1ܘܟܲܕ ܦܸܫܠܵܗ̇ ܩܛܥܝܼܬܵܐ ܕܦܵܐܹܫ ܫܘܼܕܪܵܐ ܠܟܸܣ ܩܹܣܲܪ ܠܐܝܼܛܵܠܝܼܵܐ؛ ܣܘܼܦܹܐܠܗ݇ܘܿܢ ܠܦܵܘܠܘܿܣ ܘܠܲܐܣܝܼܪܹ̈ܐ ܐ݇ܚܹܪ̈݇ܢܹܐ ܥܲܡܹܗ ܠܚܲܕ݇ ܓܲܒܼܪܵܐ ܩܸܢܛܪܘܿܢܵܐ؛ ܡ̣ܢ ܕܲܣܬܵܐ ܕܣܹܒܲܣܛܹܐ؛ ܕܫܸܡܹܗ ܝܘܼܠܝܘܿܣ. 2ܘܟܲܕ ܛܪܹܐܠܲܢ؛ ܨܠܹܐܠܲܢ ܓܵܘ ܓܵܡܝܼ ܕܝܼܗَܘܵܐ ܡ̣ܢ ܐܵܕܪܵܡܸܢܛܘܿܣ ܡܕܝܼܢَܬܵܐ؛ ܘܒܹܐܙܵܠܵܐ ܗَܘܵܐ ܠܐܲܬܪܵܐ ܒܬܸܚܘܼܒ ܕܐܵܣܝܼܵܐ؛ ܟܲܕ ܗ݇ܘܹܐܠܹܗ ܥܲܡܲܢ ܓܵܘ ܓܵܡܝܼ ܐܵܪܸܣܛܲܪܟܼܘܿܣ ܡܵܩܹܕܘܿܢܵܝܵܐ؛ ܕܡ̣ܢ ܬܸܣܵܠܘܿܢܝܼܩܹܐ ܡܕܝܼܢَܬܵܐ. 3ܘܠܝܵܘܡܵܐ ܐ݇ܚܹܪ݇ܢܵܐ ܡܛܹܐܠܲܢ ܠܨܲܝܕܘܿܢ؛ ܘܝܘܼܠܝܘܿܣ ܡܘܼܚܙܹܐܠܹܗ ܪ̈ܲܚܡܹܐ ܠܟܸܣ ܦܵܘܠܘܿܣ؛ ܘܝܘܼܗ݇ܒܼܸܠܹܗ ܕܲܣܬܘܼܪ ܐܸܠܹܗ ܕܐܵܙܸܠ ܠܟܸܣ ܕܵܘܣܬܘܼ̈ܗܝ ܕܡܲܢܝܸܚ. 4ܘܡ̣ܢ ܬܵܡܵܐ ܛܪܹܐܠܲܢ؛ ܘܣܵܒܵܒ ܕܦܵܘܚܹ̈ܐ ܠܒܲܪܩܘܼܒܼܠܲܢ ܝܼܗَܘܵܘ؛ ܛܪܹܐܠܲܢ ܬܚܘܿܬ ܩܸܘܦܪܘܿܣ. 5ܘܥܒܼܸܪܲܢ ܝܵܡܵܐ ܕܒܲܪܩܘܼܒܼܠ ܕܩܝܼܠܝܼܩܝܼܵܐ ܘܕܦܲܡܦܹܘܠܝܼܵܐ؛ ܘܡܛܹܐܠܲܢ ܠܡܹܘܪܵܐ؛ ܡܕܝܼܢ݇ܬܵܐ ܕܠܘܼܩܝܼܵܐ. 6ܘܬܵܡܵܐ ܩܸܢܛܪܘܿܢܵܐ ܡܘܼܫ݇ܟ̰ܸܚܠܹܗ ܚܕܵܐ ܓܵܡܝܼ ܡ̣ܢ ܐܵܠܸܟܼܣܲܢܕܪܵܝܵܐ؛ ܕܒܹܐܙܵܠܵܐ ܗَܘܵܐ ܠܐܝܼܛܵܠܝܼܵܐ؛ ܘܩܲܡ ܡܲܬܝܸܒܼܠܲܢ ܓܵܘܵܗ̇. 7ܘܣܵܒܵܒ ܕܒܝܵܩܘܿܪܘܼܬܵܐ ܒܪܸܚܫܵܐ ܗَܘܵܐ ܒܪܵܒܵܐ ܝܵܘܡܵܢܹ̈ܐ؛ ܘܒܚܲܝܠܵܐ ܡܛܹܐܠܲܢ ܠܒܲܪܩܘܼܒܼܠ ܕܩܢܝܼܕܘܿܣ ܓܵܙܲܪܬܵܐ؛ ܣܵܒܵܒ ܦܵܘܚܵܐ ܠܹܐ ܗَܘܵܐ ܒܸܫܒܼܵܩܲܢ؛ ܥܒܼܸܪܲܢ ܡ̣ܢ ܬܚܘܿܬ ܩܪܹܛܹܐ؛ ܠܒܲܪܩܘܼܒܼܠ ܕܣܵܠܵܡܘܿܢܵܐ ܡܕܝܼܢَܬܵܐ. 8ܘܟܲܕ ܒܚܲܝܠܵܐ ܒܪܸܚܫܵܐ ܝ݇ܘܲܚ ܗَܘܵܘ ܡ̣ܢ ܠܟܸܣܠܘܼܗ̇؛ ܡܛܹܐܠܲܢ ܠܕܘܼܟܬܵܐ ܕܦܝܵܫܵܐ ܝ݇ܠܵܗ̇ ܩܪܝܼܬܵܐ ܠܡܹܐܢܹ̈ܐ ܫܲܦܝܼܪܹ̈ܐ؛ ܘܩܘܼܪܒܵܐ ܗَܘܵܐ ܐܸܠܵܗ̇ ܡܕܝܼܢ݇ܬܵܐ ܠܵܐܣܹܐܵܐ. 9ܘܟܲܕ ܗ݇ܘܹܐܠܲܢ ܬܵܡܵܐ ܪܵܒܵܐ ܙܲܒܼܢܵܐ؛ ܗܲܠ ܕܥܒܝܼܪܹܗ ܐܘܼܦ ܨܵܘܡܵܐ ܕܝܗܘܼܕܵܝܹ̈ܐ؛ ܣܵܦܵܪ ܒܐܘܼܪܚܵܐ ܕܝܵܡܵܐ ܗ݇ܘܹܐܠܵܗ̇ ܒܙܕܘܼܥܬܵܐ؛ ܘܡܘܚܫܸܚܠܹܗ ܦܵܘܠܘܿܣ. 10ܘܐَܡܸܪܹܗ؛ ܓܲܒܼܪܹ̈ܐ؛ ܒܸܚܙܵܝܵܐ ܝ݇ܘܸܢ ܕܒܐܘܼܠܨܵܢܵܐ ܘܒܚܘܼܣܪܵܢܵܐ ܪܵܒܵܐ ܒܸܬ ܗܵܘܝܵܐ ܣܵܦܵܪܲܢ؛ ܠܵܐ ܐܲܚܟ̰ܝܼ ܕܛܲܥܢܵܐ ܘܕܓܵܡܝܼ؛ ܐܸܠܵܐ ܐܘܼܦ ܕܓܵܢ̈ܵܬܲܢ. 11ܐܝܼܢܵܐ ܩܸܢܛܪܘܿܢܵܐ ܠܣܘܼܠܛܵܢ ܘܠܡܵܪܵܐ ܕܓܵܡܝܼ ܟܹܐ ܫܵܡܸܥ ܗَܘܵܐ ܙܵܘܕܵܐ ܡ̣ܢ ܕܠܗܹܡܸܙܡܵܢܹ̈ܐ ܕܦܵܘܠܘܿܣ. 12ܘܣܵܒܵܒ ܕܠܹܐ ܚܵܫܸܚ ܗَܘܵܐ ܗ̇ܘ ܠܡܹܐܢܵܐ ܠܸܦܝܵܫܵܐ ܓܵܘܹܗ ܒܣܸܬܘܵܐ؛ ܪܵܒܵܐ ܡܸܢܵܝܗܝ ܡܘܼܚܫܸܚܠܗَܘܿܢ ܠܸܛܪܵܝܵܐ ܡ̣ܢ ܬܵܡܵܐ؛ ܐܸܢ ܡܵܨܝܼ ܗَܘܵܘ ܕܡܵܛܝܼ ܘܦܵܝܫܝܼ ܒܣܸܬܘܵܐ ܒܦܸܘܢܸܟܣ؛ ܚܲܕ݇ ܡܹܐܢܵܐ ܕܝܼܗَܘܵܐ ܓܵܘ ܩܪܹܛܹܐ؛ ܘܒܵܠܘܼܗܝ ܠܵܬܲܝܡܢܵܐ. 13ܘܟܲܕ ܡܚܹܐܠܹܗ ܢܝܼܚܵܐ ܦܵܘܚܵܐ ܕܬܲܝܡܢܵܐ؛ ܘܚܫܸܒܼܠܗ݇ܘܿܢ ܕܒܸܡܛܵܝܵܐ ܗَܘܵܘ ܐܲܝܟܼ ܪܸܙܵܝܵܝܗܝ؛ ܓܪܸܫܠܗ݇ܘܿܢ ܠܠܲܢܓܵܪ ܘܛܪܹܐܠܗ݇ܘܿܢ ܡ̣ܢ ܕܸܦܢܵܗ̇ ܕܩܪܹܛܹܐ. 14ܘܒܵܬ݇ܪ ܚܲܕَܟ̰ܵܐ ܡܚܹܐܠܹܗ ܥܲܠܘܼܗ̇ ܦܵܘܚܵܐ ܪܵܒܵܐ ܙܲܪܒܵܢܵܐ؛ ܕܦܝܵܫܵܐ ܝ݇ܠܹܗ ܩܸܪܝܵܐ؛ ܐܹܘܪܵܩܠܹܝܕܘܿܢ. 15ܘܦܸܫܠܵܗ̇ ܓ̰ܢܝܼܒܼܬܵܐ ܓܵܡܝܼ؛ ܘܠܵܐ ܡܨܹܐܠܵܗ̇ ܕܟܵܠܝܵܐ ܗَܘܵܐ ܩܵܕ݇ܡ ܦܵܘܚܵܐ؛ ܘܪܘܼܦܹܐܠܲܢ ܐܝܼܕܵܐ؛ ܘܦܸܫܠܲܢ ܛܸܪܝܹܐ. 16ܘܟܲܕ ܛܪܹܐܠܲܢ ܬܚܘܿܬ ܚܕܵܐ ܓܵܙܲܪܬܵܐ ܕܦܵܝܫܵܐ ܗَܘܵܐ ܩܪܝܼܬܵܐ؛ ܩܠܵܘܕܵܐ؛ ܒܚܲܝܠܵܐ ܡܨܹܐܠܲܢ ܠܸܕܒܼܵܩܵܐ ܠܠܵܘܬܟܵܐ. 17ܘܟܲܕ ܫܩܝܼܠܵܠܗ݇ܘܿܢ؛ ܡܘܦܠܸܚܠܘܿܢ ܗܝܼܵܪ̈ܝܼܹܐ؛ ܘܐَܣܸܪܗܘܿܢ ܬܚܘܿܬ ܓܵܡܝܼ؛ ܘܣܵܒܵܒ ܕܒܸܙܕܵܥܝܵܐ ܝ݇ܘܸܚ ܗَܘܵܘ ܠܵܐ ܗ݇ܘܹܐ ܕܢܵܦܠܵܚ ܓܵܘ ܕܘܼܟܵܐ ܕܣܹܠܵܐ؛ ܡܘܼܨܠܹܐܠܗ݇ܘܿܢ ܠܲܢܓܲܪ؛ ܘܗܲܕܟܼܵܐ ܦܸܫܠܗ݇ܘܿܢ ܛܸܪܝܹܐ. 18ܘܟܲܕ ܦܸܫܠܲܢ ܡܸܚܝܹܐ ܡ̣ܢ ܒܘܼܪܵܢ ܪܵܒܵܐ ܪܵܒܵܐ؛ ܒܝܵܘܡܵܐ ܐ݇ܚܹܪ݇ܢܵܐ ܪܘܼܦܹܐܠܲܢ ܡܸܢܕܝܼܵܢܹ̈ܐ ܕܓܵܘ ܝܵܡܵܐ. 19ܘܒܝܵܘܡܵܐ ܕܬܠܵܬܵܐ؛ ܡܸܢܕܝܵܢܹ̈ܐ ܕܓܵܡܝܼ ܒܐܝܼܕܵܬܵܝ̈ܗܝ ܪܘܼܦܹܐܠܗ݇ܘܿܢ. 20ܘܟܲܕ ܣܲܬܘܵܐ ܡܘܼܓܪܸܫܠܹܗ ܩܵܐ ܪܵܒܵܐ ܝܵܘܡܵܢܹ̈ܐ؛ ܘܠܵܐ ܫܸܡܫܵܐ ܦܵܐܹܫ ܗَܘܵܐ ܚܸܙܝܵܐ؛ ܘܠܵܐ ܟܵܘܟܼܒܹ̈ܐ؛ ܒܚܲܪܬܵܐ ܟܠܵܗ̇ ܗܹܒܼܝܼ ܕܚܲܝ̈ܝܲܢ ܦܸܫܠܵܗ̇ ܩܛܥܝܼܬܵܐ. 21ܘܟܲܕ ܪܵܒܵܐ ܥܕܵܢܵܐ ܐ݇ܢܵܫܵܐ ܡܸܢܕܝܼ ܠܹܐ ܗَܘܵܐ ܐ݇ܟܼܝܼܠܵܐ؛ ܗ̇ܝܓܵܗ ܩܸܡܠܹܗ ܦܵܘܠܘܿܣ ܒܓܵܘܵܝܗܝ ܘܐَܡܸܪܹܗ؛ ܘܵܓ̰ܸܒ ܝܼܗَܘܵܐ ܕܡܲܨܝܸܬܝܼܬܘܿܢ ܗَܘܵܘ ܐܸܠܝܼ؛ ܝܵܐ ܓܲܒܼܪܹ̈ܐ؛ ܠܵܐ ܠܸܛܪܵܝܵܐ ܡ̣ܢ ܩܪܹܛܹܐ؛ ܘܠܹܐ ܩܵܒ̇ܠܵܚ ܗَܘܵܘ ܐܵܗܵܐ ܐܘܼܠܨܵܢܵܐ ܘܚܘܼܣܪܵܢܵܐ. 22ܘܐܵܕܝܼܵܐ ܡܲܚܫܘܿܚܹܐ ܝܘܸܢ ܐܸܠܵܘܟܼܘܿܢ ܕܗܵܘܹܝܬܘܿܢ ܠܸܒܵܢܹ̈ܐ؛ ܣܵܒܵܒ ܚܕܵܐ ܓܵܢܵܐ ܡܸܢܵܘܟܼܘܿܢ ܠܹܐ ܬܵܠܩܵܐ؛ ܐܸܠܵܐ ܐܸܢ ܓܵܡܝܼ. 23ܣܵܒܵܒ ܦܸܫܠܹܗ ܚܸܙܝܵܐ ܐܸܠܝܼ ܒܐܵܗܵܐ ܠܲܝܠܹܐ ܡܲܠܲܐܟܹܗ ܕܐܲܠܵܗܵܐ؛ ܗ̇ܘ ܕܕܝܼܹܗ ܝ݇ܘܸܢ ܘܕܐܸܠܹܗ ܒܸܦܠܵܚܵܐ ܝ݇ܘܸܢ؛ 24ܘܐَܡܸܪܹܗ ܐܸܠܝܼ؛ ܠܵܐ ܙܵܕܥܸܬ؛ ܦܵܘܠܵܐ؛ ܠܵܙܸܡ ܝ݇ܠܵܗ̇ ܕܟܵܠܸܬ ܩܵܕ݇ܡ ܩܹܣܲܪ؛ ܘܗܵܐ ܝܚܼܗܒܸܠܹܗ ܐܸܠܘܼܟܼ ܐܲܠܵܗܵܐ ܚܸܠܥܲܬܿ ܠܟܠܵܝܗܝ ܕܒܸܛܪܵܝܵܐ ܝ݇ܢܵܐ ܥܲܡܘܼܟܼ. 25ܣܵܒܵܒ ܕܐܵܗܵܐ؛ ܗ݇ܘܹܝܡܘܿܢ ܠܸܒܵܢܹ̈ܐ؛ ܓܲܒܼܪܹ̈ܐ؛ ܣܵܒܵܒ ܗܲܡܘܼܢܹܐ ܝ݇ܘܸܢ ܒܐܲܠܵܗܵܐ ܕܗܲܕܟܼܵܐ ܒܸܬ ܗܵܘܝܵܐ ܐܲܝܟܼ ܕܦܸܫܠܹܗ ܗܘܼܡܙܸܡܵܐ ܥܲܡܝܼ. 26ܐܝܼܢܵܐ ܠܵܙܸܡ ܝ݇ܠܵܗ̇ ܕܦܵܝܫܵܚ ܪܘܼܦܝܹܐ ܥܲܠ ܚܕܵܐ ܓܵܙܵܪܬܵܐ. 27ܘܟܲܕ ܗ݇ܘܹܐܠܹܗ ܠܲܝܠܹܐ ܕܐܲܪܒܲܥܣܲܪ؛ ܕܦܸܫܠܲܢ ܛܸܪܝܹܐ ܠܐܵܗܵܐ ܓܹܒܵܐ ܘܠܗ̇ܘ ܓܹܒܵܐ ܒܗܸܕܪܝܼܘܿܣ ܝܵܡܵܐ ܒܦܲܠܓܹܗ ܕܠܲܝܠܹܐ ܚܫܸܒܼܠܗ݇ܘܿܢ ܓܵܡܝܼܓ̰ܝܼܹ̈ܐ (ܛܲܪ̈ܝܵܢܹܐ) ܕܠܚܲܕ݇ ܒܸܪܙܵܐ ܩܲܪܒܘܼܢܹܐ ܗَܘܵܘ. 28ܘܕܪܹܐܠܗܘܿܢ ܟܝܘܼܠܵܐ؛ ܘܡܘܼܫ݇ܟ̰ܸܚܠܗܘܿܢ ܥܸܣܪܝܼ ܩܘܼܡܝܵܬܹ̈ܐ؛ ܘܚܲܕَܟ̰ܵܐ ܛܪܹܐܠܗ݇ܘܿܢ ܘܡܸܢَܕܪܸܫَ ܕܪܹܐܠܗܘܿܢ ܟܝܼܘܼܠܵܐ؛ ܘܡܘܼܫ݇ܟ̰ܸܚܠܗ݇ܘܿܢ ܚܲܡܫܲܥܣܲܪ ܩܘܼܡܝܵܬܹ̈ܐ. 29ܘܟܲܕ ܒܸܙܕܵܥܝܵܐ ܗَܘܵܘ ܠܵܐ ܗ݇ܘܹܐ ܕܢܵܦܠܝܼ ܒܕܘܼܟܵܢܹ̈ܐ ܡܵܪܹ̈ܐ ܩܵܝܹ̈ܐ؛ ܕܪܹܐܠܗ݇ܘܿܢ ܡ̣ܢ ܚܲܪܬܵܗ̇ ܕܓܵܡܝܼ ܐܲܪܒܥܵܐ ܠܵܢܓܵܪܹ̈ܐ ܘܡܲܨܵܠܘܿܝܹܐ ܗَܘܵܘ ܕܗܵܘܹܐ ܐܝܼܡܵܡܵܐ. 30ܐܝܼܢܵܐ ܓܵܡܝܼܟ̰ܝܼܹ̈ܐ (ܛܲܪ̈ܝܵܢܹܐ) ܒܵܥܝܼ ܗَܘܵܘ ܠܸܥܪܵܩܵܐ ܡ̣ܢ ܓܵܡܝܼ؛ ܘܡܘܼܨܠܹܐܠܗܘܿܢ ܡܸܢܵܗ̇ ܠܠܵܘܬܟܵܐ ܠܝܵܡܵܐ؛ ܒܡܵܗܵܢܵܐ ܕܗܕܝܼܪܹܐ ܗَܘܵܘ ܕܕܵܪܝܼ ܠܲܢܓܵܪܹ̈ܐ ܡܩܵܕ݇ܡ ܓܵܡܝܼ. 31ܘܟܲܕ ܚܙܹܐܠܹܗ ܦܵܘܠܘܿܣ ܐَܡܸܪܹܗ ܠܩܸܢܛܪܘܿܢܵܐ ܘܠܕܲܚܫܹ̈ܐ؛ ܐܸܢ ܐܲܢܹܐ ܓܵܘ ܓܵܡܝܼ ܠܵܐ ܦܵܝܫܝܼ؛ ܐܲܚܬܘܿܢ ܠܹܐ ܡܵܨܹܝܬܘܿܢ ܕܚܲܝܝܼܬܘܿܢ. 32ܗ̇ܝܓܵܗ ܕܲܚܫܹ̈ܐ ܩܛܸܥܠܗܘܿܢ ܠܚܲܒܼܠܹ̈ܐ ܕܠܵܘܬܟܵܐ ܘܫܒܸܩܠܗ݇ܘܿܢ ܕܢܵܦܠܵܐ ܗَܘܵܐ. 33ܐܝܼܢܵܐ ܗ̇ܘ ܦܵܘܠܘܿܣ ܗܲܠ ܕܗ݇ܘܹܐܠܹܗ ܨܲܦܪܵܐ ܦܲܪܦܸܠ ܗَܘܵܐ ܒܟܠܵܝܗܝ ܕܩܵܒ̇ܠܝܼ ܡܹܐܟܼܘܼܠܬܵܐ؛ ܟܲܕ ܒܹܐܡܵܪܵܐ ܐܸܠܵܝܗܝ؛ ܐܸܕܝܘܿܡ݇ ܗܵܐ ܐܲܪܒܲܥܣܲܪ ܝܵܘܡܵܢܹ̈ܐ ܝ݇ܢܵܐ ܕܣܦܸܪܵܘܟܼܘܿܢ ܟܲܕ ܥܘܼܪܩܸܠܵܘܟܼܘܿܢ ܒܨܵܘܡܵܐ؛ ܘܡܸܢܕܝܼ ܠܹܐ ܝ݇ܬܘܿܢ ܛܥܝܼܡܹܐ. 34ܣܵܒܵܒ ܕܐܵܗܵܐ ܦܲܪܦܘܼܠܹܐ ܝ݇ܘܸܢ ܒܝܼܵܘܟܼܘܿܢ ܕܫܵܩܠܝܼܬܘܿܢ ܡܹܐܟܼܘܼܠܬܵܐ؛ ܣܵܒܵܒ ܠܩܘܼܝܵܡܵܐ ܕܚܲܝܵܘ̈ܟܼܘܿܢ ܝ݇ܠܵܗ̇؛ ܣܵܒܵܒ ܕܡܸܙܬܵܐ ܡ̣ܢ ܪܹܫܵܐ ܕܚܲܕ݇ ܡܸܢܵܘܟܼܘܿܢ ܠܹܐ ܢܵܦܠܵܗ̇. 35ܟܲܕ ܐܲܢܹܐ ܐ݇ܡܸܪܹܗ؛ ܫܩܸܠܹܗ ܠܲܚܡܵܐ ܘܫܘܼܒܸܚܠܹܗ ܠܐܲܠܵܗܵܐ ܩܵܕ݇ܡ ܟܠܵܝܗܝ؛ ܘܩܨܹܐܠܹܗ؛ ܘܫܘܼܪܹܐܠܹܗ ܠܹܐܟܼܵܠܵܐ. 36ܘܦܸܫܠܗ݇ܘܿܢ ܝܘܼܗ݇ܒܼܹܐ ܠܸܒܵܐ ܟܠܵܝܗܝ ܘܐܘܼܦ ܐܵܢܝܼ ܫܩܸܠܗ݇ܘܿܢ ܡܹܐܟܼܘܼܠܬܵܐ. 37ܐܝܼܢܵܐ ܝܼܘܵܚ ܗَܘܵܘ ܓܵܘ ܓܵܡܝܼ ܟܠܲܢ ܬܪܹܝܡܵܐܐ ܘܫܲܒܼܥܝܼ ܘܐܸܫܸܬ ܓܵܢܵܬܹ̈ܐ. 38ܘܟܲܕ ܣܒܼܸܥܠܗ݇ܘܿܢ ܡܹܐܟܼܘܼܠܬܵܐ؛ ܩܘܼܠܩܸܠܗ݇ܘܿܢ ܡ̣ܢ ܓܵܡܝܼ؛ ܘܚܸܛܹ̈ܐ ܪܘܼܦܹܐܠܗ݇ܘܿܢ ܓܵܘ ܝܵܡܵܐ. 39ܘܟܲܕ ܗ݇ܘܹܐܠܹܗ ܐܝܼܡܵܡܵܐ؛ ܠܵܐ ܝ݇ܕܸܥܠܗ݇ܘܿܢ ܠܗ̇ܝ ܐܲܪܥܵܐ؛ ܐܝܼܢܵܐ ܚܙܹܐܠܗ݇ܘܿܢ ܚܲܕ݇ ܕܪܵܥܢܵܐ ܕܝܵܡܵܐ ܕܐܝܼܬ ܗَܘܵܐ ܠܹܗ ܣܝܼܦܵܐ؛ ܐܲܝܟܵܐ ܕܒܸܚܫܵܒܼܵܐ ܗَܘܵܘ؛ ܐܸܢ ܡܵܨܝܵܐ؛ ܒܸܬܿ ܡܲܟܠܝܼܠܵܗ̇ ܗَܘܵܘ ܠܓܵܡܝܼ. 40ܘܩܛܸܥܠܗ݇ܘܿܢ ܠܲܢܓܵܪܹ̈ܐ ܘܫܒܼܸܩܠܗ݇ܘܿܢ ܓܵܘ ܝܵܡܵܐ؛ ܘܫܪܹܐܠܗ݇ܘܿܢ ܝܸܣܘܼܪܹ̈ܐ ܕܣܵܘܟܵܢܹ̈ܐ؛ ܘܬܠܹܐܠܗ݇ܘܿܢ ܝܹܠܟܵܢ ܠܦܵܘܚܵܐ ܕܒܸܡܚܵܝܵܐ ܗَܘܵܐ؛ ܘܛܪܹܐܠܗ݇ܘܿܢ ܠܵܒܸܪܙܵܐ؛ 41ܘܟܲܕ ܢܦܸܠܗ݇ܘܿܢ ܒܕܘܼܟܬܵܐ ܒܹܝܠ ܬܲܪ̈ܬܹܝ ܝܵܡܵܬܹ̈ܐ؛ ܡܘܼܩܸܬܠܗ݇ܘܿܢ ܓܵܡܝܼ ܒܒܸܪܙܵܐ؛ ܘܓܹܒܘܼܗ̇ ܩܵܕ݇ܡܵܝܵܐ ܩܘܼܪܸܨܠܹܗ ܘܠܹܐ ܓ̰ܵܘܸܓ̰ ܗَܘܵܐ؛ ܐܝܼܢܵܐ ܓܹܒܘܼܗ̇ ܐ݇ܚܵܪܵܝܵܐ ܦܝܵܫܵܐ ܗَܘܵܐ ܦܘܼܪܦܸܣܵܐ ܡ̣ܢ ܙܲܪܒ ܕܠܲܦܹ̈ܐ. 42ܘܕܲܚܫܹ̈ܐ ܒܥܹܐܠܗ݇ܘܿܢ ܕܩܵܛܠܝܼ ܠܐܲܣܝܼܪܹ̈ܐ؛ ܕܐ݇ܢܵܫܵܐ ܡܸܢܵܝܗܝ ܠܵܐ ܡܵܚܹܐ ܗَܘܵܐ ܣܸܚܘܵܐ ܘܥܵܪܸܩ. 43ܐܝܼܢܵܐ ܩܸܢܛܪܘܿܢܵܐ ܡܘܼܟܠܝܼܵܝܗܝ ܠܹܗ ܡܐܵܗܵܐ ܚܘܼܫܵܒܼ؛ ܣܵܒܵܒ ܒܵܥܹܐ ܗَܘܵܐ ܕܦܵܪܸܩ ܠܦܵܘܠܘܿܣ؛ ܘܦܩܸܕܠܹܗ ܠܐܵܢܝܼ ܕܡܵܨܝܼ ܗَܘܵܘ ܠܸܡܚܵܝܵܐ ܣܸܚܘܵܐ؛ ܕܪܲܦܝܼ ܗَܘܵܘ ܓܵܢܵܝܗܝ ܓܵܘ ܝܵܡܵܐ ܘܩܵܕ݇ܡܵܝܬܵܐ ܥܵܒܼܪܝܼ ܠܐܲܪܥܵܐ؛ 44ܘܠܐ݇ܚܹܪ̈݇ܢܹܐ؛ ܚܲܕَܟܡܵܐ ܥܲܠ ܬܲܚܬܹ̈ܐ ܘܥܲܠ ܡܸܢܕܝܼܵܢܹ̈ܐ ܕܓܵܡܝܼ ܘܗܲܕܟܼܵܐ ܗَܘܹܐ ܠܵܗ̇؛ ܕܟܠܵܝܗܝ ܚܠܸܨܠܗܘܿܢ ܣܵܠܵܡܲܬ ܠܐܲܪܥܵܐ.