1ܣܵܒܵܒ ܕܐܵܗܵܐ ܫܵܒܼܩܵܚ ܗܹܡܸܙܡܵܢ ܕܫܘܼܪܵܝܵܐ ܕܡܫܝܼܚܵܐ؛ ܘܐܵܬܵܚ ܠܟܵܡܝܼܠܘܼܬܵܐ؛ ܟܲܕ ܠܵܐ ܡܸܢَܕܪܸܫَ ܫܲܬܸܐܣܬܵܐ ܐَܑܚܹܪ݇ܬܵܐ ܕܵܪܵܚ ܠܬܝܵܒܼܘܼܬܵܐ ܡ̣ܢ ܦܘܼܠܚܵܢܹ̈ܐ ܡܝܼܬܹ̈ܐ؛ ܘܠܗܲܝܡܵܢܘܼܬܵܐ ܕܒܐܲܠܵܗܵܐ؛ 2ܘܠܝܘܼܠܦܵܢܵܐ ܕܡܲܥܡܘܿܕܝܼܬܵܐ؛ ܘܠܡܲܬܲܒܼܬܵܐ ܕܐܝܼܕܵܐ؛ ܘܠܩܝܵܡܬܵܐ ܕܡ̣ܢ ܡܝܼܬܹ̈ܐ؛ ܘܠܕܝܼܘܵܢ ܕܠܥܵܠܲܡ. 3ܐܸܢ ܐܲܠܵܗܵܐ ܝܵܗ݇ܒܸܠ ܕܲܣܬܘܼܪ؛ ܐܵܗܵܐ ܒܸܬ ܥܵܒܼܕܵܚ. 4ܣܵܒܵܒ ܐܵܢܝܼ ܕܚܕܵܐ ܓܵܗܵܐ ܦܸܫܠܗَܘܿܢ ܒܘܼܗ݇ܪܸܢܹܐ؛ ܘܛܥܸܡܠܘܿܢ ܚܲܠܥܲܬ ܕܡ̣ܢ ܫܡܲܝܵܐ؛ ܘܗَܘܹܐ ܠܵܗ̇ ܠܗ݇ܘܿܢ ܫܵܪܝܼܟܘܼܬܵܐ ܡ̣ܢ ܪܘܼܚܵܐ ܕܩܘܼܕܫܵܐ؛ 5ܘܛܥܸܡܠܘܿܢ ܗܹܡܸܙܡܵܢ ܛܵܒܼܬܵܐ ܕܐܲܠܵܗܵܐ؛ ܘܚܲܝ̈ܠܹܐ ܕܥܵܠܡܵܐ ܕܐܵܬܹ̈ܐ؛ 6ܘܢܵܦܠܝܼ؛ ܠܹܐ ܡܵܨܝܵܐ ܕܡܸܢ݇ܕܪܸܫ ܠܚܲܕܘܼܬܵܝܗܝ ܠܬܝܵܒܼܘܼܬܵܐ؛ ܟܲܕ ܙܵܩܦܝܼ ܡܸܢ݇ܕܪܸܫَ ܠܒܪܘܼܢܹܗ ܕܐܲܠܵܗܵܐ ܠܓܵܢܵܝܗܝ ܘܥܵܒܼܕܝܼ ܠܹܗ ܒܹܨܘܼܪ. 7ܣܵܒܵܒ ܐܲܪܥܵܐ ܕܫܵܬܝܵܐ ܡܸܛܪܵܐ ܕܐܵܬܝܵܐ ܥܲܠܘܼܗ̇ ܪܵܒܵܐ ܓܵܗܹ̈ܐ؛ ܘܡܲܓ̰ܝܸܢܵܐ ܝܸܩܢܵܐ ܕܚܵܫܸܚ ܠܐܵܢܝܼ ܕܒܚܵܬܸܪܵܝ ܦܝܵܫܵܐ ܝَܠܵܗ̇ ܦܠܝܼܚܬܵܐ؛ ܟܹܐ ܩܵܒ݁ܠܵܐ ܒܘܼܪܟܬܵܐ ܡ̣ܢ ܐܲܠܵܗܵܐ؛ 8ܐܝܼܢܵܐ ܐܸܢ ܦܵܠܛܵܐ ܩܝܼܘܵܪܹ̈ܐ ܘܟܸܬܘܹ̈ܐ؛ ܟܹܐ ܦܵܝܫܵܐ ܡܘܼܣܠܝܼܬܵܐ؛ ܘܠܵܐ ܪܸܚܩܵܐ ܡ̣ܢ ܠܵܘܛܬܵܐ ܝَܠܵܗ̇؛ ܕܚܲܪܬܘܼܗ̇ ܝܩܝܵܕܵܐ ܝَܠܵܗ̇. 9ܐܝܼܢܵܐ ܗܲܪ ܗܘܼܡܸܢܹܐ ܝܘܵܚ ܒܵܗ݇ܣ ܕܝܼܵܘܟܼܘܿܢ؛ ܡܘܼܚܸܒܝܼ̈؛ ܐܵܢܝܼ ܡܸܢܕܝܼܵܢܹ̈ܐ ܕܒܘܼܫ ܫܵܦܝܼܪܹ̈ܐ؛ ܘܕܐܝܼܬ ܠܗ݇ܘܿܢ ܩܘܼܪܒܘܼܬܵܐ ܠܦܘܼܪܩܵܢܵܐ؛ ܐܵܦܸܢ ܗܲܕܟܼܵܐ ܗܲܡܙܘܼܡܹܐ ܝܘܵܚ. 10ܣܵܒܵܒ ܠܹܐ ܝܠܹܗ ܢܵܐܗܲܩ ܐܲܠܵܗܵܐ ܕܢܵܫܹܐ ܦܘܼܠܚܵܢܘܟܼܘܿܢ ܗ̇ܘ ܕܡܘܼܚܙܹܠܵܘܟܼܘܿܢ ܒܫܸܡܹܗ؛ ܕܥܒܸܕܠܵܘܟܼܘܿܢ ܚܸܠܡܲܬ ܠܩܲܕܝܼܫܹ̈ܐ؛ ܘܒܸܥܒܼܵܕܵܐ ܝܬܘܿܢ ܚܸܠܡܲܬ. 11ܐܝܼܢܵܐ ܒܸܒܲܥܝܵܐ ܝܘܵܚ ܕܟܠ ܐ݇ܢܵܫܐ ܡܸܢܵܘܟܼܘܿܢ ܗܲܪ ܐܵܗܵܐ ܚܵܒܵܛܘܼܬܵܐ ܡܲܚܙܹܐ ܠܬܲܡܵܡܵܬܘܼܬܵܐ ܕܗܹܒܼܝܼ ܗܲܠ ܚܲܪܬܵܐ؛ 12ܕܠܵܐ ܗܵܘܝܬܘܿܢ ܡܲܟܣܸܠܵܢܹ̈ܐ؛ ܐܸܠܵܐ ܕܗܵܘܝܼܬܘܿܢ ܕܵܡܝܵܢܹ̈ܐ ܠܐܵܢܝܼ ܕܒܗܲܝܡܵܢܘܼܬܵܐ ܘܒܡܲܪܝܲܟܼܬܵܐ ܕܒܹܢܵܐ ܗ݇ܘܹܠܘܿܢ ܝܵܪ̈ܬܵܢܹܐ ܕܩܵܘܠܵܐ. 13ܣܵܒܵܒ ܐܝܼܡܲܢ ܕܩܘܼܘܸܠܹܐ ܐܲܠܵܗܵܐ ܠܐܲܒܼܪܵܗܵܡ؛ ܟܲܕ ܠܲܝܬ ܗ݇ܘܵܐ ܠܹܐ ܕܒܘܼܫ ܓܘܼܪܵܐ ܡܸܢܹܗ ܕܝܵܡܹܐ ܗ݇ܘܵܐ ܒܝܼܹܗ؛ ܝܡܹܐܠܹܗ ܒܓܵܢܹܗ؛ 14ܘܐَܡܝܼܪܹܗ؛ ܒܵܪܘܿܟܹܐ ܒܸܬ ܒܵܪܟܸܢܘܼܟܼ؛ ܘܡܲܙܝܘܼܕܹܐ ܒܸܬ ܡܲܙܝܸܕܸܢܘܼܟܼ. 15ܘܗܲܕܟܼܵܐ ܟܲܕ ܡܘܼܪܝܸܟܼܠܹܐ ܒܹܢܹܗ؛ ܩܘܼܒܸܠܹܗ ܩܵܘܠܵܐ. 16ܣܵܒܵܒ ܒܢܲܝ̈ܢܵܫܵܐ ܒܗ̇ܘ ܕܒܘܼܫ ܓܘܼܪܵܐ ܡܸܢܵܝܗܝ ܟܹܐ ܝܵܡܝܼ؛ ܘܒܟܠ ܡܲܩܲܪܵܨܘܼܬܵܐ ܕܓܵܘܵܝ ܦܪܵܩܬܵܐ ܩܘܝܼܬܵܐ ܒܡܵܘ̈ܡܵܬܵܐ ܟܹܐ ܗܵܘܝܵܐ. 17ܒܐܵܗܵܐ؛ ܟܲܕ ܒܣܸܡܠܵܐ ܠܹܗ ܐܲܠܵܗܵܐ ܕܡܲܚܙܹܐ ܒܘܼܫ ܙܵܘܕܵܐ ܠܝܵܪ̈ܬܵܢܹܐ ܕܩܵܘܠܵܐ ܕܪܸܙܵܝܹܗ ܠܹܐ ܦܵܝܸܫ ܫܘܼܚܠܸܦܵܐ؛ ܚܒܸܫܠܹܗ ܒܡܵܘ̈ܡܵܬܵܐ؛ 18ܕܒܬܪ̈ܲܝ ܡܸܢܕܝܵܢܹ̈ܐ ܕܠܹܐ ܦܵܝܫܝܼ ܫܘܼܚܠܸܦܹܐ؛ ܕܠܹܐ ܡܵܨܹܐ ܐܲܠܵܗܵܐ ܕܕܵܓܸܠ ܒܝܼܵܝܗܝ؛ ܝܵܗ݇ܒܲܠܬܵܐ ܕܠܸܒܵܐ ܚܲܝܠܵܢܬܵܐ ܗܵܘܝܵܐ ܠܲܢ ܐܲܚܢܲܢ ܕܡܚܸܠܲܢ ܚܵܨܵܐ ܒܝܼܹܗ ܕܕܵܒܼܩܵܚ ܗܹܒܼܝܼ ܕܡܘܼܬܸܒܼܬܵܐ ܩܵܕ݇ܡܲܢ؛ 19ܗ̇ܝ ܕܐܝܼܬ ܠܲܢ ܐܲܝܟܼ ܠܲܢܓܵܪ ܕܓܵܢܵܐ؛ ܕܠܵܐ ܫܵܥܫܵܐ ܘܩܘܝܼܬܵܐ؛ ܘܟܹܐ ܐܵܘܪܵܐ ܠܓܵܘܵܝܝܼ ܡ̣ܢ ܣܸܬܪܵܐ؛ 20ܐܲܝܟܵܐ ܕܐܲܝܟܼ ܪܵܚܛܵܢܵܐ ܩܵܕ݇ܡܵܝܬܵܐ ܝܼܫܘܿܥ ܥܒܼܸܪܹܗ ܡܒܵܕܵܠܲܢ؛ ܘܗ݇ܘܹܐܠܹܗ ܓܘܼܪܵܐ ܕܟܵܗܢܹ̈ܐ ܕܠܥܵܠܲܡ؛ ܒܪܹܐܙܵܐ ܕܡܲܠܟܝܼܙܕܸܩ.