1ܘܐܲܝܟܼ ܦܵܠܵܚܹ̈ܐ (ܕܥܲܡܹܗ) ܦܲܪܦܘܼܠܹܐ ܝܘܵܚ ܒܝܼܵܘܟܼܘܿܢ؛ ܕܠܵܐ ܩܵܒܿܠܝܼܬܘܿܢ ܗܵܒܵܣ ܫܵܦܵܩܲܬ ܕܐܲܠܵܗܵܐ. 2ܣܵܒܵܒ ܕܐَܡܝܼܪܹܗ؛ ܒܙܲܒܼܢܵܐ ܡܲܩܒܘܼܠ ܩܲܡ ܓ̰ܲܘܸܒܸܢܘܼܟ؛ ܘܒܝܵܘܡܵܐ ܕܦܘܼܪܩܵܢܵܐ ܩܲܡ ܗܲܝܸܪܸܢܘܼܟ؛ ܗܵܐ؛ ܐܵܕܝܼܵܐ ܙܲܒܼܢܵܐ ܡܲܩܒܘܼܠ؛ ܘܗܵܐ؛ ܐܵܕܝܼܵܐ ܝܵܘܡܵܐ ܕܦܘܼܪܩܵܢܵܐ. 3ܠܵܐ ܗَܘܹܐ ܕܒܡܸܢܕܝܼ ܝܵܗَܒܼܝܼܬܘܿܢ ܗܲܓ̰ܲܬ ܕܬܲܪܩܲܠܬܵܐ؛ ܕܠܵܐ ܗܵܘܹܐ ܠܵܘܡܵܐ ܒܚܸܠܡܲܬܲܢ؛ 4ܐܸܠܵܐ ܒܟܠ ܡܸܢܕܝܼ ܡܲܚܫܸܚܵܚ ܓܵܢܲܢ ܐܲܝܟܼ ܚܸܠܡܲܬܟܵܪܹ̈ܐ ܕܐܲܠܵܗܵܐ؛ ܒܚܡܵܠܬܵܐ ܪܵܒܵܐ؛ ܒܐܘܼܠܨܵܢܹ̈ܐ؛ ܒܐܵܢܵܢܩܘܿܣ؛ ܒܥܸܩܘܼܘܹ̈ܐ؛ 5ܒܓ̰ܘܼܢܓ̰ܵܪܹ̈ܐ؛ ܒܝܸܣܘܼܪܹ̈ܐ؛ ܒܫܓܼܘܼܫܝܹ̈ܐ؛ ܒܓ̰ܵܦܹ̈ܐ؛ ܒܫܵܗܲܪܝܵܬܹܐ؛ ܒܨܵܘܡܹ̈ܐ؛ 6ܒܕܸܟܼܝܘܼܬܵܐ؛ ܒܝܕܹܥܬܵܐ؛ ܒܡܲܪܝܲܟܼܬܵܐ ܕܒܹܢܵܐ؛ ܒܒܵܣܝܼܡܘܼܬܵܐ؛ ܒܪܘܼܚܵܐ ܕܩܘܼܕܫܵܐ؛ ܒܚܘܼܒܵܐ ܕܠܵܐ ܦܸܠܡܵܐ؛ 7ܒܗܹܡܸܙܡܵܢ ܕܣܲܪܲܣܬܘܼܬܵܐ؛ ܒܚܲܝܠܵܐ ܕܐܲܠܵܗܵܐ؛ ܒܟ̰ܲܟܵܐ ܕܙܲܕܝܼܩܘܼܬܵܐ ܕܒܝܲܡܝܼܢܵܐ ܘܒܣܸܡܵܠܵܐ؛ 8ܒܚܩܵܪܬܵܐ ܘܒܒܹܨܘܿܪܘܼܬܵܐ؛ ܒܚܸܩܪܵܐ ܘܒܠܵܘܡܵܐ؛ ܐܲܝܟܼ ܡܲܚܠܸܛܵܢܹ̈ܐ ܘܫܲܪܝܼܪܹ̈ܐ؛ 9ܐܲܝܟܼ ܠܵܐ ܝܕܸܥܝܹܐ؛ ܘܝܕܸܥܝܹܐ؛ ܐܲܝܟܼ ܒܸܡܝܵܬܵܐ؛ ܘܗܵܐ؛ ܚܵܝܹ̈ܐ ܝܘܵܚ؛ ܐܲܝܟܼ ܕܦܝܵܫܵܐ ܬܘܼܥܠܡܹܐ؛ ܘܠܵܐ ܡܘܼܡܝܸܬܹܐ؛ 10ܐܲܝܟܼ ܕܦܫܝܼܡܹܐ؛ ܘܒܟܠ ܥܕܵܢܵܐ ܒܸܚܕܵܝܵܐ؛ ܐܲܝܟܼ ܡܸܣܟܹܢܹ̈ܐ؛ ܘܠܪܵܒܵܐ ܒܸܥܒܼܵܕܵܐ ܕܵܘܠܲܬܡܲܢܕܹ̈ܐ؛ ܐܲܝܟܼ ܕܡܸܢܕܝܼ ܠܲܝܬ ܠܲܢ؛ ܘܡܵܪܹ̈ܐ ܟܠ ܡܸܢܕܝܼ. 11ܦܘܼܡܲܢ ܦܬܝܼܚܵܐ ܝܠܹܗ ܠܟܸܣܠܵܘܟܼܘܿܢ؛ ܝܵܐ ܩܘܿܪ̈ܲܢܬܵܝܹܐ؛ ܘܠܸܒܲܢ ܡܘܼܦܬܝܼܵܐ ܝܠܹܗ. 12ܠܹܐ ܝܬܘܿܢ ܡܘܼܠܝܸܨܹܐ ܒܝܼܲܢ؛ ܐܝܼܢܵܐ ܡܘܼܠܝܸܨܹܐ ܝܬܘܿܢ ܒܪ̈ܲܚܡܵܘܟܼܘܿܢ. 13ܐܝܼܢܵܐ ܗܲܪ ܒܗ̇ܘ ܦܘܼܪܥܵܢܵܐ؛ ܐܲܝܟܼ ܕܠܒܢܘܼܢܹ̈ܐ ܒܸܐܡܵܪܵܐ ܝܘܸܢ؛ ܐܘܼܦ ܐܲܚܬܘܿܢ ܗَܘܹܐܡܘܿܢ ܡܘܼܦܬܝܹܐ. 14ܘܠܵܐ ܗܵܘܝܼܬܘܿܢ ܙܵܘܓܵܐ ܥܲܡ ܕܐܵܢܝܼ ܕܠܹܐ ܝܢܵܐ ܗܘܼܡܸܢܹܐ؛ ܣܵܒܵܒ ܡܘܼܕܝܼ ܫܵܘܬܵܦܘܼܬܵܐ ܐܝܼܬ ܠܙܲܕܝܼܩܘܼܬܵܐ ܥܲܡ ܥܵܘܠܵܐ؛ ܝܲܢ ܡܘܼܕܝܼ ܫܵܪܝܼܟܘܼܬܵܐ ܐܝܼܬ ܠܒܲܗܪܵܐ ܥܲܡ ܚܘܼܒܼܝܵܐ؛ 15ܝܲܢ ܡܘܼܕܝܼ ܬܒܵܥܝܬܵܐ ܐܝܼܬ ܠܡܫܝܼܚܵܐ ܥܲܡ ܣܵܛܵܢܵܐ؛ ܝܲܢ ܡܘܼܕܝܼ ܣܵܡܵܐ ܐܝܼܬ ܠܗ̇ܘ ܕܝܼܠܹܗ ܗܘܼܡܸܢܵܐ؛ ܥܲܡ ܕܗ̇ܘ ܕܠܹܐ ܝܠܹܗ ܗܘܼܡܸܢܵܐ؛ 16ܐܝܼܢܵܐ ܡܘܼܕܝܼ ܣܵܙܓܵܪܘܼܬܵܐ ܐܝܼܬ ܠܗܲܝܟܠܹܗ ܕܐܲܠܵܗܵܐ ܥܲܡ ܨܵܢܲܡܹ̈ܐ؛ ܣܵܒܵܒ ܐܲܚܬܘܿܢ ܗܲܝܟܠܵܐ ܕܐܲܠܵܗܵܐ ܚܲܝܵܐ ܝܬܘܿܢ؛ ܕܵܐܟܼܝܼ ܕܐَܡܝܼܪܵܐ ܝܠܹܗ ܐܲܠܵܗܵܐ؛ ܒܸܬ ܥܵܡܪܸܢ ܓܵܘܵܝܗܝ؛ ܘܒܸܬ ܚܵܕܪܸܢ ܓܵܘܵܝܗܝ؛ ܘܒܸܬ ܗܵܘܹܝܢ ܐܸܠܵܝܗܝ ܐܲܠܵܗܵܐ؛ ܘܐܵܢܝܼ ܒܸܬ ܗܵܘܝܼ ܐܸܠܝܼ ܛܵܝܸܦܵܐ. 17ܣܵܒܵܒ ܕܐܵܗܵܐ؛ ܦܠܘܿܛܘܿܢ ܡ̣ܢ ܓܵܘܵܝܗܝ؛ ܘܗَܘܹܐܡܘܿܢ ܦܪܝܼܫܹܐ ܡܸܢܵܝܗܝ؛ ܒܹܐܡܵܪܵܐ ܝܠܹܗ ܡܵܪܝܵܐ؛ ܘܒܛܲܡܹ̈ܐܐ ܠܵܐ ܕܵܩܪܝܼܬܘܿܢ؛ ܘܐܵܢܵܐ ܒܸܬ ܩܵܒܠܸܢܵܘܟܼܘܿܢ؛ 18ܘܒܸܬ ܗܵܘܹܝܢ ܐܸܠܵܘܟܼܘܿܢ ܒܵܒܵܐ؛ ܘܐܲܚܬܘܿܢ ܒܸܬ ܗܵܘܝܼܬܘܿܢ ܐܸܠܝܼ ܒܢܘܼܢܹ̈ܐ ܘܒܢܵܬܹ̈ܐ؛ ܒܹܐܡܵܪܵܐ ܝܠܹܗ ܡܵܪܝܵܐ ܐܲܚܝܼܕ ܟܠ.