1ܘܚܲܕَ ܓܲܒܼܪܵܐ ܕܫܸܡܹܗ ܚܲܢܲܢܝܵܐ ܗَܘܵܐ؛ ܥܲܡ ܒܲܟ̣ܬܹܗ ܕܫܸܡܵܐ ܗَܘܵܐ ܫܲܦܝܼܪܵܐ ؛ ܙܘܼܒܢܵܐ ܗَܘܵܐ ܚܲܩܠܹܗ. 2ܘܫܩܸܠܹܗ ܡ̣ܢ ܛܝܼܡܘܼܗ̇ ܛܘܼܫܹܐܠܹܗ؛ ܟܲܕ ܐܝܼܬ ܗَܘܵܐ ܠܵܗ̇ ܚܲܒ̇ܪܵܐ ܒܝܹܗ ܒܲܟ̣ܬܹܗ؛ ܘܡܘܼܝܬܹܐܠܹܗ ܚܲܕَ ܣܵܡܵܐ ܘܡܘܼܬܸܒ̣ܠܹܗ ܩܵܕَܡ ܐܲܩܠܵܬܹ̈ܐ ܕܫܠܝܼܚܹ̈ܐ. 3ܘܐَܡܝܼܪܹܗ ܐܸܠܹܗ ܫܸܡܥܘܿܢ؛ ܚܲܢܲܢܝܵܐ؛ ܩܵܡܘܿܕܝܼ ܗܲܕܟ̣ܵܐ ܡܠܹܐܠܹܗ ܣܵܛܵܢܵܐ ܠܠܸܒܘܼܟ ܕܕܵܓܠܸܬ ܒܪܘܼܚܵܐ ܕܩܘܼܕܫܵܐ؛ ܘܕܛܵܫܸܬ ܡ̣ܢ ܛܝܼܡܵܐ ܕܚܲܩܠܵܐ. 4ܠܹܐ ܗَܘܵܐ ܕܝܼܘܼܟ ܡ̣ܢ ܩܲܕَܡ ܦܵܝܫܵܐ ܗَܘܵܐ ܙܘܼܒܲܢܬܵܐ؟ ܘܡܒܵܬَܪ ܕܦܸܫܠܵܗ̇ ܙܘܼܒܸܢܬܵܐ؛ ܡܸܢَܕܪܸܫَ ܐܝܼܬܿ ܗܘܵܐܠܘܼܟܼ ܫܘܼܠܛܵܢܵܐ ܠܛܝܼܡܘܼܗ̇؛ ܩܵܡܘܿܕܝܼ ܡܘܼܬܸܒ̣ܠܘܼܟܼ ܒܠܸܒܘܼܟ ܕܥܲܒܼܕܸܬܿ ܐܵܗܵܐ ܫܘܼܠܵܐ؛ ܠܵܐ ܕܘܼܓܸܠܘܼܟܼ ܒܒܢܲܝ̈ܢܵܫܵܐ؛ ܐܸܠܵܐ ܒܐܲܠܵܗܵܐ. 5ܘܟܲܕ ܫܡܸܥܠܹܗ ܚܲܢܲܢܝܵܐ ܐܲܢܹܐ ܗܹܡܸܙܡܵܢܹ̈ܐ؛ ܢܦܸܠܹܗ ܘܡܝܼܬܠܹܗ. ܘܗَܘܹܐܠܵܗ̇ ܙܕܘܼܥܬܵܐ ܓܘܼܪܬܵܐ ܒܟܠܵܝܗܝ ܐܵܢܝܼ ܕܫܡܸܥܠܗَܘܿܢ ܐܲܢܹܐ. 6ܘܩܸܡܠܗَܘܿܢ ܐܵܢܝܼ ܕܝܼܗَܘܵܘ ܓ̰ܘܲܢܩܹ̈ܐ؛ ܘܟܘܼܪܸܟ̣ܠܘܿܢ ܐܸܠܹܗ؛ ܘܦܘܼܠܸܛܠܘܿܢ؛ ܘܩܒܸܪܗَܘܿܢ ܐܸܠܹܗ. 7ܘܡ̣ܢ ܒܵܬَܪ ܕܗَܘܹܐܠܗَܘܿܢ ܐܲܝܟܼ ܬܠܵܬَ ܣܵܥܲܬܹ̈ܐ؛ ܐܘܼܦ ܒܲܟ̣ܬܹܗ ܥܒܸܪܵܗ̇؛ ܟܲܕ ܠܵܐ ܒܸܕܵܥܵܐ ܡܘܼܕܝܼ ܗَܘܹܐ ܠܹܗ. 8ܐܵܡܸܪ ܐܸܠܵܗ̇ ܫܸܡܥܘܿܢ؛ ܐَܡܘܿܪܝ ܐܸܠܝܼ ܐܸܢ ܒܚܲܕَ ܗܲܕܟ̣ܵܐ ܙܘܼܒܢܵܐܠܵܘܟ̣ܘܿܢ ܚܲܩܠܵܐ؛ ܘܗ̇ܝ ܐَܡܸܪܵܗ̇؛ ܗܹܐ؛ ܒܚܲܕَ ܗܲܕܟ̣ܵܐ. 9ܐܵܡܸܪ ܐܸܠܵܗ̇ ܫܸܡܥܘܿܢ؛ ܩܵܡܘܿܕܝܼ ܗَܘܹܐܠܵܘܟ̣ܘܿܢ ܒܚܲܕَ ܚܲܒ̇ܪܵܐ ܠܓ̰ܵܪܘܿܒܹܐ ܪܘܼܚܹܗ ܕܡܵܪܝܵܐ؛ ܗܵܐ؛ ܐܲܩܠܵܬܹ̈ܐ ܕܩܲܒܼܪܵܢܹܐ ܕܓܲܒ̣ܪ̈ܵܟ̣ܝ ܩܵܕَܡ ܬܲܪܥܵܐ؛ ܘܐܵܢܝܼ ܒܸܬ ܦܵܠܛܝܼ ܠܵܟ̣ܝ. 10ܘܗܲܪ ܒܗ̇ܝ ܣܵܥܲܬ ܢܦܸܠܵܐ ܩܵܕَܡ ܐܲܩܠܘܼ̈ܗܝ ܘܡܝܼܬܠܵܗ̇. ܘܥܒܼܸܪܗَܘܿܢ ܐܵܢܝܼ ܓ̰ܘܲܢܩܹ̈ܐ ܘܡܘܼܫَܟ̰ܚܵܠܘܿܢ ܡܝܼܬܬܵܐ؛ ܘܠܘܼܒܸܠܵܐܠܗَܘܿܢ ܘܩܒܼܝܼܪܵܐܠܗَܘܿܢ ܒܕܸܦܢܵܐ ܕܓܲܒ̣ܪܘܼܗ̇. 11ܘܗَܘܹܐܠܵܗ̇ ܙܕܘܼܥܬܵܐ ܓܘܼܪܬܵܐ ܒܟܠܵܗ̇ ܥܹܕܬܵܐ؛ ܘܒܟܠܵܝܗܝ ܐܵܢܝܼ ܕܫܡܸܥܠܗَܘܿܢ ܐܲܢܹܐ. 12ܘܟܹܐ ܗܵܘܝܼ ܗَܘܵܘ ܒܝܲܕ ܫܠܝܼܚܹ̈ܐ ܢܝܼܫܲܢܩܹ̈ܐ ܘܥܵܓ̰ܸܒܘܵܬܵܐ ܪܵܒܵܐ ܓܵܘ ܛܵܝܸܦܵܐ؛ ܘܟܠܵܝܗܝ ܒܚܲܕَ ܪܸܙܵܝܵܐ ܗَܘܵܘ ܒܨܘܼܦܪܵܐ ܕܫܠܹܝܡܘܿܢ؛ 13ܘܡ̣ܢ ܐَܢܵܫܹ̈ܐ ܐَܚܹܪَ̈ܢܹܐ؛ ܐَܢܵܫܵܐ ܠܹܐ ܩܲܫܕܸܪ ܗَܘܵܐ ܕܩܲܪܒܸܢ ܗَܘܵܐ ܐܸܠܵܝܗܝ؛ ܐܸܠܵܐ ܟܹܐ ܡܲܓܘܸܪ ܗَܘܵܐ ܠܗَܘܿܢ ܛܵܝܸܦܵܐ. 14ܘܙܵܘܕܵܐ ܦܵܝܫܝܼ ܗَܘܵܘ ܡܘܼܙܝܸܕܹܐ ܗܲܡܸܢܵܢܹ̈ܐ ܒܡܵܪܝܵܐ؛ ܟܸܢܫܵܐ ܕܓܲܒܼܪܹ̈ܐ ܘܕܒܲܟ̣ܬܵܬܹ̈ܐ. 15ܕܵܐܟ̣ܝܼ ܕܒܥܵܠܘܿܠܹܐ ܦܵܠܛܝܼ ܗَܘܵܘ ܠܡܸܪ̈ܥܝܹܐ؛ ܟܲܕ ܕܸܪܝܹܐ ܒܫܘܝܼܵܬܹ̈ܐ ܘܬܲܚܝܵܬܹ̈ܐ؛ ܕܐܝܼܡܲܢ ܕܒܹܐܬܵܝܵܐ ܗَܘܵܐ ܟܹܐܦܵܐ؛ ܐܘܼܦ ܐܸܢ ܛܸܠܵܢܝܼܬܹܗ ܢܵܦܠܵܐ ܗَܘܵܐ ܥܲܠܵܝܗܝ. 16ܘܐܝܼܢܵܐ ܐܵܬܝܼ ܗَܘܵܘ ܪܵܒܵܐ ܠܟܸܣܠܵܝܗܝ ܡ̣ܢ ܡܕܝܼܢܵܬܹ̈ܐ ܕܚܵܕܸܪ̈ܘܵܢܹܐ ܠܐܘܿܪܸܫܠܸܡ؛ ܟܲܕ ܡܲܝܬܝܼ ܗَܘܵܘ ܡܸܪ̈ܥܝܹܐ ܘܐܵܢܝܼ ܕܡܘܿܠܝܸܨܹܐ ܡ̣ܢ ܪ̈ܘܼܚܹܐ ܛܲܡܹ̈ܐܐ؛ ܘܦܵܝܫܝܼ ܗَܘܵܘ ܒܘܼܣܡܹܐ ܟܠܵܝܗܝ. 17ܦܝܼܫܵܐ ܗَܘܵܐ ܡܸܠܝܵܐ ܒܲܚܸܠܵܢܘܼܬܼܵܐ ܓܘܼܪܵܐ ܕܟܵܗܢܹ̈ܐ؛ ܘܟܠܵܝܗܝ ܐܵܢܝܼ ܕܥܲܡܹܗ؛ ܕܝܼܗَܘܵܘ ܡ̣ܢ ܝܘܼܠܦܵܢܵܐ ܕܙܲܕܘܼܩܵܝܹ̈ܐ. 18ܘܕܒܸܩܠܗَܘܿܢ ܠܫܠܝܼܚܹ̈ܐ؛ ܘܕܸܪܝܵܝܠܗَܘܿܢ ܓܵܘ ܒܹܝܬ ܐܲܣܝܼܪܹ̈ܐ. 19ܐܝܼܢܵܐ ܒܠܲܝܠܹܐ ܡܲܠܲܐܟ̣ܵܐ ܕܡܵܪܝܵܐ ܦܬܸܚܠܹܗ ܬܲܪܥܵܐ ܕܒܹܝܬ ܐܲܣܝܼܪܹ̈ܐ ܘܦܘܼܠܛܵܝܠܹܗ؛ ܘܐَܡܝܼܪܹܗ ܐܸܠܵܝܗܝ. 20ܙܹܠَܡܘܿܢ ܟܠܹܝܡܘܿܢ ܓܵܘ ܗܲܝܟܠܵܐ؛ ܘܗܲܡܙܸܡܘܿܢ ܠܛܵܝܸܦܵܐ ܟܠܵܝܗܝ ܗܹܡܸܙܡܵܢܹ̈ܐ ܕܐܲܢܹܐ ܚܲܝܹ̈ܐ. 21ܦܠܸܛܠܗَܘܿܢ ܒܥܕܵܢܵܐ ܕܨܲܦܪܵܐ ܥܒܼܸܪܗَܘܿܢ ܓܵܘ ܗܲܝܟܠܵܐ؛ ܘܡܵܠܦܝܼ ܗَܘܵܘ. ܐܝܼܢܵܐ ܐَܬܹܐܠܹܗ ܓܘܼܪܵܐ ܕܟܵܗܢܹ̈ܐ ܘܐܵܢܝܼ ܕܥܲܡܹܗ ܘܩܪܹܠܗَܘܿܢ ܠܚܲܒܼܪ̈ܵܘܵܬܵܝܗܝ ܘܠܚܘܵܪ̈ܕܸܩܢܹܐ ܕܝܼܣܪܵܝܹܠ؛ ܘܫܘܼܕܸܪܘܿܢ ܠܒܹܝܬ ܐܲܣܝܼܪܹ̈ܐ ܕܡܲܝܬܝܼ ܗَܘܵܘ ܠܗَܘܿܢ ܠܫܠܝܼܚܹ̈ܐ. 22ܘܟܲܕ ܐَܙܸܠܗَܘܿܢ ܐܵܢܝܼ ܕܦܝܼܫܠܗَܘܿܢ ܫܘܼܕܪܹܐ؛ ܠܵܐ ܡܘܼܫَܟ̰ܚܵܝܠܗَܘܿܢ ܓܵܘ ܒܹܝܬ ܐܲܣܝܼܪܹ̈ܐ؛ ܘܕܸܪܗَܘܿܢ ܘܐَܬܹܐܠܗَܘܿܢ. 23ܘܐَܡܸܪܗَܘܿܢ؛ ܡܘܼܫَܟ̰ܸܚܠܲܢ ܒܹܝܬ ܐܲܣܝܼܪܹ̈ܐ ܕܒܼܝܼܪܵܐ ܒܟܠܵܗ̇ ܚܦܝܼܛܘܼܬܼܵܐ؛ ܘܐܘܼܦ ܠܢܵܛܘܿܪܹ̈ܐ ܟܸܠܝܹܐ ܩܵܕَܡ ܬܲܪ̈ܥܵܢܹܐ؛ ܘܦܬܸܚܠܲܢ؛ ܐَܢܵܫܵܐ ܠܵܐ ܡܘܼܫَܟ̰ܸܚܠܲܢ ܬܵܡܵܐ. 24ܘܟܲܕ ܫܡܸܥܠܗَܘܿܢ ܐܲܢܹܐ ܗܹܡܸܙܡܵܢܹ̈ܐ ܓܘܼܪ̈ܵܢܹܐ ܕܟܵܗܢܹ̈ܐ ܘܪܹܫܵܐ ܕܗܲܝܟܠܵܐ ؛ ܦܸܫܠܗَܘܿܢ ܒܫܸܟ ܥܲܠܵܝܗܝ؛ ܘܟܹܐ ܚܲܫܒܼܝܼ ܗَܘܵܘ ܕܡܘܼܕܝܼ ܗَܘܵܐ ܐܵܗܵܐ. 25ܘܐَܬܹܐܠܹܗ ܚܲܕَ ܐَܢܵܫܵܐ ܘܡܘܼܕܸܥܠܹܗ ܐܸܠܵܝܗܝ؛ ܐܵܢܝܼ ܓܲܒܼܪܹ̈ܐ ܕܕܹܪܝܵܝܠܵܘܟ̣ܘܿܢ ܓܵܘ ܒܹܝܬ ܐܲܣܝܼܪܹ̈ܐ؛ ܟܸܠܝܹܐ ܝܢܵܐ ܓܵܘ ܗܲܝܟܠܵܐ ܘܡܵܠܘܿܦܹܐ ܠܛܵܝܸܦܵܐ. 26ܗ̇ܝܓܵܗ ܐَܙܹܠܗَܘܿܢ ܓܘܼܪ̈ܵܢܹܐ ܥܲܡ ܕܲܚܫܹ̈ܐ ܩܵܐ ܡܲܝܬܝܼܠܗَܘܿܢ ܠܵܐ ܒܚܲܝܠܵܐ؛ ܣܵܒܵܒ ܕܒܸܙܕܲܥܝܵܐ ܗَܘܵܘ ܕܩܵܘܡܵܐ ܪܵܓܸܡ ܠܗَܘܿܢ ܛܵܝܸܦܵܐ. 27ܘܟܲܕ ܡܘܼܬܝܵܝܠܗَܘܿܢ؛ ܡܘܼܩܸܡܵܝܠܗَܘܿܢ ܩܵܕَܡ ܟܠܹܗ ܟܸܢܫܵܐ؛ ܘܒܘܼܩܸܪܹܐ ܡܸܢܵܝܗܝ ܓܘܼܪܵܐ ܕܟܵܗܢܹ̈ܐ. ܒܹܐܡܵܪܵܐ؛ 28ܠܹܐ ܗَܘܵܐ ܕܦܩܵܕܵܐ ܦܩܸܕܠܲܢ ܐܸܠܵܘܟ̣ܘܿܢ ܕܠܐَܢܵܫܵܐ ܠܵܐ ܡܵܠܦܝܼܬܘܿܢ ܒܐܵܗܵܐ ܫܸܡܵܐ؛ ܘܗܵܐ؛ ܡܸܠܝܵܐܠܵܘܟ̣ܘܿܢ ܠܐܘܿܪܸܫܠܸܡ ܡ̣ܢ ܝܘܼܠܦܵܢܵܘܟ̣ܘܿܢ؛ ܘܒܲܥܹܝܬܘܿܢ ܕܡܲܝܬܝܼܬܘܿܢ ܥܲܠܲܢ ܕܸܡܹܗ ܕܐܵܗܵܐ ܓܲܒܼܪܵܐ. 29ܓ̰ܘܼܘܸܒܠܹܗ ܫܸܡܥܘܿܢ ܥܲܡ ܫܠܝܼܚܹ̈ܐ ܘܐَܡܸܪܹܗ ܐܸܠܵܝܗܝ؛ ܠܐܲܠܵܗܵܐ ܘܵܓ̰ܸܒ ܝܼܠܵܗ̇ ܠܡܲܨܝܘܼܬܹܐ ܙܵܘܕܵܐ ܡ̣ܢ ܕܠܒܢܲܝ̈ܢܵܫܵܐ. 30ܐܲܠܵܗܵܐ ܕܐܲܒ̣ܵـ̈ܗܵܬܲܢ ܡܘܼܩܸܡܠܹܗ ܠܝܼܫܘܿܥ؛ ܗ̇ܘ ܕܐܲܚܬܘܿܢ ܩܛܸܠܵܘܟ̣ܘܿܢ؛ ܟܲܕ ܬܠܹܐܠܵܘܟ̣ܘܿܢ ܥܲܠ ܩܲܝܣܵܐ. 31ܠܐܵܗܵܐ ܡܘܿܩܸܡܠܹܗ ܐܲܠܵܗܵܐ ܪܹܫܵܐ ܘܡܲܚܝܵܢܵܐ ܡܘܼܪܸܡܠܹܗ ܐܸܠܹܗ ܒܝܲܡܝܼܢܹܗ؛ ܠܝܼܵܗَܒ̣ܵܐ ܬܝܵܒ̣ܘܼܬܵܐ ܘܫܒ̣ܵܩܵܐ ܕܚܛܵܗܹ̈ܐ ܠܝܼܣܪܵܝܹܠ. 32ܘܐܲܚܢܲܢ ܣܵܗܕܹ̈ܐ ܕܐܲܢܹܐ ܗܹܡܸܙܡܵܢܹ̈ܐ ܝܘܵܚ؛ ܘܪܘܼܚܵܐ ܕܩܘܼܕܫܵܐ؛ ܗ̇ܘ ܕܝܘܼܗَܒܼܸܠܹܗ ܐܲܠܵܗܵܐ ܠܐܵܢܝܼ ܕܗܲܡܸܢܝܼ ܒܝܼܹܗ. 33ܘܟܲܕ ܫܡܸܥܠܗَܘܿܢ ܐܲܢܹܐ ܗܹܡܸܙܡܵܢܹ̈ܐ؛ ܠܒܼܝܼܚܠܗَܘܿܢ ܒܟܲܪܒܵܐ؛ ܘܒܥܹܐܠܗَܘܿܢ ܠܸܩܛܵܠܵܝܗܝ. 34ܘܩܸܡܠܹܗ ܚܲܕَ ܦܪܝܼܫܵܐ ܫܸܡܹܗ ܓܲܡܠܝܼܐܹܝܠ؛ ܡܲܠܦܵܢܵܐ ܕܢܵܡܘܿܣܵܐ؛ ܘܡܝܘܼܩܪܵܐ ܡ̣ܢ ܟܠܹܗ ܛܵܝܸܦܵܐ؛ ܘܦܩܸܕܠܹܗ ܕܦܵܠܛܝܼ ܗَܘܵܘ ܠܗَܘܿܢ ܠܫܠܝܼܚܹ̈ܐ ܠܒܲܕܲܪ ܩܵܐ ܚܕܵܐ ܥܕܵܢܵܐ ܟܪܝܼܬܵܐ. 35ܘܐَܡܸܪܹܗ ܐܸܠܵܝܗܝ؛ ܓܲܒܼܪܹ̈ܐ ܒܢܲܝ̈ ܝܼܣܪܵܝܹܠ؛ ܗَܘܹܡܗَܘܿܢ ܗܸܫܝܵܪ ܒܓܵܢܵܘܟ̣ܘܿܢ ܘܚܙܹܝܡܘܿܢ ܡܘܼܕܝܼ ܗܕܝܼܪܹܐ ܝܬܘܿܢ ܠܸܥܒ̣ܵܕܵܐ ܒܘܼܬ ܐܲܢܹܐ ܐَܢܵܫܹ̈ܐ. 36ܣܵܒܵܒ ܕܡ̣ܢ ܩܵܕَܡ ܐܲܢܹܐ ܝܵܘܡܵܢܹ̈ܐ ܩܸܡܠܹܗ ܬܵܘܕܵܐ؛ ܘܐَܡܝܼܪܹܗ ܒܘܼܬ ܕܓܵܢܹܗ ܕܚܲܕَ ܡܸܢܕܝܼ ܗَܘܵܐ. ܘܐَܙܸܠܗَܘܿܢ ܒܵܬَܪܹܗ ܐܲܝܟܼ ܐܲܪܒܲܥܡܵܐܐ ܓܲܒܼܪܹ̈ܐ؛ ܘܗ̇ܘ ܦܸܫܠܹܗ ܩܛܝܼܠܵܐ؛ ܘܐܵܢܝܼ ܕܐܵܙܠَܝܼ ܗܘܵܘ ܒܵܬܼܪܹܗ ܦܸܫܠܗَܘܿܢ ܒܘܼܪܒܸܙܹܐ؛ ܘܗَܘܹܐܠܗَܘܿܢ ܐܲܝܟܼ ܠܵܐ ܡܸܢܕܝܼ. 37ܘܩܸܡܠܹܗ ܡ̣ܢ ܒܵܬَܪܹܗ ܝܼܗܘܼܕܵܐ ܓܠܝܼܠܵܝܵܐ ܒܝܵܘܡܵܢܹ̈ܐ ܕܡܲܟܬܸܒܼܝܼ ܗَܘܵܘ ܐَܢܵܫܹ̈ܐ ܒܟܸܣܦܵܐ ܕܪܹܫܵܐ؛ ܘܡܘܼܩܠܸܒ̇ܠܹܗ ܪܵܒܵܐ ܛܵܝܸܦܵܐ ܒܵܬَܪܹܗ؛ ܘܐܘܼܦ ܗ̇ܘ ܡܝܼܬܠܹܗ؛ ܘܟܠܵܝܗܝ ܐܵܢܝܼ ܕܐܵܙܠَܝܼ ܗܘܵܘ ܒܵܬܼܪܹܗ ܦܸܫܠܗَܘܿܢ ܒܘܼܪܒܸܙܹܐ. 38ܘܐܵܕܝܼܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ؛ ܦܪܘܿܩܘܿܢ ܠܵܘܟ̣ܘܿܢ ܡܐܲܢܹܐ ܐَܢܵܫܹ̈ܐ ܘܫܒ̣ܘܿܩܘܿܢ ܠܗَܘܿܢ؛ ܕܐܸܢ ܡ̣ܢ ܒܢܲܝ̈ܢܵܫܵܐ ܝܠܹܗ ܐܵܗܵܐ ܚܝܼܵܠ ܝܲܢ ܐܵܗܵܐ ܦܘܼܠܚܵܢܵܐ؛ ܒܸܬ ܦܝܫܝܼ ܫܸܪܝܹܐ ܘܥܲܒܼܪܝܼ. 39ܐܝܼܢܵܐ ܐܸܢ ܡ̣ܢ ܐܲܠܵܗܵܐ ܝܠܹܗ؛ ܠܹܐ ܡܵܨܝܼܬܘܿܢ ܕܒܵܛܠܝܼܬܘܿܢ ܠܗَܘܿܢ؛ ܠܵܐ ܗَܘܹܐ ܕܦܵܝܫܝܼܬܘܿܢ ܡܘܼܫَܟ̰ܚܹܐ ܕܲܪܩܘܼܒ̣ܠ ܕܐܲܠܵܗܵܐ ܒܸܩܝܵܡܵܐܝܬܘܿܢ. 40ܘܡܘܼܨܝܸܬܠܗَܘܿܢ ܐܸܠܹܗ؛ ܘܩܪܹܐܠܗَܘܿܢ ܠܫܠܝܼܚܹ̈ܐ ܘܓ̰ܘܼܢܓ̰ܸܪܵܝܠܗَܘܿܢ؛ ܘܦܘܼܩܸܕܠܗَܘܿܢ ܐܸܠܵܝܗܝ ܕܠܵܐ ܗܵܘܝܼ ܗܲܡܙܘܼܡܹܐ ܒܫܸܡܵܐ ܕܝܼܫܘܿܥ؛ ܘܫܸܪܝܵܝܠܗَܘܿܢ. 41ܘܦܠܸܛܠܗَܘܿܢ ܡ̣ܢ ܩܵܕَܡܵܝܗܝ ܟܲܕ ܒܸܚܕܵܝܵܐ ܕܚܫܝܼܚܹܐ ܗَܘܵܘ ܒܣܵܒܵܒ ܕܫܸܡܵܐ ܕܦܵܝܫܝܼ ܗَܘܵܘ ܡܘܼܣܠܝܼܹܐ. 42ܘܠܹܐ ܫܵܠܝܼ ܗَܘܵܘ ܟܠ ܝܘܿܡ ܡ̣ܢ ܠܡܵܠܘܿܦܹܐ ܒܗܲܝܟܠܵܐ ܘܒܒܲܝܬܵܐ؛ ܘܠܡܲܫܚܘܼܕܹܐ ܒܘܼܬ ܡܵܪܲܢ ܝܼܫܘܿܥ ܡܫܝܼܚܵܐ.