1ܐَܬܹܐܠܗَܘܿܢ ܘܥܒܼܸܪܗَܘܿܢ ܡܸܚܕܵܕܹ̈ܐ ܓܵܘ ܟܢܘܼܫܬܵܐ ܕܝܗَܘܼܕܵܝܹ̈ܐ؛ ܘܗܲܕܟ̣ܵܐ ܗܘܼܡܙܸܡܠܗَܘܿܢ ܥܲܡܵܝܗܝ؛ ܕܵܐܟ̣ܝܼ ܕܗܘܼܡܸܢܗَܘܿܢ ܪܵܒܵܐ ܡ̣ܢ ܝܗَܘܼܕܵܝܹ̈ܐ ܘܡ̣ܢ ܝܵܘܢܵܝܹ̈ܐ. 2ܐܝܼܢܵܐ ܝܗَܘܼܕܵܝܹ̈ܐ ܐܵܢܝܼ ܕܠܵܐ ܡܲܨܝܸܬܝܼ ܗَܘܵܘ ܫܓܸܫܠܗَܘܿܢ ܠܛܵܝܸܦܹ̈ܐ؛ ܕܥܵܒܼܕܝܼ ܣܪܝܼܬܵܐ ܠܐܲܚܘܿܢܘܵܬܹ̈ܐ. 3ܘܐܵܢܝܼ ܗَܘܹܐܠܗَܘܿܢ ܬܵܡܵܐ ܩܵܐ ܚܲܕَ ܙܲܒ̣ܢܵܐ ܝܵܪܝܼܟܼܵܐ؛ ܘܒܓ̰ܘܼܪܐܲܬ ܗܲܡܙܸܡܝܼ ܗَܘܵܘ ܒܘܼܬܿ ܕܡܵܪܝܵܐ؛ ܘܗ̇ܘ ܣܵܗܸܕ ܗَܘܵܐ ܠܗܹܡܸܙܡܵܢ ܕܫܵܦܵܩܲܬܹܗ؛ ܒܝܲܕܼ ܢܝܼܫܲܢܩܹ̈ܐ ܘܥܵܓ̰ܸܒܘܼܝܵܬܹ̈ܐ ܕܥܵܒܸܕܼ ܗَܘܵܐ ܒܐܝܼܕܵܬܵܝ̈ܗܝ. 4ܘܟܠܹܗ ܟܸܢܫܵܐ ܕܡܕܝܼܢَܬܵܐ ܦܘܼܠܝܼܵܐ ܗَܘܵܐ؛ ܡܸܢܵܝܗܝ ܐܝܼܬ ܗَܘܵܘ ܥܲܡ ܝܗَܘܼܕܵܝܹ̈ܐ؛ ܘܡܸܢܵܝܗܝ ܬܲܒܥܝܼ ܗَܘܵܘ ܠܫܠܝܼܚܹ̈ܐ. 5ܘܟܲܕ ܗَܘܹܐܠܵܗ̇ ܥܲܠܵܝܗܝ ܓܸܙܡܹ̈ܐ ܡ̣ܢ ܛܵܝܸܦܹ̈ܐ ܘܡ̣ܢ ܝܗَܘܼܕܵܝܹ̈ܐ ܥܲܡ ܪܹ̈ܫܵܢܵܝܗܝ؛ ܕܥܵܒ̣ܕܝܼ ܣܪܝܼܬܵܐ ܐܸܠܵܝܗܝ؛ ܘܪܵܓ̰ܡܝܼ ܠܗَܘܿܢ ܒܟܹܐܦܹ̈ܐ. 6ܟܲܕ ܝَܕܸܥܠܗَܘܿܢ؛ ܥܪܸܩܠܗَܘܿܢ ܘܚܘܿܡܹܐܠܗَܘܿܢ ܠܓܵܢܵܝܗܝ ܒܡܕܝܼܢܵܬܹ̈ܐ ܕܠܘܼܩܵܢܝܼܵܐ ܘܠܘܼܣܛܪܵܐ ܘܕܲܪܒܹܐ ܘܡܵܬܘܵܬܹ̈ܐ ܕܚܵܕܸܪ̈ܘܵܢܵܝܗܝ. ܘܬܵܡܵܐ ܡܲܫܚܸܕܝܼ ܗَܘܵܘ. 7ܘܚܲܕَ ܓܲܒܼܪܵܐ ܝܬܝܼܒ̣ܵܐ ܗَܘܵܐ ܒܠܘܼܣܛܪܵܐ ܡܕܝܼܢَܬܵܐ؛ ܣܲܩܲܬ ܒܐܲܩܠܵܬܘܼ̈ܗܝ؛ ܫܸܠܵܐ ܡ̣ܢ ܟܹܪَܣܵܐ ܕܝܸܡܹܗ؛ ܕܠܹܐ ܗَܘܵܐ ܓ̰ܘܝܼܓ̰ܵܐ ܒܟܠܹܗ ܚܲܝܘܼ̈ܗܝ. 8ܐܵܗܵܐ ܫܡܸܥܠܹܗ ܠܦܵܘܠܘܿܣ ܗܲܡܙܘܼܡܹܐ؛ ܘܟܲܕ ܚܸܪܹܗ ܒܝܹܗ ܦܵܘܠܘܿܣ؛ ܘܝَܕܸܥܠܹܗ ܕܐܝܼܬ ܗَܘܵܐ ܒܝܹܗ ܗܲܝܡܵܢܘܼܬܵܐ ܕܚܲܝܹܗ. 9ܐَܡܸܪܹܗ ܐܸܠܹܗ ܒܩܵܠܵܐ ܪܵܡܵܐ؛ ܐܸܠܘܼܟܼ ܒܹܐܡܵܪܵܐ ܝܘܸܢ ܒܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ ܩܘܼܡَ ܥܲܠ ܐܲܩܠܵܬܘܼ̈ܟܼ ܘܫܘܼܪܹܗ ܘܩܸܡܠܹܗ ܘܓ̰ܘܸܓ̰ܠܹܗ. 10ܘܟܸܢܫܵܐ ܕܛܵܝܸܦܵܐ ܟܲܕ ܚܙܹܐܠܗَܘܿܢ ܡܸܢܕܝܼ ܕܥܒܼܸܕܠܹܗ ܦܵܘܠܘܿܣ؛ ܡܘܼܪܸܡܠܗَܘܿܢ ܩܵܠܵܝܗܝ ܒܠܸܫܵܢܵܐ ܕܐܲܬܼܪܵܐ ܒܹܐܡܵܪܵܐ؛ ܐܲܠܵܗܹ̈ܐ ܡܘܼܕܡܝܹܐ ܠܒܢܲܝ̈ܢܵܫܵܐ ܨܠܹܐܠܗَܘܿܢ ܠܟܸܣܠܲܢ. 11ܘܡܘܼܬܸܒ̣ܠܗَܘܿܢ ܫܸܡܵܐ ܠܒܲܪܢܒ̣ܵܐ؛ ܡܵܪܹܐ ܐܲܠܵܗܹ̈ܐ؛ ܘܠܦܵܘܠܘܿܣ ܗܲܪܡܝܼܣ؛ ܣܵܒܵܒ ܕܗ̇ܘ ܫܵܪܝܵܢܵܐ ܗَܘܵܐ ܒܗܲܡܙܲܡܬܵܐ. 12ܘܟܵܗܢܵܐ ܕܡܵܪܹܐ ܐܲܠܵܗܹ̈ܐ ܕܝܼܗَܘܵܐ ܠܒܲܕܲܪ ܡ̣ܢ ܡܕܝܼܢَܬܵܐ؛ ܡܘܼܝܬܹܐܠܹܗ ܬܵܘܪܹ̈ܐ ܘܟܠܝܼܠܹ̈ܐ ܠܬܲܪܥܵܐ ܕܕܵܪܬܵܐ ܒܕܘܼܟܬܵܐ ܕܫܸܪܝܹܐܐ ܗَܘܵܘ؛ ܘܒܸܒܲܥܝܵܐ ܗَܘܵܐ ܕܥܵܒܸܕ ܕܸܒ̣ܚܵܐ ܩܵܐ ܫܠܝܼܚܹ̈ܐ. 13ܐܝܼܢܵܐ ܒܲܪܢܒܼܵܐ ܘܦܵܘܠܘܿܣ ܟܲܕ ܫܡܸܥܠܗَܘܿܢ؛ ܟ̰ܘܼܢܟ̰ܸܪܗَܘܿܢ ܓ̰ܘܼ̈ܠܵܝܗܝ؛ ܘܫܘܸܪܗَܘܿܢ ܘܦܠܸܛܠܗَܘܿܢ ܓܵܘ ܓ̰ܵܡܵܥܲܬ؛ ܘܡܘܼܩܘܸܚܠܗَܘܿܢ. 14ܘܒܹܐܡܵܪܵܐ؛ ܓܲܒܼܪܹ̈ܐ؛ ܡܘܿܕܝܼ ܒܸܥܒ̣ܵܕܵܐ ܝܬܘܿܢ؛ ܐܘܼܦ ܐܲܚܢܲܢ ܒܢܲܝ̈ܢܵܫܵܐ ܝܘܲܚ ܚܵܫܘܿܫܹ̈ܐ ܐܲܝܟܼ ܕܝܼܵܘܟ̣ܘܿܢ؛ ܕܡܲܫܚܘܼܕܹܐ ܝܘܲܚ ܐܸܠܵܘܟ̣ܘܿܢ ܕܕܵܝܪܝܼܬܘܿܢ ܡܐܲܢܹܐ ܫܘܼܠܹ̈ܐ ܒܵܛܝܼܠܹ̈ܐ ܠܟܸܣ ܐܲܠܵܗܵܐ ܚܲܝܵܐ؛ ܗ̇ܘ ܕܥܒܸܕܠܹܗ ܫܡܲܝܵܐ ܘܐܲܪܥܵܐ ܘܝܵܡܵܐ ܘܟܠ ܕܐܝܼܬ ܓܵܘܵܝܗܝ. 15ܗ̇ܘ ܕܒܕܵܪܹ̈ܐ ܩܵܕَܡܵܝܹ̈ܐ ܫܒܸܩܠܹܗ ܠܟܠܵܝܗܝ ܛܵܝܸܦܹ̈ܐ ܕܐܵܙܠَܝܼ ܒܐܘܼܪ̈ܚܵܬܹܐ ܕܓܵܢܵܝܗܝ. 16ܟܲܕܼ ܠܵܐ ܫܒܸܩܠܹܗ ܠܓܵܢܹܗ ܕܠܵܐ ܣܵܗܕܘܼܬܵܐ؛ ܒܗ̇ܝ ܕܥܵܒܸܕ ܗَܘܵܐ ܐܸܠܵܝܗܝ ܛܵܒ̣ܵܬܹ̈ܐ ܡ̣ܢ ܫܡܲܝܵܐ ܘܡܲܨܠܹܗ ܗَܘܵܐ ܠܗَܘܿܢ ܡܸܛܪܵܐ ܓܲܪܘܸܣܝܼ ܗَܘܵܐ ܛܥܘܼܢܝܵܬܹ̈ܐ ܒܙܲܒܼܢܵܝܗܝ؛ ܘܡܵܠܹܐ ܗَܘܵܐ ܬܘܼܪܣܵܝܵܐ ܘܒܘܼܣܵܡܵܐ ܠܸܒܵܘܵܬܵܝ̈ܗܝ. 17ܘܟܲܕ ܐܲܢܹܐ ܐܵܡܪܝܼ ܗَܘܵܘ؛ ܒܚܲܝܠܵܐ ܡܘܼܟܠܹܐܠܗَܘܿܢ ܠܛܵܝܸܦܵܐ ܕܠܵܐ ܕܵܒܸܚ ܗَܘܵܐ ܐܸܠܵܝܗܝ. 18ܐܝܼܢܵܐ ܐَܬܹܐܠܗَܘܿܢ ܠܬܵܡܵܐ ܝܗَܘܼܕܵܝܹ̈ܐ ܡ̣ܢ ܐܝܼܩܵܢܘܿܢ ܘܡ̣ܢ ܐܵܢܛܝܘܿܟ̣ܝ؛ ܘܡܘܼܫܓܸܫܠܗَܘܿܢ ܐܸܠܵܝܗܝ ܠܛܵܝܸܦܵܐ؛ ܘܪܓ̰ܸܡܠܗَܘܿܢ ܠܦܵܘܠܘܿܣ؛ ܘܓܪܸܫܠܗَܘܿܢ ܐܸܠܹܗ ܠܒܲܕܲܪ ܡܼܢ ܡܕܝܼܢَܬܵܐ؛ ܟܲܕ ܒܸܚܫܵܒ̣ܵܐ ܗَܘܵܘ ܕܡܝܼܬܠܹܗ. 19ܘܟܲܕ ܓ̰ܸܡܥܝܹܐ ܗَܘܵܘ ܥܲܠܘܼܗܝ ܬܲܠܡܝܼܕܹ̈ܐ؛ ܩܸܡܠܹܗ ܥܒܼܸܪܹܗ ܓܵܘ ܡܕܝܼܢَܬܵܐ؛ ܘܒܝܵܘܡܵܐ ܐَܚܹܪَܢܵܐ ܦܠܸܛܠܹܗ ܥܲܡ ܒܲܪܢܒ̣ܵܐ ܠܕܲܪܒܹܐ. ܘܐَܬܹܐܠܗَܘܿܢ ܠܕܲܪܒܹܐ ܡܕܝܼܢَܬܵܐ. 20ܘܟܲܕ ܡܲܫܚܘܼܕܹܐ ܗَܘܵܘ ܠܒܢܘܿܢܹ̈ܐ ܕܗ̇ܝ ܡܕܝܼܢَܬܵܐ؛ ܬܘܼܠܡܸܕܠܗَܘܿܢ ܠܪܵܒܵܐ؛ ܘܕܸܪܗَܘܿܢ ܘܐَܬܹܐܠܗَܘܿܢ ܠܠܘܼܣܛܪܵܐ ܡܕܝܼܢَܬܵܐ؛ ܘܠܐܝܼܩܵܢܘܿܢ؛ ܘܠܵܐܢܛܝܘܿܟ̣ܝ. 21ܟܲܕ ܡܲܩܘܘܼܝܹܐ ܓܵܢܵܬܹ̈ܐ ܕܬܲܠܡܝܼܕܹ̈ܐ؛ ܦܲܪܦܘܼܠܹܐ ܒܝܼܵܝܗܝ ܕܟܵܠܝܼ ܒܗܲܝܡܵܢܘܼܬܵܐ؛ ܘܐܵܡܪܝܼ ܗَܘܵܘ ܐܸܠܵܝܗܝ؛ ܕܒܪܵܒܵܐ ܐܘܼܠܨܵܢܹ̈ܐ ܘܵܓ̰ܸܒ ܝܼܠܵܗ̇ ܠܥܒܼܵܪܵܐ ܠܡܲܠܟܘܼܬܹܗ ܕܐܲܠܵܗܵܐ. 22ܘܡܘܼܩܸܡܠܗَܘܿܢ ܐܸܠܵܝܗܝ ܒܟܠ ܥܹܕܬܵܐ ܚܘܵܪ̈ܕܸܩܢܹܐ؛ ܟܲܕ ܨܵܝܡܝܼ ܗَܘܵܐ ܘܨܵܠܝܼ ܗَܘܵܘ ܨܠܘܿܬܵܐ؛ ܣܘܼܦܝܵܝܠܗَܘܿܢ ܠܡܵܪܲܢ؛ ܕܒܝܹܗ ܗܘܼܡܸܢܗَܘܿܢ. 23ܘܟܲܕ ܚܕܸܪܗَܘܿܢ ܒܐܲܬܼܪܵܐ ܕܦܝܼܣܝܼܕܝܵܐ؛ ܐَܬܹܐܠܗَܘܿܢ ܠܦܲܡܦܹܘܠܝܼܵܐ. 24ܘܟܲܕ ܗܘܼܡܙܸܡܠܗَܘܿܢ ܒܦܲܪܓܹܐ ܡܕܝܼܢَܬܵܐ ܗܹܡܸܙܡܵܢ ܕܡܵܪܝܵܐ؛ ܨܠܹܐܠܗَܘܿܢ ܠܐܝܼܛܵܠܝܼܵܐ. 25ܘܡ̣ܢ ܬܵܡܵܐ ܪܚܸܫܠܗَܘܿܢ ܒܝܵܡܵܐ ܘܐَܬܹܐܠܗَܘܿܢ ܠܐܵܢܛܝܘܿܟ̣ܝ؛ ܣܵܒܵܒ ܕܡ̣ܢ ܬܵܡܵܐ ܣܘܼܦܝܹܐ ܗَܘܵܘ ܠܫܵܦܵܩܲܬܹܗ ܕܐܲܠܵܗܵܐ ܠܦܘܼܠܚܵܢܵܐ ܗ̇ܘ ܕܬܘܼܡܸܡܘܼܗܝ ܗَܘܵܘ. 26ܘܟܲܕ ܓ̰ܘܼܡܸܥܠܗَܘܿܢ ܟܠܵܗ̇ ܥܹܕܬܵܐ؛ ܗܘܼܩܹܠܗَܘܿܢ ܟܠ ܡܸܢܕܝܼ ܕܥܒܼܸܕܠܹܗ ܐܲܠܵܗܵܐ ܥܲܡܵܝܗܝ؛ ܘܕܦܬܸܚܠܹܗ ܬܲܪܥܵܐ ܕܗܲܝܡܵܢܘܼܬܵܐ ܠܛܵܝܸܦܹ̈ܐ. 27ܘܪܵܒܵܐ ܙܲܒ̣ܢܵܐ ܦܸܫܠܗَܘܿܢ ܬܵܡܵܐ ܠܟܸܣ ܬܲܠܡܝܼܕܹ̈ܐ.