1ܣܵܒܵܒ ܒܝܼܕܲܥܝܵܐ ܝܘܵܚ ܕܐܸܢ ܒܲܝܬܲܢ ܕܒܐܲܪܥܵܐ ܐܵܗܵܐ ܕܡܵܫܸܟܢܵܐ ܦܵܝܸܫ ܣܬܝܼܪܵܐ؛ ܐܝܼܢܵܐ ܐܝܼܬ ܠܲܢ ܒܸܢܝܵܢܵܐ ܕܡ̣ܢ ܐܲܠܵܗܵܐ؛ ܒܲܝܬܵܐ ܠܵܐ ܒܦܘܼܠܚܵܢܵܐ ܕܐܝܼܕܵܬܹ̈ܐ؛ ܒܫܡܲܝܵܐ ܠܥܵܠܲܡ. 2ܣܵܒܵܒ ܐܘܼܦ ܒܐܵܗܵܐ ܬܵܢܘܿܚܹܐ ܝܘܵܚ؛ ܘܫܲܗَܘܘܼܬܹܐ ܝܘܵܚ ܕܦܵܝܫܵܚ ܡܘܼܠܒܸܫܹܐ ܒܲܝܬܲܢ ܕܡ̣ܢ ܫܡܲܝܵܐ؛ 3ܩܵܘܡܵܐ ܐܸܢ ܦܵܝܫܵܚ ܡܘܼܠܒܸܫܹܐ؛ ܠܹܐ ܦܵܝܫܵܚ ܡܘܼܫَܟ̰ܚܹܐ ܫܘܼܠܚܵܝܹ̈ܐ. 4ܣܵܒܵܒ ܐܲܚܢܲܢ ܕܝܼܘܵܚ ܒܐܵܗܵܐ ܡܵܫܸܟܢܵܐ ܬܵܢܘܿܚܹܐ ܝܘܵܚ ܡ̣ܢ ܝܘܼܩܪܹܗ؛ ܠܵܐ ܕܒܸܒܲܥܝܵܐ ܝܘܵܚ ܠܸܦܝܵܫܵܐ ܫܘܼܠܚܹܐ؛ ܐܸܠܵܐ ܕܦܵܝܫܵܚ ܡܘܼܠܒܸܫܹܐ؛ ܕܦܵܝܫܵܐ ܒܠܥܝܼܬܵܐ ܡܝܼܬܘܼܬܹܗ ܒܚܲܝܹ̈ܐ. 5ܘܗ̇ܘ ܕܗܘܼܕܪܲܢ ܝܼܠܹܗ ܗܲܪ ܠܐܵܗܵܐ؛ ܝܠܹܗ؛ ܗ̇ܘ ܕܝܘܼܗَܒܲܢ ܝܼܠܹܗ ܓܸܪܵܘ ܕܪܘܼܚܹܗ. 6ܗܲܕܟܼܵܐ ܕܵܝܸܡ ܡܵܪܹ̈ܐ ܗܹܒܼܝܼ ܝܘܵܚ؛ ܘܒܝܼܕܲܥܝܵܐ ܝܘܵܚ ܕܟܡܵܐ ܕܒܦܲܓܼܪܵܐ ܥܡܝܼܪܹܐ ܝܘܵܚ؛ ܪܸܚܩܵܐ ܝܘܵܚ ܡ̣ܢ ܡܵܪܲܢ؛ 7ܣܵܒܵܒ ܒܗܲܝܡܵܢܘܼܬܵܐ ܒܸܚܕܵܪܵܐ ܝܘܵܚ؛ ܘܠܵܐ ܒܚܙܵܝܬܵܐ؛ 8ܡܵܪܹ̈ܐ ܗܹܒܼܝܼ ܝܘܵܚ؛ ܘܟܹܐ ܒܵܣܡܵܐ ܠܲܢ ܕܙܵܘܕܵܐ ܗܵܘܵܚ ܪܸܚܩܵܐ ܡ̣ܢ ܦܲܓܼܪܵܐ؛ ܘܥܡܝܼܪܹܐ ܠܟܸܣ ܡܵܪܲܢ. 9ܣܵܒܵܒ ܕܐܵܗܵܐ ܚܵܒܘܿܛܹܐ ܝܘܵܚ؛ ܕܐܸܢ ܥܡܝܼܪܹܐ ܝܘܵܚ ܝܲܢ ܪܸܚܩܵܐ؛ ܐܸܠܹܗ ܗܵܘܵܚ ܒܸܫܦܵܪܵܐ. 10ܣܵܒܵܒ ܘܵܓ̰ܸܒ ܝܼܠܵܗ̇ ܠܟܠܲܢ ܕܦܵܝܫܵܚ ܚܸܙܝܹܐ ܩܵܕَܡ ܟܘܼܪܣܝܵܐ ܕܕܝܼܘܵܢ ܕܡܫܝܼܚܵܐ؛ ܕܦܵܝܸܫ ܦܸܪܥܝܵܐ ܟܠ ܐَܢܵܫܵܐ ܡܸܢܕܝܵܢܹ̈ܐ ܕܒܦܲܓܼܪܹܗ؛ ܐܲܝܟܼ ܕܗܵܘܹܐ ܥܒܼܝܼܕܵܐ؛ ܐܸܢ ܕܛܵܒܼܵܐ ܝܲܢ ܕܒܝܼܫܵܐ. 11ܒܲܣ ܣܵܒܵܒ ܕܒܝܼܕܲܥܝܵܐ ܝܘܵܚ ܙܕܘܼܥܬܹܗ ܕܡܵܪܲܢ؛ ܠܒܢܲܝ̈ܢܵܫܵܐ ܒܸܥܒܼܵܕܵܐ ܝܘܵܚ ܕܗܲܡܸܢܝܼ؛ ܐܝܼܢܵܐ ܠܐܲܠܵܗܵܐ ܦܝܼܫܹܐ ܝܘܵܚ ܓܸܠܝܹܐ؛ ܘܒܗܹܒܼܝܼ ܝܘܸܢ ܕܐܘܼܦ ܠܐܸܢܝܲܬܹ̈ܐ ܕܝܵܘܟܼܘܿܢ ܦܝܼܫܹܐ ܝܘܵܚ ܓܸܠܝܹܐ. 12ܣܵܒܵܒ ܠܹܐ ܝَܠܵܗ̇ ܡܸܢَܕܪܸܫَ ܓܵܢܲܢ ܒܸܚܩܵܪܵܐ ܝܘܵܚ ܐܸܠܵܘܟܼܘܿܢ؛ ܐܸܠܵܐ ܒܝܼܵܗَܒܼܵܐ ܝܘܵܚ ܐܸܠܵܘܟܼܘܿܢ ܗܲܓ̰ܲܬ ܕܫܘܼܒܼܗܵܪܵܐ ܒܘܼܬ ܕܝܼܲܢ؛ ܕܗܵܘܹܐ ܠܵܘܟܼܘܿܢ (ܠܓ̰ܵܘܘܼܒܹܐ) ܠܐܵܢܝܼ ܕܒܸܥܒܼܵܕܵܐ ܝܢܵܐ ܫܘܼܒܼܗܵܪܵܐ ܒܦܵܬܵܐ ܘܠܵܐ ܒܠܸܒܵܐ. 13ܣܵܒܵܒ ܐܸܢ ܫܘܼܕܸܢܹܐ ܝܘܵܚ؛ ܠܐܲܠܵܗܵܐ؛ ܘܐܸܢ ܗܵܘܢܲܢ ܨܵܚ ܝܼܠܹܗ؛ ܐܸܠܵܘܟܼܘܿܢ. 14ܣܵܒܵܒ ܚܘܼܒܹܗ ܕܡܫܝܼܚܵܐ ܡܲܠܝܘܼܨܲܢ ܝܼܠܹܗ؛ ܕܒܸܚܫܵܒܼܵܐ ܝܘܵܚ ܐܵܗܵܐ؛ ܕܚܲܕَ ܡܒܵܕܵܠ ܕܟܠ ܐَܢܵܫܵܐ ܒܲܣ ܟܠ ܐَܢܵܫܵܐ ܡܝܼܬܠܹܗ. 15ܘܡܒܵܕܵܠ ܕܟܠ ܐَܢܵܫܵܐ ܗ̇ܘ ܡܝܼܬܠܹܗ؛ ܕܐܵܢܝܼ ܕܚܵܝܹ̈ܐ ܝܢܵܐ؛ ܐَܚܹܪَܢܵܐ ܠܵܐ ܚܲܝܝܼ ܠܓܵܢܵܝܗܝ؛ ܐܸܠܵܐ ܠܗ̇ܘ ܕܒܚܵܬܸܪ ܕܝܼܵܝܗܝ ܡܝܼܬܠܹܗ ܘܩܸܡܠܹܗ. 16ܘܡܵܐܕܝܼܵܐ؛ ܐܲܚܢܲܢ ܠܐَܢܵܫܵܐ ܒܦܲܓܼܪܵܐ ܠܹܐ ܝܘܵܚ ܒܝܼܕܲܥܝܵܐ؛ ܘܐܸܢ ܝܕܸܥܠܲܢ ܠܡܫܝܼܚܵܐ ܒܦܲܓܼܪܵܐ؛ ܐܸܠܵܐ ܡܐܵܕܝܼܵܐ ܠܹܐ ܝܘܵܚ ܒܝܼܕܲܥܝܵܐ (ܐܸܠܹܗ ܗܵܕܵܐ). 17ܗܲܕܟܼܵܐ ܐܸܢ ܐَܢܵܫܵܐ ܒܡܫܝܼܚܵܐ ܝܠܹܗ؛ ܒܪܝܼܬܵܐ ܚܲܕܬܵܐ ܝܠܹܗ. ܫܘܼܠܹ̈ܐ ܥܵܬܝܼܩܹ̈ܐ ܥܒܸܪܘܿܢ؛ ܗܵܐ؛ ܟܠ ܡܸܢܕܝܼ ܗَܘܹܐ ܠܹܗ ܚܵܕَܬܵܐ. 18ܘܟܠ ܡܸܢܕܝܼ ܡ̣ܢ ܐܲܠܵܗܵܐ ܝܠܹܗ؛ ܗ̇ܘ ܕܩܲܡ ܣܲܙܓܸܪܲܢ ܥܲܡ ܓܵܢܹܗ ܒܡܫܝܼܚܵܐ؛ ܘܝܘܼܗَܒܸܠܹܗ ܐܸܠܲܢ ܚܸܠܡܲܬ ܕܣܲܙܓܲܪܬܵܐ؛ 19ܝܲܥܢܹܐ؛ ܕܐܲܠܵܗܵܐ ܒܡܫܝܼܚܵܐ ܗَܘܵܐ ܣܲܙܓܘܼܪܹܐ؛ ܠܥܵܠܡܵܐ ܥܲܡ ܓܵܢܹܗ؛ ܘܠܵܐ ܚܘܼܫܒܸܢܹܗ ܐܸܠܵܝܗܝ ܓܢܵܗܵܝ̈ܗܝ؛ ܘܡܘܼܬܸܒܼܠܹܗ ܒܝܼܲܢ ܗܹܡܸܙܡܵܢ ܕܣܲܙܓܲܪܬܵܐ. 20ܒܲܣ ܐܝܼܙܓܲܕܹܐ ܝܘܵܚ ܒܚܵܬܸܪ ܕܡܫܝܼܚܵܐ؛ ܐܲܝܟܼ ܕܐܲܠܵܗܵܐ ܦܲܪܦܘܼܠܹܐ ܒܝܼܵܘܟܼܘܿܢ ܒܐܝܼܕܲܢ؛ ܡ̣ܢ ܓܹܒܵܐ ܕܡܫܝܼܚܵܐ ܢܵܘܢܘܿܝܹܐ ܝܘܵܚ؛ ܣܲܙܓܸܪܘܿܢ ܥܲܡ ܐܲܠܵܗܵܐ. 21ܣܵܒܵܒ ܕܠܗ̇ܘ ܕܠܵܐ ܝܕܸܥܠܹܗ ܚܛܝܼܬܵܐ؛ ܒܚܵܬܸܪ ܕܝܼܲܢ ܥܒܼܸܕܠܹܗ ܚܛܝܼܬܵܐ؛ ܕܐܲܚܢܲܢ ܗܵܘܵܚ ܒܝܹܗ ܙܲܕܝܼܩܘܼܬܵܐ ܕܐܲܠܵܗܵܐ.