1ܘܟܲܕ ܦܝܼܫܠܗَܘܿܢ ܬܘܼܡܸܡܹ̈ܐ ܝܵܘ̈ܡܵܬܼܵܐ ܕܦܲܢܛܹܩܘܿܣܛܹܐ؛ ܓ̰ܸܡܥܝܹܐ ܗَܘܵܘ ܟܠܵܝܗܝ ܡܸܚܕܵܕܹ̈ܐ. 2ܘܗَܘܹܐܠܹܗ ܡܸܢܫܸܠܬܵܢܹ̈ܐ ܡ̣ܢ ܫܡܲܝܵܐ ܩܵܠܵܐ ܐܲܝܟܼ ܡܚܵܝܬܵܐ ܕܦܵܘܚܵܐ ܪܵܒܵܐ ܚܲܝܠܵܢܵܐ؛ ܦܝܼܫܠܹܗ ܡܸܠܝܵܐ ܡܸܢܹܗ ܟܠܹܗ ܗ̇ܘ ܒܲܝܬܵܐ ܕܝܬܝܼܒܹܐ ܗَܘܵܘ ܓܵܘܹܗ. 3ܘܦܸܫܠܗَܘܿܢ ܚܸܙܝܹܗ ܐܸܠܵܝܗܝ ܠܸܫܵܢܹ̈ܐ ܕܦܵܝܫܝܼ ܗَܘܵܘ ܦܘܼܠܝܹܐ؛ ܐܲܝܟܼ ܕܢܘܼܪܵܐ؛ ܘܝܬܸܒ̣ܠܘܿܢ ܥܲܠ ܟܠ ܚܲܕَ ܡܸܢܵܝܗܝ. 4ܘܦܸܫܠܗَܘܿܢ ܡܸܠܝܹܐ ܟܠܵܝܗܝ ܒܪܘܼܚܵܐ ܕܩܘܼܕܼܫܵܐ؛ ܘܫܘܼܪܹܠܘܿܢ ܠܗܲܡܙܘܼܡܹܐ ܒܠܸܫܵܢܹ̈ܐ ܐَܚܹܪَ̈ܢܹܐ؛ ܐܲܝܟܼ ܕܪܘܼܚܵܐ ܝܸܗَܒܸܠܹܗ ܐܸܠܵܝܗܝ ܠܗܲܡܙܘܼܡܹܐ. 5ܘܐܝܼܬ ܗَܘܵܘ ܓܲܒܼܪܹ̈ܐ ܒܸܥܡܵܪܵܐ ܓܵܘ ܐܘܿܪܸܫܠܸܡ؛ ܝܗَܘܼܕܼܵܝܹ̈ܐ؛ ܡ̣ܢ ܟܠܵܝܗܝ ܛܵܝܸܦܹ̈ܐ ܕܬܚܘܿܬ ܫܡܲܝܵܐ. 6ܘܟܲܕ ܗَܘܹܐ ܠܹܗ ܐܵܗܵܐ ܩܵܠܵܐ؛ ܓ̰ܡܸܥܠܹܗ ܟܠܹܗ ܛܵܝܸܦܵܐ؛ ܘܦܸܫܠܹܗ ܫܓ̣ܝܼܫܵܐ؛ ܣܵܒܵܒ ܕܒܸܫܡܲܥܝܵܐ ܗَܘܵܐ ܟܠ ܐَܢܵܫܵܐ ܡܸܢܵܝܗܝ ܕܗܲܡܙܘܼܡܹܐ ܗَܘܵܘ ܒܠܸܫܵܢܹ̈ܐ ܕܓܵܢܵܝܗܝ. 7ܘܚܓ̰ܸܠܘܿܢ ܟܠܵܝܗܝ ܘܥܘܼܓ̰ܸܒܠܘܿܢ؛ ܘܐܵܡܪܝܼ ܗَܘܵܘ ܠܚܲܕَ ܠܗ̇ܘ ܐَܚܹܪَܢܵܐ؛ ܐܲܢܹܐ ܟܠܵܝܗܝ ܕܗܲܡܙܘܼܡܹܐ ܝܢܵܐ؛ ܗܵܐ؛ ܠܹܐ ܝܢܵܐ ܓܠܝܼܠܵܝܹ̈ܐ. 8ܘܕܵܐܟ̣ܝܼ ܐܲܚܢܲܢ ܒܸܫܡܲܥܝܵܐ ܝܘܵܚ ܟܠ ܐَܢܵܫܵܐ ܠܸܫܵܢܹܗ ܕܒܝܹܗ ܦܸܫܠܲܢ ܝَܠܝܼܕܹܐ. 9ܦܲܪ̈ܬܘܵܝܹܐ ܘܡܵܕܵܝܹ̈ܐ ܘܥܠܝܼܡܵܝܹ̈ܐ؛ ܘܐܵܢܝܼ ܕܒܸܥܡܵܪܵܐ ܝܢܵܐ ܓܵܘ ܒܹܝܬ ܢܲܗܪ̈ܝܼܢ؛ ܓܵܘ ܝܼܗܘܼܕ ܘܩܵܦܵܕܘܿܩܝܼܵܐ؛ ܓܵܘ ܦܘܼܢܛܘܿܣ ܘܐܵܣܝܼܵܐ. 10ܘܕܡܼܢ ܐܲܬܼܪܵܐ ܕܦܪܘܿܓ̣ܝܼܵܐ ܘܕܦܲܡܦܹܘܠܝܼܵܐ؛ ܘܕܡܸܨܪܹܝܢ ܘܐܲܬܪ̈ܵܘܵܬܹܐ ܕܠܹܘܒܹܐ ܚܵܕܸܪ̈ܘܵܢܹܐ ܕܩܘܼܪܒܵܐ ܕܩܸܘܪܝܼܢܹܐ؛ ܘܐܵܢܝܼ ܕܐَܬܹܐܠܗَܘܿܢ ܡ̣ܢ ܪܗَܘܿܡܹܐ؛ ܝܗَܘܼܕܵܝܹ̈ܐ ܘܓܝܼܘܿܪܹ̈ܐ. 11ܘܕܡ̣ܢ ܩܪܹ̈ܛܵܝܹܐ ܘܥܲܪ̈ܵܒܵܝܹܐ؛ ܗܵܐ ܒܸܫܡܲܥܝܵܐ ܝܘܵܚ ܡܸܢܵܝܗܝ ܗܲܡܙܘܼܡܹܐ ܒܠܸܫܵܢܹ̈ܐ ܕܝܲܢ ܥܵܓ̰ܸܒܘܵܬܹ̈ܗ ܕܐܲܠܵܗܵܐ. 12ܥܲܓ̰ܒܝܼ ܗَܘܵܘ ܟܠܵܝܗܝ ܘܚܓ̰ܸܠܝܼ ܗَܘܵܘ؛ ܟܲܕ ܒܹܐܡܵܪܵܐ ܚܲܕَ ܠܗ̇ܘ ܐَܚܹܪَܢܵܐ؛ ܡܘܼܕܝܼܠܵܗ̇ ܐܵܗܵܐ ܩܸܣܲܬܿ. 13ܐܝܼܢܵܐ ܐَܚܹܪَ̈ܢܹܐ ܡܲܣܚܸܪܝܼ ܗَܘܵܘ ܒܝܼܵܝܗܝ ܟܲܕ ܐܵܡܪܝܼ؛ ܐܲܢܹܐ ܪ̈ܵܘܵܝܹܐ ܝَܢܵܐ ܒܚܲܡܪܵܐ ܚܵܕَܬܵܐ. 14ܐܝܼܢܵܐ ܩܸܡܠܹܗ ܟܹܐܦܵܐ ܥܲܡ ܚܲܕܸܥܣܲܪ ܫܠܝܼܚܹ̈ܐ؛ ܘܡܘܼܪܸܡܠܹܗ ܩܵܠܹܗ؛ ܘܐَܡܝܼܪܹܗ ܐܸܠܵܝܗܝ؛ ܓܲܒܼܪܹ̈ܐ ܝܗَܘܼܕܵܝܹ̈ܐ؛ ܘܟܠܵܝܗܝ ܥܵܡܪ̈ܵܢܹܐ ܓܵܘ ܐܘܿܪܸܫܠܸܡ؛ ܐܵܗܵܐ ܦܵܝܫܵܐ ܝَܕܥܝܼܬܵܐ ܐܸܠܵܘܟ̣ܘܿܢ؛ ܘܨܘܼܬܘܿܢ ܠܗܹܡܸܙܡܵܢܝܼ̈. 15ܣܵܒܵܒ ܠܹܐ ܝَܠܵܗ̇ ܕܵܐܟ̣ܝܼ ܕܐܲܚܬܘܿܢ ܒܸܚܫܵܒ̣ܵܐ ܝܬܘܿܢ ܕܐܲܢܹܐ ܪܘܼܝܹܐ ܝܢܵܐ؛ ܕܗܵܐ ܗܲܠ ܐܲܕܝܼܵܐ ܬܠܵܬܼܵܐ ܣܵܥܲܬܹ̈ܐ ܝܢܵܐ (ܕܬܸܫܥܵܐ ܩܲܝܕܵܡܬܵܐ). 16ܐܸܠܵܐ ܐܵܗܵܐ ܝَܠܵܗ̇ ܕܦܝܼܫܬܵܐ ܝَܠܵܗ̇ ܐَܡܝܼܪܬܵܐ ܒܝܲܕ ܝܘܼܐܹܝܠ ܢܒ̣ܝܼܵܐ. 17ܒܸܬ ܗܵܘܝܼ ܒܝܵܘܡܵܢܹ̈ܐ ܐَܚܵܪ̈ܵܝܹܐ؛ ܒܹܐܡܵܪܵܐ ܝܠܹܗ ܐܲܠܵܗܵܐ؛ ܒܸܬ ܫܵܦܟܸܢ ܪܘܼܚܝܼ ܥܲܠ ܟܠ ܒܸܣܪܵܐ؛ ܘܒܸܬ ܢܵܒܝܼ ܒܢܘܼܢܵܘ̈ܟ̣ܘܿܢ ܘܒܢܵܬܵܘ̈ܟ̣ܘܿܢ؛ ܘܓ̰ܘܲܢܩܵܘ̈ܟ̣ܘܿܢ ܚܸܙܘܵܢܹ̈ܐ ܒܸܬ ܚܵܙܝܼ؛ ܘܚܘܵܪ̈ܕܸܩܢܵܘܟ̣ܘܿܢ ܚܸܠܡܹ̈ܐ ܒܸܬ ܚܵܠܡܝܼ. 18ܘܥܲܠ ܪܹ̈ܓܵܘܵܬܝܼ ܘܥܲܠ ܚܹܕܲܡܝܵܬܝܼ̈ ܒܸܬ ܫܵܦܟܸܢ ܪܘܼܚܝܼ ܒܐܵܢܝܼ ܝܵܘܡܵܢܹ̈ܐ؛ ܘܒܸܬ ܢܵܒܝܼ. 19ܘܒܸܬ ܝܵܗَܒܸܢ ܢܝܼܫܲܢܩܹ̈ܐ ܒܫܡܲܝܵܐ؛ ܘܥܵܓ̰ܸܒܘܵܬܵܐ ܥܲܠ ܐܲܪܥܵܐ؛ ܕܸܡܵܐ؛ ܘܢܘܼܪܵܐ؛ ܘܥܸܛܪܵܐ ܕܬܸܢܵܐ. 20ܫܸܡܫܵܐ ܒܸܬ ܦܵܝܸܫ ܡܘܼܚܠܸܦܵܐ ܒܚܸܫܟܵܐ؛ ܘܣܲܗܪܵܐ ܒܕܸܡܵܐ؛ ܡܩܵܕَܡ ܕܐܵܬܹܐ ܝܵܘܡܹܗ ܕܡܵܪܝܵܐ ܓܘܼܪܵܐ ܘܣܲܗܡܵܢܵܐ. 21ܘܒܸܬ ܗܵܘܹܐ؛ ܟܠ ܕܩܵܪܹܐ ܒܫܸܡܹܗ ܕܡܵܪܝܵܐ ܒܸܬ ܚܲܝܹܐ. 22ܓܲܒܼܪܹ̈ܐ ܒܢܲܝ̈ ܝܼܣܪܵܝܹܠ؛ ܫܡܸܥܠܗَܘܿܢ ܐܲܢܹܐ ܗܹܡܸܙܡܵܢܹ̈ܐ؛ ܝܼܫܘܿܥ ܢܵܨܪܵܝܵܐ؛ ܓܲܒܼܪܵܐ ܕܡ̣ܢ ܐܲܠܵܗܵܐ ܦܸܫܠܹܗ ܚܸܙܝܵܐ ܠܟܸܣܠܵܘܟ̣ܘܿܢ ܒܚܲܝ̈ܠܹܐ ܘܒܢܝܼܫܲܢܩܹ̈ܐ ܘܒܥܵܓ̰ܸܒܘܵܬܵܐ؛ ܐܵܢܝܼ ܕܐܲܠܵܗܵܐ ܥܒܼܸܕܠܹܗ ܓܵܘܵܘܟ̣ܘܿܢ ܒܐܝܼܕܹܗ؛ ܐܲܝܟܼ ܕܐܲܚܬܘܿܢ ܒܝܼܕܲܥܝܵܐ ܝܬܘܿܢ. 23ܠܐܵܗܵܐ؛ ܕܦܝܼܫܵܐ ܝܼܗܘܵܐ ܦܪܝܼܫܵܐ ܠܐܵܗܵܐ ܒܩܵܕَܡܵܝܬܵܐ ܒܝܼܕܵܥܬܹܗ ܘܒܨܸܒܼܝܵܢܹܗ ܕܐܲܠܵܗܵܐ؛ ܗ̇ܘ ܕܣܘܼܦܹܠܵܘܟܼܘܿܢ ܒܐܝܼܕܵܬܹ̈ܐ ܕܪ̈ܲܫܝܼܥܹܐ ܘܙܩܸܦܠܵܘܟ̣ܘܿܢ ܘܩܛܸܠܵܘܟ̣ܘܿܢ. 24ܐܝܼܢܵܐ ܕܐܲܠܵܗܵܐ ܡܘܼܩܸܡܠܹܗ ܐܸܠܹܗ؛ ܘܫܪܹܠܹܗ ܓ̰ܘܼܢܓ̰ܵܪܹ̈ܐ ܕܫܝܘܿܠ؛ ܣܵܒܵܒ ܠܹܐ ܡܵܨܝܵܐ ܗَܘܵܐ ܕܦܵܝܸܫ ܗَܘܵܐ ܕܒ̣ܝܼܩܵܐ ܒܫܝܘܿܠ. 25ܣܵܒܵܒ ܕܵܘܝܼܕ ܐَܡܝܼܪܹܗ ܒܘܼܬ ܕܝܼܹܗ؛ ܟܹܐ ܚܵܙܹܐ ܠܡܵܪܝܼ ܒܟܠ ܙܲܒܼܢܵܐ؛ ܕܥܲܠ ܝܲܡܝܼܢܝܼ ܝܠܹܗ ܕܠܵܐ ܫܵܥܫܸܢ؛ 26ܒܘܼܬ ܕܐܵܗܵܐ ܚܕܹܐܠܹܗ ܠܸܒܝܼ؛ ܘܦܨܸܚܠܵܗ̇ ܬܸܫܒܿܘܿܚܬܝܼ؛ ܘܐܘܼܦ ܦܲܓܼܪܝܼ ܒܸܬ ܫܵܪܹܐ ܥܲܠ ܣܲܒܼܪܵܐ؛ 27ܕܠܹܐ ܫܵܒ̣ܩܸܬ ܠܓܵܢܝܼ ܓܵܘ ܫܝܘܿܠ؛ ܘܠܹܐ ܝܵܗَܒܸܬ ܠܡܚܸܣܝܘܼܟܼ ܕܚܵܙܝܼ ܚܪܵܒ̣ܵܐ. 28ܓܠܹܐܠܘܼܟܼ ܐܸܠܝܼ ܐܘܼܪܚܵܐ ܕܚܲܝܹ̈ܐ؛ ܒܸܬ ܡܵܠܸܬ ܠܝܼ ܒܲܣܝܼܡܘܼܬܼܵܐ ܥܲܡ ܦܲܪܨܘܿܦܘܿܟܼ. 29ܓܲܒܼܪܹ̈ܐ ܐܲܚܘܿܢܘܵܬ̈ܲܢ؛ ܒܕܲܣܬܘܼܪ ܝܼܠܵܗ̇ ܠܹܐܡܵܪܵܐ ܒܓܸܠܝܘܼܬܼܵܐ ܠܟܸܣܠܵܘܟ̣ܘܿܢ ܒܘܼܬܿ ܪܹܫܵܐ ܕܐܲܒܼ̈ܵܗܵܬܼܵܐ ܕܵܘܝܼܕ؛ ܕܡܝܼܬܠܹܗ ܘܐܘܼܦ ܦܸܫܠܹܗ ܩܒ̣ܝܼܪܵܐ؛ ܘܒܹܝܬ ܩܒ̣ܘܼܪܹܗ ܠܟܸܣܠܲܢ ܝܼܠܵܗ̇ ܗܲܠ ܐܵܗܵܐ ܝܵܘܡܵܐ. 30ܣܵܒܵܒ ܕܢܒ̣ܝܼܵܐ ܗَܘܵܐ؛ ܘܟܹܐ ܝܲܕܸܥ ܗَܘܵܐ ܕܒܡܵܘ̈ܡܵܬܵܐ ܝܡܹܐܠܹܗ ܐܸܠܹܗ ܐܲܠܵܗܵܐ؛ ܕܡ̣ܢ ܛܥܘܼܢܝܵܬܹ̈ܐ ܕܚܵܨܘܼܟܼ ܒܸܬ ܡܲܬܝܸܒ̣ ܥܲܠ ܟܘܼܪܣܝܘܼܟܼ. 31ܟܲܕ ܒܩܵܕَܡܵܝܬܵܐ ܚܙܹܐ ܠܹܗ؛ ܗܘܼܡܙܸܡܠܹܗ ܒܘܼܬ ܕܩܝܵܡܬܹܗ ܕܡܫܝܼܚܵܐ؛ ܕܠܵܐ ܦܸܫܠܹܗ ܫܒ̣ܝܼܩܵܐ ܓܵܘ ܫܝܘܿܠ؛ ܘܐܘܼܦ ܦܲܓ̣ܪܹܗ ܠܵܐ ܚܙܹܐ ܠܹܗ ܚܪܵܒ̣ܵܐ. 32ܠܐܵܗܵܐ ܝܼܫܘܿܥ ܡܘܼܩܸܡܠܹܗ ܐܲܠܵܗܵܐ؛ ܘܐܲܚܢܲܢ ܟܠܲܢ ܣܵܗܕܘܼ̈ܗܝ ܝܘܵܚ. 33ܘܗ̇ܘ ܒܝܲܡܝܼܢܹܗ ܕܐܲܠܵܗܵܐ ܦܸܫܠܹܗ ܡܘܼܪܡܵܐ؛ ܘܫܩܸܠܹܗ ܡ̣ܢ ܒܵܒܵܐ ܩܵܘܠܵܐ ܒܘܼܬ ܪܘܼܚܵܐ ܕܩܘܼܕܫܵܐ؛ ܡܘܼܫܦܸܟ̣ܠܹܗ ܐܵܗܵܐ ܡܵܘܗܲܒܼܬܼܵܐ ܕܒܸܚܙܵܝܵܐ ܝܬܘܿܢ ܘܒܸܫܡܲܥܝܵܐ ܝܬܘܿܢ. 34ܣܵܒܵܒ ܠܵܐ ܗَܘܵܐ ܕܵܘܝܼܕ ܐَܣܸܩܠܹܗ ܠܫܡܲܝܵܐ؛ ܣܵܒܵܒ ܗ̇ܘ ܐَܡܝܼܪܹܗ؛ ܐَܡܝܼܪܹܗ ܡܵܪܝܵܐ ܠܡܵܪܝܼ؛ ܝܬܘܿܒ̣ ܠܘܼܟܼ ܡ̇ܢ ܝܲܡܝܼܢܝܼ؛ 35ܗܲܠ ܕܡܲܬܒܸܢ ܕܸܫܡܸܢܘܼ̈ܟ ܟܘܼܒ̣ܫܵܐ ܠܐܲܩܠܘܼ̈ܟ. 36ܗܲܕܟ̣ܵܐ ܝܲܕܸܥ ܟܠܹܗ ܒܹܝܬ ܝܼܣܪܵܝܹܠ ܫܲܪܝܼܪܵܐܝܼܬ؛ ܕܡܵܪܝܵܐ ܘܡܫܝܼܚܵܐ ܥܒܸܕܠܹܗ ܐܲܠܵܗܵܐ ܠܐܵܗܵܐ ܝܼܫܘܿܥ ܕܐܲܚܬܘܿܢ ܙܩܸܦܠܵܘܟ̣ܘܿܢ. 37ܐܝܼܢܵܐ ܟܲܕ ܫܡܸܥܠܗَܘܿܢ ܐܲܢܹܐ؛ ܦܸܫܠܗَܘܿܢ ܢܥܝܼܨܹܐ ܒܠܸܒܵܝ؛ ܘܐَܡܸܪܗَܘܿܢ ܠܟܹܐܦܵܐ ܘܠܫܠܝܼܚܹ̈ܐ ܐَܚܹܪَ̈ܢܹܐ؛ ܡܘܼܕܝܼ ܥܵܒ̣ܕܵܚ ܐܲܚܘܿܢܘܵܬ̈ܲܢ. 38ܐَܡܝܼܪܹܗ ܐܸܠܵܝܗܝ ܟܹܐܦܵܐ؛ ܬܲܘܸܒܘܿܢ؛ ܘܥܵܡܸܕ ܟܠ ܐَܢܵܫܵܐ ܡܸܢܵܘܟ̣ܘܿܢ ܒܫܸܡܹܗ ܕܝܼܫܘܿܥ ܡܫܝܼܚܵܐ؛ ܠܫܒ̣ܵܩܵܐ ܕܚܛܝܼܵܬܹ̈ܐ؛ ܘܒܸܬ ܩܵܒ̇ܠܝܼܬܘܿܢ ܚܲܠܥܲܬ ܕܪܘܼܚܵܐ ܕܩܘܼܕܫܵܐ. 39ܣܵܒܵܒ ܕܐܸܠܵܘܟ̣ܘܿܢ ܗَܘܹܐ ܠܹܗ ܩܵܘܠܵܐ؛ ܘܠܒܢܘܼܢܵܘ̈ܟ̣ܘܿܢ؛ ܘܠܟܠܵܝܗܝ ܐܵܢܝܼ ܕܝܼܢܵܐ ܪܸܚܩܵܐ؛ ܟܡܵܐ ܕܡܵܪܝܵܐ ܐܲܠܵܗܲܢ ܒܸܬ ܩܵܪܹܐܠܗَܘܿܢ. 40ܘܒܪܵܒܵܐ ܗܹܡܸܙܡܵܢܹ̈ܐ ܐَܚܹܪَ̈ܢܹܐ ܣܗܸܕܠܹܗ ܐܸܠܵܝܗܝ؛ ܘܦܘܼܪܦܸܠܹܗ ܒܝܼܵܝܗܝ؛ ܒܹܐܡܵܪܵܐ؛ ܦܪܘܿܩܘܿܢ ܠܵܘܟ̣ܘܿܢ ܡܐܵܗܵܐ ܐܘܼܓ̰ܵܓ̣ ܦܟ̰ܝܼܠܬܵܐ. 41ܘܐَܢܵܫܹ̈ܐ ܡܸܢܵܝܗܝ ܒܗ̇ܝ ܥܕܵܢܵܐ ܐܵܢܝܼ ܗܲܕܟ̣ܵܐ ܡܸܢܵܝܗܝ ܕܩܘܼܒܸ̇ܠܘܿܢ ܗܲܡܙܲܡܬܹܗ. ܘܗܘܼܡܸܢܗܘܿܢ ܘܥܡܸܕܠܗَܘܿܢ؛ ܘܦܸܫܠܗَܘܿܢ ܡܘܼܙܝܸܕܹܐ ܒܗ̇ܘ ܝܵܘܡܵܐ ܐܲܝܟܼ ܬܠܵܬَܐ ܐܲܠܦܹ̈ܐ ܓܵܢܵܬܹ̈ܐ. 42ܘܕܵܝܸܡ ܗَܘܹܐܠܗَܘܿܢ ܒܝܘܼܠܦܵܢܵܐ ܕܫܠܝܼܚܹ̈ܐ؛ ܘܟܹܐ ܡܫܲܪܝܼܟܝܼ ܗَܘܵܘ ܒܨܠܘܿܬܼܵܐ ܘܒܩܨܵܝܬܵܐ ܕܠܲܚܡܵܐ. 43ܘܟܹܐ ܗܵܘܝܵܐ ܗَܘܵܐ ܙܕܘܼܥܬܵܐ ܒܟܠ ܓܵܢܵܐ؛ ܘܢܝܼܫܲܢܩܹ̈ܐ ܪܵܒܵܐ ܘܥܵܓ̰ܸܒ̈ܘܵܬܵܐ ܗܵܘܝܼ ܗَܘܵܘ ܒܝܲܕ ܫܠܝܼܚܹ̈ܐ ܒܐܘܿܪܸܫܠܸܡ. 44ܘܟܠܵܝܗܝ ܐܵܢܝܼ ܕܗܘܼܡܸܢܗَܘܿܢ ܡܸܚܕܵܕܹ̈ܐ ܗَܘܵܘ؛ ܘܟܠ ܡܸܢܕܝܼ ܕܐܝܼܬ ܗَܘܵܐ ܠܗَܘܿܢ ܟܹܐ ܡܫܲܪܝܼܟܝܼ ܗܘܵܐܠܹܗ ܒܹܝܠܵܝܗܝ. 45ܘܐܵܢܝܼ ܕܐܝܼܬ ܗܘܵܐܠܗܘܿܢ ܩܸܢܝܵܢܵܐ ܟܹܐ ܡܙܲܒܢܝܼ ܗܘܵܐܠܹܗ؛ ܘܟܹܐ ܦܲܠܥܝܼ ܗܘܵܐܠܹܗ ܠܟܠ ܐَܢܵܫܵܐ ܐܲܝܟܼ ܕܝܼܗَܘܵܐ ܣܢܝܼܩܵܐ. 46ܘܟܠ ܝܘܿܡ ܕܵܝܸܡ ܗَܘܹܐܠܗَܘܿܢ ܓܵܘ ܗܲܝܟܠܵܐ ܒܚܕܵܐ ܓܵܢܵܐ؛ ܘܒܒܲܝܬܵܐ ܒܸܩܨܵܝܵܐ ܗَܘܵܘ ܠܲܚܡܵܐ؛ ܘܩܵܒ̇ܠܝܼ ܗَܘܵܘ ܡܹܐܟ̣ܘܼܠܬܵܐ ܒܦܨܵܚܵܐ ܘܦܫܝܼܛܘܼܬܵܐ ܕܠܸܒܵܝܗܝ. 47ܫܵܒܘܿܚܹܐ ܠܐܲܠܵܗܵܐ؛ ܟܲܕ ܦܝܵܫܵܐ ܡܝܘܼܩܪܹܐ ܩܵܕَܡ ܟܠܹܗ ܛܵܝܸܦܵܐ. ܘܡܵܪܲܢ ܡܲܙܝܸܕ ܗَܘܵܐ ܟܠ ܝܘܿܡ ܐܵܢܝܼ ܕܚܲܝܝܼ ܗَܘܵܘ ܒܥܹܕܬܵܐ.