܡܲܠܦܸܢ؛ ܙܵܘܕܵܐ ܡ̣ܢ ܪܸܒܘܼ ܗܹܡܸܙܡܵܢܹ̈ܐ ܒܠܸܫܵܢܵܐ. 20ܐܵܚܘܿܢܘܵܬܝܼ̈؛ ܠܵܐ ܗܵܘܝܼܬܘܿܢ ܝܵܠܹ̈ܕَܐ ܒܚܝܼܵܠܵܘ̈ܟܼܘܿܢ؛ ܐܸܠܵܐ ܠܒܝܼܫܵܬܹ̈ܐ ܗَܘܹܐܡܘܿܢ ܝܵܠܹ̈ܕَܐ؛ ܒܚܝܼܵܠܵܘ̈ܟܼܘܿܢ ܗَܘܹܐܡܘܿܢ ܟܵܡܝܼ̈ܠܹܐ. 21ܒܢܵܡܘܿܣܵܐ ܟܬܝܼܒܼܵܐ ܝܠܹܗ؛ ܕܒܠܸܫܵܢܹ̈ܐ ܐَܚܹܪَ̈ܢܹܐ ܘܒܣܸܦܘܵܬܹ̈ܐ ܕܢܘܼܟܼܪ̈ܵܝܹܐ ܒܸܬ ܗܲܡܙܸܡܸܢ ܥܲܡ ܕܐܵܗܵܐ ܛܵܝܸܦܵܐ؛ ܐܘܼܦ ܗܲܕܟܼܵܐ ܠܹܐ ܫܲܡܥܝܼ ܠܝܼ؛ ܒܹܐܡܵܪܵܐ ܝܠܹܗ ܡܵܪܝܵܐ. 22ܒܲܣ ܠܸܫܵܢܹ̈ܐ ܠܢܝܼܫܲܢܩܵܐ ܝܢܵܐ؛ ܠܵܐ ܠܗܲܡܸܢܵܢܹ̈ܐ ܐܸܠܵܐ ܠܠܵܐ ܗܲܡܸܢܵܢܹ̈ܐ. ܐܝܼܢܵܐ ܢܒܼ̈ܝܼܘܵܬܵܐ ܠܹܐ ܝܢܵܐ ܠܠܵܐ ܗܲܡܸܢܵܢܹ̈ܐ؛ ܐܸܠܵܐ ܠܗܲܡܸܢܵܢܹ̈ܐ. 23ܒܲܣ ܐܸܢ ܓ̰ܲܡܥܵܐ ܟܠܵܗ ܥܹܕܬܵܐ ܡܸܚܕܵܕܹ̈ܐ؛ ܘܟܠܵܝܗܝ ܒܠܸܫܵܢܹ̈ܐ ܗܲܡܙܸܡܝܼ؛ ܘܥܵܒܼܪܝܼ ܐܵܢܝܼ ܕܝܼܢܵܐ ܠܵܐ ܝܠܝܼܦܹ̈ܐ ܝܲܢ ܠܵܐ ܗܲܡܸܢܵܢܹ̈ܐ؛ ܠܹܐ ܐܵܡܪܝܼ ܕܫܘܼܕܸܢܵܘܟܼܘܿܢ؛ 24ܐܝܼܢܵܐ ܐܸܢ ܟܠܵܘܟܼܘܿܢ ܗܵܘܝܼܬܘܿܢ ܢܵܒܘܿܝܹܐ؛ ܘܥܵܒܼܸܪ ܠܟܸܣܠܵܘܟܼܘܿܢ ܚܲܕَ ܠܵܐ ܝܠܝܼܦܵܐ؛ ܝܲܢ ܠܵܐ ܗܲܡܸܢܵܢܵܐ؛ ܒܸܬ ܦܵܝܸܫ ܡܘܼܢܟܸܣܵܐ ܡ̣ܢ ܟܠܵܝܗܝ؛ ܘܒܸܬ ܦܵܝܸܫ ܕܝܼܢܵܐ ܡ̣ܢ ܟܠܵܝܗܝ؛ 25ܫܘܼܠܹ̈ܐ ܛܸܫܝܹ̈ܐ ܕܠܸܒܹܗ ܟܹܐ ܦܵܝܸܫ ܓܸܠܝܹܐ؛ ܘܗܲܕܟܼܵܐ ܒܸܬ ܢܵܦܸܠ ܥܲܠ ܦܵܬܹܗ؛ ܘܣܵܓܸܕ ܠܐܲܠܵܗܵܐ؛ ܘܐܵܡܸܪ؛ ܒܫܲܪܝܼܪܘܼܬܵܐ ܐܲܠܵܗܵܐ ܓܵܘܵܘܟܼܘܿܢ ܝܼܠܹܗ. 26ܒܲܣ ܡܘܼܕܝܼ ܝܠܹܗ ܐܵܚܘܿܢܘܵܬܝܼ̈؛ ܐܝܼܡܲܢ ܕܓ̰ܸܡܥܝܼܬܘܿܢ؛ ܟܠ ܚܲܕَ ܡܸܢܵܘܟܼܘܿܢ ܐܝܼܬ ܠܹܐ ܡܲܙܡܘܿܪܵܐ؛ ܐܝܼܬ ܠܹܗ ܝܘܼܠܦܵܢܵܐ؛ ܐܝܼܬ ܠܹܗ ܓܸܠܝܵܢܵܐ؛ ܐܝܼܬ ܠܹܗ ܠܸܫܵܢܵܐ؛ ܐܝܼܬ ܠܹܗ ܦܘܼܫܵܩܵܐ ܟܠܵܝܗܝ ܠܒܸܢܝܵܢܵܐ ܗܵܘܝܼ. 27ܐܸܢ ܒܠܸܫܵܢܵܐ ܐَܢܵܫܵܐ ܗܲܡܙܸܡ؛ ܬܪܹܝ ܗܲܡܙܸܡܝܼ؛ ܝܲܢ ܟܲܕ ܪܵܒܵܐ؛ ܬܠܵܬَܐ؛ ܘܚܲܕَ ܒܚܲܕَ ܗܲܡܙܸܡܝܼ؛ ܘܚܲܕَ ܦܵܫܸܩ. 28ܘܐܸܢ ܠܲܝܬ ܕܦܵܫܸܩ؛ ܫܵܬܸܩ ܓܵܘ ܥܹܕܬܵܐ؛ ܘܒܹܝܠ ܓܵܢܹܗ ܘܠܲܐܠܵܗܵܐ ܗܲܡܙܸܡ. 29ܘܢܒܼܝܹ̈ܐ؛ ܬܪܹܝ ܝܲܢ ܬܠܵܬَܐ ܗܲܡܙܸܡܝܼ؛ ܘܐܵܢܝܼ ܐَܚܹܪَ̈ܢܹܐ ܦܵܪܫܝܼ. 30ܐܝܼܢܵܐ ܐܸܢ ܠܐَܚܹܪَܢܵܐ ܕܝܼܠܹܗ ܟܬܝܼܒܼܵܐ ܡܸܢܕܝܼ ܦܵܝܸܫ ܓܸܠܝܵܐ؛ ܗ̇ܘ ܩܵܕَܡܵܝܐ ܫܵܬܸܩ. 31ܣܵܒܵܒ ܕܡܵܨܝܼܬܘܿܢ ܟܠܵܘܟܼܘܿܢ ܢܵܒܝܼܬܘܿܢ ܚܲܕَ ܒܚܲܕَ؛ ܕܟܠ ܐَܢܵܫܵܐ ܝܵܠܸܦ؛ ܘܟܠ ܐَܢܵܫܵܐ ܦܵܝܸܫ ܝܘܼܗَܒܼܵܐ ܠܸܒܵܐ؛ 32ܘܪ̈ܘܼܚܹܐ ܕܢܒܼ̈ܝܹܐ ܠܢܒܼ̈ܝܹܐ ܟܹܐ ܗܵܘܝܼ ܙܲܒܛ؛ 33ܣܵܒܵܒ ܐܲܠܵܗܵܐ ܠܹܐ ܝܠܹܗ ܕܫܓܼܘܼܫܝܵܐ؛ ܐܸܠܵܐ ܕܫܠܵܡܵܐ؛ ܐܲܝܟܼ ܕܒܟܠܵܝܗܝ ܥܹܕܵܬܹ̈ܐ ܕܩܲܕܝܼܫܹ̈ܐ. 34ܒܲܟܼܬܵܬܵܘܟܼܘܿܢ ܓܵܘ ܥܹܕܬܵܐ ܗܵܘܝܼ ܫܬܝܼܩܹ̈ܐ؛ ܣܵܒܵܒ ܠܲܝܬ ܠܗَܘܿܢ ܕܲܣܬܘܪ ܕܗܲܡܙܸܡܝܼ؛ ܐܸܠܵܐ ܕܗܵܘܝܼ ܙܲܒܛ؛ ܕܵܐܟܼܝܼ ܕܐܘܼܦ ܢܵܡܘܿܣܵܐ ܐَܡܝܼܪܹܗ. 35ܘܐܸܢ ܡܸܢܕܝܼ ܒܵܣܡܵܐ ܠܗَܘܿܢ ܕܝܵܠܦܝܼ ܓܵܘ ܒܲܬܘܵܬܵܝ̈ܗܝ ܒܵܩܪܝܼ ܡ̣ܢ ܓܲܒܼܪ̈ܵܢܵܝܗܝ؛ ܣܵܒܵܒ ܢܚܸܦܬܵܐ ܝَܠܵܗ̇ ܠܒܲܟܼܬܵܐ ܕܗܲܡܙܸܡܵܐ ܓܵܘ ܥܹܕܬܵܐ. 36ܩܵܡܘܿܕܝܼ؛ ܡܸܢܵܘܟܼܘܿܢ ܦܠܸܛܠܵܗ ܗܹܡܸܙܡܵܢ ܕܐܲܠܵܗܵܐ؛ ܝܲܢ ܠܟܤܠܵܘܟܼܘܿܢ ܒܢܲܦ̮ܫܵܘܟܼܘܿܢ ܡܛܸܠܵܗ؛ 27ܐܸܢ ܐَܢܵܫܵܐ ܚܵܫܸܒܼ ܕܢܒܼܝܼܵܐ ܝܠܹܗ؛ ܝܲܢ ܕܪܘܼܚܵܢܵܐ ܝܠܹܗ؛ ܝܲܕܸܥ ܐܲܢܸܐ ܕܒܸܟܬܵܒܼܵܐ ܝܘܸܢ ܐܸܠܘܟܼܘܿܢ ܕܦܘܼܩܕܵܢܹ̈ܐ ܕܡܵܪܲܢ ܝܼܢܵܐ. 38ܐܝܼܢܵܐ ܐܸܢ ܐَܢܵܫܵܐ ܠܹܐ ܝܲܕܸܥ؛ ܠܵܐ ܝܲܕܸܥ. 39ܒܲܣ ܥܒܼܘܼܪܘܿܢ ܒܩܲܝܪܲܬ؛ ܐܵܚܘܿܢܘܵܬܝܼ̈؛ ܠܢܵܒܘܿܝܹܐ؛ ܘܠܗܲܡܙܘܼܡܹܐ ܒܠܸܫܵܢܹ̈ܐ ܠܵܐ ܡܲܟܠܝܼܬܘܿܢ. 40ܐܝܼܢܵܐ ܟܠ ܡܸܢܕܝܼ ܗܵܘܹܐ ܒܐܵܕܵܒܘܼܬܵܐ ܘܒܪܹܐܙܵܐ.