1ܣܵܒܵܒ ܐܵܗܵܐ ܡܲܠܟܝܼܙܕܸܩ ܡܲܠܟܵܐ ܕܫܵܠܝܼܡ؛ ܟܵܗܢܵܐ ܕܐܲܠܵܗܵܐ ܪܵܡܵܐ؛ ܕܬܦܸܩܠܹܗ ܒܐܲܒܼܪܵܗܵܡ ܟܲܕ ܕܸܪܹܐ ܡ̣ܢ ܬܒܼܵܪܵܐ ܕܡܲܠܟܹ̈ܐ؛ ܘܒܘܼܪܸܟܼܠܹܗ؛ 2ܘܐܸܠܹܗ ܦܪܸܫܠܹܗ ܐܲܒܼܪܵܗܵܡ ܡܲܥܣܵܪܹ̈ܐ ܡ̣ܢ ܟܠ ܡܸܢܕܝܼ؛ ܟܲܕ ܩܵܕ݇ܡܵܝܬܵܐ ܦܝܵܫܵܐ ܝܠܹܗ ܦܘܼܫܩܵܐ ܗ̇ܘ؛ ܡܲܠܟܵܐ ܕܙܲܕܝܼܩܘܼܬܵܐ؛ ܘܡܸܢَܕܪܸܫَ ܡܲܠܟܵܐ ܕܫܵܠܝܼܡ؛ ܕܝܼܠܹܗ ܡܲܠܟܵܐ ܕܫܠܵܡܵܐ. 3ܕܠܵܐ ܒܵܒܵܐ؛ ܕܠܵܐ ܝܸܡܵܐ؛ ܕܠܵܐ ܐܘܼܓ̰ܵܓܼ؛ ܘܠܲܝܬ ܠܹܗ ܪܹܫܵܐ ܕܝܘܿܡܵܢܘܼ̈ܗܝ؛ ܘܠܵܐ ܬܝܵܡܵܐ ܕܚܲܝܘܼ̈ܗܝ؛ ܐܸܠܵܐ ܒܕܡܘܼܬܵܐ ܕܒܪܘܼܢܹܗ ܕܐܲܠܵܗܵܐ؛ ܦܝܵܫܵܐ ܝܠܹܗ ܟܵܗܢܵܐ ܠܥܵܠܲܡ. 4ܐܝܼܢܵܐ ܚܙܹܐܡܘܿܢ ܟܡܵܐ ܓܘܼܪܵܐ ܝܠܹܗ ܐܵܗܵܐ؛ ܕܐܸܠܹܗ ܐܲܒܼܪܵܗܵܡ ܦܵܛܲܪܝܲܪܟܵܐ ܝܸܗܒܼܠܹܐ ܡܲܥܣܵܪܹ̈ܐ ܡ̣ܢ ܪܹ̈ܫܵܝܹܐ (ܕܣܠܵܒܵܐ). 5ܘܐܵܢܝܼ ܡ̣ܢ ܒܢܘܼܢܹ̈ܐ ܕܠܹܘܝܼ؛ ܕܩܘܼܒܠܹܐ ܗ݇ܘܵܘ ܟܵܗܢܘܼܬܵܐ؛ ܐܝܼܬ ܠܗ݇ܘܿܢ ܦܘܼܩܕܵܢܵܐ ܕܢܵܡܘܿܣܵܐ؛ ܕܫܵܩܠܝܼ ܡܲܥܣܵܪܹ̈ܐ ܡ̣ܢ ܛܵܝܸܦܵܐ؛ ܝܲܥܢܹܐ؛ ܡ̣ܢ ܐܵܚܘܿܢܘܵܬܵܝ̈؛ ܟܲܕ ܐܘܼܦ ܐܵܢܝܼ ܡ̣ܢ ܚܵܨܹܗ ܕܐܲܒܼܪܵܗܵܡ ܦܠܝܼܛܹܐ ܗ݇ܘܵܘ. 6ܐܝܼܢܵܐ ܐܵܗܵܐ ܕܠܹܐ ܝܠܹܗ ܚܘܼܫܒܸܢܵܐ ܒܐܘܼܓ̰ܵܓܼܵܝ̈؛ ܡܲܥܣܵܪܹ̈ܐ ܫܩܸܠܹܗ ܡ̣ܢ ܐܲܒܼܪܵܗܵܡ؛ ܘܒܘܼܪܸܟܼܠܹܐ ܠܗ̇ܘ ܕܩܘܼܒܸܠܹܗ ܩܵܘܠܵܐ. 7ܐܝܼܢܵܐ ܕܠܵܐ ܡܲܩܲܪܵܨܘܼܬܵܐ؛ ܗ̇ܘ ܕܝܼܠܹܗ ܒܵܨܘܿܪܵܐ ܟܹܐ ܦܵܝܸܫ ܒܘܼܪܟܼܵܐ ܡܗ̇ܘ ܕܓܘܼܪܵܐ ܝܠܹܗ ܡܸܢܹܗ. 8ܘܠܲܐܟܼܵܐ ܒܢܲܝ̈ܢܵܫܵܐ ܕܡܵܝܬܝܼ ܟܹܐ ܩܵܒ݁ܠܝܼ ܡܲܥܣܵܪܹ̈ܐ؛ ܐܝܼܢܵܐ ܬܵܡܵܐ ܗ̇ܘ ܕܦܸܫܠܵܗ̇ ܣܗܝܼܕܬܵܐ ܒܵܗ݇ܣܹܗ ܕܚܵܝܵܐ ܝܠܹܗ. 9ܘܐܲܝܟܼ ܕܐ݇ܢܵܫܵܐ ܐܵܡܸܪ؛ ܒܝܼܸܕ ܐܲܒܼܪܵܗܵܡ ܐܘܼܦ ܠܹܘܝܼ؛ ܗ̇ܘ ܕܟܹܐ ܩܵܒܸ݁ܠ ܗ݇ܘܵܐ ܡܲܥܣܵܪܹ̈ܐ؛ ܐܘܼܦ ܗ̇ܘ ܝܘܼܗَܒܼܸܠܹܗ ܡܲܥܣܵܪܹ̈ܐ. 10ܣܵܒܵܒ ܗܹܫ ܒܚܵܨܹܗ ܕܒܵܒܹܗ ܗ݇ܘܵܐ؛ ܟܲܕ ܬܦܸܩܠܹܗ ܒܝܼܹܗ ܡܲܠܟܝܼܙܕܸܩ. 11ܐܸܢ ܗܲܕܟܼܵܐ ܟܵܡܝܼܠܘܼܬܵܐ ܗܵܘܝܵܐ ܗ݇ܘܵܐ ܒܝܼܸܕ ܟܵܗܢܘܼܬܵܐ ܕܠܹܘܵܝܹ̈ܐ؛ ܣܵܒܵܒ ܒܝܼܵܗ̇ ܡܘܼܬܒܼܵܐ ܝܠܹܗ ܢܵܡܘܿܣܵܐ ܠܛܵܝܸܦܵܐ؛ ܩܵܡܘܿܕܝܼ ܠܵܙܸܡ ܝܼܗ݇ܘܵܐ ܟܵܗܢܵܐ ܐَܚܹܪَܢܵܐ ܕܩܵܝܸܡ ܗ݇ܘܵܐ ܒܪܹܐܙܵܐ ܕܡܲܠܟܝܼܙܕܸܩ؛ ܘܠܵܐ ܦܵܝܸܫ ܒܪܹܐܙܵܐ ܕܐܲܗܪܘܿܢ؛ 12ܣܵܒܵܒ ܟܲܕ ܗَܘܹܐܠܵܗ̇ ܫܲܚܠܲܦܬܵܐ ܒܟܵܗܢܘܼܬܵܐ؛ ܡ̣ܢ ܐܲܢܲܢܩܹܐ ܗَܘܹܐܠܵܗ̇ ܫܲܚܠܲܦܬܵܐ ܐܘܼܦ ܒܢܵܡܘܿܣܵܐ. 13ܣܵܒܵܒ ܗ̇ܘ ܕܦܸܫܠܗَܘܿܢ ܐܡܝܼܪܹܐ ܒܵܗ݇ܣܹܗ ܐܲܢܹܐ؛ ܡ̣ܢ ܐܘܼܓ̰ܵܓܼ ܐܚܹܪ݇ܬܵܐ ܦܸܫܠܹܗ ܫܘܼܪܸܟܵܐ؛ ܕܟ̰ܘܼ ܐ݇ܢܵܐ ܡܸܢܵܗ̇ ܠܵܐ ܥܒܼܸܕܠܹܗ ܚܸܠܡܲܬ ܒܡܲܕܒܚܵܐ. 14ܣܵܒܵܒ ܡܲܥܠܘܼܡ ܝܼܠܵܗ̇ ܕܡ̣ܢ ܝܼܗܘܼܕܵܐ ܙܪܸܩܠܹܐ ܡܵܪܲܢ؛ ܡ̣ܢ ܐܘܼܓ̰ܵܓܼ ܕܠܵܐ ܐَܡܝܼܪܹܗ ܥܲܠܘܼܗ̇ ܡܘܼܫܹܐ ܡܸܢܕܝܼ ܒܵܗ݇ܣ ܕܟܵܗܢܘܼܬܵܐ. 15ܘܒܘܼܫ ܙܵܘܕܵܐ ܡܲܥܠܘܼܡ ܝܼܠܵܗ̇؛ ܐܸܢ ܒܕܡܘܼܬܵܐ ܕܡܲܠܟܝܼܙܕܸܩ ܩܵܝܸܡ ܟܵܗܢܵܐ ܐَܚܹܪَܢܵܐ؛ 16ܕܠܵܐ ܗ݇ܘܹܐܠܹܗ ܒܢܵܡܘܿܣܵܐ ܕܦܘܼܩܕܵܢܹ̈ܐ ܦܲܓܼܪ̈ܵܢܵܝܹܐ؛ ܐܸܠܵܐ ܒܚܲܝܹ̈ܐ ܠܵܐ ܒܵܛܠܵܢܹ̈ܐ. 17ܣܵܒܵܒ ܦܝܵܫܵܐ ܝܠܹܗ ܣܗܝܼܕܵܐ ܒܵܗ݇ܣܹܗ. ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ؛ ܒܪܹܐܙܵܐ ܕܡܲܠܟܝܼܙܕܸܩ. 18ܣܵܒܵܒ ܕܒܸܗ݇ܘܵܝܵܐ ܝَܠܵܗ̇ ܒܵܛܲܠܬܵܐ ܕܦܘܼܩܕܵܢܵܐ ܕܝܼܗ݇ܘܵܐ ܦܵܕ݇ܡܵܝܵܐ؛ ܒܘܼܬ ܙܲܒܘܼܢܘܼܬܹܗ ܘܠܵܐ ܦܲܝܕܵܐ؛ 19ـ ܣܵܒܵܒ ܢܵܡܘܿܣܵܐ ܡܸܢܕܝܼ ܠܵܐ ܡܘܼܟܡܸܠܹܐ ـ؛ ܘܐܘܵܪܬܵܐ ܕܗܹܒܼܝܼ ܕܒܘܼܫ ܨܦܵܝܝܼ ܡܸܢܵܗ̇؛ ܕܒܝܼܵܗ̇ ܦܝܵܫܵܐ ܝܘܵܚ ܡܘܼܬ݇ܝܹܐ ܩܘܼܪܒܵܐ ܠܐܲܠܵܗܵܐ؛ 20ܘܟܲܕ ܠܵܐ (ܗ݇ܘܹܐܠܹܗ) ܒܹܐ ܡܵܘܡܵܬܹ̈ܐ؛ 21ܣܵܒܵܒ ܐܵܢܝܼ ܒܬܪܘܼܨܬܵܐ ܕܠܵܐ ܡܵܘܡܵܬܹ̈ܐ ܗ݇ܘܹܠܘܿܢ ܟܵܗܢܹ̈ܐ؛ ܐܝܼܢܵܐ ܐܵܗܵܐ ܒܡܵܘܡܵܬܹ̈ܐ ܒܝܼܸܕ ܕܗ̇ܘ ܕܐَܡܝܼܪܹܗ ܐܸܠܹܗ؛ ܝܡܹܐܠܹܗ ܡܵܪܝܵܐ ܘܠܹܐ ܦܵܫܸܡ؛ ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ؛ 22ܗܲܪ ܒܗܲܕܟܼܵܐ ܟܠܹܗ ܒܘܼܫ ܨܦܵܝܝܼ ܝَܠܵܗ̇ ܕܝܵܬܹܩܹܐ ܗ̇ܝ ܕܗ݇ܘܹܐܠܹܗ ܒܝܼܵܗ̇ ܙܵܡܝܼܢ ܝܼܫܘܿܥ. 23ܘܐܵܢܝܼ ܒܬܪܘܼܨܬܵܐ ܗ݇ܘܹܠܘܿܢ ܟܵܗܢܹ̈ܐ ܪܵܒܐ؛ ܣܵܒܵܒ ܕܒܝܼܸܕ ܡܵܘܬܵܐ ܠܹܐ ܗ݇ܘܵܘ ܦܝܵܫܵܐ ܫܒܼܝܼܩܹܐ ܕܥܲܪܩܸܠܝܼ؛ 24ܐܝܼܢܵܐ ܐܵܗܵܐ؛ ܣܵܒܵܒ ܕܟܹܐ ܦܵܝܸܫ ܠܥܵܠܲܡ؛ ܐܝܼܬ ܠܹܗ ܟܵܗܢܘܼܬܵܐ ܠܵܐ ܥܵܒܼܪܵܢܬܵܐ. 25ܣܵܒܵܒ ܕܐܵܗܵܐ ܟܹܐ ܡܵܨܹܐ ܠܡܲܚܘܼܝܹܐ ܠܥܵܠܲܡ ܠܐܵܢܝܼ ܕܩܲܪܒܸܢܝܼ ܒܐܝܼܕܹܗ ܠܐܲܠܵܗܵܐ؛ ܣܵܒܵܒ ܒܸܚܵܝܵܐ ܝܠܹܗ ܒܟܠ ܙܲܒܼܢܵܐ ܕܡܵܐܣܸܩ ܨܠܵܘܵܬܹ̈ܐ ܡܒܵܕܵܠܵܝ. 26ܣܵܒܵܒ ܐܲܝܟܼ ܕܐܵܗܵܐ ܓܘܼܪܵܐ ܕܟܵܗܢܹ̈ܐ ܚܵܫܸܚ ܗ݇ܘܵܐ ܐܸܠܲܢ؛ ܕܸܟܼܝܵܐ؛ ܕܠܵܐ ܒܝܼܫܘܼܬܵܐ؛ ܕܠܵܐ ܡܘܼܡܵܐ؛ ܦܪܝܼܫܵܐ ܡ̣ܢ ܚܲܛܵܝܹ̈ܐ؛ ܘܡܘܼܪܡܵܐ ܠܥܸܠܸܠ ܡ̣ܢ ܫܡܲܝܵܐ؛ 27ܘܠܲܝܬ ܠܹܗ ܣܢܝܼܩܘܼܬܵܐ ܟܠ ܝܵܘܡܵܐ؛ ܐܲܝܟܼ ܕܐܵܢܝܼ ܓܘܼܪ̈ܵܢܹܐ ܕܟܵܗܢܹ̈ܐ؛ ܕܩܵܕ݇ܡܵܝܬܵܐ ܡܒܵܕܵܠ ܕܚܛܝܼܵܬܹ̈ܐ ܕܓܵܢܹܗ ܡܲܩܪܸܒܼ ܕܸܒܼܚܹ̈ܐ؛ ܘܗ̇ܝܓܵܗ ܡܒܵܕܵܠ ܕܛܵܝܸܦܵܐ. ܣܵܒܵܒ ܕܐܵܗܵܐ ܥܒܼܝܼܕܵܠܹܐ ܚܕܵܐ ܓܵܗܵܐ؛ ܟܲܕ ܡܘܼܩܪܸܒܼܠܹܐ ܓܵܢܹܗ. 28ܣܵܒܵܒ ܕܢܵܡܘܿܣܵܐ ܟܹܐ ܡܲܩܸܡ ܓܘܼܪ̈ܵܢܹܐ ܕܟܵܗܢܹ̈ܐ ܒܢܲܝ̈ܢܵܫܵܐ ܙܲܒܘܼܢܹ̈ܐ؛ ܐܝܼܢܵܐ ܗܹܡܸܙܡܵܢ ܕܡܵܘ̈ܡܵܬܵܐ؛ ܕܗَܘܹܐܠܵܗ̇ ܡܒܵܬ݇ܪ ܢܵܡܘܿܣܵܐ؛ (ܟܹܐ ܡܲܩܸܡܵܐ) ܒܪܘܼܢܵܐ؛ ܟܵܡܝܼܠ ܠܥܵܠܲܡ.