1ܘܗَܘܹܐܠܵܗ̇ ܒܗ̇ܘ ܝܵܘܡܵܐ ܪܕܘܼܦܝܵܐ ܓܘܼܪܵܐ ܠܥܹܕܬܵܐ ܕܓܵܘ ܐܘܿܪܸܫܠܸܡ؛ ܘܦܸܫܠܗَܘܿܢ ܒܘܼܪܒܸܙܹܐ ܟܠܵܝܗܝ ܓܵܘ ܡܵܬܘܵܬܹ̈ܐ ܕܝܼܗܘܼܕ ܘܫܵܡܪܹܝܢ؛ ܫܒ̣ܘܿܩ ܡ̣ܢ ܫܠܝܼܚܹ̈ܐ. 2ܟܘܼܪܸܟܼܠܗَܘܿܢ ܘܩܒܼܸܪܗَܘܿܢ ܠܐܸܣܛܲܦܵܢܘܿܣ ܐَܢܵܫܹ̈ܐ ܟܹܐܢܹ̈ܐ؛ ܘܥܒܼܸܕܠܗَܘܿܢ ܬܵܥܙܝܼ ܥܲܠܘܼܗܝ ܪܵܒܵܐ. 3ܐܝܼܢܵܐ ܫܵܐܘܿܠ ܛܵܪܸܕ ܗَܘܵܐ ܠܥܹܕܬܹܗ ܕܐܲܠܵܗܵܐ؛ ܟܲܕ ܒܸܥܒܼܵܪܵܐ ܠܒܵܬܹ̈ܐ ܘܓܲܪܓܘܼܫܹܐ ܠܐَܢܵܫܹ̈ܐ ܘܠܒܲܟ̣ܬܵܬܹ̈ܐ؛ ܘܣܵܦܹܐ ܗَܘܵܐ ܠܗَܘܿܢ ܠܒܹܝܬ ܐܲܣܝܼܪܹ̈ܐ. 4ܘܐܵܢܝܼ ܕܦܸܫܠܗَܘܿܢ ܒܘܼܪܒܸܙܹܐ ܚܵܕܪܝܼ ܗَܘܵܘ ܘܡܲܟܪܸܙܝܼ ܗَܘܵܘ ܗܹܡܸܙܡܵܢ ܕܐܲܠܵܗܵܐ. 5ܐܝܼܢܵܐ ܦܝܼܠܝܼܦܘܿܣ ܨܠܹܐܠܹܗ ܠܡܕܝܼܢَܬܵܐ ܕܫܵܡܪܹܝܢ؛ ܘܡܲܟܪܸܙ ܗَܘܵܐ ܐܸܠܵܝܗܝ ܒܘܼܬܿ ܡܫܝܼܚܵܐ. 6ܘܟܲܕ ܫܲܡܥܝܼ ܗَܘܵܘ ܗܹܡܸܙܡܲܢ ܕܝܼܹܗ ܐَܢܵܫܹ̈ܐ ܬܵܡܵܐ؛ ܟܹܐ ܡܲܨܝܸܬܝܼ ܗَܘܵܘ ܘܫܲܡܥܝܼ ܗَܘܵܘ ܠܟܠ ܡܸܢܕܝܼ ܕܒܹܐܡܵܪܵܐ ܗَܘܵܐ؛ ܘܚܵܙܝܼ ܗَܘܵܘ ܢܝܼܫܲܢܩܹ̈ܐ ܕܒܸܥܒܼܵܕܵܐ ܗَܘܵܐ. 7ܣܵܒܵܒ ܪܵܒܵܐ ܕܕܒ̣ܝܼܩܵܝܗܝ ܗَܘܵܘ ܪ̈ܘܼܚܹܐ ܛܲܡܹ̈ܐܐ؛ ܡܲܩܘܸܚܝܼ ܗَܘܵܘ ܒܩܵܠܵܐ ܪܵܡܵܐ ܘܦܵܠܛܝܼ ܗَܘܵܘ ܡܸܢܵܝܗܝ؛ ܘܐَܚܹܪَ̈ܢܹܐ ܫܦܝܼ̈ܠܹܐ ܘܫܸܠܹ̈ܐ ܦܸܫܠܗَܘܿܢ ܒܘܼܣܡܹܐ. 8ܘܚܲܕܘܼܬܵܐ ܓܘܼܪܬܵܐ ܗَܘܹܐܠܵܗ̇ ܒܗ̇ܝ ܡܕܝܼܢَܬܵܐ. 9ܐܝܼܢܵܐ ܐܝܼܬ ܗَܘܵܐ ܚܲܕَ ܓܲܒܼܪܵܐ ܕܫܸܡܹܗ ܣܝܼܡܘܿܢ؛ ܕܩܵܕَܡܵܝܬܵܐ ܓܵܘ ܕܗ̇ܝ ܡܕܝܼܢَܬܵܐ ܟܹܐ ܥܵܡܸܪ ܗَܘܵܐ.ܪܵܒܵܐ ܒܚܲܪ̈ܫܹܗ ܟܹܐ ܡܲܚܠܸܛ ܗَܘܵܐܠܛܵܝܸܦܵܐ ܕܫܲܡܪ̈ܵܝܹܐ؛ܟܲܕ ܡܟܲܪܘܸܣ ܗَܘܵܐ ܓܵܢܹܗ ܘܒܹܐܡܵܪܵܐ ܕܐܵܢܵܐ ܓܘܼܪܵܐ ܝܘܸܢ. 10ܘܡܲܨܝܸܬܝܼ ܗَܘܵܘ ܐܸܠܹܗ ܟܠܵܝܗܝ؛ ܓܘܼܪܹ̈ܐ ܘܙܥܘܿܪܹ̈ܐ؛ ܘܐܵܡܪܝܼ ܗَܘܵܘ؛ ܐܵܗܵܐ ܝܠܹܗ ܚܲܝܠܹܗ ܓܘܼܪܵܐ ܕܐܲܠܵܗܵܐ. 11ܘܡܲܨܝܸܬܝܼ ܗَܘܵܘ ܐܸܠܹܗ؛ ܣܵܒܵܒ ܕܙܲܒ̣ܢܵܐ ܪܵܒܵܐ ܒܚܸܪ̈ܫܘܼܗܝ ܥܘܼܓ̰ܒܹܐ ܗَܘܵܘ. 12ܐܝܼܢܵܐ ܟܲܕ ܗܘܼܡܸܢܗَܘܿܢ ܠܦܝܼܠܝܼܦܘܿܣ؛ ܕܡܲܫܚܘܼܕܹܐ ܗَܘܵܐ ܡܲܠܟܘܼܬܼܵܐ ܕܐܲܠܵܗܵܐ؛ ܒܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܟܹܐ ܥܲܡܕܝܼ ܗَܘܵܘ ܓܲܒܼܪܹ̈ܐ ܘܒܲܟ̣ܬܵܬܹ̈ܐ. 13ܘܐܘܼܦ ܗ̇ܘ ܣܝܼܡܘܿܢ ܗܘܼܡܸܢܹܐ؛ ܘܥܡܸܕܠܹܗ؛ ܘܬܸܒܥܝܵܐ ܗَܘܵܐ ܠܦܝܼܠܝܼܦܘܿܣ؛ ܘܟܲܕ ܚܙܹܐ ܠܹܗ ܢܝܼܫܲܢܩܹ̈ܐ ܘܚܲܝ̈ܠܹܐ ܓܘܼܪܹ̈ܐ ܕܗܵܘܝܼ ܗَܘܵܘ ܒܐܝܼܕܹܗ؛ ܥܲܓ̰ܸܒ ܗَܘܵܐ. 14ܘܟܲܕ ܫܡܸܥܠܗَܘܿܢ ܫܠܝܼܚܹ̈ܐ ܕܓܵܘ ܐܘܿܪܸܫܠܸܡ ܕܩܘܼܒܸܠܗَܘܿܢ ܛܵܝܸܦܵܐ ܕܫܲܡܪ̈ܵܝܹܐ ܗܹܡܸܙܡܵܢ ܕܐܲܠܵܗܵܐ؛ ܫܘܼܕܸܪܗَܘܿܢ ܠܟܸܣܠܵܝܗܝ ܠܫܸܡܥܘܿܢ ܟܹܐܦܵܐ ܘܠܝܘܿܚܲܢܵܢ. 15ܘܨܠܹܐܠܗَܘܿܢ ܘܨܘܼܠܹܐܠܗَܘܿܢ ܥܲܠܵܝܗܝ؛ ܕܩܵܒ̇ܠܝܼ ܪܘܼܚܵܐ ܕܩܘܼܕܫܵܐ. 16ܣܵܒܵܒ ܕܗܹܫ ܠܹܐ ܗَܘܵܐ ܨܸܠܝܵܐ ܥܲܠ ܚܲܕَ ܡܸܢܵܝܗܝ؛ 17ܐܝܼܢܵܐ ܗܲܪ ܥܡܝܼܕܹܐ ܗَܘܵܘ ܒܫܸܡܹܗ ܕܡܵܪܲܢ ܝܼܫܘܿܥ. ܗ̇ܝܓܵܗ ܡܘܼܬܸܒ̣ܠܘܿܢ ܥܲܠܵܝܗܝ ܐܝܼܕܵܐ؛ ܘܩܘܼܒܸܠܗَܘܿܢ ܪܘܼܚܵܐ ܕܩܘܼܕܫܵܐ. 18ܘܟܲܕ ܚܙܹܐ ܠܹܗ ܣܝܼܡܘܿܢ ܕܒܡܲܬܲܒ̣ܬܵܐ ܕܐܝܼܕܵܐ ܕܫܠܝܼܚܹ̈ܐ ܦܝܵܫܵܐ ܗَܘܵܐ ܝܘܼܗَܒ̣ܵܐ ܪܘܼܚܵܐ ܕܩܘܼܕܫܵܐ؛ ܡܘܼܩܪܸܒܼܠܹܗ ܠܟܸܣܠܵܝܗܝ ܙܘܼܙܹ̈ܐ. 19ܟܲܕ ܒܹܐܡܵܪܵܐ؛ ܗܲܒَܼܠܘܿܢ ܐܘܼܦ ܐܸܠܝܼ ܐܵܗܵܐ ܫܘܼܠܛܵܢܵܐ؛ ܕܗ̇ܘ ܕܡܲܬܒܸܢ ܥܲܠܘܼܗܝ ܐܝܼܕܵܐ ܗܵܘܹܐ ܩܵܒ̇ܘܿܠܹܐ ܪܘܼܚܵܐ ܕܩܘܼܕܫܵܐ. 20ܐܵܡܸܪ ܐܸܠܹܗ ܫܸܡܥܘܿܢ ܟܹܐܦܵܐ؛ ܙܘܼܙܘܼ̈ܟ ܥܲܡܘܼܟ ܐܵܙܠَܝܼ ܠܐܲܒ̣ܕܵܢܵܐ؛ ܣܵܒܵܒ ܕܚܫܸܒ̣ܠܘܼܟܼ ܕܚܲܠܥܲܬܹܗ ܕܐܲܠܵܗܵܐ ܒܡܵܐܠ ܕܥܵܠܡܵܐ ܟܹܐ ܦܵܝܫܵܐ ܩܢܝܼܬܵܐ. 21ܠܲܝܬ ܠܘܼܟܼ ܣܵܡܵܐ ܐܘܼܦ ܠܵܐ ܦܸܫܟܵܐ ܒܐܵܗܵܐ ܗܲܝܡܵܢܘܼܬܼܵܐ؛ ܣܵܒܵܒ ܕܠܸܒܘܼܟ ܠܹܐ ܝܠܹܗ ܬܪܘܼܨܵܐ ܩܵܕَܡ ܐܲܠܵܗܵܐ. 22ܐܝܼܢܵܐ ܬܲܘܸܒ ܡ̣ܢ ܐܵܗܵܐ ܒܝܼܫܘܼܬܘܼܟ؛ ܘܛܠܘܿܒ ܡ̣ܢ ܡܵܪܝܵܐ؛ ܩܵܘܡܵܐ ܦܵܝܸܫ ܫܒ̣ܝܼܩܵܐ ܐܸܠܘܼܟܼ ܕܘܼܓܠܵܐ ܕܠܸܒܘܼܟ. 23ܣܵܒܵܒ ܕܒܟܲܒ̣ܕܵܐ ܡܲܪܝܼܪܬܵܐ ܘܒܟܸܬܪܹ̈ܐ ܕܥܵܘܠܵܐ ܒܸܚܙܵܝܵܐ ܝܘܸܢ ܕܝܼܘܸܬ. 24ܓ̰ܘܼܘܸܒܠܹܗ ܣܝܼܡܘܿܢ ܘܐَܡܸܪܹܗ؛ ܛܠܘܼܒܘܿܢ ܐܲܚܬܘܿܢ ܡ̣ܢ ܓܹܒܝܼ ܡ̣ܢ ܡܵܪܝܵܐ؛ ܕܠܵܐ ܐܵܬܹܐ ܥܲܠܝܼ ܡܸܢܕܝܼ ܡ̣ܢ ܕܐܲܢܹܐ ܕܐَܡܸܪܵܘܟ̣ܘܿܢ. 25ܐܝܼܢܵܐ ܫܸܡܥܘܿܢ ܘܝܘܿܚܲܢܵܢ ܟܲܕ ܕܣܗܝܼܕܠܗَܘܼܢ ܘܡܘܿܠܸܦܠܗَܘܿܢ ܗܹܡܸܙܡܵܢ ܕܐܲܠܵܗܵܐ؛ ܕܸܪܗَܘܿܢ ܠܐܘܿܪܸܫܠܸܡ؛ ܘܓܵܘ ܪܵܒܵܐ ܡܵܬܘܵܬܹ̈ܐ ܕܫܵܡܪ̈ܵܝܹܐ ܡܘܼܫܚܸܕܠܗَܘܿܢ. 26ܘܗܘܼܡܙܸܡܠܹܗ ܡܲܠܲܐܟ̣ܵܐ ܕܡܵܪܝܵܐ ܥܲܡ ܦܝܼܠܝܼܦܘܿܣ ܘܐَܡܸܪܹܗ ܐܸܠܹܗ؛ ܩܘܼܡَ ܙܹܠَ ܠܬܲܝܡܢܵܐ؛ ܒܐܘܼܪܚܵܐ ܕܒܲܪܝܼܵܐ ܕܒܸܨܠܵܝܵܐ ܝَܠܵܗ̇ ܡ̣ܢ ܐܘܿܪܸܫܠܸܡ ܠܓܵܙܵܐ. 27ܘܩܸܡܠܹܗ ܘܐَܙܹܠܹܗ؛ ܘܬܦܸܩܠܹܗ ܒܝܼܹܗ ܚܲܕَ ܡܗܲܝܡܢܵܐ ܡ̣ܢ ܟܘܼܫ؛ ܫܲܠܝܼܛܵܐ ܕܩܲܢܕܵܩ ܡܲܠܟܬܵܐ ܕܟܘܼܫܵܝܹ̈ܐ؛ ܗ̇ܘ ܫܠܝܼܛܵܐ ܗَܘܵܐ ܥܲܠ ܟܠܵܗ̇ ܚܲܙܝܼܢܘܼܗ̇؛ ܘܐَܬܝܼܵܐ ܗَܘܵܐ ܕܣܵܓܸܕ ܓܵܘ ܐܘܿܪܸܫܠܸܡ. 28ܟܲܕ ܒܸܕܝܵܪܵܐ ܗَܘܵܐ؛ ܘܝܬܝܼܒ̣ܵܐ ܒܟܵܠܸܣܟܹܗ؛ ܘܒܸܩܪܵܝܵܐ ܒܐܹܫܲܥܝܵܐ ܢܒ̣ܝܼܵܐ. 29ܘܐَܡܝܼܪܵܗ̇ ܪܘܼܚܵܐ ܠܦܝܼܠܝܼܦܘܿܣ؛ ܬܵܐ ܩܘܼܪܒܵܐ ܘܬܒܥܝܼ ܠܐܵܗܵܐ ܟܵܠܸܣܟܵܐ. 30ܘܟܲܕ ܩܘܼܪܒܸܢܹܗ؛ ܫܡܸܥܠܹܗ ܕܒܸܩܪܵܝܵܐ ܗَܘܵܐ ܒܐܹܫܲܥܝܵܐ ܢܒ̣ܝܼܵܐ؛ ܘܐَܡܝܼܪܹܗ ܐܸܠܹܗ؛ ܦܲܪܡܘܼܝܹܐ ܝܘܸܬ ܡܘܼܕܝܼ ܒܸܩܪܵܝܵܐ ܝܘܸܬ. 31ܘܗ̇ܘ ܐَܡܸܪܹܗ؛ ܕܵܐܟ̣ܝܼ ܡܵܨܸܢ ܦܲܪܡܸܢ؛ ܐܸܢ ܠܵܐ ܐَܢܵܫܵܐ ܡܲܠܸܦܠܝܼ؛ ܘܛܠܸܒܠܹܗ ܡ̣ܢ ܦܝܼܠܝܼܦܘܿܣ ܕܐܵܣܸܩ ܘܝܵܬܸܒ̣ ܥܲܡܹܗ. 32ܘܦܵܣܘܿܩܵܐ ܕܟܬܵܒ̣ܵܐ ܕܒܸܩܪܵܝܵܐ ܗَܘܵܐ ܒܝܹܗ ܐܵܗܵܐ ܝܼܗَܘܵܐ؛ ܐܲܝܟܼ ܥܸܪܒܵܐ ܠܦܪܵܡܬܵܐ ܦܸܫܠܹܗ ܠܘܼܒܠܵܐ؛ ܘܐܲܝܟܼ ܦܹܪܵܐ ܫܬܝܼܩܵܐ ܩܵܕَܡ ܓܲܪܥܵܢܵܐ؛ ܗܲܕܟ̣ܵܐ ܠܵܐ ܦܬܸܚܠܹܗ ܦܘܼܡܹܗ. 33ܒܡܵܟܝܼܟ̣ܘܼܬܹܗ؛ ܡ̣ܢ ܚܒܼܘܼܫܝܵܐ ܘܡ̣ܢ ܕܝܲܢܬܵܐ ܦܝܼܫܠܹܗ ܠܘܼܒܠܵܗ̇. ܘܕܵܪܹܗ ܡܵܢܝܼ ܒܸܬ ܗܵܩܹܐ؛ ܣܵܒܵܒ ܕܦܝܵܫܵܐ ܝܢܵܐ ܫܩܝܼܠܹܐ ܚܲܝܘܼ̈ܗܝ ܡ̣ܢ ܐܲܪܥܵܐ. 34ܘܐَܡܸܪܹܗ ܗ̇ܘ ܡܗܲܝܡܢܵܐ ܠܦܝܼܠܝܼܦܘܿܣ؛ ܒܸܒܥܵܝܵܐ ܝܘܸܢ ܡܸܢܘܼܟܼ؛ ܒܘܼܬܿ ܕܡܵܢܝܼ ܐܵܗܵܐ ܐَܡܝܼܪܵܐܠܹܗ ܢܒ̣ܝܼܵܐ؛ ܒܘܼܬܿ ܕܓܵܢܹܗ؛ ܝܲܢ ܒܘܼܬܿ ܕܐَܢܵܫܵܐ ܐَܚܹܪَܢܵܐ. 35ܗ̇ܝܓܵܗ ܦܝܼܠܝܼܦܘܿܣ ܦܬܸܚܠܹܗ ܦܘܼܡܹܗ؛ ܘܫܘܼܪܹܐܠܹܗ ܡܸܢܹܗ ܡ̣ܢ ܐܵܗܵܐ ܟܬܵܒ̣ܵܐ ܠܡܲܫܚܘܼܕܹܐ ܐܸܠܹܗ ܒܘܼܬܿ ܡܵܪܲܢ ܕܝܼܫܘܿܥ. 36ܘܟܲܕ ܐܵܢܝܼ ܒܹܐܙܵܠܵܐ ܗَܘܵܘ ܒܐܘܼܪܚܵܐ؛ ܡܛܹܠܗَܘܿܢ ܠܚܕܵܐ ܕܘܼܟܬܵܐ ܕܐܝܼܬܿ ܒܝܼܵܗ̇ ܡ̈ܝܼܵܐ؛ ܘܐَܡܸܪܹܗ ܗ̇ܘ ܡܗܲܝܡܢܵܐ؛ ܗܵܐ ܡ̈ܝܼܵܐ؛ ܡܘܼܕܝܼ ܝَܠܵܗ̇ ܡܲܟܠܵܝܬܵܐ ܕܥܵܡܕܸܢ. 38ܘܦܩܸܕܠܹܗ ܕܟܵܠܝܵܐ ܟܵܠܸܣܟܵܐ؛ ܘܨܠܹܐܠܗَܘܿܢ ܬܸܪ̈ܘܵܝܗܝ ܠܡ̈ܝܼܵܐ؛ ܘܡܘܼܥܡܸܕܠܹܗ ܦܝܼܠܝܼܦܘܿܣ ܘܗ̇ܘ ܡܗܲܝܡܢܵܐ. 39ܘܟܲܕ ܐَܣܸܩܠܗَܘܿܢ ܡ̣ܢ ܡ̈ܝܼܵܐ؛ ܪܘܼܚܹܗ ܕܡܵܪܝܵܐ ܓ̰ܢܸܘܠܹܗ ܠܦܝܼܠܝܼܦܘܿܣ؛ ܘܡܸܢَܕܪܸܫَ ܠܵܐ ܚܙܹܐܠܹܗ ܗ̇ܘ ܡܗܲܝܡܢܵܐ؛ ܐܸܠܵܐ ܐَܙܸܠܹܗ ܒܐܘܼܪܚܹܗ ܒܸܚܕܵܝܵܐ. 40ܐܝܼܢܵܐ ܦܝܼܠܝܼܦܘܿܣ ܦܸܫܠܹܗ ܡܘܼܫَܟ̰ܚܵܐ ܒܐܵܙܘܿܛܘܿܣ؛ ܘܡ̣ܢ ܬܵܡܵܐ ܒܸܚܕܵܪܵܐ ܗَܘܵܐ ܘܡܲܫܚܘܼܕܹܐ ܓܵܘ ܟܠܵܝܗܝ ܡܕܝܼܢܵܬܹ̈ܐ؛ ܗܲܠ ܕܐَܬܹܐܠܹܗ ܠܩܹܣܲܪܝܵܐ.