1ܐܝܼܢܵܐ ܐܝܼܬ ܗَܘܵܘ ܓܵܘ ܥܹܕܬܵܐ ܕܐܵܢܛܝܘܿܟ̣ܝ ܢܒ̣̈ܝܹܐ ܘܡܲܠܦܵܢܹ̈ܐ؛ ܒܲܪܢܒ̣ܵܐ؛ ܘܫܸܡܥܘܿܢ ܕܦܝܵܫܵܐ ܝܠܹܗ ܩܸܪܝܵܐ ܢܝܼܓܲܪ (ܟܘܿܡܵܐ)؛ ܘܠܘܼܩܝܼܘܿܣ ܕܡ̣ܢ ܩܸܘܪܝܼܢܹܐ ܡܕܝܼܢَܬܵܐ؛ ܘܡܵܢܵܐܹܝܠ ܚܲܒ̣ܪܵܐ ܒܓܲܪܘܲܣܬܵܐ ܕܗܹܪܘܿܕܸܣ ܛܸܛܪܲܪܟܵܐ؛ ܘܫܵܐܘܿܠ. 2ܘܟܲܕ ܐܵܢܝܼ ܒܸܨܝܵܡܵܐ ܗَܘܵܘ ܘܦܲܪܦܘܿܠܹܐ ܠܐܲܠܵܗܵܐ؛ ܐَܡܸܪܹܗ ܐܸܠܵܝܗܝ ܪܘܼܚܵܐ ܕܩܘܼܕܫܵܐ؛ ܦܪܘܿܫܘܿܢ ܠܝܼ ܠܫܵܐܘܿܠ ܘܠܒܲܪܢܒ̣ܵܐ ܠܦܘܼܠܚܵܢܵܐ ܗ̇ܘ ܕܐܵܢܵܐ ܩܸܪܝܵܝܠܝܼ. 3ܘܡܒܵܬَܪ ܕܨܸܡܠܗَܘܿܢ ܘܨܘܼܠܹܐܠܗَܘܿܢ؛ ܡܘܼܬܸܒ̣ܠܗَܘܿܢ ܥܲܠܵܝܗܝ ܐܝܼܕܵܐ؛ ܘܫܘܼܕܪܵܝܠܗَܘܿܢ. 4ܘܐܵܢܝܼ ܟܲܕ ܦܸܫܠܗَܘܿܢ ܫܘܼܕܪܹܐ ܡ̣ܢ ܪܘܼܚܵܐ ܕܩܘܼܕܫܵܐ؛ ܨܠܹܐܠܗَܘܿܢ ܠܣܹܠܵܘܩܝܵܐ؛ ܘܡ̣ܢ ܬܵܡܵܐ ܛܪܹܐܠܗَܘܿܢ ܒܝܵܡܵܐ ܗܲܠ ܩܹܘܦܪܘܿܣ. 5ܘܟܲܕ ܥܒܸܪܗَܘܿܢ ܠܣܵܠܵܡܹܢܵܐ ܡܕܝܼܢَܬܵܐ؛ ܡܲܫܚܸܕܝܼ ܗَܘܵܘ ܗܹܡܸܙܡܵܢ ܕܡܵܪܲܢ ܓܵܘ ܟܢܘܼܫܝܵܬܹ̈ܐ ܕܝܗَܘܼܕܵܝܹ̈ܐ؛ ܘܝܘܿܚܲܢܵܢ ܟܹܐ ܥܵܒܸܕ ܗَܘܵܐ ܠܗَܘܿܢ ܚܸܠܡܲܬ. 6ܘܟܲܕ ܚܕܸܪܗَܘܿܢ ܠܟܠܵܗ̇ ܓܵܙܲܪܬܵܐ ܗܲܠ ܦܵܦܘܿܣ ܡܕܝܼܢَܬܵܐ؛ ܡܘܼܫَܟ̰ܸܚܠܗَܘܿܢ ܚܲܕَ ܓܲܒܼܪܵܐ ܚܲܪܵܫܵܐ؛ ܝܗَܘܼܕܵܝܵܐ؛ ܕܝܼܗَܘܵܐ ܢܒ̣ܝܼܵܐ ܕܲܓܵܠܵܐ؛ ܕܫܸܡܹܗ ܗَܘܵܐ ܒܲܪ ܫܘܼܡܵܐ. 7ܐܵܗܵܐ ܟܹܐ ܗܵܘܹܐ ܗَܘܵܐ ܠܟܸܣ ܓܲܒܼܪܵܐ ܚܲܟܿܝܼܡܵܐ ܕܝܼܗܘܵܐ ܫܲܠܝܼܛܵܐ ܟܹܐ ܦܵܐܹܫ ܗَܘܵܐ ܩܸܪܝܵܐ ܣܲܪܓܝܼܘܿܣ ܦܵܘܠܘܿܣ؛ ܘܩܪܹܐܠܹܗ ܐܵܗܵܐ ܠܫܵܐܘܿܠ ܘܠܒܲܪܢܒ̣ܵܐ؛ ܘܒܲܥܝܹܐ ܗَܘܵܐ ܕܫܲܡܸܥ ܡܸܢܵܝܗܝ ܗܹܡܸܙܡܵܢ ܕܐܲܠܵܗܵܐ. 8ܐܝܼܢܵܐ ܟܸܠܝܵܐ ܗَܘܵܐ ܠܕܲܪܩܘܼܒ̣ܠܵܝܗܝ ܗ̇ܘ ܚܲܪܵܫܵܐ ܒܲܪ ܫܘܼܡܵܐ؛ ܟܹܐ ܦܵܐܹܫ ܬܘܼܪܓ̰ܸܡܵܐ ܫܸܡܹܗ ܐܵܠܘܼܡܘܿܣ؛ ܣܵܒܵܒ ܕܒܲܥܝܹܐ ܗَܘܵܐ ܕܡܲܩܠܸܒ ܗَܘܵܐ ܠܫܲܠܝܼܛܵܐ ܡ̣ܢ ܗܲܝܡܵܢܘܼܬܵܐ. 9ܐܝܼܢܵܐ ܫܵܐܘܿܠ؛ ܗ̇ܘ ܕܦܸܫܠܹܗ ܩܸܪܝܵܐ ܦܵܘܠܘܿܣ؛ ܦܝܵܫܵܐ ܗَܘܵܐ ܡܸܠܝܵܐ ܒܪܘܼܚܵܐ ܕܩܘܼܕܫܵܐ؛ ܚܸܪܹܗ ܒܝܹܗ. 10ܘܐَܡܸܪܹܗ؛ ܝܵܐ ܡܸܠܝܵܐ ܟܠܵܝܗܝ ܦܸܠܡܹ̈ܐ ܘܟܠܵܝܗܝ ܒܝܼܫܵܬܹ̈ܐ؛ ܒܪܘܼܢܹܗ ܕܐܵܟܹܠܩܲܪܨܵܐ؛ ܘܕܸܫܡܸܢ ܕܟܠܵܗ̇ ܟܹܐܢܘܼܬܵܐ؛ ܠܹܐ ܝܘܸܬ ܒܸܫܠܵܝܵܐ ܡ̣ܢ ܠܡܲܦܟ̰ܘܼܠܹܐ ܐܘܼܪ̈ܚܵܬܹܐ ܫܲܪܝܼܪܹ̈ܐ ܕܡܵܪܝܵܐ. 11ܘܐܵܕܝܼܵܐ ܗܵܐ؛ ܐܝܼܕܹܗ ܕܡܵܪܝܵܐ ܥܲܠܘܼܟܼ؛ ܘܒܸܬ ܗܵܘܸܬ ܣܸܡܝܵܐ؛ ܘܠܹܐ ܚܵܙܸܬ ܫܸܡܫܵܐ ܗܲܠ ܚܲܕَ ܙܲܒ̣ܢܵܐ. ܘܗܲܪ ܒܗ̇ܝ ܣܵܥܲܬ ܢܦܸܠܹܗ ܥܲܠܘܼܗܝ ܚܸܫܟܵܐ ܘܚܘܼܒܼܝܵܐ؛ ܘܒܸܚܕܵܪܵܐ ܗَܘܵܐ ܘܒܸܒܲܥܝܵܐ ܕܐَܢܵܫܵܐ ܕܵܒܸܩ ܒܐܝܼܕܹܗ. 12ܘܟܲܕ ܚܙܹܐ ܠܹܗ ܫܲܠܝܼܛܵܐ ܡܸܢܕܝܼ ܕܗَܘܹܐ ܠܹܗ؛ ܗܘܼܡܸܢܹܐ؛ ܥܘܼܓ̰ܸܒܠܹܗ ܘܗܘܼܡܸܢܹܗ ܒܝܘܼܠܦܵܢܹܗ ܕܡܵܪܝܵܐ. 13ܐܝܼܢܵܐ ܦܵܘܠܘܿܣ ܘܒܲܪܢܒܼܵܐ ܛܪܹܐܠܗَܘܿܢ ܒܝܵܡܵܐ ܡ̣ܢ ܦܵܦܘܿܣ ܡܕܝܼܢَܬܵܐ؛ ܘܐَܬܹܐܠܗَܘܿܢ ܠܦܲܪܓܹܐ ܡܕܝܼܢَܬܵܐ ܕܦܵܡܦܹܘܠܝܼܵܐ. ܘܦܪܸܫܠܹܗ ܡܸܢܵܝܗܝ ܝܘܿܚܲܢܵܢ ܘܐَܙܸܠܹܗ ܠܐܘܿܪܸܫܠܸܡ. 14ܐܝܼܢܵܐ ܐܵܢܝܼ ܦܠܸܛܠܗَܘܿܢ ܡ̣ܢ ܦܲܪܓܹܐ ܘܐَܬܹܐܠܗَܘܿܢ ܠܐܵܢܛܝܘܿܟ̣ܝ ܡܕܝܼܢَܬܵܐ ܕܦܝܼܣܝܼܕܝܼܵܐ؛ ܘܥܒܼܸܪܗَܘܿܢ ܓܵܘ ܟܢܘܼܫܬܵܐ ܒܝܵܘܡܵܐ ܕܫܲܒܬܵܐ ܘܝܬܸܒ̣ܠܗَܘܿܢ. 15ܘܒܵܬَܪ ܕܦܸܫܠܹܗ ܩܸܪܝܵܐ ܢܵܡܘܿܣܵܐ ܘܢܒ̣̈ܝܹܐ؛ ܫܘܼܕܸܪܗَܘܿܢ ܠܟܸܣܠܵܝܗܝ ܚܘܵܪ̈ܕܸܩܢܹܐ ܕܟܢܘܼܫܬܵܐ ܘܐَܡܸܪܗَܘܿܢ؛ ܓܲܒܼܪܹ̈ܐ ܐܲܚܘܿܢ̈ܘܵܬܲܢ؛ ܐܸܢ ܐܝܼܬ ܠܵܘܟ̣ܘܿܢ ܗܹܡܸܙܡܵܢ ܕܝܵܗَܒܼܵܠܬܵܐ ܕܠܸܒܵܐ؛ ܗܲܡܙܸܡܘܼܢ ܥܲܡ ܛܵܝܸܦܵܐ. 16ܘܩܸܡܠܹܗ ܦܵܘܠܘܿܣ ܘܫܥܸܫܠܹܗ ܐܝܼܕܹܗ ܘܐَܡܸܪܹܗ؛ ܓܲܒܼܪܹ̈ܐ ܒܢܲܝ̈ ܝܼܣܪܵܝܹܠ ܘܐܵܢܝܼ ܕܙܵܕܥܝܼ ܡ̣ܢ ܐܲܠܵܗܵܐ؛ ܫܡܸܥܡܘܿܢ. 17ܐܲܠܵܗܹܗ ܕܐܵܗܵܐ ܛܵܝܸܦܵܐ ܓܘܼܒܹܐܠܹܗ ܠܐܲܒ̣ܵـ̈ܗܵܬܲܢ؛ ܘܡܘܼܪܸܡܠܹܗ ܐܸܠܵܝܗܝ ܟܲܕ ܗَܘܹܐܠܗَܘܿܢ ܡܵܫܵܚܲܛܹ̈ܐ ܒܐܲܪܥܵܐ ܕܡܸܨܪܹܝܢ؛ ܘܒܕܪܵܥܵܐ ܪܵܡܵܐ ܦܘܼܠܛܵܝܠܹܗ ܡܸܢܘܼܗ̇. 18ܘܬܘܼܪܣܝܼܵܝܠܹܗ ܓܵܘ ܒܲܪܝܼܵܐ ܐܲܪܒܥܝܼ ܫܸܢܹ̈ܐ. 19ܘܦܘܼܢܹܐܠܹܗ ܫܲܒ̣ܥܵܐ ܛܵܝܸܦܹ̈ܐ ܒܐܲܪܥܵܐ ܕܟܢܲܥܢ؛ ܘܝܘܼܗَܒܼܸܠܹܗ ܐܸܠܵܝܗܝ ܐܲܪܥܵܝܗܝ ܠܝܵܪܬܘܼܬܵܐ. 20ܘܐܲܪܒܲܥܡܵܐܐ ܘܚܲܡܫܝܼ ܫܸܢܹ̈ܐ ܝܘܼܗَܒܼܸܠܹܗ ܐܸܠܵܝܗܝ ܕܲܝܵܢܹ̈ܐ ܗܲܠ ܫܡܘܼܐܹܝܠ ܢܒ̣ܝܼܵܐ. 21ܘܗ̇ܝܓܵܗ ܛܠܸܒܠܗَܘܿܢ ܡܲܠܟܵܐ؛ ܘܝܘܼܗَܒܼܸܠܹܗ ܐܸܠܵܝܗܝ ܐܲܠܵܗܵܐ ܠܫܵܐܘܿܠ ܒܪܘܼܢܵܐ ܕܩܝܼܫ؛ ܓܲܒܼܪܵܐ ܡ̣ܢ ܫܲܒ̣ܛܵܐ ܕܒܸܢܝܵܡܹܝܢ؛ ܐܲܪܒܥܝܼ ܫܸܢܹ̈ܐ. 22ܘܟܲܕ ܫܩܸܠܹܗ؛ ܡܘܼܩܸܡܠܹܗ ܐܸܠܵܝܗܝ ܕܵܘܝܼܕ ܠܡܲܠܟܵܐ؛ ܕܐܸܠܹܗ ܣܗܸܕܠܹܗ؛ ܘܐَܡܸܪܹܗ؛ ܡܘܼܫَܟ̰ܸܚܠܝܼ ܠܕܵܘܝܼܕ ܒܪܘܼܢܹܗ ܕܐܝܼܫܲܝ؛ ܓܲܒܼܪܵܐ ܐܲܝܟܼ ܠܸܒܝܼ؛ ܗ̇ܘ ܒܸܬ ܥܵܒܸܕ ܟܠܵܝܗܝ ܪܸ̈ܙܵܝܝܼ. 23ܡ̣ܢ ܙܲܪܥܹܗ ܕܐܵܗܵܐ ܡܘܼܩܸܡܠܹܗ ܐܲܠܵܗܵܐ ܠܝܼܣܪܵܝܹܠ؛ ܕܵܐܟ̣ܝܼ ܕܩܘܼܘܸܠܹܗ ܠܝܼܫܘܿܥ ܦܵܪܘܿܩܵܐ. 24ܘܫܘܿܕܸܪܹܗ ܠܝܘܿܚܲܢܲܢ ܕܡܲܟܪܸܙ ܩܲܕَܡ ܐَܬܵܝܬܹܗ ܡܲܥܡܘܿܕܝܼܬܵܐ ܕܬܝܵܒ̣ܘܼܬܵܐ ܠܟܠܹܗ ܛܵܝܸܦܵܐ ܕܝܼܣܪܵܝܹܠ. 25ܘܟܲܕ ܬܲܡܘܼܡܹܐ ܗَܘܵܐ ܝܘܿܚܲܢܵܢ ܬܸܫܡܸܫܬܹܗ (ܦܘܼܠܚܵܢܹܗ)؛ ܐَܡܝܼܪܵܐ ܗَܘܵܐ؛ ܡܵܢܝܼ ܒܸܚܫܵܒ̣ܵܐ ܝܬܘܿܢ ܕܝܼܘܸܢ. ܠܹܐ ܝܘܸܢ ܐܵܢܵܐ؛ ܐܸܠܵܐ ܗܵܐ؛ ܒܹܐܬܵܝܵܐ ܝܠܹܗ ܒܵܬَܪܝܼ ܗ̇ܘ ܕܠܹܐ ܚܵܫܚܸܢ ܕܫܵܪܸܢ ܬܲܣܡܵܬܹ̈ܐ ܕܨܵܘܠܘܼ̈ܗܝ. 26ܓܲܒܼܪܹ̈ܐ ܐܲܚܘܿܢ̈ܘܵܬܲܢ؛ ܒܢܘܼܢܹ̈ܐ ܕܐܘܼܓ̰ܵܓܹܗ ܕܐܲܒ̣ܪܵܗܵܡ؛ ܘܐܵܢܝܼ ܓܵܘܵܘܟ̣ܘܿܢ ܕܙܵܕܥܝܼ ܡ̣ܢ ܐܲܠܵܗܵܐ؛ ܐܸܠܵܘܟ̣ܘܿܢ ܦܸܫܠܵܗ̇ ܫܘܼܕܸܪܬܵܐ ܗܹܡܸܙܡܵܢ ܕܐܵܗܵܐ ܦܘܼܪܩܵܢܵܐ. 27ܣܵܒܵܒ ܐܲܢܹܐ ܥܵܡܪ̈ܵܢܹܐ ܕܐܘܿܪܸܫܠܸܡ ܘܪܹ̈ܫܵܢܵܝܗܝ ܠܵܐ ܩܲܡ ܝܲܕܥܝܼ ܠܵܗ̇؛ ܐܘܼܦ ܠܵܐ ܒܟܬܼܵܒܹ̈ܐ ܕܢܒܼܝܼܹ̈ܐ ܕܦܝܵܫܵܐ ܝܢܵܐ ܩܸܪܝܹܐ ܒܟܠ ܫܲܒܬܵܐ؛ ܐܸܠܵܐ ܕܸܢܢܘܼܢ ܐܸܠܹܗ ܘܬܘܼܡܸܡܠܗَܘܿܢ ܟܠܵܝܗܝ ܕܦܝܼܫܠܗَܘܿܢ ܟܬܼܝܼܒܹ̈ܐ. 28ܘܟܲܕ ܠܵܐ ܡܘܼܫَܟ̰ܸܚܠܗَܘܿܢ ܗܲܓ̰ܲܬ ܕܡܵܘܬܵܐ؛ ܛܠܸܒܠܗَܘܿܢ ܡ̣ܢ ܦܝܼܠܵܛܘܿܣ ܕܩܵܛܠܝܼ ܠܹܗ. 29ܘܟܲܕ ܬܘܼܡܸܡܠܗَܘܿܢ ܟܠ ܡܸܢܕܝܼ ܕܝܼܗَܘܵܐ ܟܬܝܼܒ̣ܵܐ ܒܘܼܬ ܕܝܼܹܗ؛ ܡܘܼܨܠܹܐܠܗَܘܿܢ ܐܸܠܹܗ ܡ̣ܢ ܨܠܝܼܒܼܵܐ؛ ܘܩܲܡ ܡܲܬܒ̣ܝܼ ܠܹܗ ܓܵܘ ܒܹܝܬ ܩܒ̣ܘܼܪܵܐ. 30ܐܝܼܢܵܐ ܐܲܠܵܗܵܐ ܡܘܼܩܸܡܠܹܗ ܡ̣ܢ ܒܹܝܬܼ ܡܝܼܬܹ̈ܐ. 31ܘܦܸܫܠܹܗ ܚܸܙܝܵܐ ܪܵܒܵܐ ܝܵܘܡܵܢܹ̈ܐ ܠܐܵܢܝܼ ܕܣܸܩܠܗَܘܿܢ ܥܲܡܹܗ ܡ̣ܢ ܓܠܝܼܠܵܐ ܠܐܘܿܪܸܫܠܸܡ؛ ܐܵܢܝܼ ܕܝܼܢܵܐ ܐܵܕܝܼܵܐ ܣܵܗܕܘܼ̈ܗܝ ܠܟܸܣ ܛܵܝܸܦܵܐ. 32ܘܐܘܼܦ ܐܲܚܢܲܢ ܡܲܫܚܘܼܕܹܐ ܝܘܵܚ ܐܸܠܵܘܟ̣ܘܿܢ ܩܵܘܠܵܐ ܗ̇ܘ ܕܗَܘܹܐ ܠܹܗ ܠܟܸܣ ܐܲܒ̣ܵـ̈ܗܵܬܲܢ. 33ܕܬܘܼܡܸܡܘܼܗܝ ܝܠܹܗ ܐܲܠܵܗܵܐ ܐܸܠܲܢ ܒܢܘܼܢܵܝ̈ܗܝ؛ ܒܗ̇ܝ ܕܡܘܼܩܸܡܠܹܗ ܠܝܼܫܘܿܥ؛ ܐܲܝܟܼ ܕܝܼܠܹܗ ܟܬܝܼܒ̣ܵܐ ܒܡܲܙܡܘܿܪܵܐ ܕܬܪܹܝܢَ؛ ܒܪܘܼܢܝܼ ܝܘܸܬ؛ ܐܵܢܵܐ ܐܸܕܝܘܿܡ ܝܵܘܡܵܐ ܩܲܡ ܗܲܨܠܸܢܘܼܟܼ. 34ܗܲܕܟܼܵܐ ܡܘܼܩܸܡܠܹܗ ܐܲܠܵܗܵܐ ܡ̣ܢ ܒܹܝܬܼ ܡܝܼܬܹ̈ܐ؛ ܕܡܸܢَܕܪܸܫَ ܠܵܐ ܚܵܙܹܗ ܚܪܵܒ̣ܵܐ؛ ܐܲܝܟܼ ܕܐَܡܸܪܹܗ؛ ܕܒܸܬ ܝܵܗَܒܸܢ ܐܸܠܵܘܟ̣ܘܿܢ ܫܵܦܵܩܲܬܹܗ ܕܕܵܘܝܼܕܼ ܡܗܲܝܡܲܢܬܵܐ. 35ܘܡܸܢَܕܪܸܫَ ܐَܡܸܪܹܗ ܒܕܘܼܟܬܵܐ ܐَܚܹܪَܬܵܐ؛ ܕܠܹܐ ܝܘܼܗَܒܸܠܘܼܟܼ ܠܡܚܸܣܝܘܼܟܼ ܕܚܵܙܹܗ ܚܪܵܒ̣ܵܐ. 36ܣܵܒܵܒ ܕܵܘܝܼܕ ܒܐܘܼܓ̰ܵܓܹܗ ܦܠܸܚܠܹܗ ܨܸܒܼܝܵܢܹܗ ܕܐܲܠܵܗܵܐ؛ ܘܕܡܸܟܼܠܹܗ؛ ܘܦܸܫܠܹܗ ܡܘܼܙܝܸܕܵܐ ܥܲܠ ܐܲܒ̣ܵܗܵܬܘܼ̈ܗܝ؛ ܘܚܙܹܐ ܠܹܗ ܚܪܵܒ̣ܵܐ. 37ܐܝܼܢܵܐ ܐܵܗܵܐ ܕܡܘܼܩܸܡܠܹܗ ܐܲܠܵܗܵܐ ܠܵܐ ܚܙܹܐ ܠܹܗ ܚܪܵܒ̣ܵܐ. 38ܝَܕܸܥܡܘܿܢ ܗܲܕܟ̣ܵܐ؛ ܐܲܚܘܿܢ̈ܘܵܬܲܢ؛ ܕܗܲܪ ܒܐܵܗܵܐ ܦܝܵܫܵܐ ܝܠܹܗ ܡܘܼܟܪܸܙܵܐ ܐܸܠܵܘܟ̣ܘܿܢ ܫܒ̣ܵܩܵܐ ܕܚܛܵܗܹ̈ܐ. 39ܘܟܡܵܐ ܕܠܵܐ ܡܨܹܠܵܘܟ̣ܘܿܢ ܕܦܵܝܫܝܼܬܘܿܢ ܗَܘܵܘ ܡܘܼܟܫܸܛܹܐ ܒܢܵܡܘܿܣܵܐ ܕܡܘܼܫܹܐ؛ ܒܐܵܗܵܐ ܟܠ ܕܗܲܡܸܢ ܟܹܐ ܦܵܝܸܫ ܡܘܼܟܫܸܛܵܐ. 40ܒܲܣ ܗَܘܹܡܘܿܢ ܗܸܫܝܵܪ ܕܠܵܐ ܐܵܬܹܐ ܥܲܠܵܘܟ̣ܘܿܢ ܡܸܢܕܝܼ ܕܝܼܠܹܗ ܟܬܝܼܒ̣ܵܐ ܒܢܒ̣̈ܝܹܐ. 41ܚܙܹܐܡܘܿܢ؛ ܡܲܒܨܸܪ̈ܵܢܹܐ؛ ܘܥܵܓ̰ܸܒܝܼܬܘܿܢ؛ ܘܬܵܠܩܝܼܬܘܿܢ؛ ܣܵܒܵܒ ܕܦܘܼܠܚܵܢܵܐ ܒܸܥܒ̣ܵܕܵܐ ܝܘܸܢ ܒܝܘܿܡܵܢܵܘ̈ܟ̣ܘܿܢ؛ ܦܘܼܠܚܵܢܵܐ ܗَܘܼ ܕܠܹܐ ܗܲܡܸܢܝܼܬܘܿܢ؛ ܐܸܢ ܐَܢܵܫܵܐ ܗܵܩܹܐ ܠܵܘܟ̣ܘܿܢ. 42ܘܟܲܕ ܒܸܦܠܵܛܵܐ ܗَܘܵܘ ܡ̣ܢ ܠܟܸܣܠܵܝܗܝ؛ ܒܸܥܠܗَܘܿܢ ܡܸܢܵܝܗܝ ܕܒܫܲܒܬܵܐ ܐَܚܹܪَܬܵܐ ܗܲܡܙܸܡܝܼ ܥܲܡܵܝܗܝ ܐܲܢܹܐ ܗܹܡܸܙܡܵܢܹ̈ܐ. 43ܘܡ̣ܢ ܕܦܝܼܫܠܵܗ̇ ܫܪܝܼܬܵܐ ܟܢܘܼܫܬܵܐ؛ ܪܵܒܵܐ ܝܗَܘܼܕܵܝܹ̈ܐ ܐَܙܸܠܗَܘܿܢ ܒܵܬَܪܵܝܗܝ ܘܐܘܼܦ ܓܝܼܘܿܪܹ̈ܐ ܕܙܵܕܥܝܼ ܗَܘܵܘ ܡ̣ܢ ܐܲܠܵܗܵܐ؛ ܘܐܵܢܝܼ ܗܲܡܙܘܼܡܹܐ ܗَܘܵܘ ܘܦܲܪܦܘܿܠܹܐ ܒܝܼܵܝܗܝ ܕܗܵܘܹܐ ܒܸܬܒܵܥܵܐ ܠܫܵܦܵܩܲܬܹܗ ܕܐܲܠܵܗܵܐ. 44ܘܒܫܲܒܬܵܐ ܐَܚܹܪَܬܵܐ ܓ̰ܡܸܥܠܵܗ̇ ܟܠܵܗ̇ ܡܕܝܼܢَܬܵܐ ܠܸܫܡܲܥܝܵܐ ܗܹܡܸܙܡܵܢ ܕܐܲܠܵܗܵܐ. 45ܘܟܲܕ ܚܙܹܐܠܗَܘܿܢ ܝܗَܘܼܕܵܝܹ̈ܐ ܠܟܸܢܫܵܐ ܪܵܒܵܐ؛ ܦܸܫܠܗَܘܿܢ ܡܸܠܝܹܐ ܒܲܚܸܠܵܢܘܼܬܵܐ؛ ܘܩܸܡܠܗَܘܿܢ ܠܕܲܪܩܘܼܒ̣ܠ ܕܗܹܡܸܙܡܵܢܹ̈ܐ ܕܐܵܡܸܪ ܗَܘܵܐ ܦܵܘܠܘܿܣ؛ ܘܡܲܓܕܸܦܝܼ ܗَܘܵܘ. 46ܐَܡܸܪܗَܘܿܢ ܦܵܘܠܘܿܣ ܘܒܲܪܢܒ̣ܵܐ ܒܓ̰ܘܼܪܐܲܬ؛ ܐܸܠܵܘܟ̣ܘܿܢ ܘܵܓ̰ܸܒ ܝܼܗَܘܵܐ ܕܩܵܕَܡܵܝܬܵܐ ܦܵܝܫܵܐ ܗَܘܵܐ ܐَܡܸܪܬܵܐ ܗܹܡܸܙܡܵܢ ܕܐܲܠܵܗܵܐ؛ ܐܸܠܵܐ ܣܵܒܵܒ ܕܪܲܦܘܼܝܘܼܗ̇ ܝܬܘܿܢ ܠܵܗ̇ ܡܸܢܵܘܟ̣ܘܿܢ؛ ܘܩܛܸܥܠܵܘܟܼܘܿܢ ܥܲܠ ܓܵܢܵܘܟ̣ܘܿܢ ܕܠܹܐ ܚܵܫܚܝܼܬܘܿܢ ܠܚܲܝܹ̈ܐ ܕܠܐܵܒܲܕ؛ ܗܵܐ؛ ܒܸܕܝܵܪܵܐ ܝܘܲܚ ܠܟܸܣ ܛܵܝܸܦܹ̈ܐ. 47ܣܵܒܵܒ ܗܲܕܟ̣ܵܐ ܦܘܼܩܸܕܠܹܗ ܐܸܠܲܢ ܡܵܪܲܢ ܐܲܝܟܼ ܕܟܬܝܼܒܼܵܐ ܝَܠܹܗ؛ ܩܲܡ ܡܲܬܒܸܢܘܼܟ ܒܲܗܪܵܐ ܠܛܵܝܸܦܹ̈ܐ؛ ܕܗܵܘܹܝܬܿ ܠܚܲܝܹ̈ܐ ܗܲܠ ܡܲܪ̈ܙܵܢܹܐ ܕܐܲܪܥܵܐ. 48ܘܟܲܕ ܫܲܡܥܝܼ ܗَܘܵܘ ܛܵܝܸܦܹ̈ܐ؛ ܚܵܕܝܼ ܗَܘܵܘ؛ ܘܡܫܲܒܚܝܼ ܗَܘܵܘ ܠܐܲܠܵܗܵܐ؛ ܘܗܘܼܡܸܢܗَܘܿܢ ܐܵܢܝܼ ܕܝܼܗَܘܵܘ ܡܘܼܬܒܹܐ ܠܚܲܝܹ̈ܐ ܕܠܐܵܒܲܕ. 49ܘܗܹܡܸܙܡܵܢ ܕܡܵܪܝܵܐ ܦܵܝܫܵܐ ܗَܘܵܐ ܗܘܼܡܙܸܡܬܵܐ ܒܟܠܹܗ ܗ̇ܘ ܐܲܬܪܵܐ. 50ܐܝܼܢܵܐ ܝܗَܘܼܕܵܝܹ̈ܐ ܚܘܼܒܸܛܠܗَܘܿܢ ܠܪܹ̈ܫܵܢܹܐ ܕܡܕܝܼܢَܬܵܐ ܘܠܒܲܟ̣ܬܵܬܹ̈ܐ ܡܲܥܩܘܼ̈ܠܹܐ ܙܵܕܥܝܵܢܹ̈ܐ ܡ̣ܢ ܐܲܠܵܗܵܐ؛ ܘܡܘܼܩܸܡܠܗَܘܿܢ ܟܵܡܲܪܬܵܐ (ܪܕܘܼܦܝܵܐ) ܥܲܠ ܦܵܘܠܘܿܣ ܘܥܲܠ ܒܲܪܢܒ̣ܵܐ؛ ܘܦܘܼܠܛܵܝܠܗَܘܿܢ ܡ̣ܢ ܬܸܚܘܼܒܵܝ̈ܗܝ. 51ܘܟܲܕ ܦܠܸܛܠܗَܘܿܢ؛ ܢܦܸܨܠܗَܘܿܢ ܥܲܠܵܝܗܝ ܥܲܦܪܵܐ ܕܐܲܩܠܵܬܵܝ̈ܗܝ؛ ܘܐَܬܹܐܠܗَܘܿܢ ܠܐܝܼܩܵܢܘܿܢ ܡܕܝܼܢَܬܵܐ. 52ܘܬܲܠܡܝܼܕܹ̈ܐ ܦܝܵܫܵܐ ܗَܘܵܘ ܡܸܠܝܹܐ ܚܲܕܘܼܬܵܐ ܘܪܘܼܚܵܐ ܕܩܘܼܕܫܵܐ.