1ܒܐܵܢܝܼ ܝܵܘܡܵܢܹ̈ܐ؛ ܟܲܕ ܙܝܼܕܠܗَܘܿܢ ܬܲܠܡܝܼܕܹ̈ܐ؛ ܛܘܼܪܛܸܡܠܗَܘܿܢ ܬܲܠܡܝܼܕܹ̈ܐ ܝܵܘܢܵܝܹ̈ܐ ܥܲܠ ܥܸܒ̣ܪ̈ܵܝܹܐ؛ ܕܐܲܪ̈ܡܸܠܝܵܬܵܝܗܝ ܦܝܵܫܵܐ ܗَܘܵܘ ܡܘܼܣܠܝܹܐ ܒܚܸܠܡܲܬ ܕܟܠ ܝܘܿܡ. 2 ܘܩܪܹܐܠܗَܘܿܢ ܬܪܸܥܣܲܪ ܠܟܸܢܫܵܐ ܕܬܲܠܡܝܼܕܹ̈ܐ؛ ܘܐَܡܸܪܗَܘܿܢ ܐܸܠܵܝܗܝ؛ ܠܹܐ ܝَܠܵܗ̇ ܠܵܚܘܿܡܬܵܐ ܕܫܵܒ̣ܩܲܚ ܗܹܡܸܙܡܵܢ ܕܐܲܠܵܗܵܐ ܘܥܵܒ̣ܕܲܚ ܚܸܠܡܲܬ ܠܣܘܼܦܪܹ̈ܐ. 3ܓܵܒܹܡܘܿܢ ܗܲܕܟ̣ܵܐ؛ ܐܲܚܘܿܢܘܵܬܹ̈ܐ؛ ܫܲܒ̣ܥܵܐ ܓܲܒܼܪܹ̈ܐ ܡܸܢܵܘܟ̣ܘܿܢ؛ ܕܐܝܼܬ ܒܘܼܬ ܕܝܼܵܝܗܝ ܣܵܗܕܘܼܬܵܐ؛ ܡܸܠܝܹ̈ܐ ܪܘܼܚܹܗ ܕܡܵܪܝܵܐ ܘܚܸܟܼܡܬܼܵܐ؛ ܘܒܸܬ ܡܲܩܸܡܲܚ ܠܗَܘܿܢ ܥܲܠ ܕܐܵܗܵܐ ܫܘܼܠܵܐ. 4ܐܝܼܢܵܐ ܐܲܚܢܲܢ ܒܸܬ ܗܵܘܲܚ ܒܕܵܝܸܡ ܒܨܠܘܿܬܵܐ ܘܒܚܸܠܡܲܬ ܕܗܹܡܸܙܡܵܢ. 5ܘܫܦܸܪܵܐ ܐܵܗܵܐ ܗܹܡܸܙܡܵܢ ܩܵܕَܡ ܟܠܹܗ ܟܸܢܫܵܐ؛ ܘܓܘܼܒܹܠܗَܘܿܢ ܠܐܸܣܛܲܦܵܢܘܿܣ؛ ܓܲܒܼܪܵܐ ܡܸܠܝܵܐ ܗܲܝܡܵܢܘܼܬܵܐ ܘܪܘܼܚܵܐ ܕܩܘܼܕܫܵܐ؛ ܘܠܦܝܼܠܝܼܦܘܿܣ؛ ܘܠܦܪܵܟ̣ܵܪܘܿܣ؛ ܘܠܢܝܼܩܵܢܘܿܪ؛ ܘܠܛܝܼܡܘܿܢ؛ ܘܠܦܲܪܡܹܢܵܐ؛ ܘܠܢܝܼܩܵܠܹܐܘܿܣ ܓܝܼܘܿܪܵܐ ܐܵܢܛܝܘܿܟ̣ܵܝܵܐ. 6ܠܐܲܢܹܐ ܡܘܼܩܸܡܠܗَܘܿܢ ܩܵܕَܡ ܫܠܝܼܚܹ̈ܐ؛ ܘܟܲܕ ܨܘܼܠܹܐܠܗَܘܿܢ؛ ܡܘܼܬܸܒ̣ܠܗَܘܿܢ ܥܲܠܵܝܗܝ ܐܝܼܕܵܐ. 7ܘܗܹܡܸܙܡܵܢ ܕܐܲܠܵܗܵܐ ܓܲܪܘܸܣܵܐ ܗَܘܵܐ ؛ ܘܙܸܕܠܹܗ. ܡܸܢܝܵܢܵܐ ܕܬܲܠܡܝܼܕܹ̈ܐ ܪܵܒܵܐ ܓܵܘ ܐܘܿܪܸܫܠܸܡ؛ ܘܪܵܒܵܐ ܟܸܢܫܵܐ ܡ̣ܢ ܝܗَܘܼܕܵܝܹ̈ܐ ܡܲܨܝܸܬ ܗَܘܵܐ ܠܗܲܝܡܵܢܘܼܬܵܐ. 8ܐܝܼܢܵܐ ܐܸܣܛܲܦܵܢܘܿܣ؛ ܡܸܠܝܵܐ ܗَܘܵܐ ܫܵܦܵܩܲܬ ܘܚܲܝܠܵܐ؛ ܘܟܹܐ ܥܵܒܸܕ ܗَܘܵܐ ܢܝܼܫܲܢܩܹ̈ܐ ܓܘܼܪܹ̈ܐ ܘܥܵܓ̰ܸܒ̈ܘܵܬܵܐ ܓܵܘ ܛܵܝܸܦܵܐ. 9ܘܩܸܡܠܗَܘܿܢ ܐَܢܵܫܹ̈ܐ ܡ̣ܢ ܟܢܘܼܫܬܵܐ ܕܦܵܝܫܵܐ ܩܪܝܼܬܵܐ؛ ܕܠܹܘܒܲܪܛܝܼܢܘܿ؛ ܩܸܘܪ̈ܝܼܢܵܝܹܐ؛ ܘܐܵܠܹܟ̣ܣܲܢܕܪ̈ܵܝܹܐ؛ ܘܕܡ̣ܢ ܩܝܼܠܝܼܩܝܼܵܐ؛ ܘܕܡ̣ܢ ܐܵܣܝܼܵܐ؛ ܘܕܵܪܫܝܼ ܗَܘܵܘ ܥܲܡ ܐܸܣܛܲܦܵܢܘܿܣ. 10ܘܠܵܐ ܡܵܨܝܼ ܗَܘܵܘ ܠܸܟܠܵܝܵܐ ܕܲܪܩܘܼܒ̣ܠ ܚܸܟܼܡܬܼܵܐ ܘܪܘܼܚܵܐ ܕܒܝܼܘܼܗ̇ ܗܲܡܙܘܼܡܹܐ ܗَܘܵܐ. 11ܗ̇ܝܓܵܗ ܫܘܼܕܸܪܗَܘܿܢ ܠܓܲܒܼܪܹ̈ܐ ܘܡܘܼܠܦܵܝܠܗَܘܿܢ ܕܐܲܡܪܝܼ؛ ܐܲܚܢܲܢ ܫܡܸܥܠܲܢ ܡܸܢܹܗ ܕܒܹܐܡܵܪܵܐ ܗܹܡܸܙܡܵܢܹ̈ܐ ܕܓܘܼܕܵܦܵܐ ܥܲܠ ܡܘܼܫܹܐ ܘܥܲܠ ܐܲܠܵܗܵܐ. 12ܘܫܓܸܫܠܗَܘܿܢ ܠܛܵܝܸܦܵܐ؛ ܘܠܚܘܵܪ̈ܕܸܩܢܹܐ؛ ܘܠܣܵܦܪܹ̈ܐ؛ ܘܩܸܡܠܗَܘܿܢ ܥܲܠܘܼܗܝ؛ ܘܓܪܸܫܠܗَܘܿܢ ܡܘܼܝܬܹܐܠܗَܘܿܢ ܐܸܠܹܗ ܒܦܲܠܓܵܐ ܕܟܸܢܫܵܐ. 13ܘܡܘܼܩܸܡܠܗَܘܿܢ ܣܵܗܕܹ̈ܐ ܕܵܓܵܠܹ̈ܐ؛ ܕܒܹܐܡܵܪܵܐ؛ ܐܵܗܵܐ ܓܲܒܼܪܵܐ ܠܹܐ ܝܠܹܗ ܒܸܫܠܵܝܵܐ ܠܗܲܡܙܘܼܡܹܐ ܗܹܡܸܙܡܵܢܹ̈ܐ ܕܓܘܼܕܵܦܵܐ ܕܲܪܩܘܼܒ̣ܠ ܢܵܡܘܿܣܵܐ ܘܥܲܠ ܐܵܗܵܐ ܕܘܼܟܬܵܐ ܩܲܕܝܼܫܬܵܐ. 14ܣܵܒܵܒ ܐܲܚܢܲܢ ܫܡܸܥܠܲܢ ܡܸܢܹܗ ܕܐَܡܸܪܹܗ؛ ܕܐܵܗܵܐ ܝܼܫܘܿܥ ܢܵܨܪܵܝܵܐ ܒܸܬ ܡܲܚܪܸܒ̣ ܠܐܵܗܵܐ ܕܘܼܟܬܵܐ؛ ܘܒܸܬ ܡܲܚܠܸܦ ܥܵܕܲܬܹ̈ܐ ܕܣܘܼܦܹܐܠܹܗ ܐܸܠܲܢ ܡܘܼܫܹܐ. 15ܘܚܸܪܗܘܿܢ ܒܝܹܗ ܟܠܵܝܗܝ ܐܵܢܝܼ ܕܝܼܗَܘܵܘ ܝܬܝܼܒܹܐ ܒܟܢܘܼܫܬܵܐ؛ ܘܚܙܹܐܠܗَܘܿܢ ܦܵܬܹܗ ܐܲܝܟܼ ܦܵܬܵܐ ܕܡܲܠܲܐܟ̣ܵܐ.