1ܦܘܠܘܿܣ ܘܣܸܠܘܵܢܘܿܣ ܘܛܝܼܡܵܬܹܐܘܿܣ؛ ܠܥܹܕܬܵܐ ܕܬܹܣܵܠܘܿܢܝܼܩܵܝܹ̈ܐ ܕܒܐܲܠܵܗܵܐ ܒܵܒܵܐ ܘܒܡܵܪܲܢ ܝܼܫܘܿܥ ܡܫܝܼܚܵܐ؛ ܫܵܦܵܩܲܬ ܥܲܡܵܘܟܼܘܿܢ ܘܫܠܵܡܵܐ. 2ܫܵܟܘܿܪܹܐ ܝܘܵܚ ܠܐܲܠܵܗܵܐ ܒܟܠ ܙܲܒܼܢܵܐ ܣܵܒܵܒ ܕܟܠܵܘܟܼܘܿܢ؛ ܘܡܲܕܟܼܘܿܪܵܘܟܼܘܿܢ ܝܼܘܵܚ ܒܨ̈ܠܵܘܵܬܲܢ؛ 3ܘܒܸܕܟܼܵܪܵܐ ܝܘܵܚ ܕܠܵܐ ܫܠܵܝܬܵܐ ܩܵܕ݇ܡ ܐܲܠܵܗܵܐ ܒܵܒܲܢ ܦܘܼܠܚܵܢܹ̈ܐ ܕܗܲܝܡܵܢܘܼܬܵܘܟܼܘܿܢ؛ ܘܓ̰ܵܦܵܐ ܕܚܘܼܒܵܘܟܼܘܿܢ؛ ܘܚܡܵܠܬܵܐ ܕܗܹܒܼܝܼܵܘܟܼܘܿܢ ܕܒܡܵܪܲܢ ܝܼܫܘܿܥ ܡܫܝܼܚܵܐ؛ 4ܕܒܝܼܕܲܥܝܵܐ ܝܘܵܚ ܓܵܒܵܝܬܵܘܟܼܘܿܢ؛ ܐܵܚܘܿܢܘܵܬܝܼ̈؛ ܡܘܼܚܸܒܹ̈ܐ ܕܐܲܠܵܗܵܐ؛ 5ܕܵܐܟܼܝܼ ܕܡܲܫܚܲܕܬܲܢ ܠܵܐ ܗَܘܹܐܠܵܗ̇ ܠܟܸܣܠܵܘܟܼܘܿܢ ܒܗܹܡܸܙܡܵܢ ܗܲܪ؛ ܐܸܠܵܐ ܐܘܼܦ ܒܚܲܝܠܵܐ؛ ܘܒܪܘܼܚܵܐ ܕܩܘܼܕܫܵܐ؛ ܘܒܗܲܡܲܢܬܵܐ ܬܲܡܵܡ؛ ܐܲܝܟܼ ܕܐܲܚܬܘܿܢ ܒܝܼܕܲܥܝܵܐ ܝܬܘܿܢ ܕܵܐܟܼܝܼ ܗَܘܹܐܠܲܢ ܒܓܵܘܵܘܟܼܘܿܢ ܒܚܵܬܸܪ ܕܝܼܵܘܟܼܘܿܢ. 6ܘܐܲܚܬܘܿܢ ܒܝܼܲܢ ܗ݇ܘܹܠܵܘܟܼܘܿܢ ܕܵܡܝܵܢܹ̈ܐ؛ ܘܒܡܵܪܲܢ؛ ܕܩܘܼܒܸܠܵܘܟܼܘܿܢ ܗܹܡܸܙܡܵܢ ܒܐܘܼܠܨܵܢܵܐ ܓܘܼܪܵܐ؛ ܒܚܲܕܘܼܬܵܐ ܕܪܘܼܚܵܐ ܕܩܘܼܕܫܵܐ؛ 7ܕܵܐܟܼܝܼ ܕܗ݇ܘܹܠܵܘܟܼܘܿܢ ܛܘܼܦ̮ܣܵܐ ܠܟܠܵܝܗܝ ܗܲܡܸܢܵܢܹ̈ܐ ܕܓܵܘ ܡܵܩܹܕܘܿܢܝܼܵܐ ܘܓܵܘ ܐܵܟܼܵܐܝܼܵܐ. 8ܣܵܒܵܒ ܡܸܢܵܘܟܼܘܿܢ ܦܸܫܠܵܗ̇ ܫܡܝܼܥܬܵܐ ܗܹܡܸܙܡܵܢ ܕܡܵܪܲܢ؛ ܐܸܠܵܐ ܓܵܘ ܡܵܩܹܕܘܿܢܝܼܵܐ ܘܐܵܟܼܵܐܝܼܵܐ ܗܲܪ؛ ܐܸܠܵܐ ܒܟܠ ܕܘܼܟܵܐ ܗܲܝܡܵܢܘܼܬܵܘܟܼܘܿܢ ܕܒܲܐܠܵܗܵܐ ܦܠܝܼܛܬܵܐ ܝَܠܵܗ̇؛ ܕܵܐܟܼܝܼ ܕܠܹܐ ܣܵܢܩܵܚ ܕܐܵܡܪܵܚ ܡܸܢܕܝܼ. 9ܣܵܒܵܒ ܐܵܢܝܼ ܗܵܩܘܿܝܹܐ ܝܢܵܐ ܒܵܗ݇ܣܲܢ ܡܘܼܕܝܼ ܐܘܵܪܵܐ ܐܝܼܬ ܗ݇ܘܵܐ ܠܲܢ ܠܟܸܣܠܵܘܟܼܘܿܢ؛ ܘܕܵܐܟܼܝܼ ܕܸܪܵܘܟܼܘܿܢ ܠܟܸܣ ܐܲܠܵܗܵܐ ܡ̣ܢ ܨܵܢܲܡܹ̈ܐ؛ ܕܦܵܠܚܝܼܬܘܿܢ ܠܐܲܠܵܗܵܐ ܚܲܝܵܐ ܘܫܲܪܝܼܪܵܐ؛ 10ܟܲܕ ܣܵܦܪܝܼܬܘܿܢ ܠܒܪܘܼܢܹܗ ܡ̣ܢ ܫܡܲܝܵܐ؛ ܠܝܼܫܘܿܥ؛ ܗ̇ܘ ܕܡܘܼܩܸܡܠܹܗ ܡ̣ܢ ܡܝܼܬܹ̈ܐ؛ ܗ̇ܘ ܕܟܹܐ ܦܵܨܹܐ ܠܲܢ ܡ̣ܢ ܟܲܪܒܵܐ ܕܐܵܬܝܵܐ.