1ܛܘܼܒܵܐ ܕܩܵܒܿܠܝܼܬܘܿܢ ܗَܘܵܘ ܠܝܼ ܚܲܕَܟ̰ܵܐ ܒܦܲܝܟܼܘܼܬܵܐ. ܐܸܠܵܐ ܐܘܼܦ ܩܵܒܠܘܿܢ ܠܝܼ. 2ܣܵܒܵܒ ܒܲܚܘܼܠܹܐ ܝܘܸܢ ܒܝܼܵܘܟܼܘܿܢ ܒܩܲܝܪܲܬ ܕܐܲܠܵܗܵܐ؛ ܣܵܒܵܒ ܕܩܲܡ ܛܵܠܒܸܢܵܘܟܼܘܿܢ ܠܚܲܕَ ܓܲܒܼܪܵܐ؛ ܕܒܬܘܼܠܬܵܐ ܕܟܼܝܼܬܵܐ ܡܲܝܬَܝܸܢܵܘܟܼܘܿܢ ܠܡܫܝܼܚܵܐ. 3ܐܝܼܢܵܐ ܒܸܙܕܲܥܝܵܐ ܝܘܸܢ؛ ܕܩܵܘܡܵܐ ܐܲܝܟܼ ܕܡܘܼܚܠܸܛܠܹܗ ܚܘܼܘܹܐ ܠܚܵܘܵܐ ܒܝܲܕܘܼܥܘܼܬܹܗ؛ ܗܲܕܟܼܵܐ ܦܵܝܫܝܼ ܡܘܼܚܪܸܒܼܹܐ ܚܝܼܵܠܵܘ̈ܟܼܘܿܢ ܡ̣ܢ ܦܫܝܼܛܘܼܬܵܐ ܘܕܸܟܼܝܘܼܬܵܐ ܕܠܟܸܣ ܡܫܝܼܚܵܐ. 4ܣܵܒܵܒ ܐܸܢ ܗ̇ܘ ܕܐܵܬܹܐ ܡܲܟܪܸܙ ܚܲܕَ ܝܼܫܘܿܥ ܐَܚܹܪَܢܵܐ؛ ܗ̇ܘ ܕܐܲܚܢܲܢ ܠܵܐ ܡܘܼܟܪܸܙܠܲܢ؛ ܝܲܢ ܪܘܼܚܵܐ ܐܚܹܪَܬܵܐ ܩܵܒܠܝܼܬܘܿܢ؛ ܗ̇ܝ ܕܠܵܐ ܩܘܼܒܸܠܵܘܟܼܘܿܢ؛ ܝܲܢ ܡܲܫܚܲܕܬܵܐ ܐَܚܹܪَܬܵܐ ܗ̇ܝ ܕܠܵܐ ܩܘܼܒܸܠܵܘܟܼܘܿܢ؛ ܨܦܵܝܝܼ ܡܲܨܝܘܼܬܹܐ ܝܬܘܿܢ. 5ܣܵܒܵܒ ܒܸܚܫܵܒܼܵܐ ܝܘܸܢ ܕܒܟ̰ܘܼ ܡܸܢܕܝܼ ܠܹܐ ܝܘܸܢ ܒܵܨܘܿܪܵܐ ܡ̣ܢ ܫܠܝܼܚܹ̈ܐ؛ ܐܵܢܝܼ ܕܪܵܒܵܐ ܥܸܠܸܠ ܝܼܢܵܐ. 6ܣܵܒܵܒ ܐܵܦܸܢ ܕܢܲܙܵܢ ܝܼܘܸܢ ܒܗܲܡܙܲܡܬܝܼ؛ ܐܸܠܵܐ ܠܵܐ ܒܝܕܹܥܬܝܼ؛ ܐܝܼܢܵܐ ܒܟܠ ܡܸܢܕܝܼ ܦܸܫܠܲܢ ܓܸܠܝܹܐ ܠܟܸܣܠܵܘܟܼܘܿܢ ܓܵܘܵܐ ܕܟܠܵܝܗܝ ܐَܢܵܫܹ̈ܐ. 7ܝܲܢ ܓܢܵܗܵܐ ܥܒܼܸܕܠܝܼ؛ ܕܡܘܼܡܟܸܟܼܵܐܠܝܼ ܓܵܢܝܼ؛ ܕܐܲܚܬܘܿܢ ܦܵܝܫܝܼܬܘܿܢ ܡܘܼܪܡܹܐ؛ ܕܚܘܼܪܵܝܝܼ ܡܘܼܟܪܸܙܠܝܼ ܐܸܠܵܘܟܼܘܿܢ ܡܲܫܚܲܕܬܹܗ ܕܐܲܠܵܗܵܐ؛ 8ܘܥܹܕܵܬܹ̈ܐ ܐَܚܹܪَ̈ܢܹܐ ܣܠܸܒܠܝܼ؛ ܘܫܩܸܠܝܼ ܗܵܩܵܐ (ܡܸܢܵܝܗܝ) ܠܚܸܠܡܲܬ ܕܠܟܸܣܠܵܘܟܼܘܿܢ؛ 9ܘܟܲܕ ܐَܬܹܠܝܼ ܠܟܸܣܠܵܘܟܼܘܿܢ ܘܣܢܝܼܩܘܼܬܵܐ ܐܝܼܬ ܗَܘܵܐ ܠܝܼ؛ ܠܵܐ ܕܪܹܐܠܝܼ ܝܘܼܩܪܵܐ ܥܲܠ ܐَܢܵܫܵܐ؛ ܣܵܒܵܒ ܕܣܢܝܼܩܘܼܬܝܼ ܬܘܼܡܸܡܠܘܿܢ ܐܵܚܘܿܢܘܵܬܹ̈ܐ ܕܐَܬܸܠܘܿܢ ܡ̣ܢ ܡܵܩܹܕܘܿܢܝܼܵܐ؛ ܘܒܟܠ ܡܸܢܕܝܼ ܢܛܸܪܝܼ ܓܵܢܝܼ؛ ܘܒܸܬ ܢܵܛܪܸܢ ܕܠܵܐ ܝܘܼܩܪܵܐ ܥܲܠܵܘܟܼܘܿܢ. 10ܐܲܝܟܼ ܣܲܪܲܣܬܘܼܬܹܗ ܕܡܫܝܼܚܵܐ ܒܝܼܝܼ ܝَܠܵܗ̇؛ ܐܵܗܵܐ ܫܘܼܒܼܗܵܪܵܐ ܠܹܐ ܦܵܝܸܫ ܒܘܼܛܠܵܐ ܒܝܼܝܼ ܒܐܲܬܪ̈ܵܘܵܬܹܐ ܕܐܵܟܼܵܐܝܼܵܐ. 11ܩܵܡܘܿܕܝܼ؛ ܣܵܒܵܒ ܕܠܹܐ ܝܘܸܢ ܡܲܚܘܼܒܵܘܟܼܘܿܢ؛ ܐܲܠܵܗܵܐ ܟܹܐ ܝܲܕܸܥ. 12ܐܝܼܢܵܐ ܐܵܗܵܐ ܕܒܸܥܒܼܵܕܵܐ ܝܘܸܢ؛ ܐܘܼܦ ܒܸܬ ܥܵܒܼܕܸܢ؛ ܕܩܲܛܥܸܢ ܗܲܓ̰ܲܬ ܕܐܵܢܝܼ ܕܒܸܒܲܥܝܵܐ ܝܢܵܐ ܗܲܓ̰ܲܬ؛ ܕܒܗ̇ܘ ܡܸܢܕܝܼ ܕܫܬܲܒܼܗܘܼܪܹܐ ܝܢܵܐ؛ ܦܵܝܫܝܼ ܡܫَܟ̰ܝܼܚܹܐ ܐܲܝܟܼ ܕܝܼܲܢ. 13ܣܵܒܵܒ ܐܵܢܝܼ ܕܗܲܕܟܼܵܐ ܝܢܵܐ؛ ܫܠܝܼܚܹ̈ܐ ܕܵܓܵܠܹ̈ܐ ܝܢܵܐ؛ ܘܦܵܥܠܹ̈ܐ ܦܟ̰ܝܼܠܹ̈ܐ؛ ܘܡܲܕܡܘܼܝܹܐ ܝܢܵܐ ܓܵܢܵܝܗܝ ܠܫܠܝܼܚܹ̈ܐ ܕܡܫܝܼܚܵܐ. 14ܘܠܲܝܬ ܥܵܓ̰ܝܼܒܘܼܬܵܐ؛ ܣܵܒܵܒ ܣܵܛܵܢܵܐ ܒܓܵܢܹܗ ܟܹܐ ܦܵܝܸܫ ܡܘܼܕܡܝܼܵܐ ܒܡܲܠܲܐܟܼܵܐ ܕܒܲܗܪܵܐ. 15ܒܲܣ ܠܹܐ ܝܠܹܗ ܡܸܢܕܝܼ ܓܘܼܪܵܐ ܐܸܢ ܐܘܼܦ ܚܸܠܡܲܬܟܵܪ̈ܘܼܗܝ ܦܵܝܫܝܼ ܡܘܼܕܡܝܹܐ ܒܚܸܠܡܲܬܟܵܪܹ̈ܐ ܕܙܲܕܝܼܩܘܼܬܵܐ؛ ܐܵܢܝܼ ܕܚܲܪܬܵܝܗܝ ܒܸܬ ܗܵܘܝܵܐ ܐܲܝܟܼ ܦܘܼܠܚܵܢܵܝ̈ܗܝ. 16ܐܝܼܢܵܐ ܡܸܢَܕܪܸܫَ ܒܹܐܡܵܪܵܐ ܝܘܸܢ؛ ܐَܢܵܫܵܐ ܠܵܐ ܚܵܫܸܒܼ ܒܵܗَܣܝܼ ܐܲܝܟܼ ܕܢܲܙܵܢ ܝܼܘܸܢ؛ ܘܐܸܢ ܠܵܐ ܐܘܼܦ ܐܲܝܟܼ ܕܠܢܲܙܵܢ ܩܵܒܠܘܿܢ ܠܝܼ؛ ܕܐܘܼܦ ܐܵܢܵܐ ܫܬܲܒܼܗܸܪܸܢ ܚܲܟ̰ܵܐ. 17ܡܸܢܕܝܼ ܕܗܲܡܙܼܘܼܡܹܐ ܝܘܸܢ؛ ܠܹܐ ܝܠܹܗ ܒܡܵܪܲܢ ܗܲܡܙܼܘܼܡܹܐ ܝܘܸܢ؛ ܐܸܠܵܐ ܐܲܝܟܼ ܒܦܲܝܟܼܘܼܬܵܐ؛ ܒܐܵܗܵܐ ܒܸܣܬܵܝܘܼܬܵܐ ܕܫܘܼܒܼܗܵܪܵܐ. 18ܣܵܒܵܒ ܪܵܒܵܐ ܫܬܲܒܼܗܘܼܪܹܐ ܝܢܵܐ ܒܒܸܣܪܵܐ؛ ܘܐܘܼܦ ܐܵܢܵܐ ܒܸܬ ܫܬܲܒܼܗܸܪܸܢ. 19ܣܵܒܵܒ ܟܹܐ ܩܵܒܿܠܝܼܬܘܿܢ ܒܒܵܣܝܼܡܘܼܬܵܐ ܠܐܵܢܝܼ ܕܝܼܢܵܐ ܟܝܼܡ ܚܝܼܵܠ؛ ܟܲܕ ܐܲܚܬܘܿܢ ܥܵܩܸܠܕܵܪܹ̈ܐ ܝܬܘܿܢ. 20ܣܵܒܵܒ ܟܹܐ ܩܵܒܿܠܝܼܬܘܿܢ ܐܸܢ ܐَܢܵܫܵܐ ܙܲܒܛܸܢܵܘܟܼܘܿܢ؛ ܐܸܢ ܐَܢܵܫܵܐ ܐܵܟܼܸܠܵܘܟܼܘܿܢ؛ ܐܸܢ ܐَܢܵܫܵܐ ܫܵܩܸܠ ܡܸܢܵܘܟܼܘܿܢ؛ ܐܸܢ ܐَܢܵܫܵܐ ܡܵܪܸܡ ܓܵܢܹܗ؛ ܐܸܢ ܐَܢܵܫܵܐ ܡܵܚܹܐ ܠܵܘܟܼܘܿܢ ܥܲܠ ܦܵܬܵܐ. 21ܐܲܝܟܼ ܕܠܡܲܒܨܲܪܬܵܐ ܒܸܐܡܵܪܵܐ ܝܘܸܢ؛ ܐܲܝܟܼ ܕܐܲܚܢܲܢ ܙܲܒܘܼܢܹ̈ܐ ܝܘܵܚ ܗَܘܵܘ. ܒܦܲܝܟܼܘܼܬܵܐ ܒܹܐܡܵܪܵܐ ܝܘܸܢ؛ ܕܒܟܠ ܡܸܢܕܝܼ ܕܩܲܫܕܸܪ ܐَܢܵܫܵܐ؛ ܐܘܼܦ ܐܵܢܵܐ ܩܲܫܕܘܼܪܹܐ ܝܘܸܢ. 22ܥܸܒܼܪܵܝܹ̈ܐ ܝܢܵܐ؛ ܐܘܼܦ ܐܵܢܵܐ. ܝܼܣܲܪܵܠܵܝܹܐ ܝܢܵܐ؛ ܐܘܼܦ ܐܵܢܵܐ. ܙܲܪܥܹܗ ܕܐܲܒܼܪܵܗܵܡ ܝܼܢܵܐ؛ ܐܘܼܦ ܐܵܢܵܐ. 23ܚܸܠܡܲܬܟܵܪܹ̈ܐ ܕܡܫܝܼܚܵܐ ܝܢܵܐ؛ ܒܒܵܨܘܿܪܘܼܬܵܐ ܕܚܝܼܵܠ ܒܹܐܡܵܪܵܐ ܝܘܸܢ؛ ܙܵܘܕܵܐ ܡܸܢܵܝܗܝ ܐܵܢܵܐ؛ ܒܓ̰ܵܦܹ̈ܐ ܙܵܘܕܵܐ؛ ܒܡܲܚܘܵܬܹ̈ܐ ܙܵܘܕܵܐ؛ ܓܵܘ ܒܹܝܬ ܐܲܣܝܼܪܹ̈ܐ ܙܵܘܕܵܐ؛ ܒܡܵܘܬܹ̈ܐ ܪܵܒܵܐ ܓܵܗܹ̈ܐ. 24ܡ̣ܢ ܝܗَܘܼܕܵܝܹ̈ܐ ܚܲܡܸܫ ܓܵܗܹ̈ܐ ܐܲܪܒܥܝܼ ܐܲܪܒܥܝܼ (ܩܲܝܣܸ̈ܐ)؛ ܚܲܕَ ܒܵܨܘܿܪܵܐ؛ ܩܘܼܒܸܠܝܼ. 25ܬܠܵܬَ ܓܵܗܹ̈ܐ ܒܩܵܛ̈ܝܹܐ ܦܸܫܠܝܼ ܡܸܚܝܵܐ؛ ܚܕܵܐ ܓܵܗܵܐ ܦܸܫܠܝܼ ܪܓ̰ܝܼܡܵܐ؛ ܬܠܵܬَ ܓܵܗܹ̈ܐ ܗَܘܹܐܠܝܼ ܒܬܒܼܵܪܬܵܐ ܕܓܵܡܝܼ؛ ܘܠܲܝܠܹܐ ܘܐܝܼܡܵܡܵܐ ܡܘܼܥܒܼܸܪܝܼ ܒܥܘܼܡܩܵܐ؛ 26ܒܐܘܼܪ̈ܚܵܬܹܐ ܪܵܒܵܐ ܓܵܗܹ̈ܐ؛ ܒܩܹܘܲܢܕܹܢܘܿܣܹ̈ܐ ܕܢܲܗܪܵܘܵܬܹܐ؛ ܒܩܹܘܲܢܕܹܢܘܿܣܹ̈ܐ ܕܓ̰ܵܠܵܠܝܹ̈ܐ؛ ܒܩܹܘܲܢܕܹܢܘܿܣܹ̈ܐ ܕܡ̣ܢ ܒܩܹܘܲܢܕܹܢܘܿܣܹ̈ܐ ܕܡ̣ܢܡܸܠܲܬܝܼ؛ ܒܩܹܘܲܢܕܹܢܘܿܣܹ̈ܐ ܕܡ̣ܢ ܛܵܝܸܦܹ̈ܐ؛ ܒܩܹܘܲܢܕܹܢܘܿܣܹ̈ܐ ܓܵܘ ܡܕܝܼܢَܬܵܐ؛ ܒܩܹܘܲܢܕܹܢܘܿܣܹ̈ܐ ܓܵܘ ܒܲܪܝܼܵܐ؛ ܒܩܹܘܲܢܕܹܢܘܿܣܹ̈ܐ ܓܵܘ ܝܵܡܵܐ؛ ܒܩܹܘܲܢܕܹܢܘܿܣܹ̈ܐ ܓܵܘ ܐܵܚܘܿܢܘܵܬܹ̈ܐ ܕܵܓܵܠܹ̈ܐ؛ 27ܒܓ̰ܵܦܵܐ ܘܒܓ̰ܵܗَܝܬܵܐ؛ ܒܫܵܗܲܪܬܵܐ ܪܵܒܵܐ ܓܵܗܹ̈ܐ؛ ܒܟܸܦܢܵܐ ܘܒܨܵܗَܘܵܐ؛ ܒܨܵܘܡܵܐ ܪܵܒܵܐ ܓܵܗܹ̈ܐ؛ ܒܩܲܪܬܵܐ ܘܒܫܘܼܠܚܵܝܘܼܬܵܐ. 28ܫܒܼܘܿܩ ܡ̣ܢ ܡܸܢܕܝܼܵܢܹ̈ܐ ܕܠܒܲܕܲܪ؛ ܚܠܵܨܬܵܐ ܕܥܲܠܝܼ ܕܟܠ ܝܘܿܡ؛ ܚܲܡܝܼ ܕܥܲܠ ܟܠܵܝܗܝ ܥܹܕܵܬܹ̈ܐ. 29ܡܵܢܝܼ ܝܠܹܗ ܙܲܒܘܼܢ؛ ܘܐܵܢܵܐ ܠܹܐ ܝܘܸܢ ܙܲܒܘܼܢ؛ ܡܵܢܝܼ ܦܝܵܫܵܐ ܝܠܹܗ ܡܘܼܟܦܸܪܵܐ؛ ܘܐܵܢܵܐ ܠܹܐ ܝܘܸܢ ܒܸܩܝܵܕܵܐ؛ 30ܘܐܸܢ ܘܵܓ̰ܸܒ ܝܼܠܵܗ̇ ܕܫܬܲܒܼܗܸܪܸܢ؛ ܥܲܠ ܙܲܒܘܼܢܘܼܝܵܬܝܼ̈ ܒܸܬ ܫܬܲܒܼܗܸܪܸܢ. 31ܐܲܠܵܗܵܐ ܒܵܒܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܒܘܼܪܟܼܵܐ ܕܗܲܠ ܥܵܠܲܡ ܥܵܠܡܝܼܢ؛ ܒܝܲܕܲܥܝܵܐ ܝܠܹܗ؛ ܕܠܹܐ ܝܘܸܢ ܕܵܓܘܿܠܹܐ. 32ܒܕܲܪܡܣܘܿܩ؛ ܣܲܪܕܵܪ ܕܐܵܪܹܛܘܿܣ ܡܲܠܟܵܐ ܒܸܢܛܵܪܵܐ ܗَܘܵܐ ܡܕܝܼܢَܬܵܐ ܕܕܲܪܡܘܼܣܩܵܝܹܐ؛ ܠܸܕܒܼܵܩܝܼ؛ 33ܘܡ̣ܢ ܟܵܘܹܐ ܒܩܸܪܛܵܠܵܐ ܩܲܡ ܟ̰ܲܢܒܸܠܝܼ ܠܝܼ ܡ̣ܢ ܫܘܼܪܵܐ؛ ܘܚܠܸܨܠܝܼ ܡ̣ܢ ܐܝܼܕܘܼ̈ܗܝ.