1ܗܘܹܐ ܠܵܗ̇ ܟܲܕ ܒܹܐܣܵܩܵܐ ܗَܘܵܘ ܟܹܐܦܵܐ ܘܝܘܿܚܲܢܵܢ ܡܸܚܕܵܕܹ̈ܐ ܠܗܲܝܟܠܵܐ؛ ܒܥܕܵܢܵܐ ܕܨܠܘܿܬܵܐ ܕܐܸܬܫܲܥ ܣܵܥܲܬܹ̈ܐ (ܬܠܵܬَ ܒܵܬَܪ ܟܵܘܸܬܪܵܐ). 2ܘܗܵܐ ܘܚܲܕَ ܓܲܒܼܪܵܐ ܣܲܩܲܬ ܡ̣ܢ ܟܹܪَܣܵܐ ܕܝܸܡܹܗ؛ ܫܩܝܼܠܘܼܗܝ ܗَܘܵܘ ܐَܢܵܫܹ̈ܐ ܐܵܢܝܼ ܕܐܝܼܬܿ ܗَܘܵܐܠܗَܘܿܢ ܥܵܕܲܬ ܕܟܹܐ ܡܲܬܒ̣ܝܼ ܗَܘܵܘ ܠܹܗ ܒܬܲܪܥܵܐ ܕܗܲܝܟܠܵܐ ܕܦܝܵܫܵܐ ܝܠܹܗ ܩܸܪܝܵܐ ܫܲܦܝܼܪܵܐ؛ ܕܗܵܘܹܐ ܒܸܛܠܵܒܵܐ ܐܸܪܘܵܢܵܐ ܡ̣ܢ ܥܲܒܼܪ̈ܵܢܹܐ ܓܵܘ ܗܲܝܟܠܵܐ. 3ܐܵܗܵܐ؛ ܟܲܕ ܚܙܹܐ ܠܹܗ ܠܟܹܐܦܵܐ ܘܠܝܘܿܚܲܢܵܢ ܒܸܥܒܼܵܪܵܐ ܓܵܘ ܗܲܝܟܠܵܐ؛ ܛܠܸܒܠܹܗ ܡܸܢܵܝܗܝ ܕܝܵܗَܒ̣ܝܼ ܠܹܗ ܐܸܪܘܵܢܵܐ. 4ܚܸܪܗَܘܿܢ ܒܝܹܗ ܟܹܐܦܵܐ؛ ܥܲܡ ܝܘܿܚܲܢܵܢ؛ ܘܐَܡܸܪܗَܘܿܢ ܐܸܠܹܗ؛ ܚܘܼܪ ܒܝܲܢ. 5ܐܝܼܢܵܐ ܗ̇ܘ ܚܸܪܹܗ ܐܸܠܵܝܗܝ؛ ܟܲܕ ܚܵܫܸܒܼ ܗَܘܵܐ ܠܸܫܩܵܠܵܐ ܡܸܢܵܝܗܝ ܡܸܢܕܝܼ. 6ܐܵܡܸܪ ܐܸܠܹܗ ܫܸܡܥܘܿܢ؛ ܕܲܗܒ̣ܵܐ ܘܣܹܐܡܵܐ ܠܲܝܬ ܠܝܼ؛ ܐܸܠܵܐ ܡܸܢܕܝܼ ܕܐܝܼܬ ܠܝܼ ܒܝܼܵܗَܒ̣ܵܐ ܝܘܸܢ ܠܘܼܟܼ. ܒܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ ܢܵܨܪܵܝܵܐ؛ ܩܘܼܡَ ܚܕܘܿܪ. 7ܘܕܒܸܩܠܹܗ ܒܐܝܼܕܹܗ ܕܝܲܡܝܼܢܵܐ ܘܡܘܼܩܸܡܠܹܗ؛ ܘܗܲܪ ܒܗ̇ܝ ܣܵܥܲܬ ܩܘܹܠܘܿܢ ܐܲܩܠܵܬܘܼ̈ܗܝ ܘܥܸܩܒܘܼ̈ܗܝ. 8ܘܫܘܸܪܹܐ ܩܸܡܠܹܗ ܘܚܕܸܪܹܐ؛ ܘܥܒܼܸܪܹܗ ܥܲܡܵܝܗܝ ܓܵܘ ܗܲܝܟܠܵܐ؛ ܟܲܕ ܒܸܚܕܵܪܵܐ؛ ܘܒܸܫܘܵܪܵܐ؛ ܘܫܵܒܘܿܚܹܐ ܠܐܲܠܵܗܵܐ. 9ܘܚܙܹܐܠܗَܘܿܢ ܐܸܠܹܗ ܟܠܹܗ ܛܵܝܸܦܵܐ ܟܲܕ ܒܸܚܕܵܪܵܐ ܘܫܵܒܘܿܚܹܐ ܠܐܲܠܵܗܵܐ. 10ܘܝܕܸܥܠܘܿܢ ܕܐܵܗܵܐ ܗَܘܵܐ ܗ̇ܘ ܓܹܒܼܵܝܵܐ ܕܝܵܬܸܒ̣ ܗَܘܵܐ ܟܠ ܝܘܿܡ ܘܛܵܠܸܒ ܗܘَܘܵܐ ܐܸܪܘܵܢܵܐ ܠܟܸܣ ܬܲܪܥܵܐ ܕܟܹܐ ܦܵܐܸܫ ܩܸܪܝܵܐ ܫܲܦܝܼܪܵܐ؛ ܘܦܸܫܠܗَܘܿܢ ܡܸܠܝܹܐ ܚܓ̰ܲܠܬܵܐ ܘܥܘܼܓ̰ܵܒܵܐ ܥܲܠ ܡܸܢܕܝܼ ܕܗَܘܹܐ ܠܹܗ ܐܸܠܹܗ. 11ܘܟܲܕ ܕܒ̣ܝܼܩܵܐ ܗَܘܵܐ ܠܫܸܡܥܘܿܢ ܘܠܝܘܿܚܲܢܵܢ؛ ܪܚܸܛܠܹܗ ܟܠܹܗ ܛܵܝܸܦܵܐ ܟܲܕ ܥܵܓ̰ܘܿܒܹܐ ܪܵܒܵܐ ܠܟܸܣܠܵܝܗܝ؛ ܠܨܘܼܦܵܐ ܕܦܝܵܫܵܐ ܝܠܹܗ ܩܸܪܝܵܐ؛ ܕܫܠܹܝܡܘܿܢ. 12ܘܟܲܕ ܚܙܹܐ ܠܹܗ ܫܸܡܥܘܿܢ؛ ܓ̰ܘܼܘܸܒܠܹܗ ܘܐَܡܸܪܹܗ ܐܸܠܵܝܗܝ؛ ܓܲܒܼܪܹ̈ܐ ܒܢܲܝ̈ ܝܼܣܪܵܝܹܠ؛ ܩܵܡܘܿܕܝܼ ܥܵܓ̰ܘܿܒܹܐ ܝܬܘܿܢ ܒܐܵܗܵܐ؛ ܝܲܢ ܒܝܲܢ ܩܵܡܘܿܕܝܼ ܒܸܚܝܵܪܵܐ ܝܬܘܿܢ؛ ܐܲܝܟܼ ܕܒܚܲܝܠܵܐ ܝܲܢ ܒܫܘܼܠܛܵܢܵܐ ܕܓܵܢܲܢ ܥܒܸܕܠܲܢ ܐܵܗܵܐ ܕܚܵܕܸܪ. 13ܐܲܠܵܗܹܗ ܕܐܲܒ̣ܪܵܗܵܡ ܘܕܐܝܼܣܚܵܩ ܘܕܝܲܥܩܘܿܒ̣؛ ܐܲܠܵܗܵܐ ܕܐܲܒ̣̈ܵܗܵܬܲܢ ܚܩܸܪܹܗ ܠܒܪܘܿܢܹܗ ܝܼܫܘܿܥ؛ ܗ̇ܘ ܕܐܲܚܬܘܿܢ ܣܘܼܦܹܠܵܘܟ̣ܘܿܢ ܘܟܦܸܪܵܘܟ̣ܘܿܢ ܒܝܹܗ ܩܵܕَܡ ܦܵܬܵܐ ܕܦܝܼܠܵܛܘܿܣ؛ ܟܲܕ ܗ̇ܘ ܒܵܥܹܐ ܗَܘܵܐ ܕܫܵܪܹܐ ܗَܘܵܐ ܠܹܗ. 14ܐܝܼܢܵܐ ܐܲܚܬܘܿܢ ܒܩܲܕܝܼܫܵܐ ܘܙܲܕܝܼܩܵܐ ܟܦܸܪܵܘܟ̣ܘܿܢ؛ ܘܛܠܸܒܠܵܘܟ̣ܘܿܢ ܠܓܲܒܼܪܵܐ ܩܵܛܘܿܠܵܐ ܕܦܵܝܸܫ ܝܘܼܗَܒ̣ܵܐ ܐܸܠܵܘܟ̣ܘܿܢ. 15ܘܠܗ̇ܘ ܪܹܫܵܐ ܕܚܲܝܹ̈ܐ ܩܛܸܠܵܘܟ̣ܘܿܢ؛ ܕܐܸܠܹܗ ܡܘܼܩܸܡܠܹܗ ܐܲܠܵܗܵܐ ܡ̣ܢ ܒܹܝܬܼ ܡܝܼܬܹ̈ܐ؛ ܘܐܲܚܢܲܢ ܟܠܲܢ ܣܵܗܕܘܼ̈ܗܝ ܝܘܵܚ. 16ܘܒܗܲܝܡܵܢܘܼܬܵܐ ܕܫܸܡܹܗ؛ ܠܐܵܗܵܐ ܕܒܸܚܙܵܝܵܐ ܝܬܘܿܢ ܘܒܝܼܕܲܥܝܵܐ ܝܬܘܿܢ؛ ܦܝܼܫܠܹܗ ܒܣܝܼܡܵܐ؛ ܘܗܲܝܡܵܢܘܼܬܵܐ ܕܒܝܹܗ ܝܘܼܗَܒܼܸܠܵܗ̇ ܐܸܠܹܗ ܐܵܗܵܐ ܒܣܵܡܬܵܐ ܩܵܕَܡ ܟܠܵܘܟ̣ܘܿܢ. 17ܐܝܼܢܵܐ ܐܵܕܝܼܵܐ؛ ܐܲܚܘܿܢܘܵܬܝܼ̈؛ ܒܝܼܕܲܥܝܵܐ ܝܘܸܢ ܕܒܠܵܐ ܝܕܸܥܬܵܐ ܥܒܸܕܠܵܘܟ̣ܘܿܢ ܐܵܗܵܐ؛ ܐܲܝܟܼ ܕܥܒܸܕܠܗَܘܿܢ ܪܹ̈ܫܵܢܵܘܟ̣ܘܿܢ. 18ܘܐܲܠܵܗܵܐ ܕܵܐܟ̣ܝܼ ܕܩܵܕَܡܵܝܬܵܐ ܡܘܼܟܪܸܙܠܹܗ ܒܦܘܼܡܵܐ ܕܟܠܵܝܗܝ ܢܒ̣̈ܝܹܐ؛ ܕܩܵܒܸ̇ܠ ܚܲܫܵܐ ܡܫܝܼܚܹܗ؛ ܬܘܼܡܸܡܠܹܗ ܗܲܕܟ̣ܵܐ. 19ܬܲܘܸܒܘܿܢ ܗܲܕܟ̣ܵܐ ܘܕܘܼܪܘܿܢ؛ ܕܦܵܝܫܝܼ ܓܪܝܼܕܹܐ ܚܛܵܗܵܘ̈ܟ̣ܘܿܢ؛ ܗܲܕܟ̣ܵܐ ܕܐܵܬܝܼ ܐܸܠܵܘܟ̣ܘܿܢ ܙܲܒ̣ܢܹ̈ܐ ܕܢܝܵܚܬܵܐ ܡ̣ܢ ܩܵܕَܡ ܦܲܪܨܘܿܦܹܗ ܕܡܵܪܝܵܐ. 20ܘܕܫܵܕܸܪ ܐܸܠܵܘܟܼܘܿܢ ܠܗ̇ܘ ܕܝܼܗَܘܵܐ ܩܵܕَܡܵܝܬܵܐ ܗܘܼܕܪܘܼܗܝ ܗَܘܵܐ ܐܸܠܵܘܟ̣ܘܿܢ؛ ܠܝܼܫܘܿܥ ܡܫܝܼܚܵܐ. 21ܕܐܸܠܹܗ ܘܵܓ̰ܸܒ ܝܼܠܵܗ̇ ܠܫܡܲܝܵܐ ܕܩܵܒ̇ܠܝܼ ܗܲܠ ܫܘܼܡܠܵܝܵܐ ܕܙܲܒ̣ܢܹ̈ܐ. ܕܟܠܵܝܗܝ ܐܵܢܝܼ ܕܗܘܼܡܙܸܡܠܹܗ ܐܲܠܵܗܵܐ ܒܦܘܼܡܵܐ ܕܢܒ̣ܝܼܘܼ̈ܗܝ ܩܲܕܝܼܫܹ̈ܐ ܕܡ̣ܢ ܥܵܠܲܡ. 22ܣܵܒܵܒ ܡܘܼܫܹܐ ܐَܡܸܪܹܗ ܠܐܲܒ̣̈ܵܗܵܬܲܢ؛ ܢܒ̣ܝܼܵܐ ܒܸܬ ܡܲܩܸܡ ܠܵܘܟ̣ܘܿܢ ܡܵܪܝܵܐ ܐܲܠܵܗܵܘܟ̣ܘܿܢ ܡ̣ܢ ܐܲܚܘܿܢܘܵܬܵܘ̈ܟ̣ܘܿܢ ܐܲܝܟܼ ܕܝܼܝܼ؛ ܐܸܠܹܗ ܫܲܡܥܝܼܬܘܿܢ ܒܟܠ ܡܸܢܕܝܼ ܕܗܲܡܙܸܡ ܥܲܡܵܘܟ̣ܘܿܢ. 23ܘܒܸܬ ܗܵܘܝܵܐ؛ ܟܠ ܓܵܢܵܐ ܗ̇ܝ ܕܠܵܐ ܫܲܡܥܵܐ ܠܗ̇ܘ ܢܒ̣ܝܼܵܐ؛ ܒܸܬ ܬܵܠܩܵܐ ܡ̣ܢ ܛܵܝܸܦܵܗ̇. 24ܘܢܒ̣̈ܝܼܹܐ ܟܠܵܝܗܝ ܕܡ̣ܢ ܫܡܘܼܐܹܝܠ؛ ܘܐܵܢܝܼ ܕܡ̣ܢ ܒܵܬَܪܹܗ ܗَܘܹܐܠܗَܘܿܢ؛ ܗܘܼܡܙܸܡܠܗَܘܿܢ ܡܘܼܟܪܸܙܠܗَܘܿܢ ܒܘܼܬܿ ܕܐܲܢܹܐ ܝܵܘܡܵܢܹ̈ܐ. 25ܐܲܚܬܘܿܢ ܝܼܬܘܿܢ ܒܢܘܼܢܹ̈ܐ ܕܢܒ̣̈ܝܹܐ؛ ܘܕܕܝܵܬܹܩܹܐ ܗ̇ܝ ܕܡܘܼܬܸܒ̣ܠܹܗ ܐܲܠܵܗܵܐ ܠܐܲܒ̣ܵـ̈ـܗܵܬܲܢ؛ ܟܲܕ ܐَܡܸܪܹܗ ܠܐܲܒ̣ܪܵܗܵܡ؛ ܒܙܲܪܥܘܼܟ ܒܸܬ ܦܵܝܫܝܼ ܒܘܼܪܟܹܐ ܟܠܵܝܗܝ ܐܘܼ̈ܓ̰ܵܓܹܐ ܕܐܲܪܥܵܐ. 26ܐܸܠܵܘܟ̣ܘܿܢ ܩܵܕَܡܵܝܬܵܐ ܡܘܼܩܸܡܠܹܗ ܘܫܘܼܕܸܪܹܗ ܐܲܠܵܗܵܐ ܠܒܪܘܿܢܹܗ؛ ܟܲܕ ܒܵܪܸܟܼ ܠܵܘܟ̣ܘܿܢ؛ ܐܸܢ ܕܲܝܪܝܼܬܘܿܢ ܘܬܲܘܝܼܒܝܼܬܘܿܢ ܡ̣ܢ ܒܝܼܫܵܬܵܘ̈ܟ̣ܘܿܢ.